AREALDELEN AV KOMMUNEPLANEN 2011-2023

Arealdelen av kommuneplanen for Lindås kommune
4.4.5 Representative uønska hendingar
På grunnlag av fareidentifikasjonen er 4 representative uønska hendingar som er relevante for
planarbeidet valt ut for ei meir detaljert vurdering (UH1 – UH4). For dei andre tema er det, der
det er aktuelt, foreslått oppfølging i planen.
UH-1: Stormflo som medfører vasstand opp i byggeområde og bygningar langs sjøen
Området blir vurdert som sårbart for ei slik hending. Hendinga vert vurdert som sannsynleg med
opptil betydeleg konsekvens for materielle verdiar. Oppsummert er dette ei gul hending der
tiltak skal vurderast.
Vi tilrår at bygningar, anlegg, installasjonar og anna kritisk infrastruktur som kan ta skade av
høg vasstand, ikkje bør ligge lågare enn 2,5-3 meter. Om dei må ligge lågare enn dette må dei
utformast slik at høg vasstand ikkje skadar dei.
UH-2: Trafikkfare
Området blir vurdert som sårbart for ei slik hending. Hendinga vert vurdert som sannsynleg med
opptil betydeleg konsekvens for liv og helse. Oppsummert er dette ei gul hending der tiltak skal
vurderast.
Vi tilrår at det vert lagt inn rekkefølgjekrav for utbetring av vegnettet og utbygging av
gang/sykkelvegar der dette er relevant. Krava må gå fram av føresegnene og knytast til dei
konkrete områda.
UH-3: Utrykkingstid til Ostereidet ved ny utbygging
Ostereidet vert vurdert som sårbart for ei slik hending. Hendinga vert vurdert som mykje
sannsynleg med opptil alvorleg konsekvens for materielle verdiar. Oppsummert er dette ei raud
hending der tiltak skal gjennomførast.
Vi tilrår at brannberedskapen vert styrka anten ved ei framskutt eining på Ostereidet eller
oppretting av bistasjon. Det vert vist til arbeidet med brannordninga for oppfølging av dette.
UH-4: Slokkevasskapasitet til nye næringsområde langs E39
Næringsområda langs E39 blir vurdert som sårbare for ei slik hending. Hendinga vert vurdert
som sannsynleg med opptil alvorleg konsekvens for liv og helse. Oppsummert er dette ei gul
hending der tiltak skal vurderast.
Vi tilrår at det vert lagt inn rekkefølgjekrav for å sikre at tilstrekkeleg slokkevasskapasitet er
etablert før områda vert tekne i bruk. Krava må gå fram av føresegnene og knytast til dei
konkrete områda.
Generelle funn for oppfølging i plan
• Skred – krav om grunnundersøking i utsette område
• Ekstremnedbør – krav til handsaming av overvatn i byggjeområde
• Brann- og eksplosjonsfare – legge inn faresone i plankartet og vurdering av beredskap i
reguleringsplan for nytt næringsområde på Eidsnes.
• Ureina grunn – avklare eventuelle konfliktar på reguleringsplannivå (gjeld Eikefet).
• Dambrot – fjerning av dam ved utviding av Ostereidet skule
• Elektromagnetiske felt – vurdere kabling av låge spenningsnivå gjennom nye
bustadområde.
34