Raport vjetor - Raiffeisen Bank Kosovo JSC

Raiffeisen Bank në Kosovë 2007
Prezantim i shkurtër
Prezantim i shkurtër nga
Kryetari i Bordit Menaxhues
Është kënaqësi e veçantë të raportoj se Raiffeisen Bank në Kosovë ka vazhduar
trendin e saj të fuqishëm të rritjes edhe në vitin 2007 duke arritur rezultate
rekorde. Qëllimet tona kryesore ishin ta pasurojmë edhe më tutje ofertën tonë
për klientë dhe të vazhdojmë të përkrahim bizneset duke i kushtuar vëmendje të
veçantë mikrobizneseve. Kemi qenë shumë të suksesshëm në të dy aspektet dhe
kemi arritur të forcojmë pozitën tonë në treg.
Në fund të vitit 2007, totali i aktives së Raiffeisen Bank në Kosovë ishte 477
milionë Euro që paraqet një rritje prej 27% në krahasim me fund-vitin 2006.
Portfolio e kredive të bankës shënoi rritje prej 49% në 342 milionë Euro, ndërsa
depozitat u rritën për 27.6% në 396 milionë Euro. Raiffeisen Bank me një kapital
prej 44 milionë Euro mbeti banka më e mirë në Kosovë sa i përket kapitalit. Duke
qenë 100% pronë e Raiffeisen International Bank Holding AG dhe duke poseduar
një kapital të tillë i ka ndihmuar bankës të zhvillojë më tutje produktet e kursimit si
dhe ato kreditore në pajtim me nevojat e tregut në Kosovë.
Për t’iu përgjigjur në mënyrë sa më specifike kërkesave të klientëve, që nga janari 2007 e kemi
ndarë dhe ristrukturuar segmentin e bizneseve të vogla dhe të mesme në dy segmente të veçanta:
segmentin për biznese të vogla dhe segmentin për mikrobiznese. Të dy këto segmente kanë arritur
rezutate mjaft të mira gjatë vitit 2007. Ndërsa segmenti i korporatave vazhdoi të jetë i fokusuar në
ofrimin e produkteve financiare për klientët vendorë dhe ata ndërkombëtarë. Portfolio e kredive të
segmentit të korporatave ka shënuar një rritje prej 70% në krahasim me vitin 2006.
Duke prezantuar Visa Kredit Kartelën, Depozitën Hipotekare dhe Depozitën Flexi për herë të parë
në tregun bankar, banka arriti ta ruajë rolin e saj si nismëtare në treg. Kredia për studentë, Kreditë
për klientët që nuk e marrin rrogën përmes bankës si dhe Kreditë për vetura të përdorura ishin
produktet e reja kreditore që iu kanë ofruar klientëve përveç ndryshimit të kushteve për Kredinë
hipotekare komerciale dhe Kredinë personale. Duke u bazuar në sugjerimet e klientëve tanë,
Raiffeisen Bank ka zgjeruar edhe më tutje rrjetin e distribuimit me qëllim që të ofrojë një standard
të lartë të shërbimeve bankare të cilat klientët i presin nga ne.
Dëshiroj të konkludoj se ky vit i sukseshëm vjen si rezultat i bashkëpunimit të shkëlqyeshëm me
klientët tanë si dhe performancën e suksesshme të stafit tonë. Ishte pikërisht përkrahja e tyre që na
mundësoi të marrim çmimin prestigjioz “Banka e vitit” nga The Banker, revistë e njohur e Grupit
Financial Times. Ky çmim është njohje e punës dhe trendit të rritjes sonë në 2007 si dhe një
motivim i veçantë për ne. Edhe njëherë, dëshiroj të falemnderoj shumë klientët dhe punonjësit tanë.
Jam i bindur se së bashku do të vazhdojmë zhvillimin tonë të mëtutjeshëm.
Oliver J Whittle
Drejtor ekzekutiv
Raiffeisen Bank në Kosovë
Termat Ekonomia në Kosovë Përmbledhje e rezultateve Segmentet Pasqyrat financiare Adresat
www.raiffeisen-kosovo.com