Vvaerachtighe Beschryvinghe Van drie seylagien, ter ... - Van Wijnen

[Iulij 11]
+ Den 11. Iulij werdt deur een groote zee waters haer roey-jacht inden grondt ghesmeten, also
dat zijt verloren, ende dreven daer nae noch sonder seyl vry langh o. ten z. behouden 5.
mylen, en ontrent de Son z.o. schoot den wint ten n.w. ende tweer began altemet wat te
beteren: maer was seer mistigh. Doen maecktense wederom seijl, ende seijlden tot dat de Son
snachts n. ten o. was behoudens 4. mylen, daer wast diep 60. vadem slijck gront, ende zy
sagen+ eenighe ys schollen.
+Iulij 11.
+Iulij 12.
[Iulij 12]
Doen hebben zij opten 12. Iulij westwaert overghewent n.w. ende gheseijlt een mijl met
mistich weer, ende n.w. wint. Zy seylden w.z.w. aen om de royejacht weder te vinden 3. oft 4.
mylen gins ende weer. Daer nae wenden zijt weder aende wint, ende seylden 4. mylen z.o. aen
totten z.w. Son toe, doen quamen zy dicht aent landt van Nova Sembla, ende streckte o. ten n.
ende w. ten z. Van daer leyden zijt weder over tot deeldagh toe 3. mylen, noorden ten westen
aen.
Noch seyldense van deeldagh af tot dat de Son n.w. was, 3. mylen n.w. ten n. behouden. Doen
wendent zijt oostwaert over, ende seylden 4. oft 5. mylen n.o. ten oosten.
[Iulij 13]
+ Den 13. Iulij, snachts quamense by groote menichte van ys, so veel alsmen uyten mars
oversien mocht, altemael een effen velt ys, ende zy wendent westwaert over vant ys, ende
seijlden ontrent 4. mylen w.z.w. behouden, tot dat de Son was o. ten n. ende datse tlandt van
Nova Sembla saghen int z.z.o. van haer legghen.
Doen wendent zijt weer over noordtwaert, ende seylden tot o.z.o. Son behoudens twee mylen,
ende quamen weder by groote menichte van ys, ende daer nae noch gheseijlt z.w. ten z.
behoudens drie mylen.
+Iulij 13.
[14. Iulij]
+ Opten 14. Iulij wenden zijt wederom noordtwaert over, ende seylden met twee
schoverseylen n. ten o. ende n.n.o. 5. ofte 6. mylen, tot de hooghde van 77. ende een
derdendeel graden, ende quamen weder aen't ys, ende was een groot velt datment niet
oversien mocht, daer was op 100. vadem gheen gront, ende waeyde stijf uyten w.n.w.
Van daer wenden zijt weder zuydtwaert over, ende seijlden z.z.w. behoudens 7. oft 8. mylen,
ende quamen wederom by't landt, dat sich verthoonde aen 4. oft 5. hooghe berghen.
Doen wendent zijt wederom noordtwaert over, ende seijlden tot savonts toe noorden aen 6.
mylen: maer quamen weder int ys.