Vvaerachtighe Beschryvinghe Van drie seylagien, ter ... - Van Wijnen

gaen, ymmers een deel mylen tot dat wyt weder inde rechten ghebracht hadden, dat deur de
quade winden verloren was, soo mede om dat die noordt oost was, maer
+Iunij 1.
+Iunij 4.
[p. *15]
illustratie
Afbeeldinghe van een wonderlijcken Hemel, ghesien den 4. Iunij, anno 1596. aen elcke zyde
vander Sonne scheen oock een Son, ende daer liepen twee Reghen-boghen door alle de 3.
Sonnen henen, ende daer nae noch twee Reghen-boghen, d'een wijt rondtomme der Sonnen,
ende d'ander dweers door de groote ronde, ende het groote rondt stont de onderste cant
verheven boven den Horizondt 28. graden.
[fol. 17r]
wat wy seyden, ende haer gaerne ten besten geraden hadden, so wildense effenwel niet anders
dan n.n.o. aen gaen, want haer seggen was alse oostelijcker souden aen gaen, dat wy dan inde
Weygats souden comen. Ende als wijt haer met veel harde woorden niet conden wijs maken,
so gingen wy haer een streeck te moet, ende ghingen n.o. ten n. ende souden anders n.o.
aenghegaen hebben, jae noch oostelijcker.
[Iunij 5]
Den 5. Iunij sagen wy het eerste ys, dat ons seer wonder gaf, meenende, int eerst dattet witte
Swanen+ waren, want daer gingh een van ons volck opt verdeck wandelen ende begonste
onversiens te roepen met luyder stemme, dat daer witte Swanen swommen. Wy die onder
waren sulcks hoorende, spronghen flucks op, ende sagen dattet ys was, dat vanden grooten
hoop quam dryven, ende gheleeck wel Swanen, ende 'twas ontrent teghen den avondt. Des
middernachts seijlden wy daer deur, ende de Son was wel ontrent een graet hoogh boven den
Horisont int noorden.
+Iunij 5.
[Iunij 6]
Den 6. Iunij quamen wy savonts ontrent vier uren wederom int ys, ende 'twas so geweldich
dat wy daer+ niet deur conden comen, ende ghinghen z.w. ten w. aen, 8. glasen langh. Ende
daer nae ghinghen wy weder onsen cours n.n.o. ende seijlden by't ys heenen.
+Iunij 6.
[Iunij 7]
Den 7. Iunij hebben wy de hooghde des Sons genomen, ende bevonden dat hy was verheven
boven den+ Horisont 38. graden 38. minuten, haer declinatie was 22. graden 38. minuten