Gjeografia Edlira Filipi Merita Dollma - Erik Botime

Mësimi 5.17
Ekskursion mësimor
Vizitë në një qendër qytetare ose fshatare me vlera
natyrore ose kulturore”
5
Në përfundim të
mësimit nxënësit
do të jenë të aftë:
1- të diskutojnë rreth trashëgimisë së pasur natyrore e kulturore të këtij
rajoni dhe rëndësinë e veçantë të kësaj trashëgimie për zhvillimin e
turizmit;
2 -të nxjerrin përfundime në përputhje me shkallën e njohurive të
fituara;
3-të përdorin një gjuhë të pastër të termave gjeografike.
Qëllimi: të njihen me trashëgiminë natyrore ose kulturore të Rajonit Juglindor.
Përshkrimi:
Mënyra më e mirë për t’u njohur me karakteristikat urbane/rurale të
një qyteti/fshati është t’i shikoni vetë ato. Për këtë organizoni një ekskursion në
një qytet/fshat që është i ndryshëm nga ai ku jetoni ju. Përpara se të niseni në
ekskursion mundohuni të gjeni material të shkruar nëpër libra ose në internet rreth
vendbanimit ku do të shkoni. Lexoni për historinë e formimit të atij vendbanimi,
planet urbanistike, infrastrukturën, pasuritë natyrore, popullimin, zhvillimin
ekonomik etj.
Gjatë ekskursionit shikoni me vëmendje shtrirjen e qytet/fshatit,
arkitekturën, peizazhin e qytetit, pjesët e vjetra dhe të reja të qytet/fshatit, objektet
industriale/bujqësore, ndotjen ose shkatërrimin e tokës, kaosin ose rregullin urban,
etj dhe bëni komente.
Dalloni mjedisin natyror nga mjedisi artificial dhe komentoni ndikimin e
njeriut në ndryshimin e mjedisit natyror. Shikoni me vëmendje ndërtimet e reja
urbane ose ato fshatare dhe dalloni nëse janë bërë me plan urbanistik apo jo.
Shikoni me vëmendje gjendjen e infrastrukturës rrugore të
atij vendbanimi dhe mundohuni të kuptoni nivelin e urbanizimit të atij
vendbanimi. Shikoni me vëmendje ndotjet e mjedisit (ajrit, ujit dhe tokës) dhe
mundohuni të gjeni burimet e ndotjes së tyre. Mundohuni të jini të vëmendshëm
dhe ta shikoni qytet/fshatin me syrin e një kritiku. Mbani shënime për gjërat më
interesante, që do të zbuloni gjatë këtij ekskursioni.
Udhë të mbarë!
36