Kreativt arbeidsjern • 7 - Hekta på røtter • 13 - Ny ... - Bygdekvinnelaget

Tekst: Kirsten Inga Kamrud l Kvinneliv
Kvinnesak
– er det nokon sak
Ein gong i tida var det radikalt å tenke at alle menn hadde
same verdi og same rettar. Å tenkje det same om kvinner,
ja, at alle menneske skulle vera likeverdige, var heilt fjernt.
Eingong i tida kjempa kvinner for å kunne bruke det radikale
plagget BH, nokre tiår seinare kasta vi BH-en på bålet. Ein
gong i tida var det flott og kvinneleg å vera frodig, då hadde
du både pengar og status. No er det rett å vera skinnmager,
då har du både pengar og ja, akkurat, status.
Kvinnesak skiftar med tid og kultur.
I vår del av verda hadde kvinner
vore undertrykte i lang tid og
fann seg til slutt ikkje i det. Eigedomsrett,
arverett og rett til å bestemma over eige liv
og kropp var alle avgrensa for oss. Kvinner
hadde liten tilgang til politikk, utdanning
og arbeidsliv. Det kan vera nyttig å hugse
på at også i vår kultur har kvinner gått med
skaut og blitt tvangsgifte. Så vi skal ikkje
vera så altfor raske til å dømme andre
kulturar der det enno er slik. Utvikling må
skje i eige tempo og ut ifrå eige premissar.
Vi her i Norge har brukt mange hundreår
på å koma dit vi er i dag.
Og så kjem det inniblant små innspel som
får debatten til å blusse om att. Sist ut var
Trude Mostue som tykte at norske kvinner
burde vere heime til barnet var 2-3 år. Eg
meiner også at det må dei gjerne vera om
dei har lyst og høve til det, men dei skal
ikkje vera heime fordi ”nokon” synest det
feil å arbeide ute. Vi er altså ikkje heilt ferdig
med debatten om kvinner skal vera på styrerommet
eller på stellerommet…Kvinnesak
og kvinnefrigjering er fridom til å ta eigne
val og til å velje sitt eige liv. Så lenge ei
kvinne tek eit sjølvstendig val ut i frå eigne
behov og interesser, er det heilt likegyldig
om ho vel å vera heimeverande eller
arbeide del- eller fulltid. Hovudpoenget er
at ho har tatt eit fritt og sjølvstendig val. Det
same valet som ein mann må gjera. Framleis
er det ikkje slik, trur eg, at far på same måten
tenkjer over om han skal vera heime med
barna eller jobbe ute, så likestillinga er vel
ikkje heilt i boks…
Kvinnesak og likestilling er ikkje at vi skal
bli kjønnslause og like. Å vera likeverdig
er ikkje det same som å vera lik. Genetisk
er vi to kjønn med ulike eigenskapar, sjølv
om miljøet er vel så viktig som arven for
korleis vi oppfører oss. Likevel trur eg det
ein skilnad på menn og kvinner, slik som
med pepar og salt. Begge er smaksforsterkarar,
men ikkje på same måte. Og begge
to ville smake annleis, utan den andre.
Kjernen i likestilling er vel at menn og
kvinner skal like høve og rettar til å styre
liva sine, utan å bli skulda for å ta feil
eller handle uklokt. Og likestilling kan vel
også vera at menn skal å same rettar som
kvinner, eller… God 8.mars!
Er det noe å gråte for
De norske sortene er i ferd med å forsvinne - er det noe å
gråte for er arbeidstittelen på debattmøtene alle lokallag
er oppfordret til å arrangere sammen med Bondelaget
i vinter. Målet er å sette fokus på norsk matproduksjon.
Bakgrunnmateriell finner du på Bygdekvinnelagets nettside:
Internasjonalt seminar
Det planlegges internasjonalt seminar i
Oslo fredag 12. og lørdag 13. oktober. Mer
informasjon kommer i Bygdekvinner nr. 3
og på nettsidene.
http://www.bygdekvinnelaget.no/er-det-noe-a-grate-forSett av dagene!
01/2012 BYGDEKVINNER I SIDE 37