You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Voorwoord.<br />
Voorwoord tot die Bedieningsgawes van Christus en die Gawes en Vrug<br />
van die Heilige Gees.<br />
Voordat ons Here Jesus vir ons aan die kruis gesterf het, het Hy sy<br />
dissipels beloof dat Hy na sy terugkeer na die Vader vir hulle die Trooster,<br />
die Heilige Gees sou stuur. Hy sou hulle in die hele waarheid lei, en van<br />
Hom (Jesus) getuig, en Hom verheerlik. Hy sou hulle dus nie as<br />
weeskinders en ook nie herderloos agterlaat nie.<br />
Hy sou manne opwek wat hierdie herderskap van Hom (Jesus) sou<br />
voortsit. Die Apostel Paulus noem hierdie herders “bedieninge” wat Hy<br />
(Jesus) as ‘n gawe aan die heiliges sou gee om hulle op te pas, te beskerm<br />
en toe te rus vir hulle dienswerk en hulle te lei tot volwassenheid in<br />
Christus om nie meer heen en weer geslinger te word deur elke wind van<br />
lering nie.<br />
Saam met die Gawe van die Heilige Gees sou daar ook die Vrug van die<br />
Heilige Gees wees. Dit sou na ‘n grondige bekering en die doop kom. Dit<br />
is die grondslag van dissipelskap. Hierdie dissipels moes dan geleer en<br />
toegerus word, soos hierbo genoem.<br />
Ek het die groot behoefte aan lering baie dringend gevoel. In die middel<br />
sewentiger jare het ek toe begin met ‘n paar reekse Bybelstudies oor :<br />
Bekering, die Doop, die Doping in die Heilige Gees, die Gawes van die<br />
Heilige Gees, die Vrug van die Heilige Gees en die Bedieningsgawes van<br />
Christus.<br />
Hierdie Studies is almal op kasset opgeneem.<br />
Suster Rieta Schilling en haar man Jörg het transkripsies daarvan gemaak<br />
(met die hulp van ‘n groot aantal susters uit die gemeente) en het dit<br />
verwerk en op Rekenaar geplaas sodat ons dit kon laat druk. Ons is almal<br />
innig dankbaar teenoor hulle, vir so ‘n groot taak wat met die grootste liefde<br />
gedoen is.<br />
Ons glo vas dat soos dit hierdie Bedieninge, Gawes en Vrug was, wat die<br />
Christelike Geloof gegrondves het en met groot tekens en wonders en<br />
dade van die Heilige Gees die eerste Gemeentes tot stand laat kom het, dit<br />
weer so gaan wees.<br />
Voor die Wederkoms van ons Here Jesus, in hierdie dae van verskriklike<br />
verval, is dit alleenlik so ‘n Bediening wat ons uit hierdie toestand gaan<br />
uitruk en voorberei om ons Koning te ontmoet.<br />
Dit is dan ook ons innige bede dat dit in die hartsbehoefte van menige<br />
gelowiges in Israel sal voorsien.<br />
F. W. C. Neser,<br />
Namens Ekklesia Evangeliegroep,<br />
30 Maart 2001.<br />
4