Raport vjetor - Raiffeisen Bank Kosovo JSC

Raiffeisen Bank në Kosovë 2007
Segmentet raportuese
Individët
2007 ishte viti më i suksesshëm në segmentin e individëve. Duke rritur bazën e klientëve individë
për 45%, Banka arriti të shënojë rritje shumë të rëndësishme duke rritur bilancin e kredive të saj
për 38% ndërsa portfolion e kredive për 52%. Në mënyrë që të jemi sa më afër klientëve tanë
duke iu ofruar shërbime të kualitetit të lartë dhe brenda kohës së caktuar, ne kemi investuar burime
të konsiderueshme në zbatimin e projektit të grupit punues për shërbime efektive, zgjerimin e rrjetit
të degëve, identifikimin e mënyrave të reja të shitjes, zgjerimin i rrjetit të bankomatëve dhe POS
(Pikave të shitjes ku klientët mund të paguajnë përmes kartelës) si dhe prezantimin i produkteve të
reja dhe modifikimin e produkteve ekzistuese në pajtueshmëri me kërkesat e tregut.
Duke përforcuar segmentin për klientë individë me një numër më të madh të stafit të cilët iu
shërbejnë drejtëpërdrejt klientëve, ne kemi rritur nivelin e shërbimit për secilin klient në të gjitha
degët dhe nëndegët e bankës sonë. Të gjitha këto që i përmendëm kanë ndikuar që banka jonë të
ketë një përqindje të tregut bankar prej 40% sa i përket financimit të individëve.
Kartelat
Viti 2007 vazhdoi të jetë i suksesshëm sa i përket edhe aktiviteteve të biznesit me kartela.
Raiffeisen Bank ishte banka e cila për herë të parë në tregun bankar prezantoi Visa Kredit
Kartelën, e cila është pranuar shumë mirë nga klientët tanë. Ne poashtu kemi zgjeruar edhe
gamën e shërbimeve dhe produkteve tjera duke përfshirë rritjen e numrit të kartelave, bankomatëve
dhe POS.
Visa Kredit Kartela iu është ofruar të gjithë klientëve, duke përfshirë edhe klientët që marrin rrogën
përmes bankës sonë, klientët që marrin rrogën përmes bankave tjera si dhe pronarët e bizneseve.
Në bashkëpunim me Visa dhe CornerBanca, bankë zviceriane, ne kemi prezantuar për herë të
parë në rajon shërbimin Visa Transfer Parashë e cila iu mundëson Kosovarëve që jetojnë në Zvicër
të dërgojnë para në mënyrë të shpejtë dhe me kushte të volitshme për të afërmit e tyre në Kosovë.
Përveç këtij shërbimi, ne kemi prezantuar edhe shërbime të reja për bankomatë, sic janë shtypja
e gjendjes së llogarisë për pesë transaksionet e fundit dhe mundësia për të ndryshuar numrin
personal të indentifikimit (PIN). Ne poashtu e kemi zgjeruar rrjetin tonë të bankomatëve dhe POS
në 57 dhe 909 përkatësisht, dhe e kemi rritur numrin e kartelave në 120,000.
Menaxhimi dhe zhvillimi i produkteve
Fokusi ynë kryesor gjatë vitit 2007 ishte në zgjerimin e gamës së produkteve dhe shërbimeve
bankare si dhe në faktin se produktet tona ekzistuese përmbushin kërkesat dhe nevojat e klientëve
tanë.
Prezantimi i produketeve të reja Visa Kredit Kartelës, Depozitës hipotekare, Depozitës flexi si
dhe ndryshimeve të bëra në shërbimin elektronik E-banking ishin arritjet kryesore sa i përket anës
së pagesave dhe detyrimeve. Me produktet e reja ne e kemi shtuar vlerën gamës së produkteve
eksistuese dhe jemi bërë banka e parë të vend e cila ka filluar të ofrojë shërbime dhe produkte të
Termat Ekonomia në Kosovë Përmbledhje e rezultateve Segmentet Pasqyrat financiare Adresat
www.raiffeisen-kosovo.com
29