Raport vjetor - Raiffeisen Bank Kosovo JSC

Raiffeisen Bank në Kosovë 2007
Pasqyrat financiare
Huatë nga bankat tjera. Të gjitha depozitat ndërbankare afatshkurtëra dhe llogaritë e bllokuara
përveç depozitave overnight dhe depozitave në të parë përfshihen në “Hua nga bankat tjera”.
Huatë dhe paradhëniet për klientë dhe provizionet për kreditë në rënie. Kreditë dhe
paradhëniet maten me koston e amortizimit.
Provizioni për kredinë e cila ka pasur rënie në vlerë krijohet nëse ka fakte objektive se Banka nuk
do të jetë në gjendje të arkëtojë shumat e mbetura në bazë të afateve të kontraktuara në fillim.
Shuma e provizionit është dallimi në mes të vlerës në bilanc dhe shumës që vlerësohet të merret, e
llogaritur si vlera e tanishme e rrjedhjes së pritur të parasë që përfshin edhe shumat që llogariten të
merren nga garancionet dhe kolaterali, të zbritshme nga norma efektive e interesit e përcaktuar në
fillim.
Provizioni për kreditë në rënie poashtu përfshin edhe humbjet kur ka fakte objektive se humbjet
e mundshme janë të pranishme në komponentën e portfolios së kredisë në ditën e përpilimit të
bilancit. Kjo është llogaritur në bazë të elementeve historike të humbjeve në secilën komponentë
dhe vlerësimet e caktuara të kredisë për huamarrësit reflektojnë mjedisin e tanishëm ekonomik ku
vepron huamarrësi.
Kur konsiderohet se kredia nuk mund të arkëtohet (është e pakthyeshme), ajo shlyhet në raport
me provizionin për kredinë në rënie. Kreditë e tilla shlyhen pasi që kanë përfunduar të gjitha
procedurat e domosdoshme dhe shuma e humbjeve është caktuar. Riarkëtimi vijues i shumave të
cilat më herët janë shlyer, kreditohen tek pasqyra e të ardhurave nën “Provizioni për kreditë në
rënie”. Nëse shuma e provizionit për kredinë në rënie më pas zvogëlohet si rezultat i ndonjë rasti
pas definimit, lirimi nga provizioni kreditohet tek provizioni për kredinë në rënie në pasqyrën e të
ardhurave.
Përmirësimi kapital i objektit të marrë me qira, pajisjet dhe aktivet e patrupëzuara.
Përmirësimet kapitale të objektit të marrë me qira, pajisjet dhe aktivet e patrupëzuara paraqiten
me koston e blerjes minus zhvlerësimin / amortizimin e akumuluar si dhe humbjet e akumuluara
nga rënia e vlerës, kur është e nevojshme. Kur vlera në bilancin e një aktive e tejkalon shumën
e vlerësuar të kthyeshme, shënohet në shumën që vlerësohet të kthehet, dhe dallimi merret nga
pasqyra e të ardhurave. Shuma e cila vlerësohet të kthehet është shuma më e madhe e çmimit neto
të shitjes së një aktive dhe vlerës së tanishme të saj. Fitimet dhe humbjet sa i përket përmirësimit
kapital të objektit të marrë me qira, pajisjeve dhe aktiveve të patrupëzuara janë të përcaktuara
duke iu referuar vlerës së tyre në bilanc dhe merren parasysh në përcaktimin e rezultateve
operuese për periudhën. Përmirësimet dhe mirëmbajtja merren nga pasqyra e të ardhurave kur të
pranohet shpenzimi.
Të gjitha objektet të cilat shfrytëzohen nga Banka janë në kuadër të marrëveshjeve me qira.
Zhvlerësimi dhe amortizimi. Zhverësimi dhe amortizimi zbatohet në bazë të linjës së drejtë mbi
kohën e vlerësuar të përdorimit të asetit duke përdorur përqindjet e dhëna në vijim:
31 dhjetor 2007
Bankomatët, pajisjet e tjera të bankës dhe të zyrës 20%
Pajisjet kompjuterike 33%
Aktivet e patrupëzuara 20%
Termat Ekonomia në Kosovë Përmbledhje e rezultateve Segmentet Pasqyrat financiare Adresat
www.raiffeisen-kosovo.com
49