Raadpleeg tog asseblief eers 'n geneesheer as julle - Smalladds.com

Boererate - B
BLOEDVINTE…Sny 1 middelmatige aartappel oop en sit die pit op 1 gesnyde
kant. Sit die 2 stukke bymekaar en plant. Sodra die aartappel begin uitskiet
dan is die bloedvinte gesond.
BLOEDVINTE…Sny 1 witwortel in stukkies en kook tot lekker sag is in ‘n bietjie
water. Gooi die water af in ‘n houertjie….moenie weggooi nie. Maak nou die
witwortel goed fyn. Was die bloedvint met die water…en smeer van die
witwortel op ‘n lappie…en sit op die bloedvint. Dit moet baie warm wees as jy
dit opsit….en jy moet dit met ‘n lappie toemaak.
BLOEDVINTE…Stamp kiesieblare en meng met brood en melk om ‘n sagte pasta
te maak. Maak dan sterk warm en sit op die bloedvint so warm as die persoon
kan verdra. Maak toe met ‘n flennielappie en vervang sodra dit koud geword
het met ander warm een.
BLOEDVINTE…Stamp rooibossie…gooi boermeel by en sit dit op die bloedvint…
dit sal gou ryp trek. Rooibossie groei in die vlakte. Dit is ‘n plat rankplant…die
blaar is bo-op groen en onder rooi.
BLOEDVINTE…Trek van die blare van ‘n gifbol af en sit in ‘n erdebord met
melk. Moet nie kook nie…dit moet net warm word sodat dit goed kan trek. Sit
dan op die bloedvint. Gifbol is ‘n plant wat wild groei en ‘n groot bol onder die
grond vorm.
BLOEDVINTE…Vat 1 groot eetlepel vaseline en sit engelse sout by tot dit ‘n
lekker salfie vorm. Smeer op die bloedvint en maak dan toe. Hierdie is ‘n baie
goeie trekmiddel vir bloedvinte.
BLOEDVINTE…Vat 1 groot rosyn en sny oop en sit dit op die bloedvint voor jy
in die aand gaan slaap. Die volgende oggend dan eet jy die rosyn…en die
bloedvint is sommer gesond.
BLOEDVINTE…Wanneer die bloedvinte ryp is..dan moet jy die pitte uitdruk en
na ‘n miershoop neem. Sit dit waar die miere werk…en soos die miere die pitte
wegdra…dan word die bloedvint gesond.
BLOEDVINTE…Was lemoenblare mooi skoon en pak op die bloedvint en bind
toe. Dit sal gou ryptrek.
BLOEDVINTE…Week ‘n lappie in lou harpuis en sit op die bloedvint….dit werk
gou en sal die bloedvint in ‘n japtrap ryptrek.
file:///C|/Documents%20and%20Settings/User/My%20Documents/My%20Webs/boererate%20eboek/b.html (20 of 32)2005/06/13 02:17:16 PM