You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
[Kasset nr. L016]<br />
Hoofstuk 1<br />
Die Gawe van ‘n Woord van Kennis.<br />
Ons het die <strong>af</strong>gelope twee keer wat ons bymekaar was, die inleidende<br />
gedagtes met u gedeel en ek wil net so ‘n paar daarvan met u herhaal en<br />
dit is van die uiterste belang. Ons moet besef dat dié God wat ons dien, is<br />
die Lewende God. Dit is die God van die Bybel, dit is nie ‘n gedagte, dit is<br />
nie ‘n idee nie. Hy is werklikheid.<br />
Dit wat Hy doen, wat die Bybel sê Hy doen, dit het Hy gedoen en dit doen<br />
Hy ook nog vandag. Maar die mens kan baie maklik, nie net in sonde<br />
verval nie, maar die Christen kan baie maklik in ‘n vorm van doodsheid in<br />
siel verval, deurdat hy maar net aangaan. Hy het ‘n sekere geloof, ‘n goeie<br />
geloof het hy aanvaar en onderskryf. Hy kan selfs na ‘n goeie gemeente<br />
toe gaan maar hy kan ook maar net saam dr<strong>af</strong> en saam dryf, en saam ry<br />
op die wa.<br />
Maar daar is iets positiefs wat ‘n mens in jou gees moet kry. Jy moet<br />
daardie geloof en daardie vonk en daardie vuur in jou hart, moet jy altyd<br />
behou en aanwakker. Dit is waarteen die vyand stry om ‘n mens in jou siel<br />
dood te maak. In baie gebiede van die lewe is dit ook so. Daar is hierdie<br />
ding van inisiatief, jy sal baie mense kry, hy is ‘n doodgoeie mens maar hy<br />
het nie vooruitstrewendheid in hom nie, hy het nie inisiatief in hom nie, jy<br />
kan amper sê soos die mense in Engels sal sê: “he hasn't got go in him”.<br />
‘n Mens moet ‘n geestelike “go” in jou kry. Jy moet God se beloftes sien, jy<br />
moet sy woord sien, jy moet sien wat Hy vir jou beskikbaar gestel het. Dan<br />
moet jy daarna uitreik en jy moet daarna gryp.<br />
Daarom sê die Here: “Nader tot My, en Ek sal tot julle nader.”<br />
In hierdie <strong>af</strong>gelope twee studies oor die gawes van die Heilige Gees, het ek<br />
die feit beklemtoon dat as ons God, onse Vader noem en jy weergebore is,<br />
is God jou Vader. God is bonatuurlik, dan moet ons ook bonatuurlik wees,<br />
daar behoort meer van die bonatuurlike in ons lewens te wees. In ons<br />
lewens as individue en in ons lewe as die gemeente.<br />
Die gemeente van die Here Jesus, wat sy naam ook al mag wees, daardie<br />
gemeente moet sy natuur, sy geaardheid hê. Ons het vir geslagte groot<br />
geword waar ons nooit ‘n wonderwerk in ‘n diens verwag het nie, waar ons<br />
nooit die Heilige Gees verwag om met ons te praat of vir ons ‘n openbaring<br />
te gee of enigiets nie.<br />
5