HANDELINGE - NG Kerk in Oos-Kaapland

VIERDE SITTINGSDAG
DONDERDAG 07 JUNIE 2012
EERSTE OGGENDSITTING
67. LITURGIESE MOMENT
67.1 Die Flam orkes lei die Sinode in pragtige
aanbiddingsgesang. Ds Barnard Steyn gebruik
twee Van Gogh-skilderye om die afgevaardigdes
se gedagtes op God te fokus. Dit laat die gedagte
dat die NG Kerk 'n boom sal wees wat by God se
waterstroom geplant is wat op die regte tyd vrugte
dra. Ds Steyn lees Psalm 1. By die tafels word dit
oordink, en 'n seënbede word vir die NG Kerk
opgestel. Oudl Cor du Plessis doen voorbidding
vir die Sinode se laaste sittingsdag.
67.2 Die Moderator tref enkele reëlings.
67.3 Die gebedsvlaggies wat gemaak is tydens
Woensdag se tru-mentorsessie, gaan in een groot
vlag verwerk word, deur die Oos-Kaap gemeentes
reis, en by die 2013 Algemene Sinode hang as
die Oos-Kaap se gebed vir die Sinode.
68. DIVERSE SAKE
68.1 Die werkgewer verteenwoordiger by die
pensioenfonds word verwys na die SK vir
aanwysing. Die werknemer verteenwoordiger is
alreeds gekies, naamlik ds Christo van Heerden.
VOORSTEL 9
Die Sinode ondersoek moontlikhede om,
verkieslik amptelik indien moontlik, meer betrokke
te raak by die onderwys in die Oos-Kaap.
Ons moedig plaaslike gemeentes aan om op
plaaslike, streeks en provinsiale vlakke belang te
stel, te ondersteun en te bid vir 'n meer effektiewe
en beter opvoeding aan ons kinders.
Goedgekeur
(Di Ruan du Plooy / Hansie Schutte)
G: Handelinge van die Sinode
171
VOORSTEL 10
Die Sinode betuig haar dank aan onderwysers en
opvoeders wat huidiglik in moeilike
omstandighede volhard daarin om goeie
onderwys te gee as diensbare getuies.
Goedgekeur
(Ds D Higgs / Oudl AE Büchner)
VOORSTEL 11
Die Sinode versoek die Sinodale Kommissie om
na 'n sinvolle manier te kyk om te verseker dat
daar 'n eweredige verspreiding van
afgevaardigdes na die Algemene Sinode gekies
word. Dit sal help om te verseker dat plattelandse
Ringe nie uitgesluit word uit die afvaardiging nie.
Die Sinode behoort te waak dat daar nie 'n
situasie onststaan dat daar 'n
oorverteenwoordiging van die verteenwoordigde
ringe is nie
Goedgekeur
(Di Piet Retief / Conrad Thomas)
69. KERKHERENIGING
69.1 Ds Hansie Schutte gee 'n kort inleiding oor
Kerkhereniging met verwysing na vorige
Sinodebesluite.
69.2 Die afgevaardigdes tree in Sirkelsessies in
gesprek rondom die vraag: “Wat wen die kerk en
die wêreld as ons een is?”
69.3 Verskeie afgevaardigdes gee terugvoer. Van
die terugvoer dek sake soos:
69.3.1 Ons raak meer en meer soos wat Jesus
wil hê. Dit is 'n getuienis vir die wêreld.
69.3.2 Rom 12:4 Ons wen geloofwaardigheid
69.3.3 Ons en die wêreld wen integriteit
69.3.4 Kerkeenheid is die láát reën wat sorg vir
die láát oes van die geloof.
69.3.5 Eenheid met Christus lei tot eenheid met
mekaar.
69.3.6 Eenheid is gehoorsaamheid aan God se