AREALDELEN AV KOMMUNEPLANEN 2011-2023

5.7.6 Faresone høgspenningsanlegg
Dette gjeld areal som er vist med faresone høgspenningsanlegg etter plan- og bygningslova §
11-8 bokstav a.
Sona H370 omfattar område som er i faresona for høgspenningsanlegg. Anlegg med lågare
spenning enn 132 kV er ikkje vist.
5.7.7 Faresone brann- og eksplosjonsfare
Dette gjeld areal som er vist med faresone brann-/eksplosjonsfare etter plan- og bygningslova §
11-8 bokstav a.
Det er to verksemder i planområdet som er omfatta av forskrift om tiltak for å førebygge og
begrense konsekvensar av storulykker i verksemder der farlige kjemikaliar førekjem
(storulykkeforskrifta). Føremålet med storulykkeforskrifta er å førebyggje storulykker og
avgrense skadane dersom det skjer ei ulykke. Kommunane er pliktige til å ta omsyn til slike
verksemder i arealplanlegginga, mellom anna for å hindre uheldig samlokalisering. Begge
desse verksemdene er vist med faresone H350.
Den eine verksemda ligg på Eidsnes og her er det føreslått tilgrensande ny arealbruk med
føremål næring. Samlokalisering av storulykkeverksemder og annan industri er ikkje
nødvendigvis problematisk, jf. ROS-analysen.
Den andre verksemda ligg på Seim, den ligg langt unna anna utbygging, og det er ikkje foreslått
ny arealbruk i nærleiken.
5.7.8 Støysoner
Dette gjeld areal som er viset med støysone etter plan- og bygningslova § 11-8 bokstav a.
Støysoner er utarbeidd av Statens vegvesen, og er i samsvar med T-1442, Retningslinjer for
behandling av støy i arealplanlegging. Støysonene dekker Europa- og fylkesvegnettet i
kommunen, og er delt inn i raud sone (L den >65dB) og gul sone (L den >55dB). I plankartet er raud
sone vist med omsynssone H210, og gul sone er vist med omsynssone H220. Støysonene er
basert på berekningar utført i programmet NorStøy, som nyttar berekningsmetoden Nord2000
Road, og med berekningsår 2025.
Støysonene skal leggjast til grunn ved planlegging og byggesakshandsaminga i kommunen, og
er eit varsel om kor støy kan innebere konflikt med etablering av støyømfintlege bygg og
anlegg. Støysonene er basert på ei grov kartlegging, som gjer at dei ikkje er eigna til bruk på eit
detaljert nivå. Det skal difor alltid utarbeidast meir nøyaktige støyberekningar dersom det er
aktuelt med etablering av støyømfintlege bygg/anlegg innafor raud eller gul støysone.
Miljøverndepartementet sine Retningslinjer for behandling av støy i arealplanlegging (T-1442),
skal leggjast til grunn ved all plan- og byggesakshandsaming innafor støysonene.
5.7.9 Bandleggingssone naturvern
Dette kapitlet gjeld areal som er bandlagt etter vedtak etter anna lov, jf. plan- og bygningslova §
11-8 bokstav d.
Bandleggingssone naturvern (bN) er avsett i plankartet. Dette er område som i dag er bandlagt
etter lov om naturvern.
49