HANDELINGE - NG Kerk in Oos-Kaapland

Mag ons van goddeloosheid beskerm word en
opnuut deur God geheilig word.
God open ons geloofsoë vir armoede, die
bedreiging van Islam, gesinne, eenheid en
onderwys. Die mate waarin ons dit sal
aanspreek sal bepaal word deur ons
verhouding met God, ons gehoorsaamheid
aan sy Woord en die eenheid onder
gelowiges.
Die wind van die Heilige Gees het ons blare
kom ritsel. Hierdie beweging inspireer ons,
verander ons en getuig van 'n nuwe seisoen
wat op hande is. Dit is 'n seisoen waarin
vriende van oraloor onder die boom kom sit en
regtig luister, mekaar aanvaar, mekaar se
nood raaksien en vrugte dra wat vir honger
mense redding bring.
Tafel 26
Mag ons Sinode so leef uit Die Fontein dat sy
vrugte en blare lewe, vreugde en beskerming
bied vir almal.
Tafel 27
Ons is die aalwyn van God -geplant om tot
seën te wees.
Ons begeer om ons voete ín die stroom te
benat,
maar God het ’n ander plan,
want ín die stroom sal die aalwyn-stam verrot.
Ons is juis geplant om ver van die water te
groei, maar naby aan die Lewensaar
om in die droë berglandskap ’n monument te
wees van die Tuinier se vrome droom:
Van ’n landskap wat getuig, met hande gelig
na Bo –
“God kyk nie na ons aalwynsap, wel die nektar
in ons kroon!”
Tafel 29
Mag die Here, langs wie se waterstrome jy
geplant is, jou laat onderskei tussen goed en
kwaad. Mag Hy jou lei om lig en sout te wees.
Mag Hy jou deur sy Gees lei om die
regverdige tussen onregverdiges te wees en
hulle die pad na God se hart te wys.
Tafel 32
H5: Seënbedes vir die Sinode
196
Mag julle in die Here so gewortel wees, soos
'n boom by n waterstroom wat vrugte dra.
B. ANDER SEËNBEDES
Die volgende ongemerkte en/of persoonlike
seënbedes is ook ontvang:
Mag die Lewenskrag van 'n immergroen boom
by 'n fontein in droë Karoo,
die vreugde gebied deur 'n vrugteboom swaar
van vrug,
in die NGK in Oos-Kaap wees.
Mag die Insig wat slegs die Vader se stem
bied,
die Moed deur die Gees geïnspireer,
só in ons toeneem dat die Kerk tot
seënvreugde vir ander sal wees -
die woestynfontein borrelend met Lewende
water deur die Seun gebied.
Amen
God is besig om die NG Kerk in die Oos-
Kaapland te snoei en haar wortels hul weg te
laat vindd na die Lewende Water, sy
lewegewende Woord, sodat sy kan vrug dra
en kan groei tot sieraad vir die wêreld. 'n
Boom met welige, groen blare - in hierdie deel
van die wêreld geplant en ruimte bied vir nuwe
en ou vriendskappe om te vorm, rus te gee vir
hulle wat moeg en oorlaai is en genesing bied
vir die siekes, wees en weduwees.
1. God en Sy kerk is besig om te groei soos al
die plante wat die ringe voorgestel het. Soos
die verskillende plante, groei God se kerk in
voorspoed (as dit reën) en in teenspoed ( in
droogte ) as dit diep gegrond is in Sy woord.
2. God se kerk moet by die basiese van Jesus
se leer bly ( die vorm van die erediens ), maar
die passie van die jeug se belewenis van Sy
koningryk moet geakkommodeer word.
3. Die wonderlike stories van samewerking en
die besprekings vol liefde oor kontensieuse
sake was 'n wonderlike belewenis. Waar
Jesus sentraal is vervaag menslike verskille en
seëvier Sy liefde.