Øi-slekten - Tante Solveigs slektsside

udokumenterte og i denne versjonen viser jeg til to mer objektive
synspunkter. Det første framkommer i en artikkel i Norsk Biografisk
leksikon, gjengitt i Store norske leksikon 58 .
Hallvard Gråtopp, Fødselsår og fødestad er ukjende; truleg
fødd ca. 1390 i Drangedal, Telemark; Død ca. 1438, ikkje nemnd
seinare.
Opprørsleiar. Slektsbakgrunnen er usikker; foreldra kan ha
vore sira Torer Ogmundsson (truleg prest i Sauherad 1401) og
Margrete Hallvardsdotter av Vrålstad-ætta. Etter tradisjonen gift
med Tørris.
Hallvard Gråtopp leia 1438 bøndene i Nedre Telemark og
tilgrensande bygder til opprør mot det danske futestyret og
skattepolitikken til Erik av Pommern. Truleg låg det også sosiale
motsetningar bak reisinga.
Etter segner og tradisjon budde Hallvard på garden Vrålstad i
Drangedal og var gift med ei Tørris. Nyare lokalhistoriske
granskingar knyter han også til denne garden og identifiserer han
som Hallvard Toresson.
Gråtopp-reisinga var eit framhald av det opprøret Amund
Sigurdsson Bolt hadde leia 1436–37, og som hadde samla bønder
frå det sentrale austlandsområdet. No var det bøndene i Nedre
Telemark som reiste seg, men også bønder frå dei øvre
telemarksbygdene var med frå starten. Seinare, då flokken gav seg i
veg mot Oslo for å “fordærve oc skade byen”, slutta også allmugen i
Asker og Bærum seg til.
Opprørsflokken drog først mot futegarden Mæla, der dansken
Herlaug Pedersøn residerte, deretter la dei vegen om Brunla i
Brunlanes, setegarden til fru Sigrid Niklisdotter Galle. Ho var enke
etter den pommerske stormannen Markvard Bukk og mor til
høvedsmannen på Akershus, Olav Bukk. Her budde også den danske
futen Jusse Jakobsøn, som måtte søkja tilflukt med familien i Tanum
kyrkje like ved. Med stadig aukande tilslutning toga dei så mot Oslo,
“rofuæde badhæ kirkiur oc min nadighe herræ konungens almughe,”
skriv Olav Bukk 1439, “slogho oc gripo dandæmen oc trugadhe
lærdæ oc leiktæ, swa wæl rikæ som fatikæ, quinnor som men”.
Olav Bukk fekk hjelp av den tidlegare høvedsmannen på Akershus,
Svarte Jens, og det kan ikkje ha vore vanskeleg for dei å driva den
uorganiserte flokken tilbake. Bøndene vart lova at dei skulle få
leggja fram klagene sine på eit riksmøte i Oslo midtsommars 1439.
31