hie - Hoërskool Menlopark

Absolut Menlo
‘n Gewone skool wat
net anders dink en doen.

EXCELSA PETAMUS!
ONS STREEF DIE
HOOGSTE NA!
Die Hoërskool Menlopark is een van Suid-Afrika se
topskole, bekend vir uitnemendheid op vele terreine.
Die Hoërskool Menlopark is ’n skool met eietydse tradisies,
waarbinne Menlo-manne en Menlo-meisies in volkome
gemak lángs mekaar en nie ín mekaar se skaduwee nie,
ontwikkel en die hoogste nastreef. Puik onderwysers en ‘n
heerlike skoolgees vind neerslag in ons spontane credo:
“Absolut Menlo”. Ons skool se sukses is gewortel in ons
saamstaan as eenheid en ons strewe na die hoogste
waardes.
Die Hoërskool Menlopark bied aan elke leerder ’n groot
verskeidenheid wyduiteenlopende ontwikkelingsgeleenthede
(met genoeg ruimte vir gesonde pret en plesier). Só word
elkeen se unieke persoonlikheid en Godgegewe talente,
tydens 5 jaar se ononderhandelbare akademiese toewyding,
ontwikkel. Na amper 50 jaar is en bly een van die skool
se besondere kenmerke sy “gesin”-struktuur. Warmte,
meelewing en die absolute saamstaan op alle gebiede,
bind die skool tot ‘n hegte gesin waarin elke leerder die
geleentheid kry om sy potensiaal maksimaal te ontwikkel.
Ons bewese prestasies op alle terreine - akademie, sport,
kultuur en leierskap het geen verdere bekendstelling nodig
nie, nóg in Pretoria en onmiddellike omgewing, nóg waar
jonk en oud hulle landswyd in gerekende en gerespekteerde
geselskap bevind.
Die Hoërskool Menlopark (ons leuse is nie verniet Excelsa
Petamus, streef die hoogste waardes na, nie) is geanker
in Christelik gefundeerde onderrig binne ’n raamwerk van
selfdissipline en ononderhandelbare waardes van integriteit,
lojaliteit, respek en ywer: ons is ‘n skool wat poog om
leerders deur waardegedrewe onderwys tot die hoogste
hoogtes te begelei.
Ons skool is ons trots en ons leerders dra dié trots in hulle
harte saam die toekoms in.
ABSOLUT MENLO

VISIE GEBASEER OP WAARDES
Integriteit lojaliteit respek ywer
Die Hoërskool Menlopark is op stewige boublokke na volwassewording gebou:
• Die Hoërskool Menlopark is ‘n skool vir gewone kinders met wie daar op ‘n ongewone manier gewerk word
sodat hulle buitengewone hoogtes kan bereik.
• Ons is ‘n skool wat ‘n besonder wye verskeidenheid geleenthede bied aan betrokke en entoesiastiese leerders
wat kanse wil aangryp en vasgryp om sy/haar maksimumpotensiaal te bereik.
• Ons ontwikkel leerders met ‘n positiewe werksetiek wat gemaklik die eise van universiteitsopleiding en ‘n
veranderende samelewing kan hanteer en bestuur.
• Ons kweek analitiese en laterale denke by ons leerders om probleemoplossing as uitkoms te bied.
`N WAARDEGEDREWE MENLO-LEEFWYSE
• Ons mobiliseer ons leerders tot ‘n gebalanseerde ingesteldheid tot studie, sport, kultuur en leierskap.
• Ons bied geleentheid tot geestelike groei en ondersteun met pastorale sorg.
• Ons besondere dinamika lê in die unieke samesyn van Menlo-manne en Menlo-meisies wat mekaar begeester
om groot te droom en sáám hard te werk om elke droom vlerke te gee.
• Ons Menlo-dissipline skep ‘n vangnet vir elkeen om veilig en met selfdissipline tot onafhanklikheid te ontwikkel.
• Ons is kreatief en innoverend: ons dink en doen graag met unieke styl en met absolute passie en lojaliteit.
• Ons kweek deurlopend toewyding vir uitnemendheid op elke terrein sonder om entoesiasme en die genot van
deelname prys te gee.
• Ons is ‘n skool waar betrokkenheid en saamstaan tydens wen én verloor een van ons goue reëls is.
• Ons is ‘n skool wat graag onuitwisbare vingerdrukke laat waar ons optree en betrokke is, wat van ontwikkeling
getuig en in waardes geanker is. Ons pronk nie met ons suksesse nie, maar leer uit teleurstellings: ons stel met
elke geleentheid ‘n nuwe doelwit en pyl waardegedrewe daarop af!
• Ons bied graag die forum vir elkeen om nasionaal en internasionaal te kan deelneem en presteer.
ABSOLUT MENLO

Menlo-onderwysers bring innovering na die klaskamer
en stimuleer kreatiwiteit en laterale denke. Dit maak die
leerproses uniek en opwindend.
• Menlo-klasse is met dataprojektors en internettoegang
toegerus wat die jongste ontwikkeling in elke vak in
‘n oogwink op die skerm oproep. Dit lei tot klas- en
projekaanbiedinge wat Parkies na die hoogste vlak van
akademiese verryking voer, nóg ‘n ononderhandelbare
Menlo-tradisie.
• Ons onderwysers is voorlopers en ontwikkel in baie
leerareas hulle eie leermateriaal en handleidings. Hierdie
uitdagende houding jeens akademie, werk aansteeklik
in op die Parkies se akademiese ingesteldheid - vandaar
ook die uitsonderlike akademiese prestasies. Die
personeelkorps, ons skool se trots, se reikwydte strek
dikwels ook verder as die grense van die klaskamer –
talle onderwysers en hul werk geniet landswyd, en ook
op tersiêre vlak, erkenning.
• By Die Hoërskool Menlopark fokus ons in belang van
ons leerders op die indril van basiese vaardighede
(lees-, skryf- en syfervaardigheid). Ons skitter akademies
modern, maar anker ons suksesse in die
waardevolle tegnieke van vroeër. Ons berei ons leerders
voor om met selfvertroue die pad ná skool op die
hoogste akademiese niveau te stap - hetsy by nasionale
of internasionale universiteite.
Hiervan getuig die volgende feite oor die afgelope dekade:
• ‘n 100%-slaagsyfer as jaarlikse doelwit
• Leerders gereeld onder die top 10 provinsiale
presteerders (2010 se Menlo-toppresteerder eindig
2de in Gauteng, 2011 se Menlo-toppresteerders eindig
5de en 6de in Gauteng)
• Jaarliks een van die top 3 akademiese skole in Gauteng
(in die groep skole met meer as 200 gr. 12-leerders)
• 790 A-simbole in 2011
• 88% gr. 12-leerders slaag gr. 12 met graadvrystelling
• Die Menlo-Wiskundedepartement
· se toppresteerder in die distrik in gr. 12 (in 2008 en
2010) is ’n Parkie en het 100% behaal
· skitter ook jaarliks met prestasies in die Wiskundeolimpiade
· het ‘n uitdagende Wiskunde-week vol aksie
• Die Menlo-Wetenskapdepartement
· het jaar na jaar nasionale en streekswenners in
Natuurwetenskap- expo’s
· beïndruk met massadeelname aan en nasionale
prestasie in die Natuurwetenskap-olimpiade, Algemene
Wetenskap-olimpiade en Bio Science-olimpiade
· neem jaarliks aan die Nasionale Tegnologie-olimpiade
deel (toekenning vir die mees innoverende projek,
2009, en 3 van 15 nasionale spanne wat na die
nasionale expo deurdring, kom van ons Menlo-
Wetenskap-departement; algehele naaswenners in
2011
· wys jaarliks ‘n SUDOKU-koning aan tydens die skool
se Wetenskapweek
· sluit gr. 12 in 2011 af met 61 A-simbole en die
hoogste gemiddeld in die distrik
• Die Menlo-Taledepartemente
· presteer eweneens, danksy massadeelname, met
provinsiale en nasionale toppresteerders in die jaarlikse
Nasionale Afrikaans-olimpiade
· tree jaar na jaar as een van die wenskole in die
Afrikaans-ekspo na vore met jaarliks meer as een
nasionale wenner in van die onderskeie kategorieë
· het gereeld leerders onder die nasionale English
Olympiad se top 10 nasionale presteerders
· word ook verryk met ‘n Duits- én Frans-departement:
Menlopark skitter reeds byna ‘n dekade as die
nasionale topuitruilskool na Duitsland en Franse
leerders skryf die internasionale Delft-eksamen met
groot sukses en toer elke 2de jaar na Frankryk
· lewer skitterprestasies in die jaarlikse Taalbondeksamen
• Menlo-Rekeningkundedepartement
· kon met trots aankondig dat 2010 se nasionale SAIPA
Rekeningkunde-olimpiadewenner ‘n Parkie is. Hy het in
die landswye finaal 100% in die finale vraestel behaal
en pryse ter waarde van R80 000 ontvang
· sluit 2012 af met ‘n graad 12-vakgemiddeld van
80% en 59 onderskeidings uit die 92 kandidate in die
nasionale eksamen

GEESTELIKE GROEI
Die onderwysers by Die Hoërskool Menlopark werk doelgerig
en gemotiveerd. Die akademiese toewyding en suksesse het
die volgende wegspringblokke:
• Verryking in elke vak wat ononderhandelbaar is, asook
’n verrykingsakademie wat die kurrikulum na-uurs
verder met interessante temas uitbrei
• Slegs Engels Huistaalonderrig in graad 8 en 9
• Interne Wetenskapweek met kompetisies vir brugbou,
vlieërbou, lugballon, vuurpylbou, vasvra, sudoku en
gala-aand met gasspreker
• Interne Wiskunde-week met π-dag
• Leeslaboratorium
• Die taallaboratorium met 40 oorfone en luisterstasies
vir blootstelling aan die gesproke dialek van die land/
area
• Alle klaskamers toegerus met dataprojektors en enkele
klasse ook met interaktiewe witborde
• Internettoegang in elke klas
• 3 rekenaarsentrums
• ‘n Restaurant met weeklikse restaurantaande
• Jaarlikse Duitse uitruilprogramme en Franse toere elke
tweede jaar
• 5 verrykingsvakke vir gr. 8.
Slegs EEN word gekies uit: Duits, Frans, Musiek,
Entrepreneuriese Wetenskappe en Sportkunde (met ‘n
keuse tussen netbal, hokkie [dogters en seuns], rugby
of krieket)
‘n Vakkeuse vir gr. 10-12, kan naas Afrikaans Huistaal,
English Additional Language (Engels Tweede Taal) of English
Home Language (Engels Moedertaal), Lewensoriëntering en
Wiskunde of Wiskundige Geletterdheid, uit drie of meer van
enige van die volgende vakke saamgestel word:
• Duits (IEB)
• Frans (IEB)
• Rekeningkunde
• Besigheidstudie
• Ekonomie
• Geografie
• Geskiedenis
• Rekenaartoepassingstegnologie
• Inligtingstegnologie
• Kuns: Ontwerp (buitemuurs)
• Toerisme
• Dramatiese Kuns
• Visuele Kunste
• Musiek
• Gasvryheidstudie
• Ingenieursgrafika en Ontwerp
• Meganiese Tegnologie
• Fisiese Wetenskap
• Lewenswetenskappe
• Alpha-wiskunde (buitemuurs)
• Wiskunde III (slegs 2012 buitemuurs; vanaf 2013 weer
deel van Wiskunde-sillabus)
Die uitgeligte vakke dui die besonder wye kurrikulum aan
wat die skool aanbied. Duits en Frans volg die Independent
Examination Board-kurrikulum en lê ook dié eksamen af. Let
daarop dat Duits, Frans en Musiek vanaf gr. 8-12 aangebied
word en nie net as verrykingsvak in gr. 8 en 9 nie.
Die hoogste gemiddelde per vak in die distrik en in Gauteng
is ‘n gegewe in heelparty vakke en vakgemiddelde bo 75% is
‘n groot Menlo-trots. In 2011 skitter ons as toppresteerders
in Fisiese Wetenskap, Lewenswetenskap, Meganiese
Tegnologie en Musiek in ons distrik.
Akademiese verryking ‘n ononderhandelbare tradisie
• Leerders wat in ‘n mediese rigting wil studeer, word
aangemoedig om TUKKIES se kursus in mediese
terminologie wat deur ACADEMIA LATINA aangebied
word, as buitemuurse vak te neem.
• Leerders word ook vir TUKKIES se UP with Science
ingeskryf.
Tersiêre akademiese voortreflikheid waar oud-Parkies skitter
• Akademiese uitnemendheid van die “Goue Sleutel”
Dié internasionaal gerekende organisasie wat 370
topuniversiteite in Kanada, Australië, Nieu-Seeland,
Maleisië, Suid-Afrika, Indië en Amerika insluit, is
die grootste forum vir internasionale erkenning van
voortreflike akademiese prestasies.
Menlo-alumni skitter in dinamiese getalle op die
internasionale “Golden Key”-ererol vir akademiese
uitnemendheid by ‘n verskeidenheid universiteite.
• Brightest Young Minds
Ook by die “Brightest Young Minds”-organisasie wat
op akademiese uitnemendheid en voortreflike leierskap
fokus, is oud-Parkies met besondere toewyding en visie
teenwoordig. Hierdie organisasie kombineer akademiese
prestasies met innovering en kritiese denke ten einde
saakmakend bydraes op verskeie terreine tot die
gemeenskap te lewer.

• Menlovaria-kunstefees (Weeklange kultuurfees):
· Redenaars en Debat
· Leerderdebat
· Drama
· Dans
· Musiek
· Kuns
· Gesigverfkompetisie
· Skilder en Teken
· Fotografie
· Potjiekoskompetisie
· Gala-aand met uitblinkers
· Kunskafees in pouses
• Menlo-koor
· Beeld Eisteddfod-wenner en aangewys as die
beste gemengde koor vir meer as ‘n dekade en in
2010 as algehele beste skoolkoor in Pretoria
· Verskeie kere reeds nasionaal as die ATKV se
beste gemengde koor aangewys
· Internasionale prestasies in die WORLD CHOIR
GAMES in Oostenryk (2008) en eindig 8ste
wêreldwyd (tussen jeug-en universiteitskore)
· Internasionale kompetisies (2010 in Bratislava,
naaswenners in 3 kategorieë)
· Optredes saam met Laurika Rauch, Nataniël,
Salon Musik en ander bekende kunstenaars
· Kerskonsert saam met Salon Musik in die
Brooklyn Teater
· CD-opnames saam met Salon Musik
· 2012 Wenner van die Atterbury-kompetisie
• Orkeste en ensembles
· Ons spog met ‘n fluitekoor, simfoniese ensemble
en ‘n blaasorkes wat ook per geleentheid
saamgevoeg word tot ‘n absoluut Menlosimfonieorkes
· Die Menlo-simfonieorkes tree by die Eisteddfod,
kultuuraande en ander geleenthede op en neem
in 2012 vir die eerste keer aan die Nasionale
orkeskompetisie deel
• Musiekakademie
· Menlo-musiekakademie is uniek waar elke Menlomusiekmater
hom- of haarself kan uitleef.
Verskeie instrumente, van lig tot klassiek, word in
die middae aangebied. Leerlinge word op gereelde
basis vir eksterne eksamens en Eisteddfods
ingeskryf. Verskeie toekennings is al aan talle van
ons Menlo-musici toegeken
ABSOLUT KULTUUR
BESONDERE DINAMIKA

ONAFHANKLIK EN SELFSTANDIG
• Menlo-redenaars
· Deelname aan die Van Huyssteen
Redenaarsfees en ATKV-kompetisie
· Verskeie toekennings vir: beste algehele
junior- en seniorredenaar in Pretoria
· Meermale toekennings vir: beste
spanredenaars: Afrikaans en Engels
Beste tweetalige redenaars (seniors) 2007
en 2009 (Hoërskole Redenaarsfees)
Onvoorbereide redenaarskompetisie:
A++ - sterre sonder sukkel
· ATKV: 2011 en 2012 Parkies in landswye
finaal
• Menlo-debat
· Debatspanne skitter in
streekskompetisies en het in 2012 vyf
spanne in die Gautengfinaal en twee
dring deur na landswye finaal
• Drama-Akademie in die Blou Teater
· Eie teater op die skoolterrein
· Individuele sessies
· Jaarlikse graadproduksies (gr. 8-12)
· Musiekteater
· Eisteddfod-deelname
· Nasionale Eisteddfod-deelname
· Kabaretaande in samewerking met
Cuisine le Parc (ons eie restaurant)
• Junior Stadsraad
· 2008 Hester Barnard –
Juniorburgemeester van Pretoria
· 2009 Anika Viljoen –
Juniorburgemeester van Pretoria
· 2010 Renée Barnard -
Onderburgemeester van Pretoria
· 2011 Charné van Biljon - Voorsitter van
die Jeugkomitee
· 2011 André Swanepoel -
Onderburgemeester van Pretoria
· 2012 Carissa van Aarde -
Juniorburgemeester van Pretoria
• EGGO DIGITAAL
· Parkies skep ‘n eie, informele, digitale
jaarblad met foto’s, videomateriaal en
nuwighede
· Die CD is vir die Parkies deur die Parkies
oor die Parkies en verskyn aan die einde
van die jaar
• Menlo-kuns
· Jaarliks: reusekunsuitstalling geopen
deur internasionaalgerekende
kunstenaars soos Jan van der Merwe
· Wenner van Pretoria News se Design
an Ad-kompetisie (jaarlikse wenners
en reeds verskeie kere ook algehele
wenner)
· Verskeie kompetisiewenners by
Kinnerkunsfeeste by The Grove en
Woodlands Boulevard en JIP COMICkompetisie
· Verskeie toekennings by die Pretoria
Eisteddfod
• Ander woelinge op die kultuurakker
· Menlo-TV (Parkies skiet videoadvertensies
vir aktiwiteite en
vertoon tydens saalopening)
· EGGO-skoolkoerant
· EGGO-jaarblad
· Voortrekkers (met Parkies as Jeugleiers,
Hoofleierswag en Presidentsverkenners)
· Menlo-kreatiewe skrywersgroep

Menlo-sport skep vir elke sportman en -meisie die
geleentheid tot maksimale ontwikkeling. Saam met
hoogs gekwalifiseerde akademiehoofde (sporthoofde)
met bewese sukses, word ‘n Menlo-pad van vertroue,
lojaliteit en absolute eenheid geloop.
• Elkeen wat ‘n sportgeleentheid aangryp, word met
die modernste afrigtingstegnieke ontwikkel en ‘n
jaarlange voorseisoen-, hoofseisoen- en afseisoengimnasiumprogram
word per sportsoort in plek gekry.
• Individuele sessies saam met spesialisafrigters vorm
deel van ‘n gestruktureerde program per sportsoort
en tussen verskillende sportsoorte. Menlo-sport
vorm saam ‘n eenheid waarin ‘n Menlo-sportman
en -meisie wat verskeie sportsoorte beoefen, in
‘n Menlo-sportnetwerk geakkommodeer word om
maksimumgeleenthede vir energieke meisies en
manne te bied.
• Ondersteuning van mekaar in alle skoolaktiwiteite is ‘n
ononderhandelbare tradisie.
• Sportsoorte
· atletiek
· fietsry
· gholf
· hokkie (seuns en dogters op
die Menlopark Absolut Astro)
· krieket
· landloop
· muurbal
· netbal
· perdry
· rugby
· skaak
· swem
· tennis
· waterpolo
ABSOLUT SPORT
• Onlangse prestasies en ander gebeurlikhede
· Atletiek: Wenners van die Jakaranda Prestige Interhoër
vir 10 jaar in ‘n ry. Wenners van die Jakaranda A-bond
Atletiek Interhoër in 2012. Menlo-atlete skitter as SAkampioene
en neem aan die Afrika-spele en die Jeug
Wêreldspele deel.
· Hokkie: Noord-Gauteng se tophokkieskool in 2008,
2009, 2010 en 2011. Wenners van St Mary’s Festival
in 2010, drie spanne ook wenners van Noordvaal
2010. Twee spanne wenners van Noordvaal 2011 en
reeds meermale die Stadsbeker. Daar is ‘n Parkie in
die 2013 Wêreldbeker-oefengroep, een Parkie in die
Noord-Gauteng o/21-span in 2011 en drie in 2012
se span. Menlo-hokkie het 2 SA o/16-spelers en 49
Noord-Gauteng hokkiespelers (seuns en dogters) in
2011 opgelewer.
· Netbal: Eerstespan eindig as die GISSA- en Noord-
Gauteng-kampioene in 2011; wenners van die
George Top 20-netbaltoernooi, die Elite Wildeklawer
Interprovinsiale toernooi en die Nasionale Grand
Hoërskoletoernooi in 2011 en 2012; Tshwane-kampioenskappe
– goud, Gauteng-kampioenskappe –
goud, Noordvaal – goud en silwer; 2 spelers in SAskolespan
in 2011, 8 spelers in Gauteng-spanne in
2011.
· Rugby: 35 provinsiale spelers (o/14 tot o/18); wenner
van die FNB CLASH (afgelope 5 jaar), 4 Menlorugbyspanne
in die BEELD-trofee se kwarteindrondte
en o/14A’s speel in finaal. Menlo-rugby eindig 2de van
alle skole in Pretoria, eerste van alle makroskole in
Pretoria en 15de van alle skole in Suid-Afrika in 2011.
KREATIEF EN INNOVEREND

TOEWYDING VIR UITNEMENDHEID
· Swem: Wenners van A-liga Interhoër vir derde
agtereenvolgende jaar; tweedeplek by B-liga
Interhoër; een Parkie by Irish National Olympic
Trials; 13 Vlak 2- en 3-swemmers neem in
2012 aan SA Nasionale Ouderdomsgroepkampioenskappe
deel met verskeie goue medaljes
wat opgelewer word; lewer jaarliks Noord-Gauteng
en SA-swemmers, sowel as Noord-Gauteng-
kapteine op. Menlo-swemmers baat jaarliks by
ontwikkelingsprogramme deur Ryk Neethling
Swimming School.
• Tennis: 10% van ons skool speel heeljaar
tennis; ‘n voorlopige ranglys word reeds aan die
einde van die jaar vir die volgende jaar bepaal;
groepe oefen voor skool wat deelname aan nóg
aktiwiteite moontlik maak; 4 provinsiale spelers;
Menlo-tennis bied jaarliks ‘n eie toernooi met
deelnemende skole van regoor die land aan;
Menlo neem op uitnodiging aan verskeie toernooie
landswyd deel, o.a. die Amanda Coetzer –
uitnodigingstoernooi; wenners van 0/15-Menlo
MixIt gemengde-tennistoernooi by Sun City vir
2de agtereenvolgende jaar; ekstra oefengroepe in
aande onder spreiligte.
· Krieket: Wenners van die Nasionale Pro 20-kompetisie
in 2010 en Northerns Pro 20-wenners in
2012. Jaarlikse krieket-uitruilprogram na Engeland
waarin 2 tot 3 Parkies die geleentheid kry om vir
2 maande lank klubkrieket te speel. Ons lewer
in 2011 die meeste provinsiale krieketspelers in
Pretoria op, nl. 11. Regardt Verster word in 2011
gekies vir die SA o/19-span wat na Engeland toer.
Suné Luus is vir die 2de agtereenvolgende jaar vir
die SA o/19-meisiespan gekies en is ook in die
Nasionale Seniorvrouespan se Pro 20-oefengroep
opgeneem. Menlo-krieket se 2013-doelwit is 28
krieketspelers wat op ‘n intensiewe krieketontwikkelingstoer
na Engeland toer.
• Muurbal: Een van die gerekende muurbalskole in
Suid-Afrika met verskeie top 10 SA-spelers. Josh
Pretorius en Alexa Pienaar tans Noord-Gautengkampioene
en Alexa die SA-kampioen vir dogters
o/18.
· Fietsry: Fietsryers by Wêreldkampioenskappe, ‘n
Parkie is bergfiets- en baanfietskampioen.
· Skaak: SA Topskole dogterskampioenspan 2010
en 2011; 2 Parkies is ingesluit in die SA Junior
Skaakspan in 2011. 3 Parkies is in 2011 en 2012
genooi om aan SA Junior Geslote Kampioenskappe
(‘n uitnodigingsbyeenkoms waarheen net die
top 10 seuns en dogters in Suid-Afrika in elke
ouderdomsgroep uitgenooi word) deel te neem
wat voorwaar ‘n besondere prestasie vir een skool
is. ‘n Parkie is die kampioen van die seuns o/18afdeling
tydens dié toernooi in 2012.
· Perdesport: Gauteng-Noord-kampioene 2009,
2010 en 2011
Klinieke en toere vind jaarliks nasionaal en internasionaal
plaas. In 2011 toer Menlo-hokkie na Nederland en in 2012
Menlo-rugby na Argentinië en Menlo-tennis na Wimbledon.

• Ouditorium met lugreëling en moderne oudiovisuele
apparaat
• Saal met dataprojektor
• Mediasentrum toegerus met internettoegang
• Musiekakademie met klankdigte oefenkamers
• 3 IT-sentrums
• Gerekenariseerde leeslaboratorium
• Taallaboratorium met 40 luisterstasies
• 7 goedtoegeruste Wetenskaplaboratoriums (vir Fisiese
Wetenskappe en Lewenswetenskappe)
• Klaskamers met interaktiewe witborde,
internettoegang en dataprojektors
• Ten volle toegeruste gimnasium met geallokeerde
gimnasiumtye vir alle sportsoorte in oorleg met ons
fiksheidinstrukteurs
Die Menlo-koshuis is in die hart van die skool geleë en
bied ’n tuiste vir gemotiveerde, presterende leerders wat
van die wye verskeidenheid geleenthede wat die skool
bied, gebruik wil maak. Hierdie koshuis ondersteun in elke
opsig die skool se strewe na uitnemendheid en is met trots
in die Menlo-waardes van integriteit, lojaliteit, respek en
ywer gewortel.
• Koshuisinwoning maak voorsiening vir 50 seuns
en 36 meisies van graad 8 tot graad 12
• Die bestuur van die koshuis word deur
’n koshuisraad hanteer, wat uit ’n ervare
koshuisvader en nog vyf diensdoenende
onderwysers bestaan - almal ook aan die skool
verbonde en permanente inwoners in die koshuis.
Koshuisinwoning is as gevolg van die beperkte plekke jaarliks
aan ’n keuringsproses onderhewig. Die aansoekvorm
vir keuring is op die webblad, www.menlopark.co.za, of
by die skool se ontvangs beskikbaar. Die sluitingsdatum vir
aansoeke vir koshuisinwoning vir die volgende akademiese
jaar, is jaarliks einde van Augustus vir nuwe aansoekers.
Indien keuring suksesvol is, is die leerder se R2 000-registrasiegeld
binne 14 dae nadat hy/sy die keuringsaansoek
ontvang het, betaalbaar om plek in die koshuis te verseker.
MENLO-KAMPUS BIED AAN:
• Astro-baan in blou en rooi- die nuutste tegnologie.
• 4 muurbalbane
• 50m verhitte Olimpiesestandaard-swembad
(met afrigting deur Ryk Neethling)
• Atletiekbaan en pawiljoen vir 6000 toeskouers
• Spreiligte op alle sportvelde
• Klubhuise vir tennis, rugby, hokkie, netbal en krieket
• Oudiovisuele ontledingslokale
• Rugby- en krieketvelde
• Binnenshuise krieketnette
• Sportwinkel vir tennis-, krieket- en hokkietoerusting
• Sport- en rehabilitasiesentrum met fisioterapeut en
fiksheidsdeskundige (ook oop vir publiek)
• Twee hoëkwaliteit fyngrashokkievelde
• Menlo-koshuis op die terrein
ABSOLUT KOSHUISLEWE
Die jaarlikse koshuisgeld is streng vooruitbetaalbaar en
kan óf eenmalig gedurende Januarie, óf in kwartaallikse
paaiemente binne die eerste week van elke kwartaal, of
in 10 maandelikse paaiemente vanaf Januarie tot Oktober,
voor die derde dag van elke maand, betaal word.
Hierdie Menlo-koshuis op die skoolterrein is nie ‘n gewone
skoolkoshuis nie - dis ‘n hegte Menlo-gesin wat die
geleentheid aan gemotiveerde, energieke en deelnemende
leerders bied vir maksimale betrokkenheid by die skool se
aktiwiteite en ondersteuning van alles op die Menlo-terrein.
Alle navrae aan: info@menlopark.co.za
BETROKKENHEID EN SAAMSTAAN

IN WAARDES GEANKER
MENLO MAL MOMENTE
Menlo is op sy beste in aksie!
1. Graad 9-kamp
2. Graad 10-bal
3. Parkiebal (Valentynsbal)
4. Matriekafskeid
5. Liefdadigheidsweek
6. Jesusweek
7. Beheerliggaamskild: geeskompetisie tussen grade
8. Jesus is vir Ewig: CSV-aksie
9. Restaurantaande
10. Parkieraadkamp
OPEDAG
Ons opedag is een van die Menlo-hoogtepunte: gebruik die
Rosemaryweg-ingang en parkeer op die B-rugbyveld
• Bring die hele gesin
• 14:30 meld ouers en laerskoolleerders in die saal aan
Dis ‘n moet om elkeen by Menlo te ontmoet, want by Die
Hoërskool Menlopark is elkeen belangrik en is daar ‘n
magdom geleenthede om te ontdek.
BUSROETES NA MENLO
Algemene munisipale busroetetelefoonnommer: 012-358 0221/3/4
Oggendbusse
Roete Tyd Naam op die bus vertoon
Vanaf stad via WATERKLOOF 07:05 Murrayfield
Vanaf EAST LYNNE (2) 06:15 Private School
Middagbusse
Na Faerie Glen 13:40 Faerie Glen
Na Lynnwoodrif 13:50 (vanaf stad) Lynnwood Ridge
Na Garsfontein (1) 13:45 (vanaf stad) Garsfontein (1)
Na Eersterust 14:05 Private (2)
Na stad via Waterkloof Glen en Lukasrand 14:20 Waterkloof School
Na Garsfontein via Lynnwood Manor en Faerie Glen 14:10 Faerie Glen
Na Contantiapark via Waterkloof Glen 14:10 Waterkloof
Na Waterkloofrif 14:10 Waterkloof Ridge
Na Die Wilgers (Wapadrand) 13:50 (vanaf stad) Die Wilgers
ABSOLUT GRAAD 8
• Gr. 8-inligtingsbrosjure vir die nuwe skooljaar
(verskyn jaarliks einde Oktober)
• Gr. 8-oriënteringsprogram die dag voor die skool begin
• Gr. 8-bekendstellingsaand
• Gr. 8-atletiekbyeenkoms
• Gr. 8-ouerbraai
• Gr. 8-spanbou
• Gr. 8-waterkaskenades
• In Menlo-konsert (Gr. 8-konsert)
• Gr. 8-inhuldiging
11. Oud-Parkies vs 1ste span-rugbywedstryd
12. FNB Clash-tradisie
13. Voortrekkers (Hoofleierswag en Presidentverkenners)
14. Lentetee (moeders en dogters)
15. Manneaand
16. Matriekraadkamp
17. Ons hoof verjaar!
18. Vakaande (Duits en Frans)
19. Menlo-prysuitdeling
20. Interne Wêreldkennisvasvra
21. MENLOFEES
22. Menlo gaan GROEN
Kom voel die Menlo-energie by ons opedag en kom ontdek
self hoe GEES kan GONS en GELEENTHEDE jou kan
BEGEESTER!
Menlo HET nie net GEES nie... MENLO IS DIE GEES en hier
is skoolgaan’n fees!
Kom deel in ons opedag-VROLIKHEID wat ons met absolute
trots aanbied.
Opedagprogram is beskikbaar op www.menlopark.co.za.

DEELNAME EN PRESTASIE
TOPPRESTASIES
Krieket
Sune Luus opgeneem in die SA Vroue Pro 20-span
Regardt Verster behaal die SA o/19-span wat teen Engeland,
Zimbabwe en Pakistan speel.
Theunis de Bruyn behaal die SA o/19-span wat teen Zimbabwe
en Pakistan speel.
Tennis
Lezanne Swart Gauteng-Noord 0/19B
Rina Kriek Gauteng-Noord 0/15A
Izaan van Zyl Gauteng-Noord 0/15B
Carmi Stander Gauteng-Noord 0/15B
Swem
Rita Naudé Eindig 6de by die SA Senior Nasionale Kampioenskappe.
Bryan Gray 10de in 200m IM by SA Senior Nasionale Kampioenskappe.
Altus Bisschoff kwalifiseer vir SA Senior Nasionale Kampioenskappe.
Marce Loubser walifiseer vir SA Senior Nasionale Kampioenskappe.
Janku Potgieter kwalifiseer vir SA Senior Nasionale Kampioenskappe.
Atletiek
Stephanie Wicksell SA Junior Atletiekspan en deelname aan Wêreld Jeugspele
in 400m.
Mandi Venter SA Jeug Atletiekspan en Afrika-spiesgooikampioen.
Lizé Strydom SA Jeug Atletiekspan in 800m.
Madri Strydom goue medalje by ASA Nasionale Atletiekkampioenskappe
Hestia Hanekom silwer medalje by ASA Nasionale Atletiekkampioenskappe
Jeanelle Griessel silwer medalje by ASA Nasionale Atletiekkampioenskappe
Stèan Pienaar silwer medalje by ASA Nasionale Atletiekkampioenskappe
Mandi Venter silwer medalje by ASA Nasionale Atletiekkampioenskappe
Netbal
Gizelle Lemmer SA o/21 Wêreldbeker-oefengroep & SA o/17-speler (2011)
Lenize Potgieter SA o/21 Wêreldbeker-oefengroep
Geraldine Odendaal SA o/16-speler (2011)
8 Menlo-netbalspeelsters het Gautengkleure verwerf in hul onderskeie
ouderdomsgroepe in 2012:
o/14 Anique Grobler en Abigail Wannenburg
o/15 Rachelle Snyman
o/16 Bernice Barnard
o/17 Lieke Bruwer en Geraldine Odendaal
o/18 Gizelle Lemmer en Jana Talma
Hokkie
Charné van Biljon deel van Juniorwêreldbekergroep vir 2013 (2011)
Mia Smuts SA o/17-oefengroep (2011)
Gauteng-Noord o/21-span (2012)
Suzanne Strydom, Izelle Verster en Mia Smuts
33 Menlo-hokkiespeelsters is in die onderskeie Noord-Gautengspanne
opgeneem in 2012. Hulle is:
o/14 Annelize du Plessis, Carli Pretorius en Elmien Mattheus
o/14B Melicia van Loggerenberg
o/14C Cara Jacobs, Renate Stander, Shemoné King en Sophia Venter
o/15A Kiah Conradie, Marné Kruger, Madri Strydom en Delmi Tucker
o/16A Angiliques Bezuidenhout, Chané Hill, Elmari van der Merwe en
Lilleen van den Berg
o/16B Jennimi Laubscher en Milena Barkhuizen
o/16C Jean-Marie Hugo, Karli le Roux en Mandi Venter
o/18A Marné Merbold, Mpushe Monama, Carmen Seesink, Mia Smuts
en Izelle Verster
o/18B Lizé Strydom en Marli van der Merwe
o/18C Liandi Jacobs, Danel Janse van Rensburg, Lara Matzner,
Andrea Pretorius en Carli Pronk
Rugby
11 Menlo-rugbyspelers is opgeneem in die onderskeie Blou Bul-spanne vir
2012. Hulle is:
0/18 Julian Coetzee & HG de Klerk
0/16 Rohan Goosen, Arnold Gerber, Jacques Oosthuizen
Rivaldo Roberts, Tristan Theron, CJ de Wet,
Juan-dré van der Walt, Armand Buys en Abrie Smit
Muurbal
Alexa Pienaar A Geslote Muurbalkampioen en huidige Noord-Gauteng
kampioen na sy eerste eindig by die Geslote NJSA
Muurbalrondomtalie-toernooi.
Hannelize Human SA nommer 3 (eindig 3de by die SA Geslote
Muurbalkampioenskappe)
Tertius de Bruyn SA Top 10-speler
14 Menlo-muurbalspelers opgeneem in onderskeie Noord-Gautengspanne
in 2012.
Skaak
Vir die Wêreld Jeug Kampioenskappe 2012 is Mireille Havenga, Stefan du
Toit en Monica Jansen van Rensburg gekies. Hierdie toernooi is die grootste
jeugtoernooi ter wêreld en die Suid-Afrikaanse span bestaan uit slegs die top
3 spelers in die land in elke ouderdomsgroep. Verder is Monica ook gekies om
Suid-Afrika te verteenwoordig by die Afrika Junior Kampioenskappe in Mauritius
en die Afrika Jeug Kampioenskappe in Egipte hierdie jaar.
Suid-Afrikaanse Geslote Junior Skaakkampioenskappe (2012):
Stefan du Toit eindig eerste in die seuns o/18-afdeling
Mireille Havenga eindig derde in die dogters o/18-afdeling
Monica Jansen van Rensburg eindig derde in die dogters o/16-afdeling.
Die 10 beste spelers in Suid-Afrika het in elkeen van dié onderskeie
ouderdomsgroepe meegeding.
Wêreld Jeug Skaakkampioenskappe in Caldas Novas, Brasilië (2011):
Monica Jansen van Rensburg
Stefan du Toit
World Under 16 Olympiad in Turkye (2011):
Stefan du Toit
Perdry
Minette de Waal SA Skolekampioen oor 120km vir 2011 en
huidige kaptein van Noord-Gauteng Uithouritspan.
Zandi Rothman wen die Eloff Leyland Pony Rider Equitation 2011 Victor
Ludorum-trofee (“Open Equitation”-ruiter met die meeste
punte vir 2011).
Kayleigh de Villiers wen die 2011 Junior Novice Reigning Champion-trofee
(“Western”-ruiter met die meeste punte vir 2011).
Fietsry
Jac-Johann Steyn SA Padfiets-en baanfietskampioen
Janice Venter Bergfietskampioen

GVG 083 460 2976
Die Hoërskool Menlopark
Atterburyweg, Menlopark, 0081
info@menlopark.co.za | 012 361 7738
www.menlopark.co.za