Gjeografia Edlira Filipi Merita Dollma - Erik Botime

Mësuesi shkruan në tabelë idetë e dhëna nga nxënësit dhe u tërheq vëmendjen
mbi problemet që trajton, që ata vetë i kanë listuar më parë. Mësuesi i nxit nxënësit
të flasin lirisht rreth temave të prezantuara dhe u bën shpjegimet përkatëse.
Bëhen pyetjet:
- Kur filloi fenomeni i migrimit të popullsisë?
- Cilat ishin motivet që e nxitën?
Diskutohen 2-3 minuta në grup. Paraqiten idetë e grupit para klasës.
Pjesa e dytë e leksionit lidhet me migrimin modern shqiptar. Nxënësve u
kërkohen 2-3 ide në lidhje me këto probleme:
- Përse u rishfaq ky fenomen pas `90-ës?
- Cilat ishin motivet që e nxitën?
- Në cilat mënyra u zhvillua ky fenomen?
- Diskutohen 2-3 minuta në grup. Paraqiten idetë e grupit para klasës.
Pjesa e tretë e leksionit lidhet me migrimin e popullsisë kosovare. Nxënësve u
kërkohen 2-3 ide në lidhje me këto probleme:
- Cilat janë tiparet e migrimit në Kosovë?
- Cilat ishin motivet që e nxitën?
- Përmendni disa faza të migrimit dhe pasojat e tij.
- Përse është e vështirë të saktësohet një numër për diasporën shqiptare nëpër
botë?
Diskutohen 2-3 minuta në grup. Paraqiten idetë e grupit para klasës.
Më pas mësuesi bën krahasimin e ideve që kanë dhënë nxënësit nga
informacionet paraprake që ata kishin me idetë që trajtohen në temën e re, si dhe
bën shpjegimin e problemeve të paqarta, duke plotësuar edhe ndonjë informacion
të ri.
Reflektimi (Ese)
Në fund të orës mësuesi u kërkon nxënësve të shkruajnë një ese me temë:
“Cila është perspektiva e migrimit në kushtet kur Ballkani Perëndimor aspiron
për në BE?”
Detyrë
Nxënësve u kërkohet që të bëjnë kërkime mbi ndihmën e dhënë nga UNICEF
në vendin tonë pas vitit 1990 e deri sot, foto të veprimtarive, pjesëmarrës të
tyre, grupe shoqërore që kanë përfituar nga këto veprimtari.
32