Verlore Tien Stamme

Sou God, wat baie streng bevele aan die volk van Israel gegee het om nie
met vreemdes te ondertrou nie, toegelaat het dat die Heilige Saad so
vertroebel word?
Sien: 2 Sam. 11:3,21,24; 2 Sam. 12:9-10; 2 Sam. 23:39; 1 Kon. 15:5;
met Gén. 25:20; Gén 28:5; Gén. 31:20,24; Deut. 26:5; Ex. 2:21.
Sien ook Nehemía 13:1-3.
Sou ‘n man soos Boas hierdie wette verontagsaam het? Hy het dan so
seker gemaak dat hy volgens die wet van naasbestaandes handel, voordat
hy vir Rut tot vrou geneem het. Is dit denkbaar dat Jesus van heidense
afkoms kon wees?
In Deuteronómium 23:3 lees ons;
3 Geen Ammoniet of Moabiet mag in die vergadering van die HERE
kom nie; selfs hulle tiende geslag mag nooit in die vergadering van
die HERE kom nie;
Maar wanneer dit by die afstamming van Jesus kom, maak dit blykbaar nie
die minste saak volgens die algemene opvatting van die meeste leraars
nie. Hoe slordig is ons tog nie met die Skrif nie. Is dit dan nie waar wat
Hoséa sê nie?
Hoséa 4:6;
6 My volk gaan te gronde weens gebrek aan kennis; omdat jy die
kennis verwerp het, sal Ek jou verwerp, sodat jy vir My die
priesteramp nie sal bedien nie; omdat jy die wet van jou God
vergeet het, sal Ek ook jou kinders vergeet.
Of hierdie een:
“As daar geen openbaring is nie, word die volk bandeloos; -
(Spr. 29:18).
Die seën wat Jakob op die punt was om oor Efraim en Manasse uit te
spreek, is van die allergrootste belang. Dis daarom dat ons hierdie saak
van hulle identiteit eers van naderby moet betrag.
Efraim en Manasse.
Hulle was die twee seuns van Josef, en Manasse was die eersgeborene.
Josef was die lieflingseun van Jakob. Die seën van Josef het oorgegaan
op Efraim en Manasse.
In Génesis 48:5 sien ons dat Jakob die seën van Ruben die eersgeborene
aan hulle gegee het. Dit wil sê hulle het die eersgeboortereg ontvang en
nie Juda nie. Dit is van die uiterste belang.
68