HANDELINGE - NG Kerk in Oos-Kaapland

Die Sinode:
VOORSTEL 13
1. neem kennis van die uitdaging en bedreiging
wat die uitbreiding van Islam, veral in Afrika en die
Oos Kaap, inhou vir die kerk;
2. dra dit aan die SK op om deur navorsing en
voorstelle vir ringe en gemeentes te begelei om
op Bybelse wyse hierop te reageer; en
3. vra dat ringe en gemeentes:
3.1. moeite sal doen om hulself te vergewis van
die stand van sake rakende die uitbreiding van
Islam in hul onmiddellike omgewing;
3.2. kundiges soos Alastair Jolley (SIM, Port
Elizabeth) en Kamil Kiroglu (Egeiro, Jeffreysbaai)
sal nooi om gemeentes en ringe in te lig en toe te
rus oor hoe om op die uitdaging van Islam kan
reageer;
3.3. hande sal vat met mekaar, ander kerke en
vennote om die Evangelie sterker te vestig in
veral ons plattelandse gebied;
3.4. nuwe inisiatiewe sal aanpak om met deernis
die Evangelie te bring na Moslems in hul
omgewing.
Goedgekeur
1. Bedreiging
(Di CP Crous / CH van Heerden)
MOTIVERING
Ons is versigtig om dié woord te gebruik. Die
Sinode het oor die jare al baie dinge as bedreigings
identifiseer, en was nie altyd in die kol nie:
swart gevaar, rooi gevaar, pink gevaar, Buffalo
Rally, regstellende aksie, HIV/Vigs... identifiseer
as hierdie massiewe bedreigings, maar meer nog
is wysheid nodig oor hoe ons dit wat ons as bedreigings
identifiseer, dan as kerk, as liggaam van
Christus, aanspreek.
Hoekom ons wel die woord bedreiging gebruik,
sien mens deur te kyk na die volgende woord:
Afrika.
2. Afrika
Kyk na die kaart. Miskien dink jy saam aan Islam
in terme van Noord-Afrika (Arabiere), wel dit is
veel meer as dit. Die lyn, waar die groen lig
eindig, was vir 400 jaar stabiel. In hierdie laaste
jaar is dit besig om radikaal te verander.
Ivoorkus: Islamitiese revolusie 1 jaar gelede.
Mali: ʼn Maand gelede Islamitiese revolusie. Lees
Operation World (2010) oor Mali.
G: Handelinge van die Sinode
174
Van wes na oos kom teokrasie, kom Sharia, kom
vervolging. Die kerk word so te sê uitgewis.
Turkye, 1915, Armeense kerk (2 miljoen mense
uitgewis).
Die kerk het so te sê gesterf, en dit bly so vir
100de jare. Ons moenie hieroor illusies hê nie.
Ons lees van Oos-Kaapse renosters se ellendes,
harte breek, ons word kwaad, maar ons sukkel
om dit te voel vir mense: mense wat verlore is, vir
broers en susters wat gemartel, gebombardeer en
vermoor word.
3. Platteland
Derde woord: Platteland
Dit is waar die stryd plaaslik plaasvind. In die
Oos-Kaap platteland. In die Transkei. Niemand
kan sê dit raak my nie, en nie my gemeente nie.
Geopende Deure het ons geleer: ons het altyd
gepraat van die gelowiges wat vervolg word vir
hulle geloof … om nou anders te praat. Gelowiges
wat vervolg word vir ons geloof. Ons moet in
solidariteit staan met die kerk in Afrika. En ons
moet almal werk in die platteland. Transkei moet
weer op hierdie Sinode se tafel kom. Dis ʼn ander
onderwerp, maar dringend.
4. Deernis
Die laaste woord is deernis. Ons maak foute as
ons bedreigings nader met vrees! Ek wil hê ons
moet kan onderskei tussen Moslems en Islam. As
jy ʼn vrou sien toevou in haar doeke, man in sy
rok, is jy dadelik kwaad, vies? Hulle is nie ons
vyande nie. Islam is ʼn bedreiging, maar Moslems
is teiken van God se liefde!
Daar is allerlei videos wat ons kan gebruik om
mense bang te maak vir Islam, oor hul geboortesyfers
en toename, maar die kerk word nooit
geïnspireer deur vrees nie.
Ons is geroep om lief te hê. Ons word geroep om
God se Naam te verkondig, om sy roem en eer te
versprei. Die heilige God word daagliks gelaster
in die naam van Islam. Sy Naam en sy eer
beteken dat ons nie kan agteroor sit nie. Dit is
God se wens dat elke knie voor Hom sal buig, dat
sy eer geken sal word, dat sy genade ervaar sal
word. Dit is ons taak, ons opdrag om sy Naam te
verkondig. En ons beter wakker skrik.