HANDELINGE - NG Kerk in Oos-Kaapland

Tafel 10
Ons gebed is dat die boom van ons kerk die
vrugte geput uit die waterstroom van die
Woord, Christus sal uitdeel aan 'n honger
wêreld en dat die vermoeides en oorlaaides
sal rus en vrede in die koelte vind van ons
boom.
Tafel 15
Mag die NG Kerk Oos-Kaap haar vreugde vind
deur volgens die Woord te leef. Mag strome
van lewende water uit haar vloei en ons hele
gebied benat met God se genade. Mag sy
altyd die Here se leiding getrou volg!
Tafel 16
Ons bid dat die gelowiges deurlopend
immergroen sal wees wat bly groei en vrug dra
tot eer van God die Vader
Ons bid Ps 1:6 dat God ons sal help, dat ons
oë oop sal wees vir die omstandighede om
ons, dat ons sal kan onderskei waar en hoe
Hy ons wil lei... Sola Deo Gloria
In die Naam van die Vader, Seun en Gees bid
ons die sinode en gemeentes vrede, genade
en liefde toe. Mag God se teenwoordigheid in
en by ons wees soos 'n waterstroom by die
wortels van 'n boom. Mag Sy onverganklike
liefde wees soos voeding en mag die Gees
vrug gee wat nooit verwelk nie! Amen
Tafel 18
Ons gebed is dat Jes 55: 11 sal waar bly: "So
sal die woord wat uit my mond kom, ook wees,
dit sal nie onverrigter sake na My toe
terugkeer nie, maar dit sal doen wat Ek
gedoen wil hê en tot stand bring waarvoor Ek
dit gestuur het."
Tafel 20
Mag die Lewenskrag van 'n immergroen boom
by 'n fontein in droë Karoo,
die vreugde gebied deur 'n vrugteboom swaar
van vrug,
in die NGK in Oos-Kaap wees.
H5: Seënbedes vir die Sinode
195
Mag die Insig wat slegs die Vader se stem
bied,
die Moed deur die Gees geïnspireer,
só in ons toeneem dat die Kerk tot
seënvreugde vir ander sal wees -
die woestynfontein borrelend met Lewende
water deur die Seun gebied.
Amen
Tafel 22
Mag die krag van die Gees in ons leef sodat
ons vreugde vind in U Woord, die goddeloses
nader trek sodat hulle geseën kan word terwyl
ons opgewonde borrel waarvoor ons bestem
is, om vrugte op sy tyd te dra as ’n gawe van
God. Amen.
God is besig om Hom deur sy Gees aan ons te
toon as die God van: genade vrede
versoening en eenheid onder mekaar en ook
met ander. Dit alles in 'n opwindende gees van
vernuwing en genaakbaarheid om ander te
aanvaar soos wat hulle is en daardeur vir hulle
te seën. Nou kan ons vrugte met voete wees
wat wandel met God op pad na die wêreld.
Tafel 23
Mag julle gewortel bly in die Here Jesus
Christus
Mag julle nooit verdor nie
Mag julle vrugte tot seën wees
Mag julle vreugde hê en voorspoedig wees.
Onse Vader wat is die hemel is seën asseblief
hierdie jong boompies met U genade dat hulle
sterk wortels sal onwikkel en groot gesonde
bome word wat U Naam sal verkondig aan die
wêreld,
Slegs as dit U wil is.
Amen
Tafel 25
Mag die Here die NG Kerk in die Oos Kaap
seën.
Mag ons so vas in God se Woord gewortel
wees soos 'n boom by waterstrome.
Mag ons op die regte tyd vrugte dra tot seën
van ander.
Mag ons blare nie verdroog nie sodat die wat
moeg is in ons skadu kan rus.
Mag die kerk in al haar besluite en
voornemens voorspoedig wees.