Letras novas - Asociación de Escritores en Lingua Galega

María Canosa
Nacín en Cee un día de calor, ao caer a tarde, agromando tamén o meu
gusto polo verán, o mar, os solpores e tamén o da lectura polas noites.
Léronme contos desde o primeiro día, así aprendín a contalos. Un, dous,
tres,... Xogaba cos números e coas letras, e como non me gustaba medrar,
gardei para sempre os entretementos de cativa: os das cifras e os das palabras,
por iso traballo de enxeñeira de camiños e soño como escritora.
De pequena lía e escribía as historias que me gustaban, acadando
con algún dos contos que creaba os primeiros premios literarios, como os
da A.C. O Facho, A.C. Xermolos, ONCE, Certame Francisco Fernández
del Riego,... e varias mencións especiais no premio de narracións xuvenís
Rúa Nova, de onde naceu o meu primeiro libro: Bramido Maino.
A este título seguíronlle A pedra de seixo, Á espreita na penumbra e
Leo era un León.
Teño textos publicados en diversos volumes con varios autores e na
actualidade colaboro con La Voz de Galicia con artigos de opinión amais
de participar en faladoiros semanais en Radio Voz e na RTVG.
80