HANDELINGE - NG Kerk in Oos-Kaapland

42. VONKK CD EN DVD
F1: Verslag van die Tydelike Kommissie vir Besluite aan Kerkrade
42.1 Besluit:
Die Algemene Sinode moedig gemeentes en
lidmate aan om die nuwe VONKK CD en DVD
aan te koop en ook lidmate aan te moedig om
dit te koop.
43. VONKK: LIEDERE VIR
43.1 Besluit:
Die Algemene Sinode versoek lidmate,
gemeentes, musici en liedskrywers om liedere
wat aan die nodige kriteria voldoen aan
VONNK te stuur sodat dit vir gebruik aan die
breë kerk beskikbaar gestel kan word.
BESLUITE VAN DIE SINODE VAN
OOS-KAAPLAND, JUNIE 2012
44. SINODE IN KLANK EN BEELD
Besoek www.facebook.com/ooskaap om na foto's
van die sinode te kyk. Klankopnames van
praatjies is te vind by:
www.podomatic.com/grenspos.
45. GEESTELIKE WERKERS AS
AFGEVAARDIGDES NA MEERDERE
VERGADERINGS (A2 PT 23)
23.5.1 Kerkrade word aangemoedig om
geestelike werkers en ander bedieningsleiers
en kerkraadslede as waarnemers na meerdere
vergaderings te stuur.
23.5.2 Ringe word aangemoedig om gebruik
te maak van die geestelike kapasiteit van
waarnemers by vergaderings en hulle in die
geestelike onderskeidingsproses te betrek.
46. GEMEENTES: KLEIN GEMEENTES
(A6 PT 5)
5.1 Die Algemene Sinode het opdrag gegee dat
'n ondersoek na klein gemeentes in die NG Kerk
gedoen moet word. Die Moderamen van die AS
het ds Danie Mouton versoek om as studieleier op
te tree.
5.2 Verteenwoordigers van al 10 sinodes, tesame
met praktiese teoloë, het 'n konferensie oor
hierdie tema gehou. 'n Verslag is voorberei, wat
as Bylaag C by verslag A6 in die Sakelys Sinode
2012 aangeheg word.
142
5.6.1 Die sinode verwys die verslag (Sakelys
A6 Bylaag C, bl 85) na kerkrade, veral dié van
klein gemeentes, vir bespreking.
5.6.2 Die sinode moedig ringe aan om
kleingemeente-konferensies te hou om te werk
aan nuwe visie vir, en die bemagtiging van,
bediening in klein gemeentes.
47. JEUG: GELOOFSOORDRAG AAN
DIE VOLGENDE GESLAG (A6 PT 9)
9.1 Tydens die vorige Sinode (2007) is
indringend gesprek gevoer oor geloofsoordrag na
die volgende geslag.
9.2 Een van die uitstekende bronne wat
gemeentes hiermee kan help, is F@ith at Home -
besoek www.faithathome.com vir meer
besonderhede.
9.3 Daar is voortdurende prosesse aan die gang
op soek na kategese-vernuwing. Bronne hiervoor
word binne en buite die NG Kerk ontwikkel. Ringe
moet voortdurend as forums dien waar
gemeentes mekaar kan bystaan om saam oor
jeugbediening en kategese na te dink.
9.4 Goeie publikasies op hierdie terrein moet
onderskei word van semels wat ook op die mark
verskyn. 'n Onlangse boek, wat besig is om
vinnig invloed te wen, is The Theological Turn in
Youth ministry van Andrew Root en Kenda Creasy
Dean, Intervarsity Press, 2011.
9.5 Geloofsoordrag veronderstel dat jongmense
by die gemeentelike bediening geïntegreer word.
Ouer lidmate bied dikwels heeltemal te veel
weerstand teen hierdie proses. Die onderskeid
tussen die sigbare strukture van die kerk, en die
onsigbare oortuigings oor God, kerk, roeping en
konteks (wat geventileer moet word) kan in hierdie
opsig help.
Besluit:
9.6.1 Die Sinode stuur hierdie inligting deur
na kerkrade.
9.6.2 Ringe word versoek om voortdurend
aandag te gee aan geloofsoordrag aan die
volgende geslag.
48. NAVORSING: VERSLAG OOR DIE
STAND VAN DIE OOS-KAAPSE
BEVOLKING (A6 PT 6)
6.1 Die navorsingseenheid van die Oos-Kaapse
Departement van Maatskaplike Welsyn het in
Julie 2011 ʼn uitstekende, omvattende verslag oor
die stand van die Oos-Kaapse bevolking
gepubliseer. Dit is in vennootskap met navorsers
van die RGN saamgestel.
6.6 Die volledige navorsingsverslag is beskikbaar
by www.ngkok.co.za/Artikels/okp2011.pdf
Die Sinode bring hierdie uitstekende, belangwekkende
verslag onder die aandag van
kerkrade.