Fr vikinggrav til verdsveven - Kulturnett Sogn og Fjordane ...

Recommendations

Info

Overført til andre kommunar Det arbeidet som skal gjerast med Sogndal generelt og Rutlin og Kvåle spesielt, vil vera utgangspunktet for det vidare arbeidet. Artiklar vil bli skrivne om alle tema som blir valde ut frå kvar av dei 26 kommunane i fylket. I tillegg skal det for kvar kommune bli tilgjengeleg ei rekkje sidetenester på same måte som skissert for Sogndal kommune. Ein del tema vil bli gjennomgåande for alle kommunar. Sogndal skil seg likevel noko frå dei fleste andre kommunane i fylket ved at det finst mange mellomalderdokument. For alle kommunar skal det utarbeidast kart som viser kva kulturminne som finst i kommunen, og kva historiske hendingar som kan knytast til den. I tillegg vil det etter kvart vera ei visualisering av korleis havnivået har endra seg. Det skal dessutan vera lenke med nyhende for kvar kommune. Når det gjeld arkeologi, vil det bli skrive ein eller fleire artiklar om dei fleste utgravingane som er utført dei siste tiåra. Dei siste åra har det vorte meir vanleg å måla både felt og strukturar nøyaktig inn, og dette vil i slike tilfelle bli ein del av tenesta. Mange av gravhaugane og – røysene vil også bli presenterte på denne måten, anten kvar for seg eller i grupper med fleire graver. Det vil bli lagt vekt både på kulturminna og eventuelle gjenstandsfunn 28 i samband med dei. Alle arkeologiske rapportar og avhandlingar som tek føre seg forhold i kommunen vil bli tilgjengelege. Det historiske materialet vil bli presentert om lag på same måte for dei ulike kommunane. Det vil bli mogleg å sjå noko av det i si primære form. Då mykje er vanskeleg tilgjengeleg, vil det også bli prioritert å omarbeida ein stor del av det. Noko vil bli skrive artiklar om, medan andre ting vil t.d. bli lagt ut i tabellar eller illustrert på andre måtar. Døme på historisk materiale som vil bli omarbeidd er materiale frå Skattematrikkelen frå 1647. Denne kjelda er viktig, då den både seier noko om faktisk og relativ storleik til ein gard, men også kva eigedomstilhøve der var i 1647. Skattematrikkelen blir ofte brukt i analysar om tilhøve i mellomalderen, sjølv om dette er eit nokså krevjande studium. Også Diplomatarium Norvegicum, Bergens Kalvskinn og andre tilsvarande kjelder vil bli lagde til rette om lag på same måten. I tillegg til arkeologiske og historiske kjelder er det enkelte andre kjelder som vil bli presenterte i den grad dei finst frå kommunar og gardar. Eit døme er utskiftingskart. Desse er viktige for å setja lys på eigedomshistoria, og vil bli scanna og lagde ut. Ein stor del av materialet vil med andre ord få om lag den same utforminga for alle kommunane. I tillegg vil det bli ein del tilpassingar ut frå kva som er spesielt for den eksakte kommunen. For kvar kommune skal det minst vera ein rekonstruksjon (animasjon eller 3D) av eit kulturminne. Det vil sjølvsagt variera kva type kulturminne det vil vera snakka om. Det skal dessutan vera minst ein film frå kvar kommune. Mogleg grav, registrert på gbnr. 23/14, Kvåle. Foto: Christoffer Knagenhjelm.
8. Samarbeid, organisering og framdrift Fleire institusjonar er del av prosjektet ved at dei er representerte i styringsgruppa (sjå side 2). Desse institusjonane vil i tillegg ha enkelte andre oppgåver. Ved Høgskulen i Sogn og Fjordane driv dei med studentarbeid om stadnamnmateriale og lokalhistoriske kjelder som kan vera aktuelt å gjera seg nytte av. Bergen Museum vil hjelpa til med å fotografera det gjenstandsmaterialet me treng. Dei driv dessutan nettstadane Reiseveska og Gamle Naboar. Her er stoff me kan gjera oss nytte av, og det er mogleg at me kan samordna drifta. Ved De Heibergske Samlinger - Sogn Folkemuseum finst fleire bygningar og gjenstandar som er eldre enn 1700. Dette kan mellom anna vera aktuelt artikkelstoff. På kulturavdelinga er det fagfolk som kan hjelpa til med informasjon. Den som skal skriva artiklar bør sitja på kulturavdelinga for ei stund. Kulturavdelinga har dessutan ansvar for skiltinga. Ved Arkeologisk institutt vert det stadig skaffa ny kunnskap om Sogn og Fjordane. Dei som jobbar med dette kan t.d skriva artiklar på grunnlag av dette materialet. Fleire andre aktørar har vist stor interesse for formidlingsprosjektet. Hordaland fylkeskommune ved fylkeskonservator Per Morten Ekerhovd og arkeolog Elisabeth Jan Warren har spesielt uttrykt at dei er interesserte i å ta del i prosjektet. Det same har Kari Kristoffersen ved Bergen Museum. I Møre og Romsdal har Jan Aakvik i Kulturnett Møre og Romsdal vist interesse, og dei ynskjer å vera med. Det er soleis grunnlag for eit breiare samarbeid på Vestlandet om dette. Ved å ta med aktørar som jobbar med kulturminne i lokalmiljøet kan me heva kvaliteten til noko av det beste som finst av denne type formidling. Då må me heva kompetansen på ulike teknologiske dokumentasjons- og presentasjonsmetodar som blir utført av kulturavdelinga og Bergen Museum, slik at grunnlaget for gode presentasjonsmåtar blir lagt allereie i felt. Ved å digitalisera materialet betre/ meir i felt enn i dag, vil det letta arbeidet både for dei som skal skriva rapport frå registreringa/ utgravinga og for dei som skal formidla det på Internett. Me kan også ta med andre aktuelle aktørar. I dag er det mange små aktørar som jobbar med sitt utan at det er samordna. Lokalhistoriske lag, skulen og kommunen kan til dømes ta del i å fotografera kulturminne, medverka til skilting av kulturminne og ta del i skjøtsel. Nettsider til aktuelle aktørar bør lenkast opp til sida om eldre historie. Me må skissera konkrete tiltak som må setjast i verk for at formidlingsprosjektet skal fungera best mogleg. I det vidare arbeidet er det viktig å ha brei tverrfagleg kompetanse. Slik kompetanse vil mellom anna vera arkeologi, IT-kompetanse, historie, pedagogikk med meir. Framdrift I samband med slutthandsaminga av denne rapporten, vart det teke kontakt med Årdal kommune ved kultursjef Steinar Lægreid. Kommunen har planar for vikinggarden Ytre Moa, og tankane i rapporten høver særs godt inn der. Årdal sa ja til å føra arbeidet vidare etter dei linene som denne rapporten dreg opp. Det vart engasjert arkeologar til å laga plan for Årdal basert på rapporten og modellkommunen i denne, og dei byrja å skriva artiklar. Det vart og sett i gang arbeid med å laga animasjonar og rekonstruksjonar frå Ytre Moa. Samstundes er arbeidet med utforming av nettester for Årdal kome i gang. Desse vert knytte til Kulturnett Sogn og Fjordane og vil nytta teknologien som ligg der. Samstundes vil det verta laga eigen inngang for Årdal som samlar det stoffet som gjeld denne kommunen særskilt. Arbeidet med første fase i Årdal vil verta fullført i 2008. Det vil vera eit godt grunnlag for liknande arbeid i andre kommunar i Sogn og Fjordane og i andre fylke. Vestlandsrådet ynskjer og at arbeidet med nettbasert kulturformidling og ABM-samarbeid skal vera eit felles satsingsområde. Denne rapporten vil no verta sendt til dei andre vestlandsfylka. Dei må då vurdera når og korleis dei vil inkludera dette feltet i arbeidet sitt. Vidare arbeid må skje som ein integrert del av anna arbeid med nettbasert kulturformidling og ABMsamarbeid, og ein må kopla tenestene opp mot dei regionale kulturnetta i desse fylka. Arbeidet kan førast vidare på kommuneplan slik 29
Page 1 and 2: Formidling av forhistorie og eldre
Page 3 and 4: Innhald Føreord 4 1 Mål 5 2 Bakgr
Page 5 and 6: 1. Mål Målet med prosjektet er å
Page 7 and 8: er til hjelp i arbeidet med å anal
Page 9 and 10: ikkje funne mange studentoppgåver
Page 11 and 12: Eksisterande tenester -nettbaserte
Page 13 and 14: utval av gjenstandsfunn frå fylket
Page 15 and 16: produksjonsområde, steinalderbupla
Page 17 and 18: 7. Modellkommune Sogndal kommune er
Page 19 and 20: Spor etter menneske i fleire tusen
Page 21 and 22: Storgarden Kvåle Garden Kvåle i S
Page 23 and 24: Eg har sett opp ei liste over kva a
Page 25 and 26: alle kulturminne, lokalitetar og by
Page 27: I tillegg til utgravingane på psyk
Page 31 and 32: Vedlegg 1 Adresser til nettstadar s
Page 33 and 34: Vedlegg 2 Andre formidlingsprosjekt
Page 35 and 36: Vedlegg 4 Bygdebøker frå Sogn og
Page 37 and 38: Espe, Alfred, Ola Gram og Kåre Hov
Page 39 and 40: Vedlegg 5 Magistergrader i arkeolog
Page 41 and 42: • Jenssen, Atle: Likearmede spenn
Page 43 and 44: Vedlegg 7 Doktorgrader i arkeologi

Fr vikinggrav til verdsveven - Kulturnett Sogn og Fjordane ...

You also want an ePaper? Increase the reach of your titles

Delete template?

Save as template?