Vvaerachtighe Beschryvinghe Van drie seylagien, ter ... - Van Wijnen

Vanden Ys hoeck tot de Cape des Troosts seyldense west aen wel soo zuydelijck 30. mylen.
Tusschen beyden leyt seer hoogh landt: maer de Cape des Troosts is laech slecht landt, ende
opt west eynde staen 4. oft 5. swarte heuvels, ghelijck boeren huysen.
+Augusti 1.
[Augusti 3]
+ Vande Cape des Troosts wenden zijt den 3. Augusti noordtwaert over, ende seijlden 8.
mylen, n.w. ten n. om z.w. ende wendent des middaeghs weder zuydtwaert over totten avont
toe, ende seijlden z. ten w. ende z.z.w. 7. mylen, ende quamen by een laghen slechten hoeck
te landt aende Cape de Nassauwen.
Des avonts wenden zijt weer noordtwaert ouer, ende seijlden noorden ten oosten 2. mylen,
ende de wint liep ten
+Augusti 3.
[p. *5]
illustratie
Afbeeldinghe vande Wal-russchen, Zee-monsters also ghenaemt, seer stercke beesten, die
altemet de Visschers schuyten om trecken, ende vanden strijt die het volck met haer gehadt
hebben, daerder wel 200.opt landt by malcanderen waren, ende sloegen alle haer gheweer in
stucken, ende conden niet eenen dooden, also datse van meeninge waren met grof geschut
haer te comen besoecken: maer moestent deurt onweer datter op quam naelaten
[fol. 7r]
noorden, daerom wenden zijt weder westwaert over, ende seijlden n.n.w. 1. mijl, ende de wint
liep weder ten oosten, ende seijlden vanden 4. Augusti smorghens totten middagh w. ten n. 5.
oft 6. mylen. Doen noch gheseijlt totten avond+ toe z.w. aen 5. mylen, daer nae noch twee
mylen z.w. ende vervielen op een laech slecht landt, daer opt oost eijnde een witte plecke was.
+Augusti 4.
[Augusti 5]
Noch geseijlt totten morgen den 5. Augusti w.z.w. 12. mylen. Noch z.w. aengeseijlt 14.
mylen, daer na noch west+ aen 3. mylen totten 6. Augusti.
+Augusti 5.
[Augusti 6]
Den 6. Augusti w.z.w. aengheseijlt 2. oft 3. mylen. Noch z.w. ende z.w. ten z. geseijlt 4. oft 5.
mylen. Noch z.w. ten+ w. 3. mylen. Noch aengheseijlt z.w. ten w. 3. mylen Noch w.z.w. ende
z.w. ten z. 3. mylen totten 7. Augusti.+