Blyttia_200001_skjer.. - Universitetet i Oslo
Blyttia_200001_skjer.. - Universitetet i Oslo
Blyttia_200001_skjer.. - Universitetet i Oslo
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
sk skoler sk oler oleringss<br />
oler ingss ingsstof ingss of off of<br />
veggen eller begerblada hos slike planter, og det<br />
er blitt hevda at fotosyntesen i vevet rundt frøa eller<br />
fruktene er viktig og nødvendig for at planten skal<br />
greie å produsere nok energirik olje for elaiosoma.<br />
Fleire av artane, t.d. hårfrytle, kusymre, lerkespore,<br />
kystmyrklegg, rødtvetann og blåveis, har lite styrkevev<br />
i stengelen, og vert bøygde mot bakken ved<br />
mogninga grunna redusert væsketrykk i cellene.<br />
Dermed får mauren lett fatt i frøa eller fruktene.<br />
Normalt er denne typen frø eller frukter så glatte<br />
og harde at mauren berre et elaiosoma og ikkje<br />
frøa eller fruktene.<br />
Normalt utgjer elaiosoma berre 5-10% av frøa<br />
eller fruktene sin tørrmasse, og mykje tyder på at<br />
mauren ikkje vert tiltrekt av sjølve oljen i elaiosoma,<br />
men av eit flyktig luktstoff. I alle høve reagerer<br />
mauren primært på frø eller frukter som nettopp<br />
har falt på bakken. Maurfrøspreiing er rekna for å<br />
vere effektiv, grunna den store mengda med maur<br />
i skogbotnen og det høge aktivitetsnivået hos<br />
desse dyra. Ofte vert frøa frakta ned i sprekker<br />
eller gangar i jorda, og dette i seg sjølv fremjar<br />
sjansane for spiring og hindrar også at frøa vert<br />
etne av t.d. fugl eller mus. Nyare forsking har også<br />
vist at sjølve fjerninga av elaiosoma frå frøa som<br />
maurane er ansvarlege for, fremjar både spireevna<br />
og vekstfarten. Det faktum at mange planter<br />
med frøspreiing produserer få frø, t.d. småmarimjelle<br />
med berre to frø per kapsel, indikerer i alle<br />
høve at dette er ein sikker spreiingsmetode hos<br />
desse planteartane. I pedagogisk samanheng er<br />
maurspreiing såleis eit spesielt interessant og<br />
lærerikt døme på eit særs finstemt samspel mellom<br />
planter og dyr, som bør få meir plass i lærebøker<br />
både når det gjeld tekst og bilde. I særleg<br />
grad saknar ein fotografisk materiale som viser<br />
elaiosoma og plasseringa av slike strukturar på<br />
dei ymse frøa eller fruktene. Hos artane nemde<br />
ovanfor er elaiosoma kvite og er særleg lett synlege<br />
hos artar med svarte frø, t.d. lerkespore. Hos<br />
nokre artar t.d. marimjellene og dauvnesle er<br />
elaiosoma forholdsvis store i forhold til frøa og<br />
dermed lett synlege av den grunn, og kan studerast<br />
med lupe ute i felten (figur 1). Marimjellene<br />
bøyer seg ikkje ned ved frømogninga, men slep-<br />
per frøa enkeltvis ned på bakken, dvs. maurane<br />
må leite opp kvart einskildt frø. I tillegg er marimjellefrøa<br />
såpass store at mauren neppe finn det<br />
brytet vert å frakte dei særleg langt avgarde, trass<br />
i at elaiosomet er ekstra stort hos desse artane. I<br />
alle høve veks marimjellene nesten alltid i tette<br />
klynger, noko som indikerer at frøspreiingsmekanismen<br />
ikkje er særleg effektiv. Hårfrytle derimot<br />
veks ikkje i klynger, men spreidd utover overalt i<br />
skogen, noko som indikerer ei effektiv maurfrøspreiing.<br />
Hos mange av artane med maurspreiing er<br />
elaiosomet festa direkte til frøet, men hos artar<br />
med nøttefrukt t.d. tvetannartane er det festa<br />
utanpå fruktknuten, dvs. nøtteskalet. Hos arten<br />
rødknapp er elaiosomet festa utanpåt ytterbegeret,<br />
på motsatt side av begerblada som er tannforma<br />
hos denne arten (figur 1). Elaiosomet utviklar<br />
seg hos mange artar frå frøkvitevevet (endospermen),<br />
medan det elles varierer frå art til art<br />
kva for vev som dannar grunnlag for denne strukturen.<br />
Hos rødknapp har såleis nyare forsking vist<br />
at det er vev frå begerdelen epicalyx som blir<br />
omforma til elaiosom. Ytterbegeret hos rødknapp<br />
er alltid dekt av lange hår og det er blitt hevda at<br />
desse hindrar mauren i å ete frukta og frøa (figur<br />
1). Rødknapp har også hårete stengel og bøyer<br />
seg ikkje ned ved mogninga, så det er sannsynleg<br />
at håra på ytterbegeret også gjev ei viss vindspreiing<br />
av fruktene slik at mauren kan plukke dei<br />
opp frå bakken (figur 1).<br />
Også hos fleire av dei andre plantene nemde<br />
ovanfor, kan frøa bli spreidde på andre måtar enn<br />
vha. maur. Kapselen hos blåfjør brekker såleis<br />
lett av og kan bli frakta eit godt stykke gjennom<br />
lufta ved hjelp av vinden då to av begerblada er<br />
store og fungerer som venger. Deretter kan maur<br />
frakte frøa vidare avgarde. Hos grasarten hengeaks<br />
derimot blir fruktene med oljehaldig struktur<br />
først og fremst spreidde av maur, men denne arten<br />
har også frø utan oljehaldig struktur, og desse<br />
har tilpassing for vindspreiing. Dermed har den<br />
sikra ei viss frøspreiing også i kalde og regnfulle<br />
somrar med liten mauraktivitet (figur 2).<br />
32 <strong>Blyttia</strong> 58(1), 2000