Raport vjetor - Raiffeisen Bank Kosovo JSC

Raiffeisen Bank në Kosovë 2007
Segmentet raportuese
Bizneset e vogla dhe
mikrobizneset
Në mënyrë që të ruhet një marrëdhënie e ngushtë me klientët dhe për të qenë në gjendje t’u
përgjigjen kërkesave specifike të klientëve në secilin segment, që nga janari 2007 Raiffeisen
Bank në Kosovë e ka ndarë dhe ristrukturuar segmentin e bizneseve të vogla dhe të mesme në dy
segmente të veçanta: në segmentin e bizneseve të vogla dhe segmentin e mikrobizneseve.
Bizneset e vogla
Segmenti i bizneseve të vogla ofron përkrahje për bizneset e vogla – të përkufizuara si biznese
me qarkullim vjetor prej 1 milionë Euro deri në 5 milionë Euro duke iu ofruar atyre shërbime dhe
produkte që i nevojiten për të zhvilluar biznesin e tyre.
Deri në fund të 2007, Raiffeisen Bank iu është përgjigjur në mënyrë positive kërkesave të ndryshme
nga bizneset e vogla për të zgjeruar aktivitetin e tyre si dhe për të përfunduar projektet e tyre.
Kështu portfolio e kredive për biznese të vogla ishte 114.87 milionë Euro, që në fakt është një
rritje e portfolios së kredive për 43.44%. Edhe numri i bizneseve të vogla të cilat bashkëpunojnë
me bankën tonë ka arritur numrin 800, 19% më shumë sesa vitin e kaluar.
Sa i përket borxheve, për shkak të procesit të privatizimit dhe investimeve në blerjen e
ndërmarrjeve shoqërore, volumi i borxheve në fund të vitit ishte pothuajse në nivelin e njëjtë sikur
në 2006.
Sa i përket kërkesave finaciare të bizneseve të vogla, banka vazhdimisht ka përshtatur ofertën
e saj me nevojat e tregut. Gjatë vitit 2007, Raiffeisen Bank ka prezantuar shumë ndryshime dhe
zhvillime të mëtutjeshme të produkteve. Njëra ndër to është edhe Kredia komerciale hipotekare
me një afat kthimi më të gjatë me qëllim që t’iu mundësojë bizneseve të vogla blerjen e
patundshëmërive, rinovimin, zgjerimin dhe rikonstuktimin e ndërtesave ekzistuese për aktivitete
afariste.
Duke u bazuar në kërkesat e klientëve të bizneseve të vogla, afati i kthimit për kreditë për investime
kapitale/blerje të pajisjeve është dyfishuar, prej tri vjet në gjashtë vjet. Sektori i bizneseve të
vogla kërkon që finacimi për borxhet e tyre investuese të jetë afatgjatë dhe të ketë kushte të
qëndrueshme. Duke pasur këtë parasysh, është prezantuar një kredi konsoliduese në mënyrë që
të rifinancojë investimet kapitale të bizneseve të vogla. Në mënyrë që të plotësohen sa më mirë
kërkesat e klientëve dhe t’iu ofrojmë atyre shërbime efikase, është prezantuar projekti i Grupit
Punues për shërbime efektive i cili në mënyrë të suksesshme është zbatuar në tri degë. Trajnimi
i vazhdueshëm i nëpunësve të kredive dhe zyrtarëve të kredive është bërë poashtu që niveli i
shërbimeve për klientë të jetë i një kualiteti sa më të lartë.
Banka ka për qëllim që të ruajë fokusimin e saj në bizneset e vogla edhe gjatë 2008 dhe të rrisë
përqindjen e tregut të përgjithshëm në këtë segment. Përveç kësaj, si prioritet i bankës do të jetë
zhvillimi i mëtutjeshëm i marrëdhënieve me bizneset e vogla duke përkrahur zgjerimin e tyre me
produkte dhe shërbime adekuate dhe me kushte konkuruese. Banka poashtu do të mundësojë
ndërtimin e marrëdhënieve me klientë të ri të cilët janë pronarë të bizneseve të vogla duke
Termat Ekonomia në Kosovë Përmbledhje e rezultateve Segmentet Pasqyrat financiare Adresat
www.raiffeisen-kosovo.com
27