HANDELINGE - NG Kerk in Oos-Kaapland

F1: Verslag van die Tydelike Kommissie vir Besluite aan Kerkrade
58. NAVORSING: STATISTIESE ANA-
LISE VAN VORM A (A6 BYLAAG B)
Verslag A6 Bylaag B bl 81vv gee 'n statistiese
ontleding van die syfers op gemeentes se Vorm
A.
59. PREDIKANTE: A TOT Z-BELEID
(A5 PT 5)
5.1 Die A tot Z-Beleid vir bedieningsvreugde by
predikante in by die Algemene Sinode van 2011
gefinaliseer. Hoofstuk 6 was nog uitstaande.
5.2 Per besluit van die Algemene Sinode word
die volledige A tot Z-Beleid in die Kerkorde van
die Algemene Sinode opgeneem.
5.3 Dit is krities-noodsaaklik dat kerkrade en
kommissies vir diensverhouding op hoogte is van
die inhoud van die A tot Z-Beleid.
60. PREDIKANTE: HERINNERING AAN
A TOT Z-BELEID (VOORSTEL 4 GOED-
GEKEUR)
VOORSTEL 4
Die Sinode herinner kerkrade en gemeentelike
diensverhoudingskommissies aan die A tot Zbeleid.
Goedgekeur
61. PREDIKANTE: BESLUITE DEUR
ALGEMENE SINODE OOR VASTE
TERMYNKONTRAKPOSTE (A5 PT 6)
6.1 Die Algemene Sinode het in 2011 belangrike
besluite oor vaste termynkontrakte geneem.
6.2 Aangesien statistiese analise toon dat 'n groot
aantal predikante in Oos-Kaapland in terme van
vaste termynkontrakte in diens geneem is, is dit
noodsaaklik dat kerkrade en predikante kennis
neem van die wysigings in hierdie verband.
6.3 Van die belangrikste aspekte waaroor die
nuwe Reglement vir Vaste Termynposte handel,
is die volgende:
Gegewe die sinodale riglyne word in dieselfde
gemeente gelykwaardigheid in diensvoordele
gehandhaaf tussen 'n vaste termynpos en 'n pos
vir 'n onbepaalde termyn.
'n Vaste termynpos is pensioendraend tensy die
bedienaar van die Woord wat die pos vul,
goedkeuring van die trustees van die sinodale
pensioenfonds verkry het om by 'n ander wetlikgoedgekeurde
pensioenfonds in te skakel.
'n Vaste termynpos het duidelik omskrewe
bedieningsverpligtinge wat met die amp van
bedienaar van die Woord in direkte verband
staan.
144
Die ring of sy gevolmagtigde keur die pos en die
voorgestelde diensooreenkoms goed vóórdat
beroep mag word.
'n Emeritus kan tot op ouderdom 70 jaar, met
goedkeuring van die ring, in 'n vaste termynpos
beroep word.
By bereiking van die normale aftree-ouderdom,
moet geëmeriteer word.
'n Emeritus kan met diens in dieselfde
gemeente voortgaan, slegs indien (onder andere )
'n vaste termynpos volgens die voorgeskrewe
prosedure geskep is, alle verpligtinge by emeritaat
nagekom is, mediese geskiktheid bepaal is, 'n
nuwe diensooreenkoms aangegaan is, en
pensioenbydraes voortgesit word.
'n Emeritus wat by aanvaarding van 'n vaste
termynpos reeds pensioen ontvang, is vrygestel
van pensioenbydraes (vergelyk 2.3.4 hierbo).
Die termyn vir 'n vaste termynpos duur nie langer
as drie jaar nie.
By verstryking van die termyn, kan die pos vir 'n
maksimum van twee jaar deur dieselfde of 'n
ander bedienaar van die Woord gevul word, op
voorwaarde dat die ring of sy gevolmagtigde
instemming daartoe verleen en 'n nuwe
diensooreenkoms tot stand kom.
62. PREDIKANTE-VERSORGING IN
GEMEENTES (A5 PT 4)
4.1 Kerkrade moet seker maak dat die geestelike
versorging van elke predikant (en pastoriegesin)
in elke gemeente aandag kry.
4.2 Terwyl elke predikant se diensverhoudinge
die aandag geniet van die Kommissie vir Diensverhoudinge,
is daar ook 'n groep nodig wat aan
die mens-wees van die predikant en sy gesin
aandag gee. Predikante het medemense nodig
vir wie hulle in hul vertroue kan neem - mense wat
daardie vertroue waardig sal wees.
4.3 Hierdie versorging is hoogs individueel, en
hang van persoonlikhede, behoeftes en
omstandighede af. Dit moet egter in elke geval
aandag kry.
63. PREDIKANTE: RINGE EN DIE
VERSORGING VAN PREDIKANTE (A5
PT 12)
12.4 AANBEVELING
Die Sinode moedig Ringe aan om strategieë
vir die bou van ondersteunende vertrouensverhoudinge
tussen leraars te ontwikkel en as
ringsprojekte te implementeer.