Raadpleeg tog asseblief eers 'n geneesheer as julle - Smalladds.com

Boererate - O
Oë…Seer oë…Meng ‘n klein mespunt aluin en ‘n klein mespunt wit teesuiker
saam en maak fyn. Gooi in ‘n koppie kookwater wat klaar afgekoel het. Gooi
in ‘n bottel en kurk toe. Gooi 2 of 3 druppels in die seer oog 3 maal per
dag. Die mengsel word mettertyd sterker en dan kan jy net bietjie water
bygooi. Dit sal bietjie brand in die begin…maar namate die oë beter word
sal dit nie meer brand nie.
Oë…Seer oë…Neem baba se eerste nat doek in die oggend en vee sy ogies
daarmee uit en ook dikwels deur die dag.
Oë…Seer oë…Sit slangvel in brandewyn vir 2 minute. Sit op die oë met die
binnekant op die seer oog en maak toe met ‘n ander lappie. Sit nou
kesieblaarpappie louwarm bo-op.
Oë…Seer oë…Trek ‘n paar kamelblomme of blare in water. Baai die oë met
die water.
Oë…Seer oë…Was die oë met flou louwarm tee.
Oë…Seer oë…Was jou oë met flou…louwarm tee en gooi 1 druppel
haarlemensies in.
Oë…Swak oë…Dra goue oorbelle as jy swak oë het…dit help.
Oë…Swak oë…Smeer ‘n bietjie harmansdrup in die buitehoekies van die oë.
Oë…Swak oë…Trek kemeel boom soos flou tee en laat afkoel. Baai die oë
soggens en saans daarmee…dit reinig die oë en versterk dit sodat jy jou bril
sal kan bere.
Oë…Vir enige oogbesering kan jy net ‘n stukkie rou vleis op die oog sit.
Oë…Voorwerp in oog - as daar iete in jou linkeroog is, trek die boonste ooglid
oor die onderste een en hou so stil, druk dan jou regterneusgat toe en snuit
hard deur jou linkerneusgat.
Oë…Was die oë met soutwater of engelse sout water en drup dan 2 of 3
druppels kasterolie in elke oog. Bind toe sodat daar nie lig inkom nie.
file:///C|/Documents%20and%20Settings/User/My%20Documents/My%20Webs/boererate%20eboek/o.html (4 of 8)2005/06/13 02:17:27 PM