HANDELINGE - NG Kerk in Oos-Kaapland

die stroom –
dat van ons planne en ons droom
daar min van kom...........
Ons bid daarom
O Gees van God
laat bly ons by u Woord
se water
en laat ons – altyd dors –
blý drink
totdat die regte tyd
weer nader
die dors plato en vlak en kus
- geles deur Geestesreën –
op duisend plekke blom
as – Heer – u seën
en vrug weer kom!
Mag ons altyd in die Boom van die Lewe,
Jesus Christus, gewortel bly, sodat ons die
vrug van die Gees kan dra, en die wêreld kan
proe hoe soet God se genade en liefde is.
"Prys en eer God vir eensgesindheid, insig en
geloof !!! Sy wil is ons wense en is nou
volbring. Mag ons die aangename geur
daarvan versprei."
Here, ons is U bome wat by U waterstrome
geplant is. Laat ons diep wortel skiet in U
Woord, dat die krag van die Heilige Gees ons
dra om in swaarkry nuut te groei. Snoei ons
sodat ons vrugte kan dra en ander te seën met
U heerlikheid en genade; sodat ons soos U
regverdiges ons roeping met vreugde kan
vervul. Amen
Here, vorm ons as kerk om:
HOOPVOL opwaarts te groei
Saam met ander gelowiges, tot volwassenheid
in Christus (Ef 1:4, 5:25; Kol 1:22; Gal 4:19)
GELOWIG afwaarts te groei
Gewortel in die liefde en waarheid van U, Drie-
Enige God (Ef 3:16-19)
LIEFDEVOL uitwaarts te groei
Waar alle nasies ruimte sal hê om in die takke
te kom nes maak (Mrk 4:32, Eseg 31:6)
Here, seën asseblief die kerk met:
1. Jong en entoesiastiese leraars om die
jongmense van ons kerk te bedien en te
H5: Seënbedes vir die Sinode
198
begelei tot 'n persoonlike en innige verhouding
met Jesus.
2. 'n Onderskeidingsvermoë by alle lidmate om
verby die goed wat geestelik irrelevant is te
kyk en u groter prentjie van versoening,
eenheid en liefde raak te sien.
3. Ouers - en veral vaders - wat hulle
verbondsbelofte nakom en 'n omgewing skep
waarbinne hul kinders vir Jesus waarlik sal
leer ken en liefkry.
Mag ons vreugde vind in die Woord van die
Here. Mag ons dit dag en nag oordink.
Mag ons wortels diep groei in die Fontein van
lewende water.
Mag ons op die regte tyd soet vrugte dra.
Mag ons takke koel skadukolle wees.
Mag die Here die kerk help om waarlik kerk te
kan wees, d.w.s. liggaam van Christus wat
deur 'n bepaalde leefwyse lig vir 'n baie
donker Suid Afrika moet/kan wees …
Hemel op aarde te wees (Ef 1:3), en dit met
ander te kan deel…
Soos suurdeeg …
Soos 'n boom wat vrugte dra (Ps 1:3)…vrugte
van vergifnis (vergewe), omgee en sorg …
(Ef 5)
Mag God ons so seën dat ons, soos `n
vrugbare boom, baie vrugte sal dra in die Oos
Kaap tot sy eer en verheerliking.
Mag die kerk soos 'n boom wees gewortel en
gegrondves in Christus se liefde. Mag elke
lidmaat vervul wees met die Heilige Gees en
deur Sy vrug van liefde, vreugde, vrede,
geduld, vriendelikheid, goedhartigheid,
getrouheid, nederigheid en selfbeheersing
sout vir ons land en lig vir ons wêreld wees.