Blyttia_200601_skjer.. - Universitetet i Oslo
Blyttia_200601_skjer.. - Universitetet i Oslo
Blyttia_200601_skjer.. - Universitetet i Oslo
Create successful ePaper yourself
Turn your PDF publications into a flip-book with our unique Google optimized e-Paper software.
BØKER<br />
folkelege namna skil dessutan anten ikkje mellom<br />
ulike (botaniske) artar eller dei gjeld berre for<br />
ein bestemt art til eit bestemt bruk, t.d. beinved<br />
om kristtorn til emne for reidskap eller kjerringris<br />
og kjise om dvergbjørk til kostar eller brensle. Truleg<br />
ville ein trenge ei eiga bok for å få med nok<br />
stoff om namn og tradisjonar til å yte dette rettferd,<br />
slik det er gjort for fleire av treslaga våre (sjå t.d.<br />
Nedkvitne og Gjerdåker 1995).»<br />
Formatet<br />
Flora Nordica er komen med tre bind, og det ligg<br />
føre planar om å gi ut tre til i dei næraste åra.<br />
Dermed anar vi at før Lids flora kjem ut i neste<br />
utgåve, vil ein fullført Flora Nordica stå i hyllene til<br />
fagbotanikarar over heile Norden. Kva meir kan<br />
ein då ønskje seg enn eit slikt skattkammer av<br />
kritisk gjennomarbeidd informasjon om alle ville<br />
eller forvilla karplantar ein nokon gong måtte treffe<br />
på? Som fagbotanikar, truleg svært lite. Ingen over,<br />
ingen ved sida. Dei tidlegare utgåvene av Lids<br />
flora har vore mest einerådande i universitets- og<br />
høgskuleutdanninga i botanikk, og mange skulebibliotek<br />
har Norsk flora. Han har oppnådd eit ry<br />
som Noregs Nasjonale Flora, utarbeidd av norske<br />
fagfolk som han er. Men vil han halda stillinga<br />
dei neste tiåra? Kan hende ikkje. Konkurransen<br />
frå omsette verk på eine sida og Flora Nordica på<br />
hi, kan bli vel tøff. Og det er ikkje vanskeleg å sjå i<br />
bokhandlarane at dette er eit segment i marknaden<br />
som det har gått attende med, både i omsetjing<br />
og utval, i dei seinare åra. Ein amatør vil nok<br />
ha problem med å tileigne seg og finne fram i dei<br />
omfattande nøklane og mylderet av meir eller mindre<br />
sjeldsynte og tilfeldige artar og former i Flora<br />
Nordica. Dei fleste vil ha meir enn nok nytte og<br />
glede av eit verk som den vakre og stort sett korrekt<br />
illustrerte fargefloraen til Mossberg & Stenberg<br />
(2003). Her er det óg mogleg å kose seg<br />
med bileta medan ein blar og kikkar på det som<br />
veks kring ein. Ja, for denne boka er det også<br />
mogleg å ta med seg ut, på ferieturen, i alle fall<br />
om ein ikkje er på fottur og tvungen til å vurdere<br />
vekta opp mot det som trengst av proviant og klesskift.<br />
Samstundes har amatørane oppdaga det elektroniske<br />
mediet: verdsveven fløymer over av beskrivingar<br />
og bilete av all verdas plantar, berre nokre<br />
tastetrykk unna. Ikkje alt er til å lite på, men dei<br />
mange heimesidene og diskusjonsklubbane om<br />
botaniske tema på veven syner klårt at her treffast<br />
folk med gode kunnskapar og ei kritisk haldning<br />
til hobbyen sin. I framtida vil det truleg verte mogleg<br />
å leggje ut Lids flora elektronisk, ja, kan hende er<br />
det nett her redninga vil liggje for Lids flora på sikt.<br />
Å gje seg elektronikken i vald og sameine og samle<br />
den kunnskapen som kjem inn frå alle kantar.<br />
Ei utgåve med interaktive nøklar der ein ikkje vel<br />
mellom ulike tekstalternativ, men klikkar seg fram<br />
i eit hierarki av symbol – bilete av dei kritiske karakterane,<br />
til ein kjem fram til rett art – eller ei liste<br />
over moglege svar på kva plante ein har føre seg.<br />
Og kan sende inn til redaksjonen bilete og opplysningar<br />
om funn. Det er nok å peike på kva ein<br />
har fått til med «Den virtuella floran» (Naturhistoriska<br />
riksmuseet 2006) i vårt granneland, for å<br />
syne utfordringa for floraen i bokform.<br />
Vi kan jamvel tenkje oss ei elektronisk utgåve<br />
av Lids flora som får plass i ein liten dings som<br />
går i lomma med heile floraen på. Rett nok er her<br />
tekniske problem, t.d. batteria som aldri varar lenge<br />
nok, og vatn og fukt som gjer dingsen ubrukande.<br />
Men framleis er det snøggare å slå opp i ei bok<br />
enn på ein PC. Difor trur vi det finst von for Lids<br />
flora som bok. Men då må neste utgåva gjerast<br />
meir hendig og brukande. Både profesjonelle brukarar<br />
og amatørar treng ein hendig ekskursjonsflora.<br />
Her finst mange større eller mindre floraer<br />
som kunne tenkjast å fylle ei slik nisje, eit vel illustrert<br />
oversyn til turbruk. Men i dei fleste vi har sett<br />
av dette slaget er det ein tendens til at mange,<br />
jamvel vanlege artar vantar. Dermed er dei lite brukbare<br />
for ein seriøs student eller amatør, og boka<br />
hamnar lett i hylla heime, slik den klassiske vesle<br />
boka «Fjellflora» (Gjærevoll & Jørgensen 1952,<br />
2005) har gjort hjå mange. Kan «mursteinen» til<br />
Lid passast inn her? Vi oppfattar det å gi ut siste<br />
utgåva i mjuk plastinnbinding som eit steg i denne<br />
leia, med målet at boka skulle bli hendig på ekskursjonar,<br />
under feltkurs og på tur. Eit slag «hakkespettbok»<br />
i botanikk for folk med glede av å ferdast<br />
i det fri og nyfikne på naturen kring oss. Vi trur ikkje<br />
det er nok med mjukt omslag, og har nokre forslag<br />
til forbetringar som vil minske vekta drastisk<br />
og gjere innbindinga mindre sårbar.<br />
Vi tillet oss difor å samanlikne Lids flora med<br />
«Felleskatalogen over farmasøytiske spesialpreparater<br />
markedsført i Norge» (Felleskatalogen<br />
2005). Denne kom dette året med si 47. utgåve.<br />
Trass i at innhaldet er eit heilt anna, er katalogen<br />
gjort for å tole noko av den same handsaminga,<br />
på legekontor, laboratorium og i apotek landet om.<br />
Vi har også kikka på den velkjende «Excursion<br />
Flora of the British Isles» (Clapham et al. 1981) og<br />
«The Plant Book» (Mabberley 1997). I tabell 1 er<br />
nokre vitale mål sett opp. Som vi ser ville eit tynn-<br />
36 <strong>Blyttia</strong> 64(1), 2006