Create successful ePaper yourself
Turn your PDF publications into a flip-book with our unique Google optimized e-Paper software.
Ons is nou by die gawes van die Heilige Gees. Ons het die Lig en die<br />
Woord van die Here ontvang. Daarom is daar ‘n groot verantwoordelikheid<br />
maar daar is ook ‘n groot gebeurtenis wat vir ons voor die deur staan. Dit<br />
is tog die Here se belofte.<br />
Nou die gawe van die woord van profesie.<br />
Ek wil hê u moet net weer hierdie belangrike punte onthou.<br />
1) Hierdie gawe, die woord van profesie, en let daarop dit is vir die<br />
gemeente en dit het natuurlik dan sy baie belangrike implikasie wat<br />
daaruit voortvloei vir die gemeente.<br />
2) Dit is ‘n woord wat jy uitspreek onder inspirasie, maar dit is<br />
bonatuurlik. Maar soos wat jy in tale ook woorde uitspreek onder<br />
inspirasie, maar jy praat in ‘n taal wat jyself nie verstaan nie, dit is vir jou<br />
‘n vreemde taal waarin jy praat. Profesie is net so bonatuurlik en<br />
wonderbaarlik. Dit kom ook by wyse van inspirasie, maar jy praat in ‘n<br />
taal wat jy verstaan en dit word ook netso bonatuurlik vir jou gegee soos<br />
met die gawe van die spreek in tale of die gawe van uitleg in tale en het<br />
jou intellek of verstand niks daarmee te doen nie, in die sin van die<br />
bonatuurlike uitspraak.<br />
U sal dit verderaan sien en dit gaan een van my waarskuwings wees. Jou<br />
intellek, dit het daarmee te doen, dat hy hom hinder en kan vertroebel want<br />
terwyl jy praat verstaan jy wat jy praat, en as jy verstaan en enigiets wat jy<br />
kan verstaan is vir jou verstand dan duidelik en kan jou verstand daardeur<br />
in werking kom en dit is waar daar fout kan kom met hierdie gawe en dit is<br />
daarom dat ons ook sal sien dat die Apostel Paulus skryf aan die<br />
Korinthiërs, dat as een profeteer dan moet die ander een dit beoordeel<br />
want dit kan foutief wees.<br />
Die fout lê nie by die inspirasie van die Heilige Gees nie, in die mate van<br />
waar dit suiwer deurkom, is dit suiwer, maar dit moet dan filtreer deur jou<br />
verstand. Die moment wat jy die woord hoor verstaan jy dit. Dit beïnvloed<br />
jou gedagte en dit kan dan weer jou spreek beïnvloed. Dit is net iets wat<br />
ek u aandag op wil vestig en wat u prominent in gedagte moet hou, by die<br />
behandeling van hierdie gawe. Dit is baie, baie belangrik. Onthou dit is<br />
bonatuurlik. Dit is ‘n wonderwerk net soos enige van die ander gawes.<br />
Ons moet meer ons oog gevestig kry op die God van wonderwerke.<br />
Ons God is ‘n bonatuurlike God, hou die feit in gedagte. So, die gemeente<br />
behoort ‘n bonatuurlike organisasie te wees. In die gemeente moet die<br />
bonatuurlike van God tasbaar wees. Die ongelowige, wat in jou gemeente<br />
inkom moet dadelik die bonatuurlike, die werklikheid van God gewaar word.<br />
U moet onthou ons is die verteenwoordigers van die Lewende God hier op<br />
aarde. Jesus het gesê: “Soos wat die Vader My gestuur het, so stuur Ek<br />
111