Create successful ePaper yourself
Turn your PDF publications into a flip-book with our unique Google optimized e-Paper software.
60 ден. • Бр. 3 • Февруари 2016<br />
TRIBUTE TO<br />
DAVID BOWIЕ<br />
МЕЈКАП<br />
ИНСПИРАЦИЈА<br />
Моден<br />
едиторијал<br />
Sleek &<br />
Simple<br />
КАТАРИНА<br />
ИВАНОВСКА1
www.lisca.com.mk
Содржина февруари 2016<br />
РАБОТА<br />
07. БЛАГИЦА ПЕТРЕСКИ<br />
Што научив низ мојата кариера<br />
08. RUSH HOUR<br />
Модерни комбинации за на работа<br />
10. РАСКАЖУВАЊЕ НА ЧОВЕЧКИТЕ<br />
ПРИКАЗНИ ПРЕКУ НАКИТОТ<br />
Секојдневието на дизајнерката на накит<br />
Елена Ристовска преточено во парчиња<br />
накит<br />
НА „ТИ“ СО<br />
16. ВИНКА САЗДОВА<br />
Умот знае, а срцето разбира<br />
ИНСПИРАЦИЈА<br />
20. КАТАРИНА ИВАНОВСКА<br />
Понекогаш модниот свет е премногу<br />
добар за да биде реален<br />
40. ДАМЈАН НИКОЛОВСКИ<br />
Дислексијата не претставува<br />
никакво ментално или психофизичко<br />
заостанување<br />
WONDERWOMАN<br />
30. ЛЕНА ЗИКОВА<br />
Да се добие дете по долги години<br />
исчекување е вистински благослов<br />
46.<br />
ПОРТРЕТ МОДА<br />
46. МОДЕН ЕДИТОРИЈАЛ<br />
Sleek & Simple<br />
54. NIGHT WALKS<br />
Мистична, модна приказна<br />
66. ТЕКСАС ДИЛЕМА<br />
Портрет модни фаворити<br />
ПОРТРЕТ УБАВИНА<br />
72. SPACE ODDITY<br />
Инспирација од модната икона David<br />
Bowie<br />
77. СЈАЕН ФИНИШ<br />
Свежина и сјај во темните часови<br />
91. МИА КОСТОВА<br />
Сакам да си подарам орден сама на себе<br />
МИСЛИ ЗДРАВИ МИСЛИ<br />
100. БИЛНИ МЛЕКА<br />
Алтернативи на животинските млека<br />
104. СВЕЖИ ЗАЧИНИ ВО ВАШАТА КУЈНА<br />
Одгледувајте ги сами ароматичните билни<br />
зачини<br />
ДИЗАЈН И ДЕКОР<br />
108. КРЕАТИВНИ ЅИДНИ ДЕКОРАЦИИ<br />
Дајте му личен печат на просторот<br />
112. НОРДИСКИ ЕНТЕРИЕР<br />
Добијте го изгледот<br />
МОЗАИК<br />
118. ПАТУВАМЕ СО ДРАГАН ТАПШАНОВ<br />
Патувачки блог низ Непал<br />
ЛИЦЕ ОД НАСЛОВНАТА СТРАНА<br />
20.<br />
ГАЛЕРИЈА<br />
44. ВИСОКИТЕ ПОТПЕТИЦИ НИЗ<br />
ИСТОРИЈАТА<br />
Од Луј XIV до Кристијан Лубутен<br />
СЕМЕЕН ПОРТРЕТ<br />
89. КОГА ЅВЕЗДИТЕ ГИ СПОЈУВААТ<br />
СВОИТЕ ТЕМНИ СТРАНИ<br />
Портрет на љубовта на Мерилин Монро и<br />
Џо Димаџо<br />
Фотограф: Жарко Чулиќ<br />
Стајлинг: Бојана Максимовска
Портрет ви<br />
подарува<br />
Испратете ни е-пошта со вашите контакт податоци на<br />
contact@portretmag.com и освојте еден од подароците.<br />
Среќните добитници ги одбираме по случаен избор.<br />
Подароците може да ги подигнете во рок од 30 дена по објавувањето.<br />
LANCOME сет од мини<br />
производи и BIOTHERM<br />
AQUASOURCE крем за лице<br />
BURBERRY несесер и DSQUARED2<br />
WANT лосион за тело<br />
NINA RICCI – MADEMOISELLE RICCI<br />
кутија за накит, алкa и несесер<br />
LUSH сет<br />
Jackie oats - colour supplement<br />
Независност - туш за очи<br />
Copperhed - тврд шампон за коса<br />
ARTDECO несесер и<br />
огледало<br />
EUCERIN DERMOPURIFYER<br />
сет и EUCERIN балсам за<br />
усни<br />
ДОБИТНИЦИ ЗА ЈАНУАРИ 2016<br />
JIMMY CHOO, плик чанта - ГАБРИЕЛА АНДОНОВСКА<br />
LUSH СЕТ- АНА БЕБЕКОВСКА<br />
TRUSSARDI сет- СЕВДАЛИНКА КРСТЕВСКА<br />
CACHAREL сет и VICTOR ROLF мини производи- САНДРА<br />
КАМИЛОВСКА<br />
BURBERRY НЕСЕСЕР, DSQUARED ЛОСИОН и SALVADORE FERAG-<br />
AMO мини производи - МАРЕ ТОДОРОВСКА<br />
KENZO TOTEM сет- СОФИЈА БАСМАЏИЕВА<br />
КНИГИ<br />
„ДВОЈНА ИЗМАМА“ Џејм Патерсон- ХРИСТИНА НАКОВА<br />
„ШЕПОТОТ НА КИПАРИСИТЕ“ Ивет Манесис Корпорон- ЕЛЕНА<br />
КОНЕСКА<br />
„СЛЕПИОТ МУЗИЧАР“ Владимир Короленко- ЉУБИНКА<br />
ДАМЈАНОВИЌ<br />
„ЗЕМЈАТА НА СНЕГОТ“ Јасунари Кавабата- МАРТИН<br />
ЧАНЏУКОВСКИ<br />
ИЗДАВАЧ<br />
Адреса на издавач и редакција<br />
Ул. „8-ми Септември” бр.2/2-25<br />
Скопје<br />
тел/факс 02/3080 305<br />
contact@portretmag.com<br />
ПРОДУКЦИЈА<br />
Одговорно лице, главен и одговорен уредник<br />
Ружица Антиќ (ruzica@portretmag.com)<br />
Заменик главен и одговорен уредник<br />
Тања Тодоровска (tanja@portretmag.com)<br />
Уредник за мода и убавина<br />
Бојана Максимовска (bojana@portretmag.com)<br />
Асистент<br />
Ана Коцевска<br />
Соработници<br />
Ана Јовковска<br />
Џејлан Рустемоска<br />
Филип Поповски<br />
Драган Тапшанов<br />
Фотографија<br />
Жарко Чулиќ (zarko@portretmag.com)<br />
Горан В. Поповски HLVK<br />
Арт дирекција и графички уредник<br />
Душан Стојковиќ (dushan@portretmag.com)<br />
Маркетинг<br />
Елена Шекеровска (elena@portretmag.com)<br />
Лектор<br />
Дејан Василевски<br />
Печатница<br />
Европа 92- Кочани<br />
Адреса: Крижевска 52, Кочани<br />
Датум на печатење: 26.1.2016<br />
Број на печатени примероци: 5.000<br />
Дистрибуција<br />
МПМ 02/ 3089 305<br />
ISSN 1857-9906<br />
Правен застапник<br />
Панчевски Адвокатска канцеларија<br />
Бул. „8ми Септември“ бр.2/2-4 1000 Скопје<br />
тел. 02/ 3213 683 070/234 163<br />
Забелешка<br />
Списанието „Портрет” е авторска содржина што излегува еднаш<br />
месечно со одобрение од сопственикот на правата, издавачката куќа<br />
Антиќ медиа. Сите авторски права се задржани. Секое недозволено<br />
објавување, користење или репродуцирање на било која содржина ќе<br />
се смета за прекршување на авторските права и истото ќе подлежи<br />
на соодветна санкција. Пред примена на лекарските совети што<br />
се дел од содржината задолжително консултирајте се со лекар.<br />
„Портрет” претставува пријавена трговска марка во Државен завод за<br />
индустриска сопственост-Скопје под број ТМ/2015/1119<br />
и број ТМ/2015/1120.
Портрет на уредникот<br />
Подари си прошка<br />
Неколку години ме мачат работи од минатото. Колку<br />
што ми е лесно да најдам оправдување за секоја моја лоша<br />
постапка, да обвинам друг, да се утешам и за многу кратко време да<br />
се чувствувам подобро, толку ми е тешко да простам некому друг. Сѐ<br />
ми е јасно од библиските стихови, до поглавјата во нисковреднувани<br />
книги за самопомош, дека простувањето ослободува, дека големината<br />
на човекот е во него и слично, но мојата реалност е нешто друго. Ме<br />
прогонуваат туѓи навреди, лоши зборови и постапки, на луѓе што ги<br />
сакам повеќе или помалку. Со години ме враќаат чекори наназад, му<br />
даваат горчлив вкус на секој мој успех. Тука се, со меморија на слон,<br />
за секоја кавга, за секој тенденциозен обид, за сѐ што кога било ме<br />
болело. Затоа толку ме погоди дел од разговорот што нашата колешка<br />
Ана Јовковска го водеше со едно од најголемите македонски пера<br />
– Винка Саздова. „Ме прогонуваат несподелените чувства. Тоа што<br />
не сум кажала што чувствувам кога требало, што не сум побарала<br />
прошка со време или што не сум си дозволила јас да си простам.<br />
Тежат незатворени комуникации.“ Читам и сакам да го затворам и да го<br />
пуштам тој дел од себе да си отиде засекогаш.<br />
Истото го заклучив и од приказната на Даниел Димов, што овој месец<br />
ја сподели со нас во рубриката „Моја борба“. Приказната за љубовта,<br />
прифаќањето и простувањето. Даниел, кој од првиот момент кога<br />
сфатил дека е хомосексуалец, го споделил тоа со сите и цврсто<br />
одлучил дека ништо не е поважно од неговата среќа и фактот дека<br />
никого не повредува. Кој секојдневно ја води својата борба за негово<br />
прифаќање на неколку фронта и покрај сѐ наоѓа љубов и желба да им<br />
прости на сите неистомисленици што неправедно го повредуваат.<br />
Прифаќање, простување, толеранција... Како столб на љубовта и<br />
живеење во спокој. И борба со сопствен труд против сите предрасуди.<br />
Нашата гордост од насловната страница Катарина Ивановска ни<br />
покажа како со професионализам, сериозност и стабилност се уриваат<br />
сите стереотипи и предрасуди за сопствената професија. Нејзината<br />
убавина е многу повеќе од совршено лице и тело од кампањите<br />
на многу светски, модни гиганти. Нејзината убавина е во сјајот на<br />
нејзините очи, во искреноста и непосредноста на мало девојче<br />
што ја има зачувано недопрена од интригите на модниот свет и во<br />
убавиот збор што го има за секого. Овој месец подарете прошка. На<br />
непријателите, на блиските, на себе...<br />
Ружица Антиќ<br />
Илустрација: Жарко Чулиќ
KISS CAM<br />
ОВОЈ МЕСЕЦ ЈА СЛАВИМЕ ЉУБОВТА СО ЈОВАН И МАЈА КОСТОВСКИ.<br />
Фотографија: Жарко Чулиќ
Работа<br />
ШТО НАУЧИВ НИЗ МОЈАТА КАРИЕРА<br />
БЛАГИЦА ПЕТРЕСКИ<br />
Благица Петрески е докторанд по финансиска<br />
стабилност, а својата професионална кариера ја гради<br />
како извршна директорка на Finance Think – Институт<br />
за економски истражувања и политики.<br />
• Најзначајно е да знаеш што сакаш да<br />
бидеш во животот. Секој да ја пронајде<br />
професијата од своите соништа и со<br />
храбри чекори да го реализира сонот.<br />
Никогаш не се плашам да сонувам за<br />
големи идеи, дури и тие да изгледаат<br />
преамбициозни.<br />
• Постојано учење и градење вештини<br />
(наместо фаворизирање диплома) е клучно<br />
за обезбедување професионализам.<br />
• Во мојата работа, секогаш си поставувам<br />
високи стандарди и барања од себеси –<br />
никако не се задоволувам со просечност.<br />
Истото го очекувам и од соработниците.<br />
• Општествената одговорност е нешто<br />
што ве прави да се чувствувате корисен,<br />
ви дава енергија, ве облагородува. Со<br />
мојата лична заложба и со активностите<br />
за економско јакнење на жените, верувам<br />
дека во нашето општество ќе се создадат<br />
повеќе жени-лидери и ќе се намали<br />
економската зависност на жените. За<br />
возврат добивам полно срце радост, кога<br />
ќе видам дека мојот влог вродува со плод.<br />
• Кога работата станува хоби, успесите<br />
нема да изостанат. Finance Think e дел од<br />
тимот награден со второ место во светот<br />
со Јапонската награда за исклучително<br />
истражување за развој и освои прва<br />
награда за општествена иновација од<br />
Обединетите нации и Министерството за<br />
надворешни работи на Македонија.<br />
ОБРАЗОВАНИЕ И<br />
ПОСТИГНУВАЊА:<br />
• ДОКТОРАНД ПО ФИНАНСИСКА<br />
СТАБИЛНОСТ, УНИВЕРЗИТЕТ „СВЕТИ<br />
КИРИЛ И МЕТОДИЈ“ – СКОПЈЕ.<br />
• ИСТРАЖУВАЧКИ ПРЕСТОЈ НА<br />
УНИВЕРЗИТЕТОТ „ЛАВАЛ“, КАНАДА.<br />
• ИСТРАЖУВАЧКИ ПРЕСТОЈ<br />
НА ЦЕНТАРОТ ЗА ЕКОНОМСКИ<br />
ИСТРАЖУВАЊА И ПОСТДИПЛОМСКИ<br />
СТУДИИ – ЕКОНОМСКИ ИНСТИТУТ<br />
(CERGE-EI) НА УНИВЕРЗИТЕТОТ<br />
„КАРЛОВ“ ВО ПРАГА, ЧЕШКА.<br />
• УЧЕСТВО НА НАД 20 МЕЃУНАРОДНИ<br />
КОНФЕРЕНЦИИ, РАБОТИЛНИЦИ И<br />
ТРЕНИНЗИ.<br />
• ПУБЛИКУВАНИ ТРУДОВИ ВО<br />
МЕЃУНАРОДНИ СПИСАНИЈА<br />
ИНДЕКСИРАНИ НА WEB OF SCIENCE.<br />
НАГРАДИ:<br />
• НАГРАДА ЗА МЛАД ИСТРАЖУВАЧ<br />
НА ГОДИНАТА ВО 2010 ГОДИНА ОД<br />
НАРОДНАТА БАНКА ВО МАКЕДОНИЈА.<br />
• НАГРАДА ЗА МЛАД ИСТРАЖУВАЧ<br />
НА ГОДИНАТА ВО 2014 ГОДИНА ОД<br />
АГЕНЦИЈАТА ЗА СУПЕРВИЗИЈА НА<br />
ОСИГУРУВАЊЕТО.<br />
• Основната мисија на Finance Think e да<br />
ја намалиме сиромаштијата, а визијата да<br />
поттикнеме економско размислување за<br />
подобра благосостојба утре.<br />
• Успешноста на Finance Think се<br />
темели на поставени принципи за висок<br />
квалитет, иновативност, интерактивност<br />
и транспарентност. Нашата девиза е<br />
секогаш да размислуваме надвор од<br />
кутијата.<br />
• Вреднувањето на колегите,<br />
флексибилноста на работното место и<br />
дадените можности и отворени врати<br />
за надградба, се карактеристики што<br />
ги ценат вработените и соработниците.<br />
Тоа влијае врз позитивниот дух<br />
во организацијата, што е важен<br />
предуслов за пораст и развој, покрај<br />
професионализмот.<br />
БЛАГИЦА СОВЕТУВА<br />
Следете го сонот, колку и да изгледа<br />
Работете со љубов и посветеност.<br />
Не задоволувајте се со просечност.<br />
1 2 3<br />
голем и неостварлив.<br />
Во остварувањето на идеите,<br />
здружувајте се со истомисленици.<br />
7
Работа<br />
Rush<br />
Hour<br />
Фотограф: Жарко Чулиќ<br />
Стајлинг: Ана Коцевска<br />
Модел: Елена Трпковска, Моделс Ин<br />
MOTIVI блуза 2.190 ден.<br />
SPRINGFIELD панталони 2.190 ден.<br />
BATA чанта 6.993 ден.<br />
PARFOIS часовник 2.090 ден.<br />
MANGO кошула 1.190 ден.<br />
MOTIVI здолниште 3.290 ден.<br />
MANGO сако 2.490 ден.<br />
MOTIVI кошула 1.640 ден.<br />
MOTIVI панталони 1.940 ден.<br />
PARFOIS ремен 590 ден.<br />
PARFOIS марама 590 ден.<br />
PARFOIS чанта 2.190 ден.<br />
BATA чизми 3.493 ден.<br />
8
MANGO панталони 2.190 ден.<br />
MANGO блуза 3.290 ден.<br />
MOTIVI сако 4.490 ден.<br />
MANGO чанта 2.490 ден.<br />
PARFOIS ланче 990 ден.<br />
BATA чевли 2.095 ден.<br />
9
Работа<br />
Раскажување<br />
на човечките<br />
приказни<br />
преку<br />
накитот<br />
Елена Ристовска<br />
Историчар<br />
на уметност и<br />
дизајнер на накит<br />
Пишува: Тања Тодоровска<br />
MЛАДАТА И ТАЛЕНТИРАНА ЕЛЕНА РИСТОВСКА НИЗ<br />
НАКИТОТ ШТО ГО ИЗРАБОТУВА ГИ РАСКАЖУВА<br />
ПРИКАЗНИТЕ ОД СВОЕТО СЕКОЈДНЕВИЕ.<br />
УМЕТНИЧКИТЕ ИДЕИ И ИНСПИРАЦИЈА ГИ ПРЕТОЧУВА ВО<br />
УНИКАТНИ ФИЛИГРАНСКИ, НО И ПАРЧИЊА ИЗРАБОТЕНИ ОД<br />
МЕСИНГ. НЕЈЗИНАТА ДАРБА НЕОДАМНА БЕШЕ НАГРАДЕНА<br />
ОД ШКОЛАТА ЗА СОВРЕМЕН НАКИТ ВО БУКУРЕШТ, А ВЕЌЕ<br />
ДВЕ ГОДИНИ ИЗЛОЖУВА СВОИ ПАРЧИЊА ВО ПЕКИНГ.<br />
Кога почнавте со изработка на накит? Колку првите изработени<br />
парчиња се разликуваат од оние денес?<br />
Кога вака ќе погледнам наназад, враќајќи си ги спомените од<br />
средношколските денови, па и од детството, всушност можам<br />
да согледам дека креативното изразување отсекогаш било<br />
дел од мојот живот. А во 2008 година, кога сѐ уште бев студент<br />
на катедрата за Историја на уметност и ги спремав последните<br />
испити, почнав да го посетувам курсот за филигран. Тоа беа едни<br />
од најубавите моменти во мојот живот, шест месеци изминати<br />
со луѓе низ кои струеше иста енергија. Беше прекрасно. И сето<br />
она што претходно го гледав само како надополнување на моите<br />
главни обврски, ненадејното цртање, изработката на накит од<br />
мониста или глина, се претвори во постојана ангажираност во<br />
текот на денот, но сега среброто и месингот ги имав како медиум<br />
за изразување.<br />
А првите парчиња накит... Сѐ уште си го чувам првиот изработен<br />
приврзок во облик на школка и еден пар обетчиња. Можам да<br />
видам дека тоа била страшна борба, изгрицкана жица, истопени<br />
осмици. (се смее) Мора прво убаво да се совлада техниката. Треба<br />
многу време. Кога ќе се совлада техниката, така и самодовербата<br />
расте, бидејќи умот сега не е насочен на тоа дали и како можам<br />
да го изработам ова парче накит, тогаш почнува магијата, тогаш<br />
се создаваат приказните.<br />
Кој е вашиот особен печат по кој се препознатливи вашите<br />
парчиња?<br />
Не многу одамна, мојата драга другарка, која е историчар на<br />
уметност, го запиша следното видување за моите дела:<br />
„Елена Ристовска, практикувајќи сопствен модел на креативно<br />
изразување, создава дело што сетилно следи, спонтано обзема,<br />
атакувајќи со својата разноликост и наративност. Техниката<br />
на изработка е традиционална, мајсторски усовршена и вешто<br />
и ненаметливо инкорпорирана во свеста на современиот<br />
восприемач и неговата отвореност на стари и нови вредности.<br />
Ристовска не се плаши да експериментира. Храбро конципира,<br />
конструира и компонира, следи правец, но и менува, така што<br />
крајната реализација секогаш е иновативна и облагородена со<br />
внатрешен порив што постојано се најавува со своето присуство.<br />
Ристовска создава форми и облици што не ја губат целосно<br />
нивната реалистичка асоцијација, но ги стилизира и прегрупира<br />
со што добиваат на оригиналност. Овде се среќаваат зборови<br />
од приказни, мистични симболи, еманати на природата, но и<br />
урбани елементи, градски перцепции и сите тие остануваат<br />
некатегоризирани, се мешаат и делуваат со сопствена<br />
трансценденталност.“<br />
Честитки за неодамна добиената награда од Assamblage –<br />
школата за современ накит во Букурешт. Што претставува таа за<br />
вас како уметник и дизајнер на накит?<br />
Благодарам за вербата што ја имате во мене, благодарам на<br />
честитките.<br />
Исто така, среќна сум на можноста што ја имам во животот<br />
да го работам она што навистина го сакам, можност да се<br />
изразувам преку накитот, а со тоа што и желбата да патувам,<br />
да откривам нови места стана реалност за мене. Неодамна<br />
учествував на Autor – Интернационален саем за современ<br />
накит во Букурешт со колекцијата „Playing with the Sun“. Секоја<br />
година интернационалното жири доделува четири награди<br />
на дизајнери кои се имаат претставено со најимпресивни<br />
колекции. Оваа година имав чест да ја добијам наградата од<br />
школото за современ накит – Assamblage и навистина ја ценам<br />
и се радувам на можноста да се надградувам со нивното школо.<br />
Какво искуство претставува, пак, учеството на<br />
Интернационалната изложба на современ накит во Пекинг?<br />
Наидуваат ли вашите парчиња на интерес таму?<br />
Секое признание е скапоцено. Впрочем, ова е втора година<br />
како учествувам на Интернационалната изложба за современ<br />
накит во Пекинг, изложба што е дел од пекиншката недела на<br />
дизајн.<br />
Која порака сакате да ја испраќаат луѓето што го носат вашиот<br />
накит?<br />
Сите ние сме поврзани на некој начин... сите ја имаме искусено<br />
љубовта, среќата... ги имаме забележано прекрасните креации<br />
на природата, гласот на разочарувањето... јас само си ги<br />
раскажувам моите приказни. Луѓето се препознаваат себеси<br />
во мојот накит, на тој начин ја продолжуваат приказната,<br />
внесувајќи дел од својата.<br />
10
Kолекција „Playing with the Sun“<br />
Фотографија: Жарко Чулиќ<br />
11
Јин-Јанг<br />
Елена Пренџова<br />
НИКНУВА ЦВЕЌЕ<br />
И МЕЃУ ПЛЕВЕЛ<br />
Да се потсетиме дека сме луѓе,<br />
а не богови или компјутери<br />
Пишува: Ана Јовковска<br />
АЈ: Унгарскиот поет Радноти запишал дека „цвеќињата на<br />
трпението се мртви“. За што немате трпение?<br />
ЕП: Се трудам да имам разбирање за сè и да ги прифатам<br />
нештата и луѓето онакви какви што се. Од друга страна,<br />
трпението не ми е во генот на карактерот. Даскалствувањето,<br />
особено кога учениците се деца, ми е тренинг за трпение.<br />
АЈ: Што гради, а што урива зборот?<br />
ЕП: Зборот гради мостови меѓу душите. Урива прегратки меѓу<br />
срцата, а најголемото проклетство на зборот е што може да го<br />
урне она што го изградил.<br />
АЈ: Херои се?<br />
ЕП: Мајките! Жените во светот на привидна полова еднаквост!<br />
АЈ: На патувањата и поетските турнеи низ светот учам за?<br />
ЕП: За поезијата. За луѓето. За културите. За радоста наречена<br />
живот! Ама лекциите доаѓаат подоцна, со првото стапнување на<br />
„домашен терен“. Во меѓувреме се забавата и очудувањето.<br />
АЈ: „Оној кому му редат ордени мора да ја свитка главата<br />
надолу“ или?...<br />
ЕП: Или да ја исправи главата како стрела нагоре!<br />
АЈ: Кога е тишина најдобро го слушам...<br />
ЕП: Животот на наночестичките. Постоењето на стварноста.<br />
Битисувањето на духовноста, она што го нарекуваме mente или<br />
психа. Слушам и чувствувам.<br />
АЈ: „Поетска книга на каса во супермаркет до бричови или<br />
поезија во режимски учебник“?<br />
ЕП: И двете. Никнува цвеќе и меѓу плевел.<br />
АЈ: Љубовта е?<br />
ЕП: Нема дефиниција. Но, токму така – љубовта Е.<br />
АЈ: Руми или Буковски?<br />
ЕП: И двајцата и ни двајцата.<br />
АЈ: „Заклучени во градот сме“, затоа што...<br />
ЕП: Не се чувствувам заклучена во градот.<br />
АЈ: Радост наоѓам во...<br />
ЕП: O2 и CO2 што ги дишам, во новогодишниот кич, во ситниот<br />
песок под ноктите на прстињата на нозете, во мирисот на<br />
запалени ќумбиња во сезона на ајвар, во снегулката што се топи<br />
на стаклото, во звукот на вибер-повикот, во првиот утрински,<br />
разбушавен поглед в огледало.<br />
АЈ: „Пишувањето е легална шизофренија“ – Жижек. Од што ве<br />
ослободува пишувањето?<br />
ЕП: Од себеси. Пишувањето е најголемата слобода на<br />
сепството.<br />
АЈ: Моментално читам...<br />
ЕП: Сонетните венци на Лазо Каровски и Стојан Попов,<br />
како лектира; џебно издание на анегдоти од животите на<br />
српските писатели, во автобус; докторатот на њујоршката<br />
професорка Сара Б. Померој, за жената во класичната антика,<br />
за „одржување во кондиција“ на феминизмот; современа турска<br />
поезија, и некои списанија на јазиците што се обидувам да ги<br />
„одржам во форма“.<br />
АЈ: Најголема гротеска во 2015 година беше?...<br />
ЕП: Имам чувство, за жал, како масовна тепачка да е за<br />
суперлативот.<br />
АЈ: Како да го поправиме односот кон природата?<br />
ЕП: Треба да се потсетиме дека сме луѓе, а не богови или<br />
компјутери. Всушност, треба да си ја „поправиме“ свеста!<br />
12
Никола Маџиров<br />
ХЕРОИ СЕ ОНИЕ ШТО<br />
НЕМААТ СПОМЕНИЦИ,<br />
ТУКУ СПОМЕНИ<br />
Зборовите се како камења – градат кога<br />
се убаво поставени, уриваат кога се<br />
фрлаат со омраза<br />
АЈ: Унгарскиот поет Радноти запишал дека „цвеќињата на<br />
трпението се мртви“. За што немате трпение?<br />
НМ: Трпението не е пасивност, ниту доцнење на суштината. Се<br />
вели дека сме нетрпеливи како дете. А детето трпеливо расте,<br />
додека старецот нетрпеливо сака да биде дете.<br />
АЈ: Што гради, а што урива зборот?<br />
НМ: Зборовите се како камења – градат кога се убаво поставени,<br />
уриваат кога се фрлаат со омраза. Мала е разликата помеѓу<br />
озборувањето и каменувањето.<br />
АЈ: Херои се?...<br />
НМ: Оние што немаат споменици, туку спомени.<br />
АЈ: На поетската турнеја во Азија, во Кина, Сингапур, Малезија и<br />
Индија научив...<br />
НМ: Дека патувањето низ заборавените форми на човечка<br />
милост може да се случи со преместувања на телото, не само на<br />
сеќавањата.<br />
АЈ: „Оној кому му редат ордени мора да ја свитка главата<br />
надолу“ или?...<br />
НМ: Да погледне нагоре кон птиците без ордени, зашто пилотите<br />
со ордени убиле некого.<br />
АЈ: Кога е тишина најдобро ги слушам...<br />
НМ: Стапките на синот дури и кога спие, ноќното автоматско<br />
вклучување и гаснење на бојлерот и трпеливото отчукување<br />
на часовникот. Дигиталните часовници ни помогнаа да си го<br />
слушнеме отчукувањето на срцето.<br />
АЈ: „Поетска книга на каса во супермаркет до бричови или<br />
поезија во режимски учебник“?<br />
НМ: Супермаркетот е новиот олтар на стварноста што ги диктира<br />
режимите на секојдневната зависност. Автоматските врати не се<br />
појавија во храмовите, ниту првин на автобуските станици, туку<br />
во супермаркетите, за слободно да се излезе со заробени раце<br />
од продукти. А штом поезијата ќе влезе во учебник, таа ќе биде<br />
осудена на сквернавење како споменик од погрешни револуции.<br />
АЈ: Љубовта е?...<br />
НМ: Предсоздавање и пресоздавање. Љубовта е тишина во<br />
погледот и слика во тишината.<br />
АЈ: Руми или Буковски?<br />
НМ: Две искрености на сосема поинакви вертикали. Руми е<br />
прекрасно искрен, Буковски – болно искрен. Буковски резба врз<br />
кожата, Руми разоткрива длабоко под кожата.<br />
АЈ: „Заклучени во градот сме“, затоа што...<br />
НМ: Современите градови имаат повеќе порти отколку страни на<br />
светот, затоа што имаме повеќе клучеви отколку домови.<br />
АЈ: Радост наоѓам во...<br />
НМ: Враќањата. Секое враќање е поглед напред. Баба ми<br />
истураше вода зад мене кога ќе заминам на пат, ми даваше да<br />
се напијам чаша вода кога ќе се вратам. Враќањето е чин на<br />
примање на светот во себе.<br />
АЈ: „Пишувањето е легална шизофренија“ – Жижек. Од што ве<br />
ослободува пишувањето?<br />
НМ: Шизофренијата одамна е легална на овие простори.<br />
Пишувањето ослободува од политички легалности. Пишувањето<br />
ослободува од сеедноста.<br />
АЈ: Моментално читам...<br />
НМ: Есеите на Бродски.<br />
АЈ: Најголема гротеска во 2015 година беше?...<br />
НМ: Кревањето нови ѕидови по границите, додека некаде се<br />
уриваат стари ѕидови од домовите.<br />
АЈ: Како да го поправиме односот кон природата?<br />
НМ: Веројатно само со вродени филтри за сопствена<br />
незагаденост може да се побара незагаденост за светот.
Колумна<br />
АНА<br />
ЈОВКОВСКА<br />
новинарка, авторка и активистка<br />
САКАМ, ЗНАЧИ<br />
ПОСТОЈАМ!<br />
Никогаш не ги сакав равенките. Ме потсетуваат на<br />
унифицирање на вредностите, а светот е шарен, различен<br />
и нееднаков. Но, има една равенка што со задоволство ја<br />
уважувам – Декартовата „Cogito ergo sum“ или „Мислам,<br />
значи постојам“ за мене е еднаква на „Сакам, значи<br />
постојам“! Па, без разлика дали на љубовта ќе ѝ пристапиме<br />
западноцентрично и ќе се повикаме на грчката митологија, на<br />
Афродита, божицата на љубовта, на Ерос, богот на љубовта,<br />
страста и сексот или на римската митологија и нејзиниот<br />
Купидон или ќе се потсетиме на мистериите на Толтеците во<br />
јужно Мексико, кои биле уметници на љубовта или, пак, на<br />
Дервишите и древниот суфизам... сеедно, пак ќе заглавиме<br />
во црната дупка на љубовта. Во астрономијата, ЦРНАТА<br />
ДУПКА се дефинира како подрачје во простор-време од кое<br />
ништо не може да избега, дури ни светлината. Јас љубовта ја<br />
дефинирам како слободна територија. Национален парк на<br />
душата. Оаза на сетилноста. И во таа бестежинска состојба<br />
на телото и умот не важат правилата на теоријата. Колку книги<br />
и да прочитаме, нема да научиме како да љубиме, сè додека<br />
не сме подготвени да се откажеме од повратниот ефект<br />
– ЗАДОВОЛСТВОТО! А магијата на задоволството не е во<br />
равенка еднаквост со љубовта. Задоволството е последица,<br />
а љубовта е причина. Таа е причина за постоењето на<br />
животот. Исто како што копнежот е посакување, а љубовта<br />
е дарување. И еве го тригерот (чкрапецот) за мојата денешна<br />
колумна – ДАРУВАЊЕТО. Денешниот прагматичен и<br />
вулгарен консумеризам нè учи на материјалната вредност на<br />
овој чин, што всушност треба да биде духовна размена на<br />
несебичното постоење. За жал, се фаворизираат продукти,<br />
моментални задоволства и брзи страсти. Свети Валентин,<br />
празникот на вљубените, е уште една маркетиншка кампања<br />
во светот на ПОТРОШУВАЧКИТЕ БУБАШВАБИ. Чоколатца,<br />
мечиња, цвеќиња... Не дека сум обвиткана со цинизам ко<br />
обланда, ниту, пак, сум против кој било облик на внимание и<br />
повод за празнување, но сум против кампањско однесување<br />
и ОРКЕСТРИРАНО РАДУВАЊЕ. Само во Америка, од каде<br />
што потекнува овој празник, на 14 февруари, се подаруваат<br />
околу 140 милиони честитки со љубовни пораки. Не дека би ја<br />
намалиле експлоатацијата на дрва за хартија, ама пак, нема<br />
ниту повеќе да се сакаме. :) Потрошувачката на цвеќе на овој<br />
14
католички празник енормно е зголемена. Минатата година<br />
во светот се продале околу 200 милиони рози. Статистиката<br />
вели дека 76 отсто од мажите на Денот на вљубените<br />
купуваат цвеќе, а околу 15 отсто од жените си купуваат сами<br />
на себе. Некаде прочитав и дека американската поштенска<br />
служба минатата година имала 40-тина дополнителни<br />
летови на авиони-ладилници за транспорт на цвеќе за да<br />
се расчистат потребите на пазарот. Е, тоа е тој ЉУБОВЕН<br />
БИЗНИС! Можеби нема да се согласите со мене, но љубовта<br />
не се смета низ подароците, па дури ни преку зборовите,<br />
туку низ делата. Оние дела што одат рака под рака со<br />
принципиелноста, лојалноста, довербата и слободата. И еве,<br />
уште еден чкрапец, СЛОБОДАТА, или љубовта и слободата<br />
оптегнати помеѓу лакот и стрелата. Сигурна сум дека сте го<br />
слушнале она клише алиби – „Подрага ми е мојата слобода<br />
од твојата љубов“. Тоа е оружјето на сите што сакаат да фатат<br />
џаде кога љубовта престанува да биде состојба на вљубување<br />
и полека станува состојба на истрајување. Никогаш не сум<br />
го разбрала во целост. Можеби затоа што никогаш не сум го<br />
сознала ривалството помеѓу љубовта и слободата. Тие две не<br />
постојат една без друга. Љубовта без слобода е перверзија<br />
на ограничениот ум! Секој друг облик е само искривена<br />
слика. Но, дали би можеле да им ја опишеме светлината<br />
на луѓе кои цел живот го поминале во темнина? Така е<br />
приближно и со љубовта и љубомората. Дали би можеле да<br />
им го опишеме чувството на слобода и бескрај на луѓе кои<br />
се заглавени на нивото на љубомора? Кристофер Клалов,<br />
експерт од Институтот за истражување на браковите во<br />
Тависток, вели: „Кога љубовниците се чувствуваат несигурно,<br />
тие често се однесуваат неконструктивно, или се обидуваат<br />
да го задоволат партнерот или да го контролираат“. Целосна<br />
понизност или арогантно однесување. Бришење на својата<br />
автономија и автономијата на партнерот.<br />
и одвоеност, а сепак му допушта да биде свој и да го<br />
зачува интегритетот. Во љубовта се случува парадоксот две<br />
личности да станат едно, а сепак да останат двајца“.<br />
И на крајот на краиштата, не е важно дали ни е поблизок<br />
Руми или Буковски, суптилноста и помирувањето или<br />
болката до коска и декаденцијата на очајот, сепак љубовта<br />
ни е најмотивирачкиот импулс на сите. Прашањето е дали<br />
ќе нè мотивира да станеме подобра верзија од себе или ќе<br />
нè претвори во алчни и огорчени луѓе. Зависи од тоа дали<br />
на болката на Фрида Кало гледате како на катализатор<br />
на најдлабокото и најуметничкото во човекот или како на<br />
бунар што ги голта и најхрабрите. За мене, ЉУБОВТА е<br />
парче светлина дури и кога е во темно. На ова ме потсетија<br />
и љубовните писма на португалската калуѓерка Маријана<br />
Алкофорадо во кои пишува: „Ви благодарам од длабочината<br />
на срцето за очајот што го предизвикавте кај мене. Јас го<br />
мразев спокојството во кое живеев пред да ве сретнам“. И<br />
не се сите Пепелашки среќни да го дочекаат принцот на бел<br />
коњ, но сите се доволно силни од болката да кристализираат<br />
дијамант. Затоа, секоја сентиментална калорија нè прави<br />
духовно подебели. :) Така учиме дека животот е и уживање и<br />
бродолом. И дека јазикот на љубовта во исто време е јазикот<br />
на болката и ЈАЗИКОТ НА СЛОБОДАТА!<br />
Веројатно постојат неколку филтри низ кои треба да минеме<br />
за да сакаме чисто и безусловно. Еден од нив е ФИЛТЕРОТ<br />
НА СТРАВОТ. Или, со зборовите на Зигмунт Бауман, еден од<br />
најзначајните социолози на денешницата, „љубовта значи<br />
отворање кон судбината и таа е највозвишената од сите<br />
човечки состојби, каде што стравот и радоста создаваат<br />
легура во која не е можно да се одвојат состојките“. А<br />
ние, западњаците, згора на сè и Балканци, заглавени сме<br />
во поседувањето. Цветот што ќе го сретнеме по пат, ќе го<br />
скинеме за да го имаме, да го поседуваме. За разлика од<br />
нас, во источната култура на луѓето им е доволно само да го<br />
помирисаат. И додека тие мирисаат и чувствуваат, ние сме<br />
веќе во акција и правиме парфем од него! Стравот дека ќе<br />
ја загубиме љубовта е еден од емоционалните отрови што<br />
ни ја трујат душата и ни го поматуваат умот. Тука на сцена<br />
стапуваат ЕМОЦИОНАЛНИТЕ УЦЕНИ. За жал, овие игри<br />
на ВИНА се практикуваат многу често. Манипулацијата<br />
станува само уште еден од клучевите на љубовта. Но, некои<br />
клучеви затвораат врати засекогаш, а некои, пак, отвораат<br />
нови хоризонти на умеење и среќа. Јас сум за овие вториве,<br />
со широки прозорци во собите. Во нив нема да те фати<br />
клаустрофобија. Или, со зборовите на Ерих Фром: „Љубовта<br />
му помага на човекот да го премавне чувството на осаменост<br />
15
„На ти” со<br />
ВИНКА САЗДОВА:<br />
„УМОТ ЗНАЕ, А<br />
СРЦЕТО РАЗБИРА“<br />
„Тагата не бара ништо од<br />
другиот, љубомората бара сè“<br />
Пишува: Ана Јовковска<br />
Kога го читав романот „Последниот чај“ (2009) на Винка<br />
Саздова, што е една силна метафора, не како краен чај,<br />
туку како ултимативно сознание дека вистината е толку<br />
обична, ја повикав Винка на разговор. Добро паметам дека<br />
таа ми рече: „Многу далеку сум ја барала вистината, надвор од<br />
себе, а всушност била тука. И сум отишла во Индија, а баба ми<br />
на сè ме научила“. Тогаш се сетив на мојата баба и на секоја<br />
нејзина брчка што криеше животна лекција. Денес, додека<br />
го читам новиот роман „Луна“ (2015), повторно се сеќавам на<br />
баба ми и на сите жени што живееле за љубовта. Не оние што<br />
манипулираат со својот плач, за да дојдат до целта, туку оние<br />
што со сила го уриваат и го пресоздаваат светот. И повторно<br />
доаѓам до истото сознание – кога стравот ќе се прифати и ќе се<br />
освести, животот почнува!<br />
16
Фотографија: Жарко Чулиќ<br />
„На ти” со<br />
АЈ: Психолог сте по образование, а еден период во младоста<br />
сте работеле и како новинарка. И едната и другата професија,<br />
а богами и писателската работа, подразбираат истражување и<br />
проникнување длабоко внатре. Но, како што ќе речете: „Има<br />
одговори до кои со умот не се доаѓа“. На кои работи во животот<br />
умот им е до колена?<br />
ВС: На сè она што нè крева во височини и нè сурива во амбиси.<br />
На љубовта, вербата, среќата. Тие вистински нè поврзуваат со<br />
светот. Умот знае, а срцето разбира. Можеш ли со умот да се<br />
вљубиш, да веруваш, да бликаш од среќа? Не, се разбира не!<br />
Постојат врати што само срцето ги отвора. Кога велам срце, се<br />
разбира, мислам на најдлабокото во секој од нас. Најчистиот и<br />
најсветиот дел. Она што си вистинскиот Ти.<br />
ОДНОСОТ КОН УМЕТНИЧКОТО ДЕЛО Е ЛИЧЕН. КАКО ШТО Е<br />
ЛИЧНОСЕН И ОДНОСОТ КОН БОГ.<br />
АЈ: Романите „Полиња со диви нарциси“ и „Последниот чај“<br />
во 2012 година ви ја донесоа наградата Најчитан автор во<br />
Македонија, а „Последниот чај“ го доживеа своето десетто<br />
издание. Еднаш ми рековте дека статистиките вообичаено<br />
се врзани за некои грди нешта, сообраќајни или авионски<br />
несреќи, процентуално пушачите болни-неболни итн... но<br />
веројатно ова е една статистика што ја сакате?<br />
ВС: Да, токму така. За мене е чудесно сознанието дека стотици<br />
мои книги за една година се позајмени од библиотеките ширум<br />
Македонија. Тоа е најголемото признание што може да го добие<br />
еден автор. Публиката да го сака. Еве, сега и со новиот роман<br />
„Луна“, само за еден месец се продаде првиот тираж од 1.000<br />
примероци. Ми се чини дека сите други награди се подложни<br />
на субјективност. Односот кон уметничкото дело е личен. Како<br />
што е личносен и односот кон Бог.<br />
АЈ: Што им ветувате на вашите читател(к)и за новиот роман<br />
„Луна“, што го пишувавте три години?<br />
ВС: Па... јас мразам ветувања. Тие обврзуваат. И прават да се<br />
чувствуваш бедно, ако ги изневериш туѓите очекувања. Можам<br />
само да посакувам Луна да ги осветли онака како што мене ме<br />
осветли. Луна ја „извадив“ од своите емотивни, спиритуални<br />
длабочини. Од камен вода исцедив.<br />
ПРАЗНИ СЕ ОНИЕ ЗБОРОВИ ШТО СЕ ДОЦНА ИЗГОВОРЕНИ.<br />
ТЕЖАТ НЕЗАТВОРЕНИТЕ КОМУНИКАЦИИ. НЕБАРЕ ЧЕКОРИШ<br />
СО ЏЕБОВИ ПРЕПОЛНИ СО КАМЕЊА.<br />
АЈ: Никогаш доволно зборови и тишини меѓу нас. Ако „Луна“ е<br />
психолошки роман за незавршените комуникации, тогаш што<br />
од премолченото во животот ве прогонува?<br />
ВС: Ме прогонуваат несподелените чувства. Тоа што не<br />
сум кажала што чувствувам, тогаш кога требало, што не сум<br />
побарала прошка со време или што не сум си дозволила јас да<br />
простам. Тежат незатворените комуникации. Небаре чекориш<br />
со џебови преполни со камења. Празни се оние зборови што се<br />
доцна изговорени.<br />
АЈ: Што е за вас метафора за отуѓеноста?<br />
ВС: Жиците што ми го затскриваат небото. Оние жици преку<br />
кои праќаме мејлови, зборуваме на скајпови, се распостиламе<br />
себеси на фејсбуци, твитери, инстаграми... Кажуваме толку<br />
многу без ништо да кажеме. И многу приказни од секојдневието.<br />
17
Еве две:<br />
Приказна прва: Среде распукан цемент никнало цвеќе. Луѓе<br />
минуваат, го газат. Една девојка подзастанува. Се наведнува<br />
и нежно го допира цветот. Еден маж ја одминува со прекор<br />
што му го попречила патот. Нема очи ниту за девојката, ниту<br />
за цветот. А за себеси? Има многу такви цветови-луѓе крај кои<br />
катаден минуваме без да нè допре нивната судбина.<br />
Приказна втора: Двајца среде улица се кикотат како улави.<br />
Солзи им течат од очите, се свиваат удолу држејќи се со рацете<br />
за стомакот. Луѓето што ги одминуваат фрлаат намуртени<br />
погледи кон нив. Лицата, наместо да им се осветлат од туѓата<br />
смеа што на радост упатува, им остануваат исти. Бледи и<br />
безизразни.<br />
КОГА СУМ ДАЛЕКУ ОД ГРАДСКАТА ЏЕВА НЕМАМ НИКАКВА<br />
ПОТРЕБА ШТО БИЛО ДА КАЖАМ, ДА ОБЈАСНАМ. ДОВОЛНИ<br />
МИ СЕ НЕБОТО НАД МЕНЕ И ТИШИНАТА ВО МЕНЕ. И ПО НЕКОЈ<br />
ПИСКОТ НА ОРЕЛ ВО ДАЛЕЧИНАТА.<br />
АЈ: Се осамувате кога пишувате во Охрид, како во испосничка<br />
ќелија, сами со лаптопот и езерото. Станувате на изгрејсонце,<br />
два часа пешачите покрај езеро, појадок варен ѓеврек и јогурт<br />
и се затворате в соба. Сега го разбирам Маркес кога велел:<br />
„Живеам за да пишувам“. Што друго ве прави слободна и своја?<br />
ВС: Врвната слобода е да си бидеш доволен самиот на себеси.<br />
Да се одврзеш од материјалното и од другите. Не знам дали<br />
некогаш ќе успеам во тоа. Најмногу „паѓам“ на моите деца.<br />
А, има и нешта што ми ја даруваат слободата: природата и<br />
тишината. Поврзаноста со природата ми дава чудно спокојство<br />
и сила. Можеби зашто сум израснала по полиња, ридови, реки.<br />
Сум трчала со ветрот, сум спиела под ѕвезди... И кога сум<br />
далеку од градската џева немам никаква потреба што било да<br />
кажам, да објаснам. Доволни ми се небото над мене и тишината<br />
во мене. И по некој пискот на орел во далечината.<br />
ОЧАЈНА СУМ ШТО ТОЛКУ МНОГУ ДРВЈА КАТАДЕН СЕ УБИВААТ.<br />
И ТАЖНО Е ДЕКА СОПСТВЕНИОТ ГРАД ГО ОТСАКАВ ПОРАДИ<br />
ТОА. ДА НЕ СЕ ЛУЃЕТО ШТО МИ ЗНАЧАТ, УЏУМ БИ ФАТИЛА, ДО<br />
ТОЛКУ СУМ ГНЕВНА И НЕМОЌНА.<br />
АЈ: Вашата издавачка куќа „Три“ е по светото тројство на<br />
синовите, Александар, Бојан и Љубомир, но и по англискиот<br />
збор tree/дрво. Пешачите по десет километри секој ден и ги<br />
гушкате дрвата. Како реагирате на сечењето на дрвјата во<br />
Скопје? Како да се избориме за урбаното зеленило што ни го<br />
снемува пред очи?<br />
ВС: Очајна сум што толку многу дрвја катаден се убиваат. Тие<br />
се живи битија исто како нас. И тажно е дека и сопствениот<br />
град го отсакав поради тоа. Да не се луѓето што ми значат, уџум
би фатила. До толку сум гневна и немоќна. Што да сториме за<br />
да го сопреме ова насилство? За жал, немам одговор на ова<br />
прашање. Освен да излеземе на улици со мотики и копачи в<br />
раце и да садиме дрвја кај што ќе стигнеме. Но, и тоа би било<br />
своевидно насилство. Се сади со убава енергија, а не со гнев<br />
и бес во срцето. Се сади и со план и со убава синергија меѓу<br />
жителите и оние што толку многу се соживеале со власта што<br />
заборавиле дека сонцето не е нивно, дека небото не е нивно,<br />
дека природата не е нивна. Кога бев во Нов Зеланд, се сопре<br />
изградба на автопат дури не си заминат оттаму птицитепреселници,<br />
се забрани посета на еден мал полуостров затоа<br />
што пингвините што таму живееле станувале депресивни во<br />
присуство на луѓе, на ударни вести се кажуваше дека морало<br />
да се исече некое дрво зашто било сето гнило и истовремено<br />
веднаш се засадувало ново... Бескрајни се ваквите примери во<br />
светот. Има начини да се крене свеста кај луѓето за односот кон<br />
природата, само ни треба заедништво. А тоа, за жал, во мигов,<br />
најмногу ни недостига.<br />
АЈ: „Тајните треба да останат неискажани и несподелени,<br />
во спротивно би биле вести на телевизија“. Кои општествени<br />
„тајни“ ве вадат од памет?<br />
ВС: Кој со кого и кој што. И лагите и лицемерството.<br />
ВО ТАГАТА ИМА ПРИФАЌАЊЕ, А ВО ЉУБОМОРАТА СТРАСТИ<br />
И ИЗНЕВЕРЕНИ ОЧЕКУВАЊА. ТАГАТА Е КАКО ДОЖД ШТО<br />
НЕПРЕСТАЈНО РОМОНИ, А ЉУБОМОРАТА КАКО ГРОМ ШТО СОТИРА.<br />
АЈ: Во „Луна“ велите: „Љубомората е пострашна од тагата.<br />
Тагата е тивка, смирувачка, има некоја полнота во неа. Живее<br />
во тебе како потстанар на кој си се привикнал. А љубомората<br />
жеже, разјадува однатре, виделото ти го одзема“. Тага vs.<br />
љубомора? Која ви е поблиску?<br />
ВС: Тагата. Има во неа нешто што смирува, што дава полнота. Во<br />
тагата има прифаќање, а во љубомората страсти и изневерени<br />
очекувања. Тагата не бара ништо од другиот, љубомората бара<br />
сè. Се тажи сам, а се љубомори другому. Тагата е како дожд што<br />
непрестајно ромони, а љубомората како гром што сотира.<br />
БУДИЗМОТ, КАКО ФИЛОЗОФИЈА НА ЖИВЕЕЊЕ, МИ Е<br />
НАЈПРИФАТЛИВ.<br />
АЈ: Кои културолошки разлики ви се најблиски? Или, кои<br />
култури ви се најегзотични?<br />
ВС: Источната култура ми е најблиска или најегзотична,<br />
како сакате. Будизмот, како филозофија на живеење, ми е<br />
најприфатлив.<br />
АЈ: И како голем вљубеник во Далечниот Исток, во Индија и<br />
Катманду, што научивте таму?<br />
ВС: Научив дека храмот, кај што ќе го најдеш спокојството,<br />
е во тебе, а не надвор од тебе. Само треба да научиш да<br />
бидеш трпелив и скромен. Е, тоа е најтешкото. Барем за нас<br />
западњаците што сме научени на инстантна консумација, што<br />
наместо да ни го стиши гладот (духовниот), уште повеќе нè<br />
огладнува.<br />
ШТО СÈ НЕ ИСЧИТАВ. ОД ФИЛОЗОФИ, МИСТИЦИ,<br />
ШАРЛАТАНИ... И КОЛКУ ПОВЕЌЕ ЗНАЕВ, ТОЛКУ ПОВЕЌЕ БЕВ<br />
ЗБУНЕТА. ТЕОРЕТСКИ, СОВРШЕНО ВЛАДЕЕВ СО СВЕТЛИНАТА,<br />
А ВНАТРЕ... ТЕМНИНА. СЕБЕСИ СИ ЗАЛИЧУВАВ НА БЕТОНСКИ<br />
СТОЛБ ОБЛЕПЕН СО ЦИТАТИ.<br />
АЈ: Што е разликата помеѓу дознавањето и разбирањето?<br />
ВС: Се дознава со умот, се разбира со срцето. Најголемите<br />
лекции или вистини, за жал, не се учат од книгите. Тоа е<br />
запишано и во Куранот. Можете да сте преполни со знаење,<br />
„до заби да сте вооружени“ со теорија, а да сте бескрајно<br />
збунети. Тоа го знам и по себе. Во еден период од мојот живот,<br />
кога се „разбудив“, бев во трескавична потрага по вистинската<br />
книга што ќе ме доведе до „просветление“. Што сè не исчитав.<br />
Од филозофи, мистици, шарлатани... И колку повеќе знаев,<br />
толку повеќе бев збунета. Ништо не ми беше јасно. Теоретски,<br />
совршено владеев со светлината, а внатре... темнина. Себеси<br />
си заличував на бетонски столб облепен со цитати. И кога се<br />
уморив од „учење“, решив да заборавам сè. Така почнав да го<br />
слушам својот внатрешен глас. И тишината во себе.<br />
Вистината преку себе се дознава.<br />
АЈ: Во „Луна“ напишавте: „Премногу се грижеше за другите,<br />
а се забораваше себеси. Страдаше со сите страдалници<br />
на светот. Очајуваше поради озонската дупка, глобалното<br />
затоплување, земјотресите во Азија, гладните во Африка...<br />
Како да сакаше да си ја одземе сопствената среќа, за да не<br />
биде ни трошка посреќен од несреќниците во светот“. Но,<br />
Винка, дали емпатијата е доволна или требаат конкретни<br />
дела?<br />
ВС: Сомилоста е многу важна, но не е доволна. Тоа е исто како<br />
некој да падне на улица, а вие минувате крај него, мислејќи:<br />
кутричок човек. Мора рака да се подаде. Најстрашни се<br />
рамнодушноста и себичноста. Зашто, кога само себеси си<br />
угодуваме, душата мувлосува. Инаку, исто како и мојот лик во<br />
„Луна“, и јас страдам со сите страдалници на светот. Но, за жал,<br />
ми се чини дека не можам ништо суштинско да сторам за да<br />
им олеснам. Можам да донирам некоја симболична сума пари,<br />
облека, книги... Но, кому му е до книги кога се бори за голиот<br />
живот?
Инспирација<br />
„ПОНЕКОГАШ<br />
МОДНИОТ СВЕТ Е<br />
ПРЕМНОГУ ДОБАР<br />
ЗА ДА БИДЕ РЕАЛЕН“<br />
Пишува: Тања Тодоровска<br />
Фотограф: Жарко Чулиќ<br />
Шминка: Дарко Мишовски<br />
Фризура: Адо Мурис Хамзиќ, Hairdo<br />
Катарина Ивановска е несомнено најуспешната<br />
и најреализираната македонска манекенка. При<br />
долгогодишните ангажмани далеку од родниот град, а во<br />
период кога нејзините врсници беа само обични тинејџери, таа<br />
ги газеше модните писти и учествуваше во кампањи и реклами<br />
на некои од најпознатите и најценетите дизајнери и брендови.<br />
Денес, по 11 години од нејзините почетоци, за себе вели дека<br />
е истата девојка, непроменета од привремениот гламур на<br />
модниот свет. Воедно, искрено и непосредно ни откри како<br />
изгледа секојдневието на една успешна манекенка, разбивајќи<br />
некои од најчестите стереотипови и митови за модниот свет.<br />
По многубројни години патувања, особено на релација<br />
Скопје-Њујорк, веќе подолг период сте во Скопје. Се<br />
заситивте ли од патувањата, во прашање е носталгија или<br />
можеби нешто друго?<br />
Од патувањата никогаш нема да се заситам како што писателот<br />
никогаш нема да се засити од перото. Не сум носталгична и<br />
никогаш не сум била, но љубовта си го одбира патот, а тоа е<br />
Скопје.<br />
Веќе не сте дел од модните ревии, туку сѐ повеќе земате<br />
учество во модни едиторијали, кампањи и фотосесии... Кои се<br />
вашите планови за понатамошната кариера?<br />
Веќе шест години не сум дел од модните писти и, како што<br />
и самите кажавте, сѐ почесто снимам каталози и кампањи<br />
или едиторијали... но продолжувам да се занимавам со<br />
манекенството. Плановите за иднината не можам да ги кажам<br />
однапред, зашто и јас самата не ги знам. Многу често не можам<br />
да испланирам некое приватно патување, зашто букинзите<br />
секогаш доаѓаат во 5 до 12 (се смее).<br />
Како изгледаат кастинзите за ревиите на познатите<br />
дизајнери? Дали тоа значи исполнување на строги правила,<br />
наоѓање начин за наметнување на себеси со некоја лична<br />
карактеристика, покажување на некој свој талент или сл.?<br />
Колку е важен лук-букот при личното претставување на<br />
кастингот?<br />
За да се стигне до кастинг, агенцијата на секоја девојка ѝ<br />
прави лук-бук. Потоа букерот има задача да ги промовира<br />
манекенките кај креаторите, пред медиумите и пред целата<br />
јавност. Една од најважните работи, како за манекенката,<br />
така и за агенцијата е да обезбеди работа, односно<br />
кампања. Кампањите пред сѐ ги добиваат девојките кои<br />
имаат силен бук, кои треба да го продадат продуктот што<br />
се рекламира, додека за настап на ревија е полесно, таму<br />
можат да учествуваат и млади девојки кои се на почетокот<br />
на кариерата. Но, токму и затоа снимање кампања, што<br />
подразбира и каталог, реклама за принт-магазин, билборд<br />
и ТВ-реклама, е многу повеќе платена работа отколку<br />
учеството на ревија. Но, за да се стигне каде било најважен<br />
е тој бук, што содржи одбрани фотографии од едиторијали,<br />
кампањи. За учество на ревии, секако дека мора да се<br />
помине низ кастинг. Секој креатор има своја замисла какви<br />
манекенки сака на својата ревија, па тука е најважна улогата<br />
на букерот или агентот на девојките кој треба да соработува<br />
со модните куќи и со креаторите за тоа каква девојка треба<br />
да ја испрати на одреден кастинг. Меѓутоа, верувајте дека<br />
ниту една манекенка или модел не е случајно таму каде што<br />
е. Сите ние многу работиме, па со многу труд, а секако и со<br />
малку среќа, може да се успее.<br />
21
Речиси цела кариера бевте во странство, минувајќи време на<br />
кастинзи на светски познати дизајнери и модни куќи, дружејќи се<br />
со други познати, професионални модели и манекенки. Од оваа,<br />
денешна перспектива, каков е вашиот поглед на тој свет? Какви<br />
жртви, посветувања и одрекувања подразбира тој?<br />
Тоа е гламурозен, блескав свет што трае само пет минути. На писта<br />
носиме прескапа гардероба со преубава шминка и фризура, се<br />
смееме, а зад сето тоа се крие и нервоза и бунило што понекогаш<br />
дури посакуваш да излезеш од тој филм, бидејќи е премногу<br />
добар за да биде реален. А од друга страна, многу ми недостига...<br />
Жртви има во секоја професија, во која било работа што сакаме<br />
да ја направиме, па затоа секогаш најважна и на прво место ми е<br />
поддршката од фамилијата. Сите оние тин-години наместо да се<br />
дружам со моите врсници и да растам во чекор со моето време,<br />
дури и да побегнам од некој час, ги поминав сама во различни<br />
временски зони, на различни континенти, чувајќи се од сѐ што<br />
можеше да му се случи на едно 16-годишно девојче пуштено како<br />
јагула во модните води.<br />
Во какви сѐ екстреми оди подготовката за модните ревии кај<br />
некои девојки? На какви драстични примери од блиската околина<br />
можеш да посочиш?<br />
Кога Твиги се повлекуваше од модниот свет изјави дека не можеме<br />
секогаш да бидеме само закачалки за алишта. Апсолутно се<br />
согласувам, а сепак тоа не зависи од мене. Секој дизајнер кога<br />
претставува нова колекција има замислено какви манекенки сака<br />
да ја носат облеката на ревијата. Некои сакаат слаби девојки,<br />
некои не, некои сакаат бринети, некои русокоси девојки. Кај<br />
Карл Лагерфелд можете да забележите премногу слаби девојки,<br />
кај Армани не многу познати имиња од светот на модата, а на<br />
крајот сепак опстојуваат само оние што знаат визуелно како да ја<br />
пренесат приказната на дизајнерот. Но, ова е професија во која<br />
најважен е изгледот, па секако дека сите мораме да се грижиме<br />
да изгледаме пред сѐ здраво и да бидеме во одлична форма. Во<br />
однос на јадењето, особено денес, кога има толку многу интернетстраници,<br />
ТВ-емисии со рецепти за здрава храна, не само ние туку<br />
и сите други девојки и жени кои не се дел од овој бизнис, имаат<br />
можност здраво и правилно да се хранат. Лично, можам да кажам<br />
дека никогаш не сум се изгладнувала, а да, сум била на диета.<br />
Во светските медиуми се пишува и дека некои од манекенките<br />
и моделите буквално преку кревет добиваат нови ангажмани,<br />
ревии, снимања... Дали станува збор за медиумски напумпани<br />
вести или, пак, реалноста е малку поинаква?<br />
Кога зборуваме за манекенки и модели со долгогодишна кариера,<br />
можам да кажам дека таквата информација, дека преку кревет ја<br />
добиле работата, не е точна. Секоја манекенка ја почнува својата<br />
кариера на ист начин. Сите почнуваме многу млади, на 14-15<br />
години, и секогаш на почетокот со нас доаѓа некој од нашето<br />
семејство. Тоа го бара и нашата агенција, која, и покрај тоа што се<br />
грижи за секоја од нас, сепак инсистира со нас да доаѓа родител,<br />
постара сестра или брат.<br />
Секако, има исклучоци, има девојки кои сакаат брзо и лесно да<br />
дојдат до финансиски средства без многу труд, затоа што овој<br />
бизнис бара многу жртва, откажувања и многу работа. Но, тие<br />
девојки најчесто немаат долгорочна кариера.<br />
Се случува и многу од познатите манекенки и модели да се омажат<br />
за богати мажи, но дури откако и самите станале познати и<br />
заработиле многу. Пример за ова е Наталија Водијанова, која беше<br />
мажена за лорд, а сега е мажена со француски милионер, но таа<br />
самата ја направи својата кариера, работејќи многу за да стане тоа<br />
што е денес.
„РАБОТАТА МЕ НАУЧИ ДА НЕ ПЛАНИРАМ ЗА<br />
ДАЛЕЧНА ИДНИНА. СЀ УШТЕ СЕ ЗАНИМАВАМ<br />
СО МОДА И ЌЕ ПРОДОЛЖАМ ВО СЛИЧЕН<br />
РИТАМ СЀ ДОДЕКА СУМ ФИЗИЧКИ И<br />
МЕНТАЛНО ЗДРАВА И ЈАКА.“<br />
23
24<br />
Постои ли ривалство меѓу манекенките? До каде се<br />
подготвени да одат девојките за изборот да падне на<br />
нив, наместо на некоја од другите девојки дојдени на<br />
кастингот?<br />
Иако често се зборува дека постои ривалство помеѓу<br />
манекенките, тоа речиси и да го нема. Кога имате<br />
снимање, особено за кампања во која се вклучени повеќе<br />
модели, знаеме да размениме совети, си помагаме,<br />
се дружиме, забавуваме, а многу често остануваме во<br />
контакти и по снимањето. За време на ревии, каде што<br />
се вклучени многу манекенки, секако дека сите не се<br />
познаваат и не се дружат, но не постои местење или<br />
ривалство. Секоја од нас е професионалец и постарите<br />
секогаш им помагаат на помладите. Има многу примери<br />
меѓу манекенките и моделите кои приватно се дружат и<br />
соработуваат и на други проекти. Најдобар пример за<br />
пријателство меѓу манекенките се Наоми Кембел, Линда<br />
Еванџелиста и Кристи Тарлингтон, кои за една кампања<br />
на Долче и Габана рекоа дека ќе го прифатат ангажманот<br />
само доколку и Наоми биде дел од кампањата. Уште еден<br />
пример што покажува пред сѐ почит, но и пријателство<br />
меѓу манекенките е оној од пред неколку години кога<br />
Каролин Трентини и Иман бесплатно рекламираа накит<br />
дизајниран од нивната колешка Коко Роша, чијашто<br />
продажба се донираше во хуманитарни цели. Има уште<br />
многу такви примери што докажуваат дека сепак нема<br />
ривалство.
Инспирација<br />
Се чини дека малку од македонските модели и манекенки<br />
си ја пробуваат среќата во странство. Се откажуваат<br />
прерано, не исполнуваат некои услови и критериуми или?...<br />
Што мислите дека е причината за ваквата ситуација?<br />
Можеби се плашат од успехот или не се доволно храбри и<br />
подготвени за таков голем чекор. Знам многу случаи каде што<br />
момчињата или девојките им забранувале на партнерите да<br />
се занимаваат со мода и, секако, родители кои биле против<br />
тоа нивните деца да се занимаваат со оваа професија.<br />
Што лично ви паѓаше најтешко во периодот кога бевте<br />
најактивна?<br />
Помислата дека на 16 години треба сериозно да ја<br />
сфатиш работата, а хормоните и мислите се во Скопје со<br />
пријателите. За најмала главоболка или за варење чај при<br />
настинка ги немав до себе ниту родителите, ниту сестра ми.<br />
А од друга страна, кога се враќав во Скопје, не се прибирав<br />
дома. По долги 11 години сфаќам дека ништо друго не ми<br />
недостигало освен семејството. Ако сега имав еден семеен<br />
албум, за жал многу празни страници без меморија ќе<br />
останеа во него.<br />
Моделската и манекенската професија, за жал, не нудат<br />
долготрајна, долгогодишна кариера. Каде се гледате<br />
себеси по неколку години? Дали можеби повторно некаде<br />
во модната индустрија или?...<br />
Не знам, навистина не знам. Работата ме научи да не<br />
планирам за далечна иднина. Сѐ уште се занимавам со мода<br />
и ќе продолжам во сличен ритам сѐ додека сум физички и<br />
ментално здрава и јака.<br />
Медиумите ве имаат забележано како една од<br />
најинтересните гости на Модниот викенд во Скопје. Дали го<br />
поддржувате и сметате ли дека е организиран на високо и<br />
професионално ниво?<br />
Штом сум била на Модниот викенд значи дека го поддржувам<br />
и сметам дека треба да се има такво модно збиднување<br />
во Македонија, зашто имаме многу талентирани и веќе<br />
докажани дизајнери. А за тоа како е организирано не можам<br />
да коментирам, бидејќи сум била само гостин. Тоа треба да<br />
кажат оние што учествуваат.<br />
25
26<br />
„МОДНИОТ СВЕТ Е ГЛАМУРОЗЕН И БЛЕСКАВ,<br />
НО ТРАЕ САМО ПЕТ МИНУТИ. НА ПИСТА<br />
НОСИМЕ ПРЕСКАПА ГАРДЕРОБА СО ПРЕУБАВА<br />
ШМИНКА И ФРИЗУРА, СЕ СМЕЕМЕ, А ЗАД СЕТО<br />
ТОА СЕ КРИЕ И НЕРВОЗА И БУНИЛО ШТО<br />
ПОНЕКОГАШ ДУРИ ПОСАКУВАШ ДА ИЗЛЕЗЕШ<br />
ОД ТОЈ ФИЛМ, БИДЕЈЌИ Е ПРЕМНОГУ ДОБАР<br />
ЗА ДА БИДЕ РЕАЛЕН.“
„НИТУ ЕДНА МАНЕКЕНКА ИЛИ МОДЕЛ НЕ Е<br />
СЛУЧАЈНО ТАМУ КАДЕ ШТО Е. СИТЕ НИЕ МНОГУ<br />
РАБОТИМЕ, ПА СО МНОГУ ТРУД, А СЕКАКО И СО<br />
МАЛКУ СРЕЌА, МОЖЕ ДА СЕ УСПЕЕ.“
„ПО ДОЛГИ 11 ГОДИНИ СФАЌАМ ДЕКА<br />
НИШТО ДРУГО НЕ МИ НЕДОСТИГАЛО ОСВЕН<br />
СЕМЕЈСТВОТО. АКО СЕГА ИМАВ ЕДЕН СЕМЕЕН<br />
АЛБУМ, ЗА ЖАЛ МНОГУ ПРАЗНИ СТРАНИЦИ<br />
БЕЗ МЕМОРИЈА ЌЕ ОСТАНЕА ВО НЕГО.“
Инспирација<br />
Забележана беше и вашата улога како Ребека во филмот<br />
„Трето полувреме“. Дали филмот ги исполни вашите лични<br />
очекувања од себе како актерка? Ве исполни ли улогата и<br />
би повториле ли ваков сличен ангажман во иднина?<br />
Нормално дека ме исполни улогата, инаку немаше да бидам<br />
дел до „Трето полувреме“. За мене, конкретниот филм<br />
претставува еден од најубавите македонските бисери.<br />
Во иднина, ако ме поканат за некоја следна улога, би<br />
прифатила, зошто да не. Процесот на правење на филмот,<br />
зборувам од гледиште на актер, сите оние подготовки,<br />
чекања, дружења – не би ги менувала со ништо друго.<br />
Неколкупати досега сте учествувале на маратони, и тука<br />
во Скопје, но и во Њујорк, активно вежбате... Дали ваквите<br />
активности ви се хоби или своевиден начин на живот? Што<br />
друго, надвор од манекенството, ве исполнува и прави<br />
среќна?<br />
Првпат полумаратон трчав во Њујорк – повеќе ми беше<br />
како еден вид животно искуство што никогаш нема да го<br />
заборавам. Во Скопје трчав двапати досега. Секојдневно<br />
вежбам, дури и во моментов додека ги одговарам прашањата<br />
возам велосипед (се смее). Како што се миеме, кога ќе<br />
станеме, така за мене е физичката активност. Надвор од<br />
работните обврски, најмногу ме прави среќна дружењето<br />
со моите внуци Симон и Марко, семејните ручеци кај моите<br />
дома, патувањето со пријателите и, нормално, човекот до<br />
мене (се смее).<br />
Освен во позитивна конотација (што претпоставувам<br />
ви годи), медиумите ве поврзувале и со различни мажи<br />
и ве вметнувале во трач-муабети. Како реагирате на<br />
последниве? Дали низ годините научивте да не реагирате<br />
на нив?<br />
Немам време за трач-муабети. Не реагирам никако, зашто не<br />
можат да ме допрат.<br />
Сосема за крај, како досегашната плодна кариера ја изгради<br />
Катарина Ивановска? Колку оваа Кики денес се разликува<br />
од девојчето кое ги изодуваше првите манекенски чекори?<br />
Што научивте од сето искуство?<br />
Тие што добро ме познаваат знаат дека Катарина Ивановска<br />
и Кики воопшто не се разликуваат. Сѐ уште сум едно големо<br />
дете, веројатно поради пропустот во тинејџерските години,<br />
но воедно и одговорна и вредна личност каква што морав да<br />
бидам ако сакав да бидам дел од тој „гламур“.<br />
29
Wonder Woman<br />
Лена Зикова<br />
„ДА СЕ ДОБИЕ ДЕТЕ ПО ДОЛГИ<br />
ГОДИНИ ИСЧЕКУВАЊЕ Е<br />
ВИСТИНСКИ БЛАГОСЛОВ“<br />
Пишува: Ружица Антиќ<br />
Повеќе од десет години Лена Зикова е дел од македонскиот бизнис-сектор, како креатор и организатор на многу успешни<br />
проекти во областа на квалификација на работната сила од различни сектори. Со нас поразговара за нивното семејно искуство<br />
со стерилитетот, вештачкото оплодување, патот кон остварувањето на највисокиот идеал на речиси секоја жена, мајчинството.<br />
Тивката болка со која се соочуваат многу парови, надежта, очекувањата, тагата, загубата, што се нераскинлив дел од борбата за<br />
потомство, во оваа приказна за семејството Зикови завршува со најсреќниот крај, раѓањето на ќеркичката Јана, како најубав доказ<br />
за упорност и истрајност.<br />
30
Вие сте звучно име во македонското стопанство. Со<br />
години работите на подобрување на квалификациските<br />
способности на работната сила, со практично знаење и<br />
организациски техники. Последниве години сте директор<br />
на „Концепт“, тренинг-центарот за бизнис-едукација.<br />
Кажете ни за што точно станува збор?<br />
„Концепт“ е тренинг-центар за неформална едукација,<br />
основан пред три години. Во негови рамки досега се<br />
реализирани повеќе од триста обуки и семинари, курсеви<br />
и проекти. Кога ние, тимот во „Концепт“, го развивавме<br />
овој проект, главна цел ни беше да направиме место,<br />
точка во градот и Македонија што ќе биде со богата<br />
понуда за можности и алатки за работа за деловните<br />
луѓе и професионалците од различни области од<br />
работењето. Приказната ја раскажуваме секојдневно.<br />
Имаме уште многу што да кажеме... Обуките се посетени<br />
од различни хиерархиски структури во компаниите или<br />
јавните претпријатија или другите институции. Од извршни<br />
директори на големи компании, преку оперативни работници,<br />
сметководители, па сè до архивари. Во моментот развиваме<br />
повеќе програми за преквалификација и доквалификација<br />
на возрасните, со што ќе им помогнеме на невработените<br />
полесно да се вработат, од една страна, а од друга страна на<br />
бизнисот ќе му помогнеме да најде соодветна квалификувана<br />
работна сила.<br />
Покрај вашата успешна бизнис-приказна, вие сте и<br />
емотивно исполнета жена. Ваш брачен партнер е познатиот<br />
продуцент, публицист и новинар Љупчо Зиков, со кого<br />
сте во брак 20 години. Што ви е прва асоцијација кога ќе<br />
помислите на оваа бројка?<br />
Да, есенва ќе прославиме 20 години брак. Кога се навраќам,<br />
сфаќам дека две децении заеднички живот поминаа многу<br />
брзо. Години во кои отворивме и затворивме повеќе проекти.<br />
Години исполнети со многу прекрасни моменти. Но, и<br />
предизвици и исчекувања...<br />
Кога мислам на проекти мислам на градење на домот,<br />
основањето на „Капитал“, проширување на семејството,<br />
„Концепт“, доедукација, патувања, социјална и општествена<br />
интеграција...<br />
Ленa, иако постојат повеќе причини поради што ја<br />
заслужувате титулата „Wonder woman“, ние сакавме со нас<br />
да ја споделите вашата прекрасна приказна за вербата,<br />
упорноста и љубовта. Приказната за вашата упорност што<br />
не врескала, туку сосема тивко шепотела, ќе се обидам утре<br />
повторно, што завршува на најубав начин, со раѓањето на<br />
вашата ќеркичка Јана. Што се роди во вас со раѓањето на<br />
Јана?<br />
Ми ги промени и денот и ноќта. Со раѓањето на Јана исчезна<br />
целата неизвесност и целото исчекување. Јана ме исполни,<br />
ме успокои, ми ги смени приоритетите, направи нови<br />
баланси. Но, ми ослободи и нови визии. Некои скриени сили<br />
и визии што тлееле длабоко во мене сега се ослободија...<br />
Да се добие дете по долги години исчекување е вистински<br />
благослов! Еден исклучителен момент во животот. Тешко со<br />
зборови можам да ги опишам сите емоции, единствено знам<br />
дека ме промени целосно.<br />
Вашата повеќегодишна борба за потомство, како и на секоја<br />
жена што поминува низ истото, покажува дека сте похрабра<br />
отколку што сте верувале и посилна отколку што сте мислеле<br />
дека сте. Можете ли да направите една хронологија на<br />
патот што го поминавте?<br />
Првите години од брак беа исполнети со многу нешта.<br />
Едноставно, бевме исполнети со деловни планови,<br />
31
уредување на домот, дружења. Во фазата кога неочекувано<br />
го почнувавме нашиот долг пат, тргнавме со прегледи и<br />
испитувања. Бевме охрабрени од сите резултати, едноставно<br />
немаше видлива пречка.<br />
Затоа немаше простор за сериозна грижа. По повеќе<br />
години се одлучивме да направиме ин-витро оплодување. Го<br />
направивме овде, во Скопје, но резултатот беше негативен.<br />
Со оглед на фактот што во Македонија тогаш немаше долго<br />
искуство во оваа постапка, одлучивме да следниот обид<br />
го направивме надвор, во некој европски центар познат<br />
по овој метод. Многумина од Македонија тогаш одеа во<br />
Белград и Љубљана. Имавме добри информации за Гент,<br />
Белгија, во престижната Кралска академска клиника. Гент<br />
е еден од најпознатите академски градови во Европа. Така<br />
воспоставивме контакт во доктор Донт, кој во тоа време<br />
беше врвно име во областа на ин-витро оплодувањето.<br />
Патувањето во овој град беше одлично искуство. Град<br />
само стотина километри оддалечен од Брисел, а толку<br />
тивок, релаксиран, иако беше преполн со огромен број на<br />
интернационални студенти. Во тој период ја запознавме<br />
внатрешноста на Белгија, преубавиот Бриж, што во многу<br />
нешта се разликува од метрополата. Тимот кој нè водеше во<br />
целата постапка беше прекрасен, бескрајно позитивен. И<br />
покрај првиот неуспешен обид, ни оставија силен впечаток.<br />
Имавме чувство дека сме во вистински раце. По извесна<br />
пауза, повторно се обидовме во Гент, но немаше резултати.<br />
Паралелно истражувавме дали постојат други центри<br />
што прават дополнителни испитувања или други методи.<br />
Одлучивме да отидеме во Њујорк, во Институтот „Корнел“,<br />
кај доктор Зев Розенвакс, гуру во областа на гинекологијата.<br />
Институтот „Корнел“, заедно со Универзитетот „Рокфелер“<br />
се едни од водечките медицински установи во светот,<br />
добитници на Нобеловата награда од областа на<br />
медицината. Беа многу темелни, анамнезата траеше со<br />
часови, а потоа и испитувањата. Повторно нè охрабрија да<br />
продолжиме со нашите обиди. Едноставно, секој обид на инвитро<br />
е независен од претходниот, зависно од реакцијата на<br />
организмот на терапијата во дадениот момент. Институтот<br />
„Корнел“ го чувавме како златен адут, можност за последен<br />
обид, но за среќа немаше потреба, бидејќи следното инвитро<br />
што го направивме во Прага беше успешно. По<br />
комплетно мирување и со повеќе прегледи кај доктор Глигор<br />
Димитров, во „Ремедика“, во јуни 2014 година се роди Јана.<br />
Целиот тој пат е многу стресен, исполнет со психофизички<br />
замор. Можете ли да издвоите кој дел од постапката на<br />
лекување, вештачко оплодување ви паѓаше најтешко?<br />
Ќе бидам искрена со вас и со вашите читатели. Нема ништо<br />
едноставно во целиот процес. Пред секоја постапка се<br />
повторуваат многубројните хормонски испитувања, се<br />
следи подготвеноста на организмот, а потоа се почнува со<br />
хормонската терапија, што трае цели дванаесет дена, потоа<br />
пункција, трансфер...<br />
И на крајот, посебно стресно е долгото двонеделно<br />
исчекување на резултатот. Затоа е потребно големо<br />
количество на ментална и физичка подготвеност на<br />
партнерите, а посебно на жената.<br />
Лекувањето на стерилитетот е еден облик на животна криза<br />
што има директно влијание буквално на секој аспект од<br />
заедницата помеѓу маж и жена. Како вие и вашиот сопруг го<br />
надминавте сето тоа? Како сите оние негативни чувства на<br />
лутина, вина, самосожалување, исчезнуваат под силата на<br />
љубовта и разбирањето?<br />
Бевме единствени во одлуката да одиме докрај. Ако<br />
секој во животот има по еден камен за туркање, ова беше<br />
нашиот камен. Со тоа се соочивме и затоа веројатно не<br />
очајуваме. Една работа што сакам да ја споделам е дека<br />
на тие патувања настојувавме да гледаме низ призмата на<br />
вистинско туристичко патување, уживавме во местата низ<br />
кои поминуваме и во кои престојувавме.<br />
Во периодот кога одевме во Гент, посетивме многу гратчиња<br />
во Белгија и Холандија, во Брисел и Амстердам бевме<br />
повеќепати. А истото се случи и кога бевме во Соединетите<br />
Американски Држави. Тоа е одлично искуство, тие патувања<br />
се незаборавни.<br />
Во нашето општество сѐ уште има строги општествени<br />
норми за редот на нештата, брак, па деца и слично. Бевте<br />
ли сведок на непристојни стереотипни фрази? Кој ви беше<br />
најголема поддршка низ сите овие години?<br />
Имавме силна потреба да имаме деца, нешто што ќе седне<br />
во прегратките помеѓу нас, но не значи дека бракот без деца<br />
нема смисла. Напротив, бракот, покрај децата, го сочинуваат<br />
многу нешта што сопружниците го споделуваат меѓусебно,<br />
како љубов, доверба, посветеност, поддршка, амбиции,<br />
заеднички интереси... Оттука немаше простор за страв дека<br />
заедничкиот живот без потомство нема да успее.<br />
Важите за многу комуникативна жена, што сака да патува<br />
и да се дружи со широк круг луѓе. Како наоѓавте сила, по<br />
секој неуспешен обид, да функционирате? Што најмногу<br />
ви помагаше кога ќе ја изгубевте надежта и ќе добиевте<br />
негативни резултати?<br />
Во сите изминати години, ние бевме опкружени со<br />
пријателите. Никогаш не се затворивме, не ги оддалечивме<br />
луѓето околу нас. Не запоставивме ниту еден сегмент од<br />
секојдневниот живот. Затоа сметам дека, покрај нашите<br />
семејства кои бескрајно нè поддржуваа, до нас беа и<br />
пријателите, со кои поминавме одлични години на дружење.<br />
Меѓу нив имаме пријатели кои ни помогнаа да го пронајдеме<br />
патот до решението, ни даваа добри контакти. Многу важен<br />
сегмент на животот, особено во кризи, се пријателите.<br />
Во борбата против стерилитетот, за восхит е што секој пар<br />
тргнува од можноста за среќен крај, без никаква гаранција.<br />
Дали и пред тоа се сметавте себеси за упорна личност?<br />
Имавте ли период во кој бевте на раб да се откажете?<br />
Зад мене се многубројни испитувања и повеќе ин-витра, но<br />
во ниту еден момент не помислив да се откажам. Единствено<br />
ми одекнуваа зборовите на Розенвакс во Њујорк дека...<br />
сè додека имам ментално и физичко здравје можам да<br />
продолжам со обидите и со добра надеж дека ќе успееме.<br />
Тој е мој вистински гуру!<br />
Стара јапонска поговорка вели падни десет пати, стани<br />
единаесет. По колкав период се одлучувавте за нов обид? Се<br />
плашевте ли од медицински ризици за сопственото здравје?<br />
Ги следевме инструкциите на лекарите, тие ја следеа<br />
мојата подготвеност и така носевме одлуки кога почнуваме<br />
со постапката. Тогаш не размислував за последиците, а<br />
да бидам искрена, ниту лекарите не ме предупредија за<br />
32
евентуални последици. Сега, откако ја завршив оваа фаза<br />
во животот, сериозно сум посветена на моето здравје и ги<br />
правам сите превентивни прегледи и испитувања.<br />
Верувам дека вашата ментална сила ќе биде инспирација<br />
за многу жени. Имате ли некоја порака за жените што<br />
моментално го одат вашиот пат?<br />
Иновациите во медицината, па и во гинекологијата постојано<br />
се случуваат, се менуваат методологии и протоколи, се<br />
пронаоѓаат нови лекови, се подобруваат постојните. Се<br />
појавуваат и успешни лекари. Тоа треба да охрабри голем<br />
број парови кои имаат определени проблеми, со издржан<br />
оптимизам дека може за многу кратко време ситуацијата да<br />
се промени. На оваа тема нештата се менуваат секојдневно.<br />
Во меѓувреме, пак, во Македонија има повеќе болници што<br />
израснаа во сериозни центри за ин-витро оплодување, што по<br />
резултатите не заостануваат од другите европски болници.<br />
Нема да има потреба да патуваат во други земји за оваа<br />
постапка, а тоа е дополнителен напор. Вака анализирајќи,<br />
сериозно нема простор за песимизам и откажувања кај<br />
паровите кои немаат деца, бидејќи времето работи постојано<br />
за нив. Мислам дека посветеноста и упорноста се клучните<br />
зборови на оваа тема.<br />
Јана е остварување на сите ваши соништа, форма на најчиста<br />
љубов и круна на целата ваша мака. Како функционирате на<br />
дневна основа? Какво дете е Јана? Имате ли помош?<br />
Имаме развиено цела шема на дневни активности. Денот<br />
почнува со цртан филм. Па, откако ќе се изгледаат неколку<br />
епизоди, следува ритуалот на утрински активности. Таа<br />
останува дома, додека ние се вратиме од работа, а потоа<br />
целосното внимание ѝ припаѓа нејзе, задолжително шетање,<br />
играње и пеење што трае додека не заспие, кога конечно<br />
сите звуци од играчките ќе бидат ставени на „оф“. И тие да<br />
одморат...<br />
Јана е исклучително отворено дете, кое сака да комуницира<br />
со познати и непознати лица, лесно ги прифаќа промените.<br />
Воопшто не е плачлива, туку напротив, постојано наоѓа<br />
некаков извор за радост и смеа.<br />
Со години имате исполнет и успешен професионален живот.<br />
Со раѓањето на вашата ќеркичка си докажавте дека не е<br />
готово, додека добро не заврши. Колку нејзиното раѓање<br />
ви внесе дополнителен мотив за нови професионални<br />
подвизи?<br />
Професионалниот дел од мојот живот отсекогаш ми бил<br />
важен. Ги туркав истовремено и деловните и приватните<br />
проекти. Но, имаше моменти кога беше тешко балансирањето<br />
на овие две работи, па предност давав на приватното.<br />
Сега кога таа битка е завршена, многу поедноставно е да<br />
се посветам на сите деловни предизвици и на семејството.<br />
Практично, сè си дојде на место. Целата моја енергија и<br />
целото време ги вложувам колку што е можно посилно, заедно<br />
со мојот тим, да ја раскажеме приказната за „Концепт“, да ѝ<br />
се најдеме на македонската деловна и воопшто општествена<br />
заедница. Да правиме убави работи.<br />
33
Соседство<br />
МАРКО ВУЛЕВИЌ ЕКСКЛУЗИВНО ЗА „ПОРТРЕТ“<br />
„СЕКОГАШ СУМ<br />
СЕ ТРУДЕЛ ДА ГИ<br />
ЗАДОВОЛАМ СВОИТЕ<br />
КРИТЕРИУМИ“<br />
Пишува: Тања Тодоровска<br />
Mарко Вулевиќ е еден од најактивните, најиновативни модни<br />
фотографи во Србија. Во неговата досегашна кариера има<br />
соработувано со сите звучни имиња од српската модна сцена,<br />
вклучително дизајнери, модели, модни магазини... За „Портрет“<br />
ја сподели својата успешна приказна, како и дел од неговото<br />
портфолио со фотографии.<br />
Какво е вашето образование? Колку е важно за работата што ја<br />
извршувате денес?<br />
Образованието е важно како и за секоја друга професија. По<br />
завршувањето на средното училиште за дизајн, каде што првпат се<br />
сретнав со фотографијата, се одлучив да го студирам истото на<br />
Факултетот за применети уметности, отсек фотографија.<br />
Колку долго сте фотограф?<br />
Во средното училиште фотографијата ми беше хоби, а од пред седум<br />
години имам свое студио.<br />
Како би го опишале вашиот стил на фотографирање?<br />
Стилот го градев со времето, не знам како би го карактеризирал. За секое<br />
снимање се трудам да изгледа поинаку.<br />
Која е вашата прва фотографија?<br />
Не се сеќавам, но тоа веројатно би бил портрет на некоја другарка од<br />
средното училиште.<br />
А каде првпат ви имаат објавено фотографија?<br />
Во lifestyle додаток на еден дневен весник, мојата фотографија беше<br />
избрана за насловната страница.<br />
Како се станува успешен фотограф?<br />
Никогаш не сум се трудел да станам успешен фотограф, секогаш сум се<br />
трудел да ги задоволам своите критериуми. Успехот дојде спонтано и<br />
мислам дека тука нема правила.<br />
Каква опрема користите?<br />
Од неодамна прејдов на „Канон“ и сум многу задоволен. Не сметам дека<br />
секогаш е потребна сета опрема за креирање на добра фотографија – во<br />
некои услови доволен е само фотоапарат.<br />
Mac или Pc?<br />
Би се определил за Mac, бидејќи платформата му е постабилна во однос<br />
на софтверите што ги користам.
Колку е значаен фотошопот во средувањето на вашите фотографии?<br />
Многу е важен. Фотошопот може навистина да го подобри квалитетот,<br />
атмосферата на самите фотографии.<br />
Вашите топ три омилени фотографи се?<br />
Немам омилен фотограф, но ја ценам работата на Тим Вокер, Давид<br />
Лашапел и Ник Најт.<br />
Со која славна личност би сакале да соработувате?<br />
Би сакал да соработувам со различни топ-модели. Би ги одвоил Наташа<br />
Поли и Лара Стоун.<br />
Студиска или природна светлина?<br />
Мојот сензибилитет е природната светлина, но понекогаш и студиското<br />
осветлување е неопходно.<br />
Покрај модните фотографии, која друга област во фотографирањето ве<br />
привлекува најмногу?<br />
Најмногу ме привлекува уличната фотографија, бидејќи секогаш можете<br />
да налетате на некој интересен минувач и да добиете одличен портрет.<br />
35
Моја Борба<br />
Пишува: Ружица Антиќ<br />
„КОГА СФАТИВ ДЕКА<br />
СУМ ХОМОСЕКСУАЛЕЦ,<br />
ЗНАЕВ ДЕКА НЕМА<br />
ДА СИ ДОЗВОЛАМ ДА<br />
ЖИВЕАМ ВО СТРАВ“<br />
Не сакам да завршам како некои латентни личности, преплашени<br />
од тоа што го гледаат во огледало, полни со омраза кон тие што<br />
имаат храброст да живеат како сакаат.<br />
Хомофобијата, и по десет години од првите геј-паради на<br />
Балканот, сѐ уште е присутна во сите сегменти на живеењето.<br />
Иако секоја демократска земја се стреми да ја отфрли<br />
дискриминацијата по која било основа, вклучувајќи ја и онаа<br />
по сексуална ориентација, припадниците на сексуалното<br />
малцинство поминуваат низ вистински пекол. Даниел Димов,<br />
Македонец, кој љубовта кон својот партнер Андреас Милер го<br />
однесе да живее и да работи во Германија, со нас ја сподели<br />
својата борба. Својата приказна, што иако од почетокот<br />
кај многумина предизвикува осуда и омраза, ја испраќа<br />
најблагородната порака, никому да не посакуваме зло и да<br />
шириме љубов и добрина.<br />
Даниел, вие сте еден од ретките Македонци што реши јавно<br />
да зборува за патот што го оди секојдневно во остварувањето<br />
на своето универзално човеково право, правото на избор<br />
на својата сексуална определба. Пред неколку месеци<br />
македонските интернет-портали ја пренесоа веста за вашата<br />
венчавка со Андреас Милер и дел од вашата приказна. Како<br />
се чувствувате поради тоа, сега кога помина малку време,<br />
имаше ли некои реакции? На каков прием наиде таа вест кај<br />
македонската читателска публика?<br />
Пред сè, би сакал да ве поздравам и да ви се заблагодарам за<br />
понудата за интервју. Прифатив да поразговарам со вас, со<br />
единствена цел, мојата приказна да допре до луѓе што мораат<br />
да знаат дека не се сами. Да знаат дека во тешките моменти на<br />
прифаќање лично или од околината, има и позитивни работи на<br />
кои треба да се радуваат. И да, најважно, особено се надевам<br />
дека моите зборови ќе освестат барем неколку читатели.<br />
Приказната и веста што ја пренесоа македонските портали<br />
беше наменета за следбениците на ЛГБТИ-центарот, насочена<br />
публика и моја цел беше да донесе насмевка на нечии лица<br />
кога ја читаат. Ја преземаа речиси сите портали и за кратко<br />
време имаше многу бурни реакции. Имаше секакви коментари<br />
и ставови, добри, лоши, нешто помеѓу и екстремни. Наидов на<br />
поддршка, наидов и на огромна омраза. Единствено позитивно<br />
беше што омразата доаѓаше од луѓе што не ме познаваат, а<br />
и немаат никакво основно познавање на тематиката што ја<br />
коментираат.<br />
36
Моја Борба<br />
Пред да го запознаете вашиот партнер, дали размислувавте<br />
да ја напуштите Македонија поради предрасудите и ставот за<br />
хомосексуалците, што генерално владее во нашата држава?<br />
Да, за жал, како и поголемиот број на млади луѓе кои сакаат да<br />
заминат од државава поради различни причини и јас сакав да ја<br />
напуштам нашата земја веднаш по завршување на студиите. Но,<br />
еве испадна вака, непланирано од емотивни побуди (се смее).<br />
Кога решивте да зборувате отворено на оваа тема, имаше ли<br />
некој настан, момент, што ја иницираше вашата одлука?<br />
Уште од првиот момент кога ми беше јасно дека сум<br />
хомосексуалец, знаев дека нема да си дозволам себеси да<br />
бидам како поголемиот дел од македонските хомосексуалци,<br />
исполнети со огромен страв да не ги открие некој. Или,<br />
уште полошо, да завршам како некои латентни личности што<br />
повредуваат други, што стравот од она што го гледаат во<br />
огледало, го пренасочуваат во омраза кон сите што имаат<br />
храброст да бидат тоа што се. Така што, моментот кога се<br />
прифатив себеси, беше моментот кога се отворив пред сите.<br />
Знаеме дека речиси е невозможно во средина како нашата<br />
да имате еднаков третман и слободи, доколку вашиот родов<br />
идентитет отстапува од воспоставените општествени норми.<br />
Каков беше вашиот живот во Македонија? Се чувствувавте<br />
ли дискриминирано? Дали беше можна ваша инклузија во<br />
општеството и, воопшто, имавте ли непријатни секојдневни<br />
ситуации?<br />
Јас сум машки пол и машки род, мојот родов идентитет се совпаѓа<br />
со мојот пол. Единствено ме привлекуваат други личности од<br />
истиот пол и род. Според мојот начин на размислување, тоа е<br />
само дел од мене и не ме дефинира, не е преголема работа<br />
и секогаш сум ја третирал така. Имав непријатни моменти и<br />
ситуации, но главно функционирав нормално, не привлекував<br />
внимание и не дозволував да бидам третиран како жртва.<br />
Во идеални услови, она што некого прави добар родител е<br />
разбирањето за чувствата, желбите и амбициите на своето<br />
дете. Освен адаптивниот период во кој би прифатиле дека<br />
нив апсолутно ништо не им менува сексуалната определба на<br />
нивното дете, некои родители тврдат дека станале подобри<br />
луѓе и развиле емпатија и сочувство кон други луѓе. Каква е<br />
реалноста, во вашиот случај, со вашите родители?<br />
Моментално, ситуацијата со моите родители е подобра и имам<br />
одвреме-навреме контакт со нив. Кога приказната за мојата<br />
венчавка експлодираше, нормално дека ситуацијата беше<br />
ужасна за нив, но за неколку денови, кога спласна актуелноста<br />
и се пишуваше и се зборуваше за други теми, работите почнаа<br />
да се враќаат во нормала.<br />
Родителите на вашиот партнер беа на вашата венчавка,<br />
отворено ја подржуваат вашата врска и немаат никаков<br />
проблем со изборот на својот син. Во какви моменти најмногу<br />
ви недостига поддршката на вашите најблиски? Имаа ли вашите<br />
родители можност да го запознаат Андреас? Пробавте ли да ги<br />
разубедите или нивниот став е радикален и не оставаат простор<br />
за да разговарате на таа тема?<br />
Ние им понудивме на моите родители да дојдат, но одбија. За<br />
среќа, семејството на Андреас ме третира како дел од нив, што<br />
многу ми значи. Во Германија почнав да се чувствувам како<br />
функционален дел од семејството и општеството. Моите родители<br />
имаа можност да го запознаат, бевме во нивната куќа. Андреас<br />
готвеше и поминавме неколку добри цивилизирани денови<br />
заедно. Потоа работите тргнаа лошо, ситуацијата ескалираше и<br />
стана невозможно да продолжиме со каква било комуникација.<br />
37
Моја Борба<br />
Кога првпат им соопштивте дека сте хомосексуалец, ви донесе<br />
ли тоа признание олеснување? Имате ли барем некој член од<br />
семејството што ве прифати и со кого сега сте во контакт?<br />
Дефинитивно, тоа ми донесе големо олеснување, не знам дали<br />
некој од нив ме прифати целосно. Моите блиски ме знаат, знаат<br />
дека не мислам на никого лошо, никого не повредувам, јас<br />
мислам дека тоа е единствено важно и пресудно дали некој е<br />
добар човек и вреден за љубов од семејството и околината.<br />
Со експанзијата на социјалните мрежи, многу е полесно да се<br />
шират и да се наметнуваат личните ставови, говор на омраза и<br />
сл. Каква е разликата кога се справувате со неприфаќање од<br />
околината и од семејството?<br />
Неприфаќањето од семејството нормално дека ми падна<br />
најтешко. Со текот на времето се навикнав и не дозволив тоа да<br />
ме уништи целосно. Моите односи со луѓето од околината што<br />
ме познаваат лично се делат на поддршка или прекинување на<br />
контактот. За луѓето што не ме познаваат лично, не планирам да<br />
трошам енергија и нерви.<br />
Живеете во Германија, сосема поинаков систем, поинакво<br />
општество. Каков е правниот и социјалниот статус таму на<br />
луѓето од ЛГБТИ-заедницата?<br />
Социјалниот и правниот статус е сосема идентичен како и<br />
на хетеро-лицата. Немам почувствувано апсолутно никаква<br />
разлика во споредба со другите луѓе. Никој се нема обидено<br />
да ме етикетира, ни селектира, ни во ЛГБТИ, ни во ниедна друга<br />
заедница. Немаме никакви непријатности, дури и кога шетаме<br />
на улица фатени за раце, како секој хетеро-пар.<br />
Ве фрустрира ли немоќта што ја носат ситуации во кои треба<br />
да објаснувате дека не сте различен? Што ви е најважно да<br />
знаат вашите родители од оваа дистанца?<br />
Искрено, не ме фрустрира. Според мене, во моментот кога ќе<br />
дозволам нешто да ме фрустрира го губам сѐ она за кое лично<br />
сум се изборил, го губам мојот сопствен мир и спокој. Најважно<br />
ми е моите родители да знаат дека сум среќен, дека сум здрав<br />
и сигурен.<br />
Обично се вели дека секое семејство, каде што постои љубов,<br />
по извесно време наоѓа начин да ги помине недоразбирањата<br />
и проблемите. Се надевате ли дека така ќе биде и во вашиот<br />
случај?<br />
На пат сме кон остварување на сето тоа. Сепак, би држел<br />
одредена дистанца со единствена цел да можам сам да<br />
се заштитам, доколку има потреба од тоа, ако решат да ме<br />
отфрлат пак. Доколку утре се случи нешто и повторно почнат<br />
со негативен став, не би сакал да сум премногу поврзан и<br />
вовлечен во нови драми.<br />
Што е најголема предрасуда, најчест стереотип што луѓето го<br />
имаат за хомосексуалците?<br />
Луѓето во Македонија треба да научат која е разликата помеѓу<br />
сексуална ориентација, карактер, родов идентитет и трендови.<br />
Тоа се премногу различни работи што не треба да се користат<br />
како ист термин. Најчестите стереотипи, за хомосексуалците и<br />
воопшто за сите луѓе настануваат како резултат на заклучоци,<br />
ставови и тврдења за луѓе што не ги познаваш. Сето тоа и<br />
премногу слободно време, што генерално го имаат луѓето на<br />
Балканот.<br />
Што би им препорачале на родителите што се сомневаат дека<br />
нивните деца се хомосексуалци или што веќе добиле отворено<br />
признание?<br />
Родители, погледнете подобро околу вас, живееме во општество<br />
преполно со омраза, предрасуди, дискриминација. Доколку<br />
имате барем 1% сомнеж дека вашето дете е хомосексуалец,<br />
покажете ја вашата љубов десет пати повеќе и посилно.<br />
Покажете дека не се сами, дека во општество каде што секој ќе<br />
сака да ги понижи, искористи, имаат дом. Имаат дом каде што се<br />
безбедни, сакани, почитувани, дом во кој нема да имаат потреба<br />
да се кријат, ќе имаат мир и спокој, каде што ќе имаат со кого<br />
да ги споделат своите проблеми. Во светот и во Македонија,<br />
огромен број ЛГБТИ-младина сами себе се измачуваат, си го<br />
одземаат животот, живеат во депресија, во безнадежност,<br />
немаат кому да му се обратат. Вие сте им родители, поддржете<br />
ги, сакајте ги своите деца, заштитете ги. Ним им треба надеж,<br />
како родител тоа е ваша одговорност, вие сте ги донеле на овој<br />
свет, немојте да бидете предводник на нивните непријатели.<br />
Доволно ќе им биде да им кажете дека ќе биде подобро и дека<br />
сѐ ќе се среди. Доволно животи се изгубени поради омраза.<br />
Споделете љубов и среќа. Тоа е мојата порака.<br />
38
Портрет поддржува македонска уметност<br />
„СЕПУКУ“<br />
МЕНСУР БОЈДА<br />
39
дискусија, соработка и поддршка за сите што се засегнати<br />
од оваа проблематика.<br />
Нашата цел е подобрување и олеснување на процесот на<br />
образование на учениците со дислексија, како и потпомагање<br />
во воведување на соодветен и подобрен образовен систем.<br />
Нашата цел неизбежно опфаќа создавање општество што<br />
ќе има капацитет да ги исполни сите барања и потреби на<br />
лицата со дислексија и да се приклучи на земјите што веќе<br />
50 години активно развиваат техники и методи за работа<br />
за овие лица, настојувајќи да го пронајдат и да го истакнат<br />
својот талент.<br />
40<br />
ДАМЈАН НИКОЛОВСКИ, ПРЕТСЕДАТЕЛ НА<br />
ЗДРУЖЕНИЕ ЗА ДИСЛЕКСИЈА „АЈНШТАЈН“<br />
„ДИСЛЕКСИЈАТА<br />
НЕ ПРЕТСТАВУВА<br />
НИКАКВО<br />
МЕНТАЛНО ИЛИ<br />
ПСИХОФИЗИЧКО<br />
ЗАОСТАНУВАЊЕ“<br />
Пишува: Тања Тодоровска<br />
Препознавањето, разбирањето и прифаќањето на<br />
дислексијата се само некои од чекорите на патот<br />
кон подигнување на свеста за дислексијата. Токму<br />
имплементирањето на сите овие во нашето општество<br />
се целите на здружението за дислексија „Ајнштајн“.<br />
Следствено, тоа се и целите на претседателот Дамјан<br />
Николовски кој и самиот лично се соочува со дислексија.<br />
Од кога постои здружението „Ајнштајн“? Кој стои зад него и<br />
која е неговата цел, неговата мисија?<br />
Здружението е формирано кон крајот на 2013 година. Зад<br />
здружението стојат неговите основачи, родители на деца со<br />
дислексија и лица кои имаат дислексија. Тимот што неуморно<br />
ја актуализира дислексијата во нашата република се состои<br />
од мене како претседател, мојата најблиска соработничка<br />
Марија Анчевска, која е и проект-координатор, Славица<br />
Тасевска Николовска – стручно лице за дислексија, Мартин<br />
Трајановски – креативен директор, Фани Кузмановска- правен<br />
застапник на здружението, како и големиот број волонтери.<br />
Нашата мисија е подигнување на јавната свест за дислексијата<br />
во образовните институции, кај родителите, релевантните<br />
институции, како и кај пошироката јавност. Ајнштајн ги<br />
остварува своите цели преку информирање, едукација,<br />
Каква е свесноста за дислексијата во нашето општество? Се<br />
препознава ли во образовните институции, во компаниите,<br />
во различните сфери на дејствување?<br />
Од денешна перспектива можам со задоволство да кажам<br />
дека свесноста за дислексијата во нашето општество е<br />
зголемена во споредба со изминатите две до три години<br />
кога терминот дислексија воопшто не беше познат. Во однос<br />
на образовните институции исто така имаме голем напредок<br />
во однос на препознавањето на оваа состојба, но морам<br />
да истакнам дека сепак тоа не е на очекуваното ниво. Во<br />
компаниите оваа проблематика не е воопшто препознаена,<br />
но тоа не се должи на раководствата во компаниите, туку на<br />
состојбата дислексија, бидејќи голем дел од повозрасните<br />
индивидуи воопшто не се свесни дека ја поседуваат оваа<br />
состојба.<br />
Во медиумите актуелна е кампањата „Јас знам што е<br />
дислексија“, во што се вклучени познати, јавни личности.<br />
Каков е одѕивот?<br />
Да, кампањата почна во октомври, кој е месец за зголемување<br />
на јавната свест за дислексијата во светски рамки и ќе трае<br />
континуирано до следниот октомври. Целта на кампањата е<br />
преку познатите личности од нашата држава да се зголеми<br />
јавната свест за оваа состојба. Одѕивот од кампањата досега<br />
оди според очекуваните резултати, иако може да биде и<br />
многу подобро, сепак се работи за хуманитарна кампања со<br />
којашто и досега се постигна многу.<br />
Соработувате ли со одредени училишта и установи во<br />
мисијата за подигнување на свесноста за дислексијата?<br />
Секако, училиштата претставуваат и почетната алка од целиот<br />
синџир што води кон остварување на нашата цел. Со огромно<br />
задоволство признавам дека од голем број училишта имаме<br />
многу голема поддршка и заинтересираност, особено од<br />
наставниците што е многу добар показател дека Република<br />
Македонија има потенцијали и можности да биде во ранг со<br />
развиените земји, каде што дислексијата се работи повеќе<br />
од 70 години.<br />
Имате ли податок за тоа колкав процент од населението во<br />
Македонија се справува со дислексија?<br />
Ние како здружение се раководевме со бројката од<br />
соседните земји, каде што се направени истражувања,<br />
и бројката е од 10 до 15% од вкупното население. Во<br />
изминатата година ги спроведовме и првите истражувања за<br />
застапеноста на оваа состојба во нашето општество со што<br />
и се потврди оваа бројка. Со поддршка од Град Скопје се<br />
направи истражување во две средни училишта со различна<br />
етничка структура, каде што во просек, застапеноста на<br />
дислексијата изнесува 17%.
Инспирација<br />
Што всушност претставува дислексијата? Што треба да<br />
знае личноста која се справува со неа или, пак, лицата во<br />
нејзина најблиска околина (на пример, родители на дете со<br />
дислексија, другарчиња и сл.)?<br />
Дислексијата е состојба при која мозокот различно ги<br />
процесира пишаниот или говорниот јазик. Најчесто се<br />
манифестира со тешкотија во читањето и пишувањето,<br />
односно тешкотија со учењето. Не е минлива состојба, туку<br />
е состојба што личноста ја има доживотно. Најважно е да<br />
се знае дека дислексијата не претставува никакво ментално<br />
или психофизичко заостанување, ниту, пак, има врска со<br />
интелигенцијата на индивидуата, туку напротив, дислексија<br />
е често предводена со натпросечна интелигенција, за што<br />
се доказ и сите оние брилијантни и вонсериски умови што<br />
ја поседувале оваа состојба, како што се Алберт Ајнштајн,<br />
Стив Џобс, Томас Едисон, Џенифер Анистон, Бил Гејтс,<br />
Том Круз, Агата Кристи и многу други. Дислексијата е<br />
едноставно различен стил на учење, односно восприемање<br />
на информациите.<br />
Дислексијата не е ништо страшно, токму и тоа е нашето<br />
мото. Дислексијата треба да се разбере како дарба на една<br />
индивидуа и токму затоа раното препознавање е многу<br />
важно со цел да се надминат тешкотиите и притоа да се<br />
искористи талентот што произлегува од неа.<br />
Многу е важно да се знае дека со децата кои имаат<br />
дислексија треба да се постапува внимателно, односно<br />
да се избегнуваат сите погрдни зборови што најчесто се<br />
употребуваат за децата кои имаат проблеми со учењето.<br />
Мотивацијата и поддршката од родителите и наставниците е<br />
многу важна со цел градење личности без фрустрации.<br />
Неодамна излезе годишниот извештај за работата на<br />
„Ајнштајн“ во 2015 година. Гледајќи наназад, колку сте<br />
задоволни од она што сте го постигнале во годината зад<br />
вас? Кои се, пак, плановите за „Ајнштајн“ во иднина?<br />
Гледајќи наназад, 2015 година заврши и многу поуспешно<br />
од очекуваното. Минатата година беше значајна година за<br />
дислексијата во Република Македонија – година кога првпат<br />
јавно се зборуваше на оваа проблематика и кога првпат се<br />
организираа семинари посветени на оваа тема на кои свое<br />
учество земаа 400 заинтересирани наставници и родители.<br />
Така што, со големо задоволство ќе кажам дека зад нас<br />
имаме многу успешна година.<br />
Во иднина имаме цел „Ајнштајн“ да постане дел од<br />
меѓународните асоцијации за дислексија.<br />
Проектот „Фокус на дислексија“, што е поддржан од Проектот<br />
на УСАИД за граѓанско општество, што го спроведува<br />
Фондацијата Отворено општество Македонија, е во тек.<br />
Овој проект ќе придонесе за општествено добро во нашата<br />
држава, бидејќи со предвидените активности ќе се направат<br />
истражувања во училиштата во три поголеми општини, 600<br />
наставници ќе се стекнат со вештини за препознавањето<br />
на учениците кои имаат дислексија. Во проектот исто<br />
така предвидено е и вработените од институциите, кои се<br />
задолжени за креирање на образовните политики, поблиску<br />
да бидат запознаени со дислексијата, преку предавања на<br />
странски експерт од Ирска.<br />
Наскоро почнуваме со едукативни работилници низ<br />
територијата на целата република со цел доближување и<br />
презентирање начини како наставниот кадар да се справи<br />
со децата кои имаат дислексија. Во текот на оваа година<br />
ќе се формира и првото координативно тело за дислексија,<br />
чијашто цел ќе биде заедничко дејствување за разрешување<br />
на проблемите што се јавуваат со оваа состојба и постојано<br />
лобирање за промена на законските регулативи со цел<br />
дислексијата да се вметне во законот како специфична<br />
тешкотија во читањето, пишувањето и учењето. Како што<br />
веќе напомнав, свесноста за дислексијата е зголемена,<br />
но не на задоволителното ниво, па затоа и кампањите ќе<br />
продолжат и во иднина. Се надевам дека ќе успееме да<br />
ги обезбедиме и потребните ресурси за да овозможиме и<br />
бесплатни обуки на психолозите од училиштата со што би<br />
придонеле многу за раното препознавање на дислексијата<br />
и навремена корекција. Тоа се накратко идните планови на<br />
„Ајнштајн“.<br />
Во поглед на моите идни чекори професионалното<br />
усовршување е секогаш во прв план, потоа следува<br />
хуманитарната работа, бидејќи како човек огромно<br />
задоволство ми претставува помагањето на сите оние на<br />
коишто им е потребна некаква помош без разлика дали<br />
тоа го правам лично или преку нашата организација, која<br />
секогаш се стреми да дејствува хумано во рамките на своите<br />
можности.<br />
Контактирајте ги „Ајнштајн“ на: facebook.com/zdruzenie.einstein<br />
Фотографија: Жарко Чулиќ
Галерија<br />
ОД МИЛАНО ДО ЦЕЛИОТ СВЕТ,<br />
ОД САВОЈА ДО ЃАВОЛОТ:<br />
ПАТОТ НА ПРАДА<br />
Пишува: Џејлан Рустемоска<br />
Миуча и Патрицио<br />
сакав да бидам различна.<br />
Отсекогаш сакав да бидам прва.“ Ова се<br />
„Oтсекогаш<br />
зборовите на Миуча Прада, жената која<br />
успеа од својот бренд да изгради универзум, успешно<br />
сплотувајќи ги во едно модата, дизајнот и уметноста;<br />
храбро потпирајќи се на својот инстинкт и добар<br />
вкус. Ако пред речиси еден век браќата Прада биле<br />
ексклузивни снабдувачи на кралското семејство<br />
Савоја во Италија, нивната внука Миуча успева да го<br />
одведе брендот многу подалеку од Милано, отворајќи<br />
седишта на сите континенти. Еден век подоцна, дури<br />
и ѓаволот носи „Прада“.<br />
За да се раскаже приказната зад препознатливиот<br />
превртен триаголник, потребно е да се вратиме во<br />
Милано во 1913 година, при крајот на бел епок, кога<br />
браќата Марио и Мартино Прада го отвораат својот<br />
прв дуќан во Галеријата „Виторио Емануеле II“ во кој<br />
продаваат чанти, куфери и други модни додатоци од<br />
кожа увезена од Австрија, Германија и Англија. Уште<br />
од почетокот не се работи за обични чанти и куфери,<br />
туку нивниот бутик е специјализиран за луксузни<br />
предмети што нема да поминат од мода во рок од<br />
една сезона. Називот на бутикот е „Fratelli Prada“<br />
Прада, Милано<br />
или „Браќата Прада“, кои благодарение на својата<br />
умешност во 1919 година стануваат ексклузивни<br />
снабдувачи на кралското семејство Савоја, што<br />
е доволно признание за нивниот бутик да стане<br />
задолжителна станица на европската аристократија,<br />
а потоа и неизбежен детаљ на секоја листа за<br />
свадбени подароци.<br />
За чудо, „Браќата Прада“ успева да ги преброди<br />
двете светски војни. Откако Мартино се повлекува, на<br />
чело на бизнисот останува Марио сѐ до 1958 година,<br />
надевајќи се дека ќе го наследат неговите синови,<br />
зашто според него жените немаат нос за бизнис.<br />
Но, синовите не се заинтересирани за кожените<br />
куфери и чанти и судбината на „Прада“ ја оставаат<br />
во рацете на нивните сестри Нанда и Луиза, за дури<br />
две децении и значителни парични загуби подоцна<br />
да ја преземе внуката Миуча. Токму со неа почнува<br />
метаморфозата на „Прада“.<br />
Миуча е срамежлива по природа, но храбра и<br />
одлучна кога се работи за модните комбинации.<br />
Во тој период е активен учесник во културнополитичките<br />
збиднувања во Италија, дел е на<br />
феминистичкото движење и политички е активна во<br />
42
Комунистичката партија. Студира глума и пантомима,<br />
а потоа и политички науки. Како што вели подоцна,<br />
„претпочитам да правам повеќе работи лошо,<br />
отколку само една добро“. Во седумдесеттите<br />
патува низ Америка и привлекува внимание со својот<br />
ексцентричен стил, шетајќи се со голи нозе во зима<br />
и волнени чорапи и сандали во лето, комбинирајќи<br />
најразлични материјали без некоја логика, како<br />
шифон и твид. Неизбежен дел од нејзиниот стајлинг<br />
во тоа време се етно-здолништата на Ив Сен Лоран и<br />
шарените креации на Андре Куреж.<br />
Во раните осумдесетти се случува средбата што<br />
ќе ја одреди судбината на „Прада“. Миуча од<br />
љубопитност го посетува штандот на една фирма<br />
во Милано за која велат дека продава чанти слични<br />
на нејзините. Човекот кој Миуча на првата средба<br />
по кој полудува светот (или барем женскиот дел) е<br />
славниот црн ранец од најлон поконо (на сликата),<br />
доволно едноставен и практичен за да ја спакува<br />
идејата на „Прада“ да се доближи до што поголем<br />
број купувачи. Експериментирањето од страна на<br />
Миуча продолжува со првата женска прет-а-порте<br />
линија, што не го поминува добро првиот тест пред<br />
модните критичари. Всушност, не се работи само<br />
за облека туку уметност што вклучува материјали и<br />
бои инспирирани од најразлични предели и епохи<br />
што треба да „бодат очи“ и да се софистицирани во<br />
исто време, зашто убавото само по себе знае да биде<br />
здодевно. „Прада“ или се допаѓа или не.<br />
До средината на деведесеттите години нивниот<br />
уметнички и интелектуален концепт конечно е<br />
разбран и прифатен. Во 1993 година излегува првата<br />
Прада епицентар, Токио Прада есен/зима 2015/16<br />
дрско го обвинува за плагијат е Патрицио Бертели,<br />
кој ѝ одговара предлагајќи ѝ соработка, што подоцна<br />
ќе вклучи и брак. Денес, тие се срцето и мозокот на<br />
„Прада“.<br />
Токму во овој период „Прада“ добива нов идентитет.<br />
Во 1983 година излегува првата колекција чевли, а во<br />
1985 година првпат е креирано и логото со превртениот<br />
триаголник инспирирано од механизмот за затварање<br />
на куферите на Марио Прада. Уште еден производ<br />
колекција „Миу Миу“ (прекарот на Миуча), пошарена,<br />
подиректна, наменета за помладите. Следува и<br />
машка колекција „Прада“, а по неколку години и<br />
спортска линија. Брендот созрева и станува синоним<br />
за минималистички луксуз и елеганција што одбива<br />
да биде секси по секоја цена. Од единството модауметност<br />
во 1995 година се раѓа Фондацијата „Прада“<br />
со цел да го потпомогнат развојот на нови проекти<br />
од областа на современата уметност, што денес ги<br />
опфаќа и филозофијата, филмот и архитектурата.<br />
Кога сме кај архитектурата, „Прада“ се познати по<br />
своите седишта (во Њујорк, Токио, Сеул, Лос Анџелес),<br />
што ги нарекуваат епицентри, зашто се способни да<br />
предизвикаат земјотрес од емоции и да му дадат нова<br />
димензија на купувањето, каде што естетиката од<br />
парчињата облека и модни додатоци се проширува<br />
на целиот простор дизајниран од врвни архитекти.<br />
Мода, уметност и архитектура се трите различни<br />
светови што денес ги спојува „Прада“, постојано<br />
експериментирајќи и работејќи на својот имиџ. „Кога<br />
цел свет се стреми кон баналност, решението е да се<br />
биде поинтелигентен, покомплициран, поинтересен<br />
и поиновативен.“ (Миуча Прада)<br />
43
Галерија<br />
ВИСОКИТE ПОТПЕТИЦИ<br />
НИЗ ИСТОРИЈАТА<br />
Од Луј XIV до Кристијан Лубутен, високите потпетици поминале<br />
долг пат. Од статусен симбол до основен показател на елеганција и<br />
женственост, речиси и да нема жена што не обожава и не поседува<br />
голем број високи потпетици.<br />
1. Не се знае прв кој ги измислил чевлите на високи<br />
потпетици. Некој вид обувки, поставени на дрвени<br />
платформи, уште во 14 век, носеле најнапред венецијанските<br />
проститутки, а потоа и венецијанските убавици, кои биле<br />
воодушевени, зашто во нив изгледале повитко и посензуално.<br />
Исто така, тогашните улици биле многу валкани и прашливи,<br />
па високите платформи им биле дополнителна заштита.<br />
2. Понатамошниот развој на високите<br />
потпетици се поврзува со јавањето.<br />
Се појавиле чевли за јавање, што<br />
имале потпетица од 3 сантиметри и<br />
што многу потсетувале на денешните<br />
каубојски чизми. И денес се<br />
употребува терминот „јавачка петица“<br />
за некој вид на ниски потпетици.<br />
3. Развојот на високите<br />
потпетици не може да го<br />
заобиколи францускиот<br />
крал Луј XIV (1643-1715), што<br />
никако не можел да прифати<br />
дека е низок и наредил да<br />
му се изработат чевли со<br />
потпетица од 4 сантиметри,<br />
што останале како негов<br />
заштитен знак. Набргу и<br />
ниските жени во Франција<br />
барале да им се изработат<br />
вакви обувки и високите<br />
потпетици станале симбол<br />
на класен статус, богатство<br />
и моден тренд. Преку<br />
склопување на браковите<br />
се прошириле и во другите<br />
делови на Европа.<br />
4. Во 17 и 18 век високите потпетици доживеале вистинска<br />
револуција. Се појавиле обувки со висока потпетица и над 35<br />
сантиметри. Обувките го менувале обликот, се изработувале<br />
украсени со големи копчиња, камења, тантела и панделки.<br />
44
Галерија<br />
5. По Француската револуција чевлите со висока потпетица паѓаат<br />
во заборав поради револт, бидејќи биле симбол на аристократите.<br />
По Револуцијата биле носени рамни обувки, а во 19 век високите<br />
потпетици се враќаат на голема врата.<br />
6. Дури во 1850 година почнале да се разликуваат лева и десна<br />
обувка. Дотогаш чевларите изработувале исти обувки за двете нозе.<br />
7. Во осумдесеттите години на 20 век во златните години<br />
на супер моделите, кога во модата повеќе од кога било се<br />
почитувала женственост, елеганција и префинетост, високите<br />
потпетици станале планетарно популарни.<br />
8. Кристијан Лубутен, култно модно име и<br />
прва асоцијација за високи потпетици, има<br />
изработено илјадници модели и усреќено<br />
многу жени. Кариерата ја почнал креирајќи<br />
за Шанел, Ив Сен Лоран и други. Во 1991<br />
година го отворил својот прв салон за обувки и<br />
веднаш ја стекнал довербата на многу светски<br />
ѕвезди. Денес, црвената заднина на чевлите<br />
Лубутен, освен статусен симбол, претставуваат<br />
и доказ за добар вкус и стил.<br />
9. Многу истакнати модни куќи како Александар Меквин, Балмен и други ги имаат подигнато чевлите со високи потпетици<br />
на сосема ново ниво, изработувајќи необични, футуристички модели, непрактични, но со голем артистичен момент и<br />
претставуваат вистински уметнички дела.<br />
45
46
MARELLA фустан 14.190 ден.<br />
PARFOIS сандали 1.590 ден.<br />
Фотограф: Жарко Чулиќ<br />
Модел: Бојана Нушкова, Подиум<br />
Стилист: Бојана Максимовска<br />
Асистент: Ана Коцевска<br />
Шминка: Јована Коциќ<br />
47
Портрет мода<br />
LIU JO елек 15.890 ден.<br />
PARFOIS шешир 2.590 ден.<br />
48
MANGO џемпер 3.290 ден.<br />
PARFOIS сандали 1.590 ден.<br />
Инспирација
Портрет мода<br />
MARELLA сако 19.990 ден.<br />
MANGO панталони 2.190 ден.<br />
50
MANGO ролка 1.490 ден.<br />
MAX&CO ѕвонарки 10.090 ден.<br />
51
Портрет мода<br />
MAX&CO елек 17.890 ден.<br />
MAX&CO панталони 12.490 ден.<br />
PARFOIS шноли 290 ден.<br />
PARFOIS чевли 1.890 ден.<br />
52
MARELLA елек 29.490 ден.<br />
PARFOIS прстени 390/490 ден.
Портрет Мода<br />
Инспиративната соработка меѓу „Портрет“ и македонските дизајнери се<br />
отсликува во мрачниот, надреален едиторијал. Дизајнерските парчиња од<br />
колекциите есен/зима 2015/16 совршено го надополнија фотографскиот<br />
естетски порив, дополнувајќи ја мистичната приказна...<br />
Фотограф: Горан В. Поповски HLVK<br />
Модел: Ивана Гелева<br />
Стилист: Бојана Максимовска<br />
Асистент стилист: Ана Коцевска<br />
Шминка: Фросина Ангеловска<br />
Модна агенција: Подиум<br />
54
МИЛА КАДРИУ
56<br />
МИТЕ ЗАНОВ
ЈОВАНА ФИЛИПОВИЌ<br />
57
ОЛГИЦА ГЕОРГИЕВА<br />
Сако: АНА ЉУБИНКОВИЌ<br />
Панталони: ТАТЈАНА ОСТОЈИЌ
РОСИЦА МРШИЌ<br />
59
60<br />
МИТЕ ЗАНОВ
Портрет мода<br />
ОМИЛЕНИТЕ COOL<br />
ПАРЧИЊА<br />
MANGO маица 990 ден.<br />
REPLAY јакна 12.590 ден.<br />
MANGO блуза 1.590 ден.<br />
DESIQUAL фармерки 3.590 ден.<br />
TIMBERLAND капа 1.390 ден.<br />
TIMBERLAND чевли 3.690 ден.<br />
Фотографија: Жарко Чулиќ<br />
61
Портрет мода<br />
GEOX јакна 9.170 ден.<br />
GUESS ролка 3.790 ден.<br />
MANGO фармерки 2.190 ден.<br />
TIMBERLAND чизми 7.190 ден.<br />
62
Портрет мода<br />
MANGO здолниште 2.490 ден.<br />
MANGO јакна 5.290 ден.<br />
MANGO блуза 3.290 ден.<br />
PARFOIS шешир 1.490 ден.<br />
MAX&CO чевли 24.390 ден.<br />
Фотографија: Жарко Чулиќ<br />
63
Портрет мода<br />
MANGO панталони 2.190 ден.<br />
MARELLA блуза 7.790 ден.<br />
MANGO кошула 1.990 ден.<br />
MAX&CO панталони 7.490 ден.<br />
GEOX чизми 6.290 ден.<br />
64
Портрет мода<br />
MAX&CO капут 13.290 ден.<br />
LIU JO џемпер 8.190 ден.<br />
MARELLA панталони 12.790 ден.<br />
MANGO чевли 2.990 ден.<br />
Фотографија: Жарко Чулиќ<br />
65
Портрет мода<br />
66<br />
Фотографија: Жарко Чулиќ
ПОРТРЕТ<br />
МОДНИ<br />
ФАВОРИТИ<br />
Излишно е да зборуваме<br />
за тоа дека фармерките се<br />
секогаш во мода и омилено<br />
парче на повеќето жени.<br />
Во нашата редакција<br />
разговаравме за тоа дека<br />
сите ние веќе подолго<br />
време не сме облекле нешто<br />
друго освен фармерки.<br />
Инспирирани од нашето<br />
омилено парче, еве ги нашите<br />
фаворити за оваа сезона.<br />
TIMBERLAND виолетови фармерки 4.190 ден.<br />
MOTIVI црвени фармерки 1.090 ден.<br />
MANGO розови фармерки 1.990 ден.<br />
LEVI’S светло сини фармерки 4.090 ден.<br />
DESIGUAL темно сини фармерки 3.290 ден.<br />
ТЕКСАС<br />
ДИЛЕМА
Lingerie<br />
Во месецот на љубовта ви предложуваме<br />
заводлив и секси корсет.<br />
LISCA корсет 4.679 ден.<br />
Фотографија: Жарко Чулиќ<br />
68
Портрет мода<br />
Accessories<br />
PARFOIS чанта со линии 1.890 ден.<br />
PARFOIS чанта 1.590 ден.<br />
GEOX салонки 5.390 ден.<br />
PARFOIS очила за сонце 1.190 ден.<br />
5<br />
Фотографија: Жарко Чулиќ<br />
69
Портрет мода<br />
GUESS чанта 10.790 ден.<br />
GUESS сребрени патики 7.390 ден.<br />
SPRINGFIELD бели патики 1.990 ден.<br />
70
LIU JO црно бела чанта 9.890 ден.<br />
LIU JO сина чанта 10.290 ден.<br />
MARELLA сандали 17.090 ден.<br />
Фотографија: Жарко Чулиќ<br />
71
Портрет убавина<br />
Неодамнешното заминување на еден од најмаркантните музичари, David Bowie нѐ<br />
поттикна да му искажеме почит на малку поинаков начин. Токму Bowie нѐ инспирираше<br />
во креирањето на мејкап едиторијалот за месец февруари. Имајќи ја во предвид<br />
неговата андрогинија, психоделичните фази, уникатноста и постојаната променливост,<br />
невозможно е да се реконструираат сите изгледи од различните фази на неговата<br />
кариера. Затоа, се задржавме на некои од најпрепознатливите.<br />
Фотографија: Горан В. Поповски<br />
Модел: Ана Ежова<br />
Модна агенција: Моделс Ин<br />
Шминка: Фросина Ангеловска
Портрет убавина<br />
73
74<br />
Портрет убавина
75
76<br />
Портрет убавина
ЈАСНИ ЛИНИИ<br />
Исцртајте го окото со<br />
јасна црна линија. Ретростилот<br />
можеби е полн<br />
погодок за похрабрите,<br />
а тенката дискретна<br />
линија за оние што сакаат<br />
сигурна варијанта.<br />
BOURJOIS LINER FEUTRE<br />
ULTRA BLACK ТУШ ЗА ОЧИ<br />
575 ДЕН.<br />
ОБОЈТЕ СО СВЕЖИНА<br />
Лесната кремава структура<br />
и едноставниот начин на<br />
нанесување ја прави оваа<br />
сенка омилен производ<br />
на многу жени. Светлите,<br />
природни нијанси се одлични<br />
за секојдневна употреба, а<br />
пак, јаките нијанси прекрасно<br />
освежување кога сакате да<br />
направите нешто различно.<br />
LANCOME OMBRE HYPNOSE<br />
STYLO КРЕМ-СЕНКА ЗА ОЧИ<br />
1.630 ДЕН.<br />
СВЕЖИ ОБРАЗИ<br />
Иако во последно време нападната<br />
шминка се враќа во тренд, ние секогаш<br />
стоиме зад тоа дека нема ништо поубаво<br />
од природните нијанси. Ова руменило е<br />
одличен додаток за да добиете природен,<br />
а свеж изглед.<br />
YVES SAINT LAURENT VOLUPTE HEART OF<br />
LIGHT РУМЕНИЛО 2.690 ДЕН.<br />
НАГЛАСЕНИ ТРЕПКИ<br />
Нема ништо подобро од<br />
впечатливи трепки! Дали<br />
и вие се чувствувате како<br />
нов човек кога ќе ставите<br />
маскара?<br />
Маскара во уникатно<br />
пакување. Содржи една четка<br />
што може да се користи за<br />
две намени. Едниот дел за<br />
издолжување на трепките, а<br />
другиот дел за максимален<br />
волумен.<br />
BOURJOIS TWIST UP THE<br />
VOLUME 599 ДЕН.<br />
Сјаен финиш<br />
СВЕЖИНА И СЈАЈ ВО ТЕМНИТЕ ЧАСОВИ<br />
СРЕБРЕН ГЛАМУР<br />
Одлична нијанса кога ви е здодевно<br />
од секојдневната обична шминка<br />
се сребрените тонови што даваат<br />
елеганција и гламур.<br />
MISSLYN VELVET DIAMOND ЛАК ЗА<br />
НОКТИ 180 ДЕН.<br />
ARTDECO PURE MINERAL СЕНКА ЗА<br />
ОЧИ 320 ДЕН.<br />
РОЗОВОВА ЖЕНСТВЕНОСТ<br />
Розовите усни или, пак, лакот за нокти можеби се прифатлива<br />
опција и за жени кои не сe љубители на розовите нијанси.<br />
MISSLYN EFFECT TOP COAT 160 ДЕН. е одличен за оние што<br />
сакаат слатки и нежни работи, а срценцата што ги содржи се<br />
полни со забава.<br />
YVES SAINT LAURENT GLOSS VOLUPTE СЈАЈ ЈА УСНИ 1.930 ДЕН.<br />
Добијте идеална комбинација од сјај, а без лепливост. Овој сјај<br />
за усни го нема она што можеби нервира најмногу кај другите<br />
видови сјај, а тоа е лепливоста.<br />
МАТ ТЕН<br />
Добро нијансираниот тен е основа на секоја добра шминка.<br />
За оние што не се почитувачи на нагласувањето контури, овие<br />
две пудри важат за кралеви на покривањето. Тие ќе ги покријат<br />
подочниците, ќе ги затворат порите и ќе ви дадат свежина.<br />
MAX FACTOR FACEFINITY 3 IN 1 ТЕЧНА ПУДРА 760 ДЕН.<br />
CLINIQUE BEYOND PERFECTING ПУДРА + КОРЕКТОР 2.299 ДЕН.<br />
77
Портрет убавина<br />
ЧУДЕСНО<br />
УЖИВАЊЕ<br />
НАШИТЕ ОМИЛЕНИ<br />
ПРОИЗВОДИ ЗА<br />
ИЗМИНАТИОТ МЕСЕЦ.<br />
L’OCCITANE MOUSSE MAINS<br />
&CORPS САПУН ЗА РАЦЕ И<br />
ТЕЛО 1.090 ДЕН.<br />
Сапун со кремава структура<br />
богата со шеа путер, како и<br />
смирувачко овесно млеко,<br />
оваа крем-пена нежно ги<br />
чисти рацете и телото и<br />
ја почитува природната<br />
рамнотежа на кожата.<br />
MAX FACTOR FACEFINITY ALL DAY<br />
ПОДЛОГА ЗА ШМИНКА 760 ДЕН.<br />
Подлогата за шминка се нанесува<br />
по целото лице, почнувајќи од<br />
Т-зоната, па сè до образите.<br />
Придобивките се: матирана кожа,<br />
целата шминка ќе ви стои на место,<br />
содржи коректори за масните<br />
делови и штити од штетните<br />
сончеви зраци.<br />
LANCOME BI-FACIL<br />
ОТСТРАНУВАЧ НА<br />
ШМИНКА ОД ОЧИ<br />
2.020 ДЕН.<br />
Без никаков проблем<br />
отстранува шминка, дури<br />
и водоотпорна. Очите ги<br />
остава чисти и свежи, без<br />
мрсни остатоци.<br />
ESTEE LAUDER RE-NUTRIV INTENSIVE AGE RENEWAL КРЕМ ЗА<br />
ОКОЛУ ОЧИ 7.859 ДЕН.<br />
Супермоќниот крем ја освежува кожата и ѝ дава младешка<br />
енергија. Освен што ја хидрира кожата како навлажнувач,<br />
воедно ја обновува како силен серум. Забележливо ги намалува<br />
ситните линии и брчки, правејќи ја кожата поцврста, помазна и<br />
посјајна.<br />
EUCERIN HYALURON-FILLER CC<br />
КРЕМ ЗА ЛИЦЕ 1.350 ДЕН.<br />
Содржи високоуникатна формула<br />
што комбинира хијалуронска<br />
киселина и сапонини (природен<br />
екстракт од никулците од соја),<br />
што ја стимулираат сопствената<br />
синтеза на хијалуронска<br />
киселина во клетките на кожата,<br />
исполнувајќи ги и најдлабоките<br />
брчки однатре.<br />
78
Портрет убавина<br />
LUSH GORGEOUS FACIAL MOISTURIZER<br />
КРЕМ ЗА ЛИЦЕ ЗА СИТЕ ТИПОВИ НА<br />
КОЖА 2.495 ДЕН.<br />
Крем направен од најдобрите и<br />
најефективните состојки што можат<br />
да се најдат во природата. Кремот<br />
е балансирана емулзија од шест<br />
растителни масла и сок од ананас,<br />
свежо исцеден сок од органски<br />
лимони и портокали и вода од цвет од<br />
портокал.<br />
LUSH ENCHANTED КРЕМ ЗА ОКОЛУ<br />
ОЧИ 1.150 ДЕН.<br />
Водата од лаванда и мед, маслото од<br />
јојоба и бадеми се употребени за да се<br />
добие омекнувачки крем, што е лесен<br />
и не ја оптоварува кожата. Кожата<br />
околу очите е чувствителна на многу<br />
работи, како што се конзерванси,<br />
бактерии и многу лесно може да се<br />
дојде до несакана инфекција. Само<br />
со внимателна грижа можете да<br />
постигнете вистински ефект.<br />
L’OCCITANE STICK LEVRES БАЛСАМ<br />
ЗА УСНИ 490 ДЕН.<br />
Ги поправа и ги негува сувите усни.<br />
Ултра богатиот балсам за усни<br />
содржи 10% шеа путер што помага<br />
во обновата, негата и заштитата<br />
на сувите усни, оставајќи меко и<br />
нежно чувство.<br />
79
Мат изглед<br />
Snow white<br />
Мејк-ап изгледот на модните писти секогаш е најава за трендот што следува<br />
во наредната сезона. Ние сме посебно задоволни со годинешниот тренд на<br />
едноставен мејк-ап, „маскулин“ изглед и доминација на природната убавина.<br />
За да го постигнете овој изглед, еве неколку лесни чекори што треба да ги<br />
следите за да се нашминкате најлесно на овој начин.<br />
BURBERRY<br />
DIOR<br />
ПРИРОДНИ НИЈАНСИ<br />
Сенката за очи овој пат треба да послужи за да се<br />
изедначат очите со нијансата на пудра без некакви<br />
поголеми и крупни нијансирања. Бидејќи кожата ќе<br />
ви биде покриена со пудра, сенките ќе ви послужат за<br />
малку да ги затемните очите. За крај, нанесете сосема<br />
малку маскара без да се трудите да постигнете<br />
драматичен ефект.<br />
ESTEE LAUDER SUMPTUOUS INFINITE<br />
МАСКАРА 1.969 ДЕН.<br />
ТЕМЕН КАРМИН<br />
Наш омилен дел од цел овој<br />
изглед е нијансата на карминот.<br />
Последниве години сите бои на<br />
кармин се дозволени и тоа нè<br />
прави посебно задоволни. Овие<br />
необични нијанси на темноцрвени<br />
и лила бои се финишот на изгледот<br />
што модната куќа „Барбери“ го<br />
промовираше оваа сезона.<br />
ESTEE LAUDER PURE COLOR ENVY<br />
КАРМИН ЗА УСНИ 2.375 ДЕН.<br />
ПОДЛОГАТА Е СÈ<br />
За да го постигнете овој мазен и<br />
беспрекорен изглед, неизбежно<br />
е да користите подлога за пудра.<br />
Подлогата ќе ви овозможи пудрата<br />
да остане на свое место подолго<br />
време, ќе го намали сјајот на лицето<br />
и ќе ви даде мат финиш. Генерално,<br />
подлогата е основа на овој изглед.<br />
ARTDECO SKIN PERFECTING MAKE UP<br />
BASE 920 ДЕН.<br />
LANCOME LA BASE PRO PRIMER<br />
2.540 ДЕН.<br />
ПОКРИЈТЕ ГИ СИТЕ НЕСОВРШЕНОСТИ<br />
Подочниците, акните или, пак, митесерите<br />
покријте ги со коректор, а откако ќе нанесете<br />
течна пудра, фиксирајте ја со пудра во прав.<br />
Овој изглед не дозволува нијанси на кожата.<br />
Лицето треба да биде изедначено, без<br />
контури и нагласени делови.<br />
YVES SAINT LAURENT SOUFFLE D’ECLAT<br />
ПУДРА ВО ПРАВ 2.920 ДЕН.<br />
CATRICE CAMOUFLAGE КОРЕКТОР 239 ДЕН.<br />
MAX FACTOR MIRACLE TOUCH ТЕЧНА ПУДРА<br />
810 ДЕН.
Fruitylicious<br />
NINA RICCIE NINA L'EAU EDT 50ML. 3.270 ДЕН.<br />
Фотографија: Жарко Чулиќ
Портрет убавина<br />
YVES SAINT LAURENT SAHARIENNE EDT 50ML. 2.680 ДЕН.<br />
GIVENCHY DAHLIA DIVINE EDP 50 ML. 4.003 ДЕН.
Портрет убавина<br />
GIVENCHY LIVE IRRESISTIBLE EDP 40 ML. 3.814 ДЕН.<br />
Фотографија: Жарко Чулиќ
KENZO TOTEM UNISEX EDT 50 ML. 3.400 ДЕН.<br />
Фотографија: Жарко Чулиќ
85
Се зборува за...<br />
AVON СО СИЛНА<br />
ПОДДРШКА НА<br />
УБАВИНАТА<br />
ВО СЛУЖБА НА<br />
ПОВИСОКИТЕ ЦЕЛИ<br />
FLOWERBOMB:<br />
ЦВЕТНАТА БОМБА<br />
НА VIKTOR&ROLF<br />
Успешните и самостојни жени кои ја користат моќта на убавината<br />
за да ги мотивираат другите околу себе да бидат исто толку<br />
успешни, се носечката идеологија во работењето на козметичкиот<br />
гигант AVON, што компанијата ја наслови како „Убавина со цел“.<br />
„Убавина со цел“, всушност, ја раскажува и ја слави целата<br />
приказна на компанијата од нејзиното основање досега – од<br />
создавањето врвни производи за убавина по многу прифатливи<br />
цени, до многубројните можности за заработувачка, што на<br />
жените им помагаат да станат успешни и независни.<br />
Својата мисија за создавање на поубав свет компанијата ја<br />
потврдува и преку хуманитарната продажба на специјално<br />
избрани производи од нејзините брошури. Притоа, 100 отсто од<br />
профитот од продажбата на овие производи се насочува кон<br />
различни хумани цели, како што се кампањите за борба против<br />
ракот на дојка и против семејното насилство.<br />
„Убавина со цел“ ја опфаќа целата оваа едноставна вистина.<br />
„Кога се чувствуваш убаво, гледаш повеќе убавина и создаваш<br />
убавина околу себе“, потенцираат од AVON.<br />
За повеќе информации, посетете ја нивната страница:<br />
www.avoncosmetics.com.mk/PRSuite/static/ubavinasocel.<br />
За да учествувате во ФБ-натпреварот, посетете ги на страницата<br />
на „Фејсбук“ на AVON: www.facebook.com/AvonMacedonia,<br />
најавете се во апликацијата, прикачете своја фотографија,<br />
напишете што значи за вас убавината и станете дел од кампањата<br />
„Убавина со цел“.<br />
Концепт на гламур. Провокативна мода. Неочекувана<br />
елеганција. Viktor&Rolf го избраа својот креативен пат, имајќи<br />
ги на ум токму тие основни вредности, а тоа беше случај и кога<br />
го дизајнираа парфемот „Flowerbomb“, што е вистински одраз<br />
на нивната визија за убавина.<br />
Сѐ почнува со името и со предизвикот на исклучително<br />
женствено-цветниот парфем да му бидат додадени<br />
провокативни и експлозивни ноти. Неочекуваниот спој на<br />
цветната експлозија и скромната слаткост го отвори патот<br />
на овој раскошен парфем. Десетина орхидеи, стотици<br />
фасцинантни јасмин цвеќиња, илјадници сочни цветови<br />
фрезија и милиони ливчиња од роза се споени во букет што<br />
едноставно предизвикува зависност, а сето тоа е проследено<br />
со провокативен акорд на пачули и слатка ванила. Шишенцето<br />
претставува луксузно оружје за заведување и љубов.<br />
Сјајното стакло на дијамантската бомба го претвора<br />
негативниот симбол во позитивен, во убавина и луксуз. На<br />
пакувањето обвиткано со лента на која се наоѓа името на<br />
парфемот, во црн восок е втиснат печат со потписот на Viktor&Rolf.<br />
Желбата за креирање луксузно љубовно оружје и нова<br />
класика е исполнета.
LARO – НОВА<br />
ПРИКАЗНА ЗА ВАС И<br />
ЗА ВАШИОТ ДОМ<br />
Основањето на брендот „Ларо“ е во 1999 година, а за кратко<br />
време овој проект прерасна во вистински предизвик, во хоби,<br />
пасија, професија.<br />
Искуството со кое се здоби брендот „Ларо“ во текот на<br />
изминатите дваесет години е одраз на вкусовите и потребите<br />
на своите корисници, но и на трендовите што ги носи<br />
пазарот. Мисијата на „Ларо“ е да продолжи да креира<br />
мебел со уникатен и персонализиран дизајн, изработен од<br />
висококвалитетни материјали по врвни стандарди и достапни<br />
цени.<br />
Во моментов, во тек е големата промоција на Laro Kitchen<br />
Center, што подразбира попуст на кујните, гарнитурите и<br />
експонатите од изложбениот салон. Попустот се однесува на<br />
артиклите што ги има во резерва, па затоа се во ограничени<br />
количини.<br />
Повеќе информации побарајте на www.laro.mk и на<br />
www.facebook.com/Larokitchen.<br />
BOURJOIS CREATES<br />
THE BRIGHTENING<br />
BEIGE<br />
NEW<br />
CITY RADIANCE<br />
ANTI-POLLUTION FOUNDATION<br />
RADIANCE-BOOSTING PIGMENTS<br />
BOURJOIS CITY RADIANCE – СВЕЖ И<br />
СЈАЕН ТЕН И ВО ЗАГАДЕНА СРЕДИНА<br />
Беспрекорна, заштитна и свиленкава – новата течна пудра<br />
на Bourjois, „City Radiance“ го блокира загадувањето, а<br />
заштитниот сончев фактор 30 штити од штетните УВ-зраци.<br />
Збогатена е со пигменти што обезбедуваат долготрајна<br />
подлога во текот на денот, а воедно го зголемуваат природниот<br />
сјај на кожата.<br />
Долготрајната формула не ја спречува кожата да дише, бидејќи<br />
лесната и воздушeста формула на „City Radiance“ ја хидрира<br />
кожата и ја заштитува од агресивните урбани фактори во сите<br />
временски услови. По нанесувањето, кожата е заштитена, а<br />
тенот е свеж и изедначен.<br />
Достапна е во пет нијанси, што одговараат на различните<br />
нијанси на тен, а свежиот цветен мирис ја прави уште<br />
попријатна за целодневно уживање.
ИНТЕРАКЦИЈА<br />
Контактирајте нѐ:<br />
contact@portretmag.com<br />
facebook.com/portretmagazin<br />
instagram.com/portretmagazin<br />
#portretmagazin<br />
#портретмагазин<br />
88
Семеен портрет<br />
КОГА ЅВЕЗДИТЕ ГИ СПОЈУВААТ<br />
СВОИТЕ ТЕМНИ СТРАНИ<br />
ПОРТРЕТ НА ЉУБОВТА НА МЕРИЛИН МOНРО И ЏО ДИМАЏО<br />
Љубовните приказни меѓу врвни спортисти и<br />
холивудски диви се чини дека никогаш не<br />
излегуваат од мода, но ретко кои се доволно силни<br />
за да станат вистински митови вредни за прераскажување<br />
и повеќе од половина век подоцна. Кога женскиот дел од<br />
приказната е Мерилин Монро, ни паѓаат на памет повеќе<br />
романси врзани за славни имиња како браќата Кенеди,<br />
Марлон Брандо, Артур Милер, Синатра, но само еден од<br />
нив ѝ останува близок докрај, Џо Димаџо. Тој е нејзината<br />
пропаст, но и сигурно прибежиште. Нивната е една од<br />
најзапаметените американски љубовни приказни, бурен<br />
спој на две легенди. Љубов што оди во сите крајности, од<br />
нежност и страст, до лудило и болка.<br />
Кога се среќаваат во 1952 година, Димаџо зад себе има<br />
славна кариера на бејзбол-играч на Њујорк јенкис, а таа ги<br />
прави првите чекори во Холивуд, поткрепена од убавина,<br />
талент и сексапил, што навестуваат блескава кариера.<br />
Димаџо, привлечен од нејзините фотографии и охрабрен од<br />
статусот на веќе афирмирана ѕвезда, ја поканува на состанок<br />
во еден италијански ресторан во Лос Анџелес. Мерилин<br />
Монро воопшто не е возбудена околу средбата, мислејќи<br />
дека се работи за уште еден обичен, вообразен спортист,<br />
кого згора на сѐ го бие лош глас поради првиот неуспешен<br />
брак од кој излегол со етикета на крајно непосветен сопруг.<br />
Таа доцни на средбата цели два часа. Но, Димаџо веднаш ѝ<br />
го менува впечатокот. Иако не ја импресионира со изгледот<br />
(лице со остри агли, криви заби и премногу доближени очи),<br />
ја освојува со начинот на кој успева да владее со целиот<br />
простор околу себе. Спротивно од она што го очекува таа, на<br />
оваа прва средба Димаџо е тивок и речиси ја игнорира – неа,<br />
која мажите никогаш не ја игнорираат. Ја завршуваат вечерта<br />
возејќи се цели три часа низ Беверли Хилс, воодушевени<br />
еден од друг.<br />
Пишува: Џејлан Рустемоска<br />
89
Продолжуваат да се состануваат, обидувајќи се да се скријат<br />
од новинарите, најчесто поминувајќи го времето дома или во<br />
задниот дел на ресторанот на Димаџо. Но, тој од почетокот<br />
не е воодушевен од нејзината кариера и е видно љубоморен<br />
на целото внимание што го добива Мерилин, особено од<br />
мажите. Кога истото лето ќе ја однесе во Сан Франциско за<br />
да ја запознае со неговото семејство, на Мерилин ѝ станува<br />
појасен неговиот став околу тоа која е улогата на жената<br />
во семејството. Тој потекнува од семејство на италијански<br />
емигранти и е осмо од девет деца израснати во духот на<br />
сицилијанската и католичката традиција. За него, местото на<br />
жената е во кујната и околу семејството. Таа, која никогаш<br />
не го запознала својот татко и од малечка била дадена<br />
на посвојување поради психичките проблеми на мајка ѝ,<br />
го наоѓа во Димаџо семејството што никогаш го немала.<br />
Можеби тоа е причината што кога Џо ќе ја побара за жена<br />
на новогодишната ноќ во 1953 година, Мерилин ќе каже да.<br />
„Кога одлучив да се омажам за него, не бев многу сигурна<br />
зошто. Имам премногу фантазија за да бидам домаќинка.“<br />
На 14 јануари 1954 година официјално стапуваат во брак со<br />
граѓанска церемонија во Сан Франциско. Но, проблемите<br />
што почнуваат уште на медениот месец во Јапонија, не<br />
завршуваат веќе никогаш. Џо е опседнат со Мерилин.<br />
Вљубен е и поласкан да биде избран од најпосакуваната<br />
жена на светот (и не само) во тоа време, но од друга страна,<br />
ја сака само за себе. Мерилин на почетокот се согласува да<br />
игра во филмовите што ќе ги одобри тој и да се облекува<br />
попристојно, но попусто. Вниманието што го добива<br />
Мерилин порано му припаѓало нему, а сега, покрај неа, тој<br />
исчезнува, засенет е и безгласен. Следниот степен на лудило<br />
на Џо е физичка тортура. Се сеќавате на легендарната сцена<br />
на која лета здолништето на Мерилин Монро, откривајќи<br />
ѝ ја долната облека, а таа шармантно се смее? Сите се<br />
сеќаваат, а сигурно и Мерилин никогаш не ја заборавила<br />
таа ноќ, зашто меѓу петте милиони присутни на сетот е<br />
и љубоморниот сопруг, кој истата ноќ ќе ја претепа во<br />
хотелската соба. Не се чувствува ни виновен, тврдејќи дека<br />
тој не е таков по природа, туку таа го вади најлошото од него.<br />
Мерилин, растргната помеѓу кариерата и должноста да му<br />
полага сметка на Џо за секој потег, ја губи својата психичка<br />
рамнотежа. Прибегнува кон вонбрачни афери, што нема да<br />
ја направат посреќна. Бракот, меѓу страсти и шлаканици,<br />
девет месеци подоцна неизбежно завршува со развод.<br />
Но, меѓу нив никогаш не е завршено. Она што Димаџо не<br />
успеа да ѝ биде за време на краткиот брак, ќе ѝ биде до<br />
крајот на животот: пријател, морална поддршка, семејство<br />
и љубов што само тие знаат да ја разберат. Џо веќе никогаш<br />
нема да се ожени, а Мерилин му се враќа по секоја од<br />
бурните љубови, што ја фрлаат во депресија, зависност<br />
од дрога и алкохол. Само тој останува покрај неа кога ѝ<br />
дијагностицираат параноидна шизофренија. И самата<br />
пишува во мемоарите „Да не беше Џо, сигурно одамна ќе<br />
се самоубиев“. Кога на само 36 години ја наоѓаат мртва од<br />
предозираност, токму Џо се погрижува околу погребот, а<br />
во следните две децении го исполнува ветувањето што ѝ<br />
го дал уште кога ја запознал: дека ако таа умре пред него,<br />
ќе ѝ праќа цвеќиња на гробот барем еднаш неделно. И<br />
навистина, црвени свежи рози ќе стигнуваат на гробот на<br />
Мерилин сѐ до неговата смрт во 1999 година.<br />
90
Семеен портрет<br />
„САКАМ<br />
ДА СИ<br />
ПОДАРАМ<br />
ОРДЕН САМА<br />
НА СЕБЕ“<br />
НЕ СЕ ПЛАШАМ ОД ИДНИНАТА,<br />
СПОСОБНА СУМ САМА ДА<br />
НАПРАВАМ СEЀ ЗА МОЕТО ДЕТЕ.<br />
Пишува: Ружица Антиќ<br />
Миа Костова, добро познато ТВлице,<br />
за многумина интригантна по<br />
многу основи, за нас жена со став и<br />
сопствено мислење. Ретко која жена<br />
планира да биде самохран родител, сѐ<br />
се случува и секој се снаоѓа најдобро<br />
што може и умее. Поразговаравме со<br />
неа на оваа тема, зашто мислиме дека<br />
одлично плови во овие води. Храбро,<br />
самоуверено, со сите адути што ги<br />
поседува и, најважно, со насмевка и<br />
голем оптимизам за својата иднина и<br />
иднината на нејзиното дете. Зашто,<br />
како што вели таа, многу е полесно кога<br />
сето тоа зависи исклучиво само од неа.<br />
И доброто здравје, што од срце ѝ го<br />
посакуваме.<br />
91
Некои ве викаат самохрани мајки, ние ве викаме<br />
горди борци. Како се доживувате самата, со оглед на<br />
фактот што самохраните родители немаат простор<br />
за импровизација, па треба секогаш да се 100% физички и<br />
емоционално посветени?<br />
Интересно, до пред извесно време не се доживував како<br />
херој, ама како полека Андрија расте и обврските околу него<br />
се сѐ поголеми, а од друга страна, имам шанса во околина да<br />
гледам мајки кои растат деца со полна помош, сфаќам зошто<br />
сме борци и херои. Вистината е дека кога се сака, сѐ се може<br />
или барем кога се мора. Само добра организација на време,<br />
трпение и силна желба за да се постигне буквално сѐ.<br />
НЕКОГАШ МИ Е ТЕШКО ДА СЕ ОРГАНИЗИРАМ И ДА<br />
ИЗЛЕЗАМ НАКРАЈ СО ДНЕВНИТЕ ОБВРСКИ, НЕКОГАШ<br />
Е САМО РУТИНА, НО НЕКОГАШ БУКВАЛНО ДОБИВАМ<br />
ЖЕЛБА ДА СИ ПОДАРАМ ОРДЕН САМА НА СЕБЕ. ИСКРЕНО,<br />
СÈ ПОЧЕСТО СУМ ГОРДА НА СЕБЕ.<br />
На секоја жена ѝ е потребна љубов, сигурност, хармоничен<br />
дом и финансиски услови. Какво е чувството секојдневно да<br />
се жртвувате и вложувате сето ова сама да му го обезбедите<br />
на вашето дете?<br />
Имам љубов во неограничени количества, а сигурност дури<br />
и посилна од онаа на невработените жени кои чекаат од<br />
своите мажи, затоа што сигурноста е во мои раце, хармонија<br />
во домот се подразбира, затоа што сме само јас и тој.<br />
Андрија многу често знае да реагира трауматично на висок<br />
тон, токму поради тоа што кај нас дома тоа не се случува,<br />
финансиски, не знам дали е среќа или е навистина мојата<br />
упорност во прашање, работам на две места и исклучително<br />
сум им благодарна на двата тима што стојат зад мене,<br />
„Бекстејџ“ веќе шест години и „Диор“ трета година, што токму<br />
поради фактот што сум самохрана мајка се исклучително<br />
толерантни кога се во прашања кратките отсуства заради<br />
снимање или брзањето на екипата на снимања за да се<br />
вратам побрзо на работа. И да, успевам, живееме попријатен<br />
живот од многумина кои ги познавам. Успевам да го однесам<br />
и на одмор и на планина, успевам да му овозможам сѐ што<br />
имаат неговите врсници.<br />
Голем товар е кога не можете да сметате на никого. Сте се<br />
нашле ли во слична ситуација? Колку вашето семејство,<br />
пријателите се вклучени во поделбата на обврските околу<br />
Андрија?<br />
Додека беше помал, да речеме до пред една година,<br />
навистина имав проблем со снаоѓање околу чувањето на<br />
Андрија. Имам пропуштено низа отворања, родендени,<br />
случувања, нови години, прослави, затоа што немаше кој<br />
да го причува, иако мајка ми, која не живее во Скопје, ми<br />
помагаше понекогаш, а и до ден-денес, па сум го оставала<br />
и на баба ми, која има 80 години, и на сестра ми, која<br />
секогаш негодува за чување, затоа што сега е токму нејзино<br />
време за шетање, има само 18 години... Ама, од годинава<br />
е навистина полесно, станаа ептен другари со татко ми,<br />
па знаат да се дружат и по десетина денови надвор од<br />
Скопје, сега е разбран, па дедо му навистина му годи. Инаку,<br />
конкретно околу обврските, домашни и оние кон Андрија,<br />
па и обврските околу регистрација и сервис на автомобил,<br />
маркет... Нема делење, сѐ си е мое (се смее).<br />
Ако со секое дете се раѓа и нова мајка, што се промени<br />
со раѓањето на вашиот син? Колку се разликуваа вашите<br />
очекувања за животот на самохрана мајка додека бевте<br />
бремена и реалноста сега, откако го живеете сето тоа?<br />
Мислам дека не бев мала и зелена кога бев бремена, знаев<br />
Фотографија: Жарко Чулиќ
што ме очекува, ама е малку пострашно кога ќе го видиш тоа<br />
во практиката. Искрено, изненадена сум од себеси, колку<br />
всушност можам повеќе од она што замислував. И да, точно<br />
е тоа дека со раѓањето на детето се раѓа поинаква личност<br />
во секоја мајка.<br />
Ако сѐ што сме изгубиле ни се враќа во друга форма, кои се<br />
предностите на самохраните родители? Во какви моменти<br />
се чувствувате горда на себе и на патот што го одите?<br />
Во ова брзо време? Од сè она што го гледам околу себе?<br />
Секој брак, што трае максимум три години? Постојано си<br />
потврдувам дека сум на вистинскиот пат. А околу детето,<br />
предности еден куп. Од она дека Андрија е исклучително<br />
воспитано и послушно момче, кое се однесува буквално како<br />
по книга. Нема кој да го гали и да го лигави кога мама е лута,<br />
јас сум неговиот најголем авторитет, ама секако и неговата<br />
најголема утеха. Предност е и она од погоре, што детето во<br />
принцип расте во мирна средина без конфликтни ситуации<br />
што сè повеќе деца редовно ги сведочат, па така, кога некој<br />
некому вика, Андрија сериозно е вознемирен. Ете, тоа се<br />
некои работи во кои буквално уживам.<br />
„вклучува светилката“ за борбеност кај самохраната мајка,<br />
иако нормално е стравот да постои на почеток. Ама она<br />
што го враќа детето преку љубовта кога навечер ќе ви рече<br />
„мама, ти си ми сѐ“ е непроценливо.<br />
Дека љубовта раѓа убавина се потврди и во вашиот случај.<br />
Физичкиот изглед го доведовте до перфекција откако<br />
станавте мајка. Имате ли некои сопствени ритуали што ги<br />
применувате?<br />
Искрено, мислам дека изминатава година созреав многу<br />
емотивно. Тоа се одрази и на физичкиот изглед. Внимавам<br />
многу на себе, внимавам околу исхрана постојано, не<br />
дозволувам да качам повеќе од кило, ритуал и хоби ми е<br />
мерење на вага (се смее), морам да признам дека не вежбам,<br />
од немање време, а и мислам дека треба Андрија да порасне<br />
уште малку за да можеме заедно да одиме по фитнес-центри,<br />
но реално, и не сум љубител на вежбање. Ритуал ми е и<br />
апсолутно правило да не излегувам од дома без шминка, нека<br />
е само пудра и руменило, и, секако, како дел од работата, 365<br />
дена во годината да имам исфенирана коса.<br />
Важите за голем поборник за здрава исхрана. Многу мајки<br />
секојдневно ве читаат на социјалните мрежи, каде што<br />
отворено ги споделувате своите ставови на оваа тема и<br />
на други родителски теми. За какви работи од неговото<br />
воспитување имате ригорозен, бескомпромисен став? Што<br />
ви е најважно да поттикнете кај вашето дете? Во каков<br />
човек ќе се трудите тој да прерасне?<br />
Не верував дека ќе бидам толку совесен родител. Сакам<br />
Андрија да биде само самостоен човек кој ќе може да оди<br />
сам низ животот. Тоа ми е најважно, што и да одбере, јас ќе го<br />
поддржам. Околу исхраната, до двегодишна возраст тоа ми<br />
беше како втора професија, сега сум многу порелаксирана<br />
и некои работи ги допуштам, ама и ден-денес сето тоа е со<br />
мера. Уживам во неговата реакција кога тргнува по чоколадо<br />
во маркет, јас само кажувам не, се договоривме дека денес<br />
не е ден за благо. Во моментот без приговор враќа назад и<br />
продолжува како ништо да не се случило. Бескомпромисна<br />
сум кога е во прашање воспитувањето, редот што го има од<br />
бебе. Се знае, три години 21 часот не поминува, а да не е<br />
в кревет, па да се преврти светот, станувам од каде било<br />
за да се запази редот. И мислам дека таа рутина ги прави<br />
одговорни и понатаму во животот, миење заби, собирање<br />
играчки, нема компромис. Сакам воспитани деца.<br />
Храброста е одлика на речиси секоја самохрана мајка. Кои<br />
се вашите најголеми стравови, за вас и за вашето дете? Си го<br />
дозволувате ли луксузот да се плашите од иднината?<br />
Искрено не, не се плашам од иднината, способна сум да<br />
направам сè за него, и образование и сè што е потребно,<br />
клише, ама само да сме здрави и живи, ништо друго не ме<br />
плаши.<br />
Ве сметаат за жена со став. Зборувате отворено за многу<br />
табуа, урнавте неколку предрасуди во Македонија. Што би<br />
ги советувале другите самохрани родители?<br />
Советувам само од почетокот да се тргнат настрана сите,<br />
доколку се во можност, самохрана мајка не е онаа што<br />
остава дете на мајка ѝ и си брка работа низ животот, ниту<br />
е онаа на која сѐ ѝ е платено дома, ама ете, родила дете<br />
сама... Храбро и само напред, мислам дека често детето ја<br />
93
до петок и децата имаат можност деветта година по ред<br />
да се дружат со своите омилени ликови, Петко, Лина,<br />
детектив Цветко и други. Продукцијата ОХО уште од<br />
почетокот стои зад оваа успешна приказна, креативен<br />
директор е Пеце Талевски, режисер е Игор Иванов-Изи,<br />
директор на фотографија е Наум Доксески. Сценаристи се<br />
Драгана Лукан Николовски, Билјана Крајчевска, Елеонора<br />
Венинова, Александра Миланова и Огнен Георгиевски.<br />
Актерската екипа ја сочинуваат Билјана Драгичевиќ<br />
Пројковска, Игор Ангелов, Сања Арсовска, Зоран Љутков и<br />
други. Поразговаравме со креативниот тим на ОХО, кои ни<br />
одговорија зашто е многу важно децата да растат со ваков<br />
вид на телевизиски содржини.<br />
СИТЕ ИМАМЕ<br />
ШТО ДА<br />
НАУЧИМЕ ОД<br />
ПЕТКО И ОД<br />
НЕГОВИТЕ<br />
ПРИJАТЕЛИ<br />
Во моментов медиумскиот сервис е сиромашен<br />
со детска програма. Во трката по рејтинг и<br />
сензационализам, националните телевизии<br />
посветуваат минимален простор на детските едукативни<br />
емисии. Кога медиумската програма не е адаптирана<br />
за деца, таа може директно да влијае и да доминира на<br />
детето, кое пасивно ги прима сите информации и потоа<br />
ги проектира во односите со врсниците и возрасните.<br />
Во нашиот медиумски етер, вистинска светла точка е<br />
играната серија „5+ Фамилија“, што во соработка со<br />
телевизија „Телма“ и со поддршка на Министерството<br />
за информатичко општество, се емитува од понеделник<br />
Вие сте можеби единствена емисија од овој тип, што<br />
моментално се прикажува во нашата земја. Вторава сезона<br />
се емитува во нова форма како „5+ Фамилија“. Што е<br />
разликата и што е карактеристично за новиот формат?<br />
Детската емисија „5+“ се продуцираше како интерактивна<br />
емисија во живо, седум години на македонски и шест<br />
на албански јазик. По толку години развој на емисијата,<br />
едуцирање на тимот преку повеќе обуки во Америка и<br />
Европа, логично беше да се збогати концептот и да премине<br />
во друга форма. Така, одлучивме од емисија да стане серија<br />
и тоа не само за деца туку и серија за целата фамилија.<br />
Разликата во форматот е голема. Сега е точно утврдена со<br />
приказна и дијалози и се снима како филм. А тоа значи дека<br />
одеднаш се снимаат сите епизоди. Но, она што е останато,<br />
тоа се познатите ликови и едукативната вреднoст по која<br />
сме препознатливи.<br />
Секоја епизода обработува конкретна тема и една<br />
едукативна целина. Што е пресудно во оформувањето на<br />
сценариото? Дали ги утврдувате содржините по актуелност<br />
или работите по однапред утврден план и редослед?<br />
Содржините и темите се одредуваат по однапред утврден<br />
план и редослед. Целта на секое сценарио е да постави<br />
некој проблем или некаква ситуација од секојдневието што<br />
го живеат децата, но немаат секогаш можност или знаење<br />
тоа да го споделат и да го пренесат на своите родители и<br />
за него да побараат помош за сите дилеми што им се вртат<br />
во нивните глави.<br />
Меѓу другото, емисиите ги обелоденуваат дилемите што<br />
ги имаат децата, го оживува, па дури и предимензионира<br />
проблемот со цел да развие возбуда и динамика, а потоа,<br />
на едноставен начин покажува дека сето тоа е составен<br />
дел од животот, дека за сѐ има решение и дека ништо не е<br />
толку страшно и несовладливо.<br />
Редовна практика е да ви гостуваат познати личности, со<br />
истакнати кариери и влијателност. Како ги избирате и што<br />
треба да поседува некој за да остави трага во детската<br />
психологија?<br />
Кога викаме гости, особено познати личности, императив<br />
е тие низ својата кариера да промовираат позитивни<br />
вредности што ќе им бидат пример на децата. Низ<br />
годините, речиси и да нема некоја позната личност која<br />
оставила трага во својата кариера, талент или работа, а да<br />
не била гостин во емисијата. Децата особено реагираат на<br />
ваквите гостувања, бидејќи ги гледаат нивните идоли во<br />
друштво на омилените 5+ ликови и така уште полесно се<br />
идентификуваат со нив.
Семеен Портрет<br />
На крајот на минатата година одржавте успешни концерти.<br />
Девет години сте дел од ТВ-програмите, имате статистика<br />
за почит, а Петко веќе е култен лик. Како децата реагираат<br />
на него? Кој сѐ учествува во креирањето на ликот на Петко?<br />
Во текот на декември, „5+ Бенд“ одржа 21 концерт.<br />
Неверојатниот успех на првото големо шоу од ваков<br />
вид го посетија повеќе од 12.000 деца и родители. На<br />
концертите беа изведени најголемите хитови од двете<br />
сезони, проследени со драмско дејство, како и директна<br />
интеракција со децата. Навистина беше прекрасно чувството<br />
да се гледаат децата како со целосно внимание и огромна<br />
радост ги гледаа во живо своите омилени ликови. Тие се,<br />
едноставно, најискрената публика.<br />
Статистиката на гледаност е навистина огромна, особено<br />
на „Јутјуб“, каде што прегледите достигнуваат до неколку<br />
милиони.<br />
Покрај Петко, мораме да признаеме дека и другите ликови<br />
се омилени меѓу децата, особено ликот на Комшо и Цветко.<br />
Сите ликови се внимателно градени, со одредени позитивни<br />
и негативни карактерни особини, за децата да научат, но и<br />
сами да разграничат што е добро, а што не. А ликот на Петко<br />
претставува еден позитивен, весел, па дури и наивен лик, кој<br />
многупати греши, но тука е неговата другарка Лина, за да го<br />
научи на добри работи.<br />
Прличев вели: „Голема вода сама си прави корито“.<br />
Продуценти од Словенија на некој од фестивалите ја гледале<br />
„5+ Фамилија“ и се заинтересираа за ова што го работиме.<br />
И така Петко стана Словенец и зборува словенечки.<br />
Продукцијата на серијата се одвива во Македонија, актерите<br />
доаѓаат од Словенија и епизодите ќе се емитуваат на<br />
словенечка национална телевизија.<br />
"Карактеристично за децата, без разлика на возраста, е<br />
желбата да се забавуваат, да мечтаат и да се во акција.<br />
Со новата сезона „5+ Фамилија“ сакавме да ги следиме<br />
детските интереси и потреби и да им понудиме забава што<br />
воедно ќе ги научи нешто ново, ќе им отвори некое прашање<br />
за размислување и ќе им постави проблем што е реален за<br />
нивната возраст, со цел да ги поставиме во улога на активни<br />
граѓани кои ќе бараат решенија за нивните проблеми.<br />
Во однос на идентификација со ликовите, не е толку важно<br />
дали ќе се идентификуваат или не, туку она што е важно е<br />
да се претстават различни аспекти на гледање на работите.<br />
Тие да се почитуваат, како и можноста децата сами да си<br />
проценат начин на решавање на секојдневните предизвици."<br />
Во текот на епизодите се изведуваат преработки на стари<br />
македонски антологиски песни. Зашто е важно децата во<br />
најрана возраст да се запознаат со вистинските музички<br />
вредности и со нашето богато музичко наследство?<br />
Добра програма за деца значи во исто време да биде забавна,<br />
едукативна, интересна и за возрасни и да има добра музика.<br />
Половина од музиката од серијата се нови оригинални песни<br />
снимени за потребите на серијата „5+ Фамилија“, а другите<br />
се проверена музичка лектира за која мислевме дека децата<br />
треба да ја „прочитаат“.<br />
Од неодамна Петко се емитува во Словенија. „5+ Фамилија“<br />
е единствената македонска емисија што доби прва<br />
медиумска франшиза во земја на ЕУ. Што значи тоа? Дали<br />
ќе биде адаптирана? Дали е откупен ликот на Петко или<br />
готови епизоди што би ги синхронизирале?<br />
Што е пораката што Петко низ годиниве ја испраќа на<br />
децата?<br />
Петко и неговите пријатели преку своите случувања<br />
постојано пренесуваат пораки за добро однесување,<br />
пораки што ги поттикнуваат децата да размислуваат сами<br />
за своите постапки, да бидат свесни за своите права, за<br />
своите одговорности.<br />
Преку содржините, на децата сакаме да им ја пренесеме<br />
важноста за соживотот, почитувањето на различностите,<br />
да ги инспирираме да си ја развиваат сопствената<br />
фантазија и да ги насочуваме да си ги препознаваат<br />
талентите. Она што е најважно, индиректно се обраќаме и<br />
на родителите и многу често потенцираме дека е значајно<br />
тие, заедно со своите деца, да гледаат „5+ Фамилија“. Tака<br />
многу повеќе ќе успеат да ја пренесат точната порака и<br />
цел на своите деца.<br />
95
НЕГА НА<br />
ДЕТСКА КОЖА<br />
На нежната детска кожа уште од најрана возраст ѝ треба дополнителна заштита, влажност и нега во зима.<br />
Ви предложуваме неколку производи кои совршено ќе се вклопат во дневната нега на вашето дете.<br />
FIORI DI COTONE КРЕМ – 510 ДЕН.<br />
Нежен крем наменет за грижа на<br />
деликатната бебешка кожа. Путерот<br />
од Карите, заедно со растителните<br />
масла од семе од памук, оризово,<br />
сончогледово, таману и масло<br />
од сладок бадем ја хранат и ја<br />
хидрираат бебешката кожа додека<br />
дестилираната вода од камилица ја<br />
смирува и ги намалува црвенилата и<br />
иритациите.<br />
BIODERMA ATODERM УЛТРАБОГАТ<br />
ПЕНЕСТ ГЕЛ – 1.049 ДЕН.<br />
Гелот е наменет за нежно и темелно<br />
чистење на кожата. Ја прочистува,<br />
смирува и омекнува кожата.<br />
WELEDA МАСЛО ОД НЕВЕН БЕЗ<br />
МИРИСИ – 1.073 ДЕН.<br />
Органското масло од невен<br />
овозможува лесна и пријатна нега<br />
на кожата на вашето бебе. Идеално<br />
е за секојдневна нега, блага масажа,<br />
како и за чистење во регионот на<br />
пелените.<br />
FIORI DI COTONE МЛЕКО ЗА<br />
ЧИСТЕЊЕ – 510 ДЕН.<br />
Без полиетилен гликол, парабени и<br />
силикони. Дерматолошки тестирано,<br />
никел тестирано, мирис без<br />
алергени.<br />
BIODERMA ATODERM КРЕМ<br />
1.234 ДЕН.<br />
Кремот Атодерм од линијата<br />
на „Биодерма“ е наменет за<br />
секојдневна употреба како хранлива<br />
и хидратантна нега. Овој крем<br />
ефикасно ја хидрира и ја обновува<br />
бариерата на кожата, а исто така ја<br />
смирува и ја омекнува.<br />
WELEDA БАЛСАМ ЗА ЗАШТИТА ОД<br />
СТУД И ВЕТЕР – 500 ДЕН.<br />
Идеална заштита од студ и лоши<br />
временски услови, наменет за<br />
чувствителната кожа кај бебињата.<br />
Маслото од органски невен и ланолинот<br />
создаваат природна заштитна бариера и<br />
ја исхрануваат кожата.
Мисли здрави мисли<br />
КОИ ЗАСЛАДУВАЧИ<br />
СЕ ДОБРИ ЗА<br />
ВАШЕТО ЗДРАВЈЕ?<br />
Кога е шеќерот во исхраната во прашање, веќе подолго време се водат дебати со спротивставени мислења – природни наспрема<br />
вештачки засладувачи, исхрана со мал внес на шеќери или негово комплетно исфрлање од дневното мени... Проверете како да<br />
уживате во слатките и десертите на здрав начин и без ризици по здравјето.<br />
ДАЛИ ВЕШТАЧКИТЕ ЗАСЛАДУВАЧИ СЕ ТОЛКУ ШТЕТНИ?<br />
Вештачките засладувачи се синтетички замени за шеќер, но<br />
можат да се добијат и од некои билки што природно содржат<br />
шеќери. Сите вештачки засладувачи се многу послатки<br />
од обичниот шеќер и потребно е само мало количество<br />
вештачки засладувач за да се замени една лажица шеќер, но<br />
за разлика од него, тие немаат калориска вредност.<br />
Вештачките засладувачи имаат карактеристичен вкус.<br />
По консумирањето, сахаринот има благо-горчлив вкус, а<br />
тауматинот вкус како бонбона „Негро“. За да се избегне<br />
лошиот вкус, при производството засладувачите се мешаат<br />
меѓу себе и така го подобруваат и го надополнуваат вкусот<br />
на другите. Токму поради ваквата комбинација тие не треба<br />
да се користат во преголеми количества.<br />
Денес, засладувачите можат да се најдат во голем број<br />
различни производи, од диетални пијалаци, преку гуми за<br />
џвакање, слатки, сладоледи, сокови, па сѐ до протеински<br />
суплементи.<br />
ТИПОВИ ВЕШТАЧКИ ЗАСЛАДУВАЧИ<br />
Дозволени вештачки засладувачи се: калиум ацесулфам,<br />
аспартам, неотам, сахарин, сукралоза и цикламат, што е<br />
одобрен за користење, но само во некои држави. Од нив,<br />
најчесто употребувани и најкористени се сахаринот и<br />
аспартамот.<br />
Сахаринот е кристален прав што е 300-550 пати посладок<br />
од шеќерот. Тешко се топи во ладна вода, полесно во врела<br />
вода и алкохол. Се употребува како засладувач на храна<br />
и пијалаци. Не покажува никакви токсични дејства врз<br />
човечкиот организам. Често го употребуваат лицата кои<br />
имаат дијабетес. Неговиот дериват, кристалоза, еднакво<br />
често се користи како и сахаринот. И едниот и другиот<br />
немаат хранлива вредност.<br />
Аспартамот е нискокалоричен засладувач што е 180-200<br />
пати посладок од шеќерот. Се состои од две аминокиселини,<br />
аспартамска киселина и фениланин што природно се наоѓа<br />
во месото, житарките и млечните производи. Аспартамот е<br />
означен со меѓународниот код Е-951 и се наоѓа на дозволената<br />
листа за употреба на адитиви во правилникот за квалитет,<br />
иако активистите против неговата употреба ги истакнуваат<br />
штетните последици од неговото користење како карцином,<br />
главоболки, депресија, наклоност кон дебелеење, па сѐ до<br />
Алцхајмерова болест. Го користи прехранбената индустрија<br />
како адитив-засладувач и засилувач на аромите во речиси<br />
сите прехранбени производи и пијалаци.
Мисли здрави мисли<br />
ДОБРИ И ЛОШИ СТРАНИ НА ВЕШТАЧКИТЕ ЗАСЛАДУВАЧИ<br />
Добрата страна на вештачките засладувачи е тоа што содржат<br />
нула калории. На пример, во една чаша вода (2 дл) засладена<br />
со шеќер има 65 калории, додека, пак, во пијалакот засладен<br />
со вештачки засладувач има само четвртина од овој износ,<br />
односно 15 калории. Една лажица шеќер (5 г) има околу 20<br />
калории, а засладувачот во форма на таблета речиси и да<br />
нема калории. Доколку се обидувате да го намалите внесот<br />
на калории, како и количеството на прости шеќери, тогаш<br />
вештачките засладувачи и другите замени за шеќер можат<br />
да бидат една од опциите. Здравствените придобивки<br />
од вештачките засладувачи можат да се забележат при<br />
контрола на телесната тежина, кај дијабетесот и кариесот.<br />
Лошите страни на вештачките засладувачи се честа тема на<br />
дебатирање, а некои ги поврзуваат со создавање тумори,<br />
што е последица на едно истражување од пред 40 години,<br />
при кое е најдена поврзаност на сахаринот со појавата<br />
на тумори на мочниот меур кај стаорците што биле дел од<br />
научниот експеримент. Генерално, повеќето истражувачи се<br />
согласуваат дека тие се безбедни за употреба, но треба да се<br />
има на ум дека за секој засладувач постои дозволено дневно<br />
количество. Согласно тоа, управата за храна има поставено<br />
прифатливо количество на дневен внес за вештачките<br />
засладувачи. Станува збор за количеството што е безбедно<br />
да се консумира, по килограм од телесната маса, секој ден<br />
во текот на животот. Проблемот е во тоа што ваквите мерки<br />
се базирани врз истражувања направени на животни, па<br />
научните докази за безбедноста на вештачките засладувачи<br />
се неуверливи и непотполни. Многу од истражувањата се<br />
водени или платени од компаниите што имаат право да ги<br />
користат овие супстанции. Можеби уште повеќе загрижува<br />
фактот што количеството на вештачки засладувачи не мора<br />
да биде наведено на етикетата на производот.<br />
ЗДРАВИ ПРИРОДНИ ЗАСЛАДУВАЧИ<br />
Постојат неколку природни засладувачи што не влијаат<br />
лошо на здравјето. Поточно, засладувачи што имаат мал број<br />
калории, ниско ниво на фруктоза и многу сладок вкус.<br />
Стевија<br />
Стевија е еден од најпопуларните природни засладувачи,<br />
а всушност претставува екстракт извлечен од листовите на<br />
истоимената билка. Во листовите стевија постојат неколку<br />
слатки компоненти до сто пати послатки од обичниот бел<br />
шеќер што најчесто го користиме. Иако е многу слатка,<br />
стевијата не содржи калории, а некои истражувања ги<br />
докажаа и нејзините лековити својства: го намалува<br />
покачениот крвен притисок за 6-14%, а воедно го смалува<br />
нивото на шеќер кај дијабетичарите.<br />
Во неколку научни истражувања се зборува за влијанието<br />
на стевијата во подобрување на чувствителноста на<br />
организмот на инсулин, намалувањето на ЛДЛ-холестеролот<br />
и насобраните наслаги во артериите.<br />
Доколку сакате да засладите нешто, можеби стевијата е<br />
најздравиот избор. Сепак, постои и лоша страна. Многу<br />
луѓе едноставно не го поднесуваат специфичниот вкус на<br />
стевијата, а тоа сепак зависи од производителот. Пронајдете<br />
го оној што најмногу ви одговара.<br />
Еритритол<br />
Еритритолот е уште еден засладувач со малку калории.<br />
Всушност, претставува шеќерен алкохол пронајден во<br />
одредени овошја, но доколку купувате еритритол во прав,<br />
имајте предвид дека веројатно е добиен по индустриски пат.<br />
Содржи 0,24 калории на грам.<br />
И еритритолот не го крева нивото на шеќер и инсулин, ниту<br />
има каков било ефект на биомаркерите на холестерол и<br />
триглицериди. Се апсорбира во телото преку цревата, а<br />
непроменет се исфрла преку бубрезите. Истражувањата<br />
покажаа дека еритритолот е сигурен за употреба, но како<br />
и другите шеќерни алкохоли, може лошо да влијае на<br />
варењето доколку се користи во зголемени количества.<br />
Има многу сличен вкус на шеќерот, но по неговата<br />
консумација останува благ вкус во устата. Не може да се<br />
каже дека еритритолот е здрав, но е помалку штетен од<br />
другите шеќери.<br />
Ксилитол<br />
Ксилитолот, исто како еритритолот, е шеќерен алкохол<br />
што содржи 2,4 калории по грам или две третини од<br />
калориската вредност на обичниот шеќер. Докажано е<br />
дека ксилитолот содржи компоненти што добро влијаат на<br />
здравјето на забите, го смалува ризикот за создавање кариес<br />
и крвавењето на забите. Воедно, добро влијае на цврстината<br />
на коските со што помага при спречувањето на создавањето<br />
остеопороза. Не го подигнува нивото на шеќер, ниту инсулин<br />
во крвта. Исто како еритритолот, може лошо да влијае на<br />
варењето, а доколку имате миленици, имајте на ум дека е<br />
особено отровен за кучињата.<br />
Јакон сируп<br />
Во последно време хит меѓу засладувачите е јакон<br />
сирупот што се добива од истоимената билка. Овој сируп<br />
стана многу популарен откако е објавено дека е одличен<br />
суплемент за намалување на килограмите. Особено богат<br />
е со фруктоолигосахариди, што имаат иста функција како<br />
растителните влакна што се добри за дигестивниот систем.<br />
Јакон сирупот е многу делотворен при опстипација, но<br />
претераната консумација може да предизвика проблеми со<br />
варењето.<br />
ШТО Е СО ОСТАНАТИТЕ ПРИРОДНИ ЗАСЛАДУВАЧИ?<br />
Постојат неколку многу популарни производи што луѓето ги<br />
користат наместо шеќер, а тоа се мед, меласа, кокосов шеќер<br />
и јаворов сируп. Иако многу често се користат наместо<br />
белиот шеќер, сепак тие не се разликуваат премногу од<br />
него. Содржат малку пониска концентрација на фруктоза<br />
и малку хранливи материи, но вашиот црн дроб нема да ја<br />
забележи разликата во однос на обичниот бел шеќер.<br />
Но, да разјасниме – малите количества шеќер нема да ви<br />
направат никаква штета доколку не ги земате многу често<br />
и доколку не боледувате од некоја болест што во целост<br />
ја забранува употребата на шеќерот. Сепак, имајте на ум<br />
дека шеќерите се празни калории, без хранливи својства<br />
што лошо влијаат на здравјето на забите, но сигурно нема<br />
да ви го уништат здравјето или да влијаат на здравиот црн<br />
дроб. Сѐ е во умереноста. Ако се храните здраво и вежбате,<br />
нема да ви наштети доколку повремено се засладите со<br />
омилениот десерт.<br />
99
Мисли здрави мисли<br />
БИЛНИ<br />
Негативните нуспојави што сè почесто му се препишуваат<br />
на кравјото и на другите видови животински млека,<br />
придонесуваат билните млека сѐ повеќе да бидат<br />
атрактивни за консумирање. Индустриските животински<br />
млека од кои поради процесот на пастеризација се<br />
исчезнати ензимите, витамините А, Д и Ц, а вештачки<br />
е додаден витамин Д, стануваат предмет на дискусија<br />
на различни медицински форуми и дебати. Луѓето<br />
преминуваат кон користење на билни млека од различни<br />
медицински причини: алергии, нетолерантност на лактоза,<br />
висок холестерол и друго или поради страв од хормоните<br />
и антибиотиците што се додаваат во животинските<br />
млека. Од билните млека најчесто се користат: бадемoво,<br />
оризово, соино, пченично и кокосово.<br />
Ова млеко е богато со протеини и калциум и не содржи заситени<br />
масти. Нискокалорично е и може да се најде со различни вкусови по<br />
желба. Не содржи лактоза, една шолја необогатено млеко содржи<br />
7 грама протеини, 4 грама јаглехидрати и не содржи холестерол.<br />
Сојата природно содржи изофлавон, билна хемикалија што помага<br />
во намалување на ЛДЛ (лошиот холестерол). Соиното млеко се<br />
користи и се смета за здраво зашто не содржи глутен, казеин и<br />
лактоза.<br />
СОИНО МЛЕКО<br />
Постојат предупредувања за соиното млеко наменето за трудници и<br />
доилки, бидејќи не е познато влијанието на изофлавинот врз бебето<br />
или плодот. Некои истражувања покажале дека сојата може да<br />
дејствува како хормон (фитоестроген) и на тој начин да го зголемува<br />
ризикот од рак на дојка. Фитоестрогенот е природна хемикалија<br />
што се наоѓа во растенијата, а во човечкото тело дејствува слично<br />
на хормонот естроген. Сојата ја блокира апсорпцијата на цинк,<br />
калциум, магнезиум, бакар и железо во телото. Цинкот е поврзан<br />
со когнитивниот развој и функционирањето на мозокот и кога не<br />
се консумира правилно влијае на имунитетот, на регулирањето на<br />
нивото на шеќерот, на репродуктивниот систем. За жал, соиното<br />
млеко има многу повеќе негативни својства, отколку придобивки,<br />
делумно и поради тоа што денес сојата во најголем број случаи е<br />
генетички модифицирана.<br />
100
Мисли здрави мисли<br />
Содржи висок процент на витамини, минерали и масти. Има јак<br />
богат вкус и воопшто не содржи лактоза. Не содржи ни казеин –<br />
млечен протеин што е хемиски сличен на глутенот. Во бадемовото<br />
млеко нема заситени масти, ниту холестерол, а содржи омега-3<br />
масни киселини, што го прават одлично за срцето. Богато е и<br />
со манган, селен, магнезиум, цинк, железо, влакна, фосфор<br />
и калциум. Флавоноидите во бадемовото млеко помагаат при<br />
спречување на ракот.<br />
БАДЕМОВО МЛЕКО<br />
Количеството протеини во бадемовото млеко изнесува 1 грам<br />
по шолја, во споредба со 7-8 грама кај соиното и кравјото. Не<br />
е соодветно за луѓе што се алергични на јаткави плодови, а и<br />
многу често заради подобрување на вкусот му се додава огромно<br />
количество шеќер.<br />
Кокосовото млеко е преполно со витамини Ц, Е, Б1, Б3, Б5 и<br />
Б6, а содржи и железо, селен, натриум, калциум, магнезиум и<br />
фосфор. Ова млеко содржи и лауринска киселина, која е многу<br />
корисна за човечкото тело, зашто преминува во монолаурин,<br />
кој има антивирусни и антибактериски својства. Кокосовото<br />
млеко содржи манган, што е витален за регулацијата на нивото<br />
на шеќер во крвта, односно директно влијае на метаболизмот на<br />
гликозата во човечкото тело. Кокосовото млеко лечи воспаленија,<br />
ја превенира остеопорозата, го ублажува ПМС и го одржува<br />
здравјето на системот за варење. Селенот што се наоѓа во<br />
кокосовото млеко е антиоксиданс што ги ублажува симптомите на<br />
артритис, ги контролира слободните радикали и друго.<br />
КОКОСОВО МЛЕКО<br />
Консумирањето на кокосовото млеко има најмалку негативни<br />
страни. Како негови маани се истакнуваат малото количество<br />
калциум и протеини што ги содржи и тоа што го подига нивото на<br />
холестеролот доколку се консумира во големи количества.<br />
Оризовото млеко е најхипоалергено од сите млечни производи.<br />
Исто така, содржи најмало количество масти во однос на сите други<br />
млека. Не содржи холестерол и одличен извор е на витамините Б,<br />
што се неопходни за метаболизмот, циркулацијата и функциите<br />
на нервниот систем. Оризовото млеко содржи најмногу манган<br />
и селен, што се силни антиоксиданси што помагаат во борбата<br />
против сите видови инфекции и карциноми. Пиењето оризово<br />
млеко го подобрува имунолошкиот систем.<br />
ОРИЗОВО МЛЕКО<br />
Оризовото млеко е сиромашно со витамин А и Ц и содржи малку<br />
протеини. Содржи големо количество скроб, речиси 3-4 поголема<br />
од кравјото или соиното млеко. Ова го прави оризовото млеко<br />
несоодветно за дијабетичари. Исто така, содржи и глутен.
Готвиме со фичо<br />
Рецепт и текст*: Филип Поповски<br />
Фотографија: Жарко Чулиќ<br />
ВИСТИНСКО ИТАЛИЈАНСКО РИЖОТО<br />
Оригиналното италијанско рижото има потекло од северна Италија. Во старт да се разбереме,<br />
рижото се прави само од еден тип на ориз, тоа е „Карнароли“ оризот, a во ред e и кога се прави<br />
од „Арборио“ оризот, меѓутоа не е тоа, тоа. Арборио е ориз со покрупно зрно од Карнароли и во<br />
Италија најчесто се користи како прилог на риба и останати полесни јадења.<br />
Важен момент во оригиналното италијанско рижото е да не го преварите! За еден италијански<br />
шеф е недозволиво да превари рижото, правилната структура се нарекува „al dente“ – тоа значи<br />
крцкав ориз. И на тој начин се задржуваат сите хранливи материи во оризот.<br />
Креацијата на рижотото ви ја оставам вам, јас ќе ви откријам само една опција, само една патека<br />
до превкусно, оригинално италијанско рижото.<br />
Одиме!<br />
За две до три порции доволни се 250г. Карнароли ориз. За почеток ќе исецкате една главица<br />
кромид со средна големина и 3 чешниња лук. Ситно ќе исецкате ¼ од страк праз и 1/3 од чили<br />
пиперче. (Правилна порција/доза на рижото е од 80г. до 100г.)<br />
Во загреана тава (на средна температура) ставате околу 20г. квалитетен путер и една лажица<br />
маслиново масло. Ги ставате зеленчуците да се пропржат. Кромидот е показател за перфектно<br />
издинстан зеленчук. Штом ќе добие стаклест изглед тоа значи дека е време за следен чекор.<br />
Го додавате оризот и го пропржувате околу 5 минути. Прва течност која треба да ја впие оризот<br />
е околу 60мл. бело пенливо вино (Просеко). Мешате за да го впие вкусот и да испари алкохолот.<br />
Во посебен сад спремате коцка бујон – една коцка за говедски бујон го растворате во 600мл.<br />
топла вода (оваа количина ја додавате на три пати).<br />
Третина од количината ја додавате во тавата и мешате додека не почне да се спојува.<br />
Вистинското рижото мора да биде кремаво, но со структура, значи да не испадне како сутлијаш,<br />
меѓутоа да биде кремаво (ал денте)!<br />
Потоа додавате 20г. путер и мешате за оризот да ја впие маснотијата и вкусот на путерот (со<br />
додавањето на путер, лесно ќе ја постигнете кремавата структура).<br />
Мешате околу 5 минути и потоа додавате уште третина од бујонот. Пред да прејдете на третиот<br />
чекор додавате сол и бибер, а може да додадете и малку шафран.<br />
За шафранот велат дека е злато меѓу зачините. Тој е најскапиот зачин на светот! Се дозира во<br />
делови од грам.<br />
Доколку имате вистински шафран додавате околу 0,03г.<br />
Потоа ја додавате и последната третина од бујонот, мешате околу 7 минути. Откако оризот ќе ја<br />
впие 70% од течноста, додавате 50г. ситно сецкана димена сланина (можете и пршут). Сланината<br />
или пршутот ќе му го даде на рижотото оној димен, дрвенаст вкус…<br />
Мешате и како финале додавате две полни раце млад спанаќ. Мешате додека не добиете<br />
вистинска кремава структура.<br />
Сервирате по желба!<br />
Следете го овој рецепт и никогаш нема да згрешите, ако имате дополнителни прашања пишете<br />
ми на мојата страна на Фејсбук и ќе ви одговорам на секое ваше прашање… до следниот број!<br />
СОВЕТ: Доколку имате пармезан го додавате пред да го додадете спанаќот. Пармезанот е<br />
перфектен додаток на секое рижото!<br />
102<br />
*Текстот не е лекториран со цел да се задржи автентичноста
103
Мисли Се зборува здрави за... мисли<br />
Свежи<br />
зачини<br />
во<br />
вашата<br />
кујна<br />
Босилек<br />
Дури и да не го користите во готвењето, сигурно ќе уживате<br />
во неговиот мирис. Можете да го израснете од семе или да го<br />
прескокнете целиот процес на садење, така што ќе купите веќе<br />
пораснато гранче. Чувајте го во саксија со многу дупчиња за<br />
дренажа, како и со доволно простор за развивање на билката.<br />
Наводнувајте го така што ќе го ставите во мијалникот, ќе го<br />
посипете со вода и ќе го оставите добро да се исцеди пред да го<br />
вратите на полиците во кујната.<br />
Одгледувањето зачини во домот е одличен начин<br />
на уживање во свежа арома и богат вкус во текот<br />
на целата година. Одберете билка што често ја<br />
користите во исхраната, но внимавајте да биде<br />
лесна за растење и одржување. Ова се нашите<br />
топ три фаворити.<br />
Нане<br />
Резервирајте го најсончевото место во кујната за нането. Купете<br />
мала саксија со нане од продавница и пресадете ја во поголема<br />
саксија, надополнета со соодветно количество земја. Нането расте<br />
многу брзо, па затоа колку поголема е саксијата, толку подобро.<br />
Користете го за арома во диеталната комбинација од вода и<br />
парчиња краставица или во свежиот мохито-коктел.<br />
Рузмарин<br />
Како и босилекот, рузмаринот има богата, ароматична арома. Дава<br />
одличен вкус на супите, на печеното месо или свежо месениот<br />
леб или домашни крекери. Почнете со гранче рузмарин што ќе<br />
го купите од продавница, па пресадете го во саксија со дупчиња.<br />
Наводнувајте го често за кога ќе ја допрете земјата со прстот да<br />
исплива влага од неа. Воедно, ротирајте ја билката за да добива<br />
еднакво количество сонце од сите страни.<br />
104
Мисли здрави мисли<br />
Чизкејк со<br />
боровинки<br />
Чоколаден<br />
чизкејк<br />
За кората:<br />
300 г мелени плазма бисквити<br />
5 лажици млеко<br />
150 г путер<br />
За филот:<br />
2 пакувања крем-сир<br />
8 лажици шеќер во прав<br />
1 кесичка желатин<br />
¼ слатка павлака<br />
1 ванилин шеќер<br />
500 г боровинки<br />
8 лажици кафеав шеќер<br />
2 дл вода<br />
Подготовка:<br />
Смесата за кора убаво измешајте ја со раце. Ставете ја<br />
во калап, па во фрижидер да се стегне 20-30 минути. За<br />
да го подготвите белиот фил, измешајте го крем-сирот<br />
со ванилиниот шеќер. Додајте го желатинот и слатката<br />
павлака. И оваа смеса се лади во фрижидер, па се става<br />
на кората. Овошјето се става во зовриена вода и се<br />
додава желатин. Се остава да врие на тивко 20 минути.<br />
Кога добро ќе се олади се става преку белиот фил.<br />
Состојки:<br />
300 г мелени плазма бисквити<br />
1 лажица какао<br />
15 мл рум<br />
150 мл вода<br />
200 г чоколадо за готвење<br />
300 г крем-сир<br />
200 мл слатка павлака<br />
150 г шеќер во прав<br />
100 г суво грозје<br />
Подготовка:<br />
Во сад, добро измешајте ги мелените бисквити,<br />
какаото, румот и водата. Целата смеса се истура<br />
во калап да се стегне во фрижидер половина<br />
час. Растопете го чоколадото, а потоа оладете го.<br />
Изматете ја слатката павлака со крем-сирот, шеќерот<br />
во прав, чоколадото и по желба додајте суво грозје.<br />
Еднаквата смеса се мачка по кората. Откако добро ќе<br />
се олади во фрижидер, се ренда чоколадо.<br />
105
Мисли здрави мисли<br />
Бојана Спировска<br />
Фотографија: Жарко Чулиќ<br />
„СПОРТСКОТО КАЧУВАЊЕ<br />
КАКО НАЧИН НА ЖИВОТ“<br />
Кога постои вистинска желба и порив, а занимавањето<br />
со спортската активност не се гледа како хоби, туку како<br />
начин на живот, мотивираноста, одлучноста и успехот нема<br />
да изостанат. Доказ за ова е Бојана Спировска, која повеќе<br />
од десет години се занимава со спортско искачување на<br />
карпи и планински врвови, за што има добиено медали од<br />
балкански и државни натпревари.<br />
Пишува: Тања Тодоровска<br />
Кога и како се роди љубовта кон планинарењето и<br />
алпинизмот?<br />
Тоа беше далечната 2004 година, при крајот на осмо<br />
одделение. Сосема случајно налетав на емисија за<br />
спортското качување кај нас и веднаш ми се роди огромна<br />
желба да пробам. По мојот прв обид, сфатив дека тоа е<br />
нешто што ќе сакам да го правам цел живот. Со другарка ми<br />
Љуба се зачленивме во спортско-качувачкиот клуб „Екстрем“<br />
и почнавме со тренинзи, што во тој период се одржуваа во<br />
салата на Машинскиот факултет. Би рекла дека тоа е една<br />
од најдобрите одлуки во мојот живот, затоа што не беше<br />
само почеток на спортската активност туку и зародиш на<br />
многу убави пријателства, дружби во природа, споделување<br />
на убави моменти, смеа, позитивна енергија...<br />
Колку вашата професија е поврзана со спортското хоби?<br />
Дали работата ви овозможува непречено да ги исполнувате<br />
вашите спортски потфати и активности?<br />
Јас сум лингвист, поточно германист, и моментално работам<br />
на две места – приватна гимназија и јазично училиште во<br />
Скопје, што значи дека сум мошне зафатена и „растрчана“<br />
помеѓу овие места. Веќе одамна сум рекреативец во спортов<br />
и се трудам секогаш кога имам простор помеѓу часовите<br />
и другите обврски да направам тренинг, односно некое<br />
искачување. За среќа, локалитетот Матка е во непосредна<br />
близина, па тие искачувања понекогаш се случуваат во<br />
природа и во текот на работната недела. Инаку, најчесто се<br />
качувам за време на викендите.<br />
Што подразбира искачувањето на карпи со спортскокачувачки<br />
насоки? Дали спортското качување се разликува<br />
од алпинизмот? Постои ли одредена психо-физичка<br />
подготовка пред искачувањето?<br />
Се работи за искачување на вертикални насоки на<br />
природна или вештачка карпа, со веќе поставени клинови.<br />
Во спортското качување има три дисциплини: качување во<br />
водство, болдер-качување и брзинско качување.<br />
Иако има голем број сличности помеѓу спортското качување<br />
и алпинизмот, постојат неколку видувања во однос на<br />
разликите меѓу двете, но генерално тие се однесуваат на<br />
критериумите што ја одредуваат тежината на една насока.<br />
Последнава година имав можност неколкупати да се качувам<br />
во алпинистичка наврска на Матка со пријатели-алпинисти.<br />
За безбедно и правилно практикување на спортското<br />
качување, потребно е да се помине обука за спортски<br />
качувач, преку која се стекнуваат базични знаења за овој<br />
спорт.<br />
Каква опрема е потребна при тренирањето и при<br />
искачувањето?<br />
Во лична и задолжителна опрема спаѓаат патики за<br />
качување, појас, шлем, торбичка за магнезиум, алатка за<br />
обезбедување, додека преостанатата опрема најчесто<br />
е заедничка, односно клупска и во неа спаѓаат јажиња,<br />
комплети и друга опрема за обезбедување.<br />
Кога тренингот се одвива во т.н. болдер-вежбална, односно<br />
просторија со ниски ѕидови за качување и душеци на подот,<br />
доволно е да се има само патики за качување.<br />
Колку долго се натпреварувавте во овој спорт? Кои награди<br />
и признанија ги имате освоено? Од кога искачувањето го<br />
практикувате само како хоби?<br />
Првите 3-4 години се натпреварував, всушност тогаш и му<br />
бев најпосветена на спортското качување и целиот живот си<br />
го организирав околу тоа. Додека моите пријатели излегуваа<br />
во град, јас секој петок и сабота си легнував порано за да<br />
можам следното утро да станам навреме за тренинг во сала<br />
или на Матка. Имам неколку медали од балкански и државни<br />
натпревари. Веќе 10 години практикувам рекреативно<br />
качување, но не би рекла дека за мене ова е само хоби туку<br />
начин на живот.<br />
На кои места се имате искачено во земјава и надвор од неа?<br />
Моите искачувања најчесто се одвиваат во Македонија, на<br />
Матка, Демир Капија, Камена Баба, Стење, Маврово, Кадина<br />
Пештера. Надвор од земјава сум се качувала во неколку<br />
други држави, а како најдраги би ги издвоила искачувањата<br />
во околината на Марсеј со членови на мојот клуб, како и<br />
минатото лето во Ѓипе, Албанија.<br />
Како ја одржувате кондицијата во зимскиот период? Покрај<br />
индор-качување на вештачки карпи, постои ли можност за<br />
искачувања и на отворено? Практикувате ли други типови<br />
вежбање и телесна активност покрај спортското качување?<br />
Во овој период на годината временските услови ни го<br />
ограничуваат качувањето во природа, па затоа тренинзите<br />
најчесто се одвиваат во затворени простории, односно<br />
болдер-вежбални и сали со ѕидови за спортско качување.
Демир Капија, 2012 година<br />
Сепак, кога временските услови се добри, се прават искачувања<br />
на Матка или, пак, на другите качувачки локалитети. Периодов<br />
го користам и за други спортски активности, на пример<br />
планинарење, јога, скијање. Се трудам да спортувам постојано,<br />
без разлика на годишното време и на временските услови.<br />
Дали вашата редовна исхрана претрпува драстични измени<br />
кога се подготвувате за искачување на особено големи врвови<br />
или на стрмни патеки, што претставуваат поголем предизвик?<br />
Во времето кога се натпреварував, многу внимавав на<br />
исхраната, не јадев брза храна и се трудев преку моите оброци<br />
да внесам повеќе протеини, витамини, магнезиум. Не<br />
консумирав алкохол, ниту прехранбени продукти базирани<br />
на шеќер.<br />
Сега не внимавам толку на исхраната, а сепак се обидувам<br />
да ми биде добро испланирана пред поголеми спортски<br />
активности.<br />
Кои се следните места или врвови на кои би сакале да се<br />
искачите? Дали засега ваквите желби се само замисли?<br />
Многу би сакала да се посветам повеќе на алпинистички<br />
искачувања во Македонија, но и надвор од неа, на пример<br />
Доломити или Алпи. Во последно време ми се роди желба за<br />
ice climbing, односно качување на мраз, како и планинарење<br />
на повисоки планински врвови. Сепак, за овие подвизи е<br />
потребно многу време и посветеност, како и соодветна<br />
спортска опрема, па засега остануваат само како желби.<br />
Ветерански - Матка, 2015 година<br />
Камена Баба<br />
Прилеп, 2014 година<br />
Демир Капија,<br />
сектор Сахара,<br />
2015 година<br />
Матка, 2009 година<br />
Матка, Св. Никола Шишевски 2015.
Дизајн и декор<br />
КРЕАТИВНИ<br />
ЅИДНИ ДЕКОРАЦИИ<br />
Ако порано една уметничка слика беше доволна за да го покаже вашиот стил и вкус, денес нештата се<br />
поинакви. Внесете личен печат во уредувањето на ентериерот така што ќе ги исполните ѕидовите со<br />
огледала, празни рамки, керамички чинии... Колку повеќе, толку подобро!<br />
Очекувано е на ѕидот во сечиј дом да најдете ѕиден часовник. А што мислите за закачување на спортскиот<br />
велосипед? Па, зошто да фаќа прашина во подрум цела зима?<br />
108
Дизајн и декор<br />
Кој вели дека рамките служат единствено<br />
за уметничките слики? Врамете ги вашите<br />
достигнувања, пораките од блиски луѓе,<br />
цртежите од вашите деца или интересниот<br />
исечок од вашиот омилен магазин.<br />
Огледалото визуелно го зголемува<br />
просторот каде што е поставено. Тогаш<br />
помислете што ли можат да направат<br />
десетина огледала...<br />
Дополнителна топлина, текстура, но и<br />
ориентална нишка ќе внесете доколку на<br />
ѕидот (во кујната или дневната) закачите<br />
неколку плетени кошници. Не ограничувајте<br />
се во поглед на нивната големина или боја.<br />
Не потценувајте ги закачалките, мислејќи<br />
дека никој не ги гледа под капутите и<br />
палтата. И самите нека бидат украсен дел<br />
од ѕидот и впечатлив детаљ во уредувањето.<br />
Идеја плус за креативецот во вас –<br />
исцртајте ги старите чинии што не ги<br />
користите и закачете на ѕидот. Дури и да<br />
не ве бива за цртање, сигурно имате т.н.<br />
викторијански сервис во наследство од<br />
вашата мајка или баба.<br />
Еднакво впечатлив ефект ќе даде и<br />
силната боја на некој од ѕидовите во<br />
домот. „Врамете“ ја во празни рамки што<br />
дополнително ќе го разиграат просторот.<br />
109
news<br />
Живот<br />
во<br />
боја<br />
Соберете храброст и внесете боја во уредувањето<br />
на домот. Инспирацијата ви ја нудиме ние.<br />
Боја во домот може да додадете<br />
со гарнитурите и фотелјите<br />
на брендот Lenova што за<br />
Македонија ексклузивно ги<br />
увезува Laro.<br />
Фотелја: 19.800 ден.<br />
Контрасти за<br />
расположение<br />
Ентериерот на овој дом во Волково неодоливо потсетува на култната<br />
игра „Тетрис“. Со играњето со боите и редењето на колоритните<br />
детали, сѐ си доаѓа на свое место. Како контраст на сите весели<br />
тонови доаѓа минималистичката кујна што нуди смиреност.<br />
Ентериерот е комплетно изработен и изведен од Laro Kitchen Center<br />
www.facebook.com/Larokitchen; www.laro.mk
Интересно ликовно решение за ѕид, што совршено ја<br />
надополнува модерната линија на мебелот во дневната<br />
соба. Дополнителна свежина во просторот овозможува<br />
екстравагантната комода на масивни ногалки, со<br />
колоритен дизајн во храбра боја.<br />
Сонце во домот<br />
Понекогаш само менување на бојата на ѕидот<br />
е доволна за да внесете топлина во домот.<br />
Жолто бојадисаниот ѕид го краси практично<br />
искористениот ходник со скриена закачалка зад<br />
големото огледало и стилската фиока за чевли.<br />
Пурпурна<br />
свежина<br />
Пурпурно-виолетовиот елемент игра главна улога во<br />
елегантната женска бања. Просторот е максимално<br />
искористен и соодветен за складирање на мали луксузи<br />
што го чинат животот поубав. Белите предели со метални<br />
барокни рачки го надополнуваат просторот, давајќи му<br />
елеганција.
Дизајн и декор<br />
&TRADITION BELLEVUE AJ2 FLOOR<br />
LAMP – ПОДНА ЛАМБА<br />
ДОБИЈТЕ ГО ИЗГЛЕДОТ:<br />
Нордиски<br />
ентериер<br />
Модерниот нордиски ентериер ги комбинира<br />
традиционалните материјали во еден нов, свеж<br />
изглед. Добијте го со паметно комбинирање<br />
мебел, осветлување и додатоци, што ќе му дадат<br />
уникатен стил и изглед на вашиот дом.<br />
Палета на бои<br />
Изберете контраст од неутрални бои – ладни<br />
сини и сиви тонови што во комбинација со<br />
лесни дрвени детали од јасен или даб ќе дадат<br />
топлина на просторот.<br />
& TRADITION<br />
TOPAN VP6<br />
BLACK & GOLD –<br />
ЛУСТЕР<br />
& TRADITION RAFT<br />
BAR STOOL – БАРСКИ<br />
СТОЛ<br />
&TRADITION HOOF SW1 SIDE<br />
TABLE – МАСИЧКА<br />
NORMANN COPENHAGEN ONE<br />
STEP UP BOOKCASE HIGH –<br />
ПОЛИЦА ЗА КНИГИ<br />
NORMANN COPENHAGEN ONKEL SOFA 3 SEATER – СОФА
„Патот до успехот<br />
е еднаков за сите<br />
без разлика на<br />
полот“<br />
Пишува: Тања Тодоровска<br />
Нина Шерифовска, извршен директор на станбениот и деловен комплекс<br />
„Парк резиденс“, е вистински пример за тоа како полека и стабилно<br />
се напредува во една компанија. Оставајќи ги сите предрасуди што се<br />
однесуваат на жените во бизнис-светот зад себе, таа секојдневно наоѓа<br />
нови начини во одржувањето на балансот помеѓу сите улоги на една<br />
успешна, мотивирана и современа млада жена.<br />
Луксузниот станбен и деловен комплекс „Парк резиденс“<br />
важи за добропозната и етаблирана компанија. Тоа носи<br />
одговорност, притисок и постојана работа за одржувањето<br />
на високо ниво на компанијата. Што претставува сето ова за<br />
вас како извршен директор?<br />
Многу е лесно кога имате поставено цели. Мојот баланс е<br />
фидбекот што досега го добиваме, и покрај притисокот и<br />
постојаната работа. Мислам дека постигнавме извонредност<br />
во исполнување на потребите за нашите станари што за нас<br />
претставува приоритет и токму поради тоа не е случајност<br />
што за странците сме прва дестинација кога го прават<br />
нивниот избор, бидејќи тие ги препознаваат високите<br />
стандарди на заедничкото живеење, а тоа се квалитетот,<br />
луксузниот и удобен животен стил.<br />
Постои ли простор за ваше професионално и лично<br />
надградување во рамките на компанијата?<br />
Секогаш постои простор и можност за професионално<br />
и лично надградување. Нашата компанија е полна со<br />
предизвици со кои сум подготвена да се носам и на нив<br />
да одговорам со многу ентузијазам и посветеност. Што се<br />
однесува до личното надградување, мислам дека со секој<br />
професионален напредок се надградува и личноста во<br />
смисла на доведување на високо ниво на способностите,<br />
задоволството од работата и со неа. Исто така, јас сум и<br />
пример и мотив за тоа како полека и стабилно се напредува<br />
во компанијата.<br />
Како ги поттикнувате вработените во компанијата - имате ли<br />
увид и влијание врз работата на секој член во компанијата,<br />
трудејќи се да ја донесете продуктивноста на највисоко<br />
можно ниво?<br />
Визијата и енергијата што ја внесувам во својот тим може да<br />
биде поткренувачка енергија што може многу да мотивира<br />
и демотивира и затоа е многу важно да имате слух за тимот<br />
со кој работите, да го разберете и да го диктирате темпото<br />
со кое тимот ќе ве следи, бидејќи најдобри резултати се<br />
остваруваат кога не заостанува никој во тимот. За да го<br />
мотивирате вашиот тим луѓето во него мораат прво да ви<br />
веруваат, а тоа се постигнува со почит, напорна работа,<br />
објективност во донесувањето на одлуките, трпение и<br />
транспарентност, вклучување на тимот во брејнсторминг,<br />
односно да имате слух и за нивното мислење, со што на<br />
поединецот му давате одговорност.<br />
Исто така, практикувам и индивидуална мотивација. Тоа<br />
ми дава можност да знам повеќе за нивната работа, за<br />
тешкотиите со кои се соочуваат, а со тоа и јас повеќе ги<br />
запознавам и полесно ми е да го најдам најдобриот начин<br />
за мотивација, бидејќи парите не се секогаш универзална<br />
мотивација и двигател за постигнување максимум кај<br />
вработениот.<br />
Да се биде извршен директор е одговорна функција, што<br />
честопати подразбира соочување со стрес, носење на<br />
важни одлуки во куси временски интервали, дополнителни<br />
часови работа дури и надвор од работното време. Како се<br />
справувате со сите овие работи што ги подразбира вашата<br />
работна позиција?<br />
Баланс, па иако е тешко да се постигне, со голема желба и<br />
поддршка од семејството и колегите, сѐ е остварливо. Со<br />
текот на времето се средува балансот помеѓу работното<br />
време, што често знае да биде растегнато и навлегува во<br />
времето што ми преостанува за себе и семејството. Носењето<br />
важни одлуки во кратки временски интервали е дел од оваа<br />
работа, а тоа е всушност и дел од мојот карактер и како<br />
жена, мајка и професионалец. Понекогаш е стресно, но тоа<br />
во исто време е и предизвик за мене.<br />
113
Мозаик<br />
Дали во досегашната работа сте се соочиле со одредени<br />
стереотипи и предрасуди единствено поради фактот што<br />
сте жена во средина во која сѐ уште сме навикнати да<br />
гледаме мажи на носечки и одговорни функции и позиции?<br />
Да, за жал, морам да признаам дека сум се соочила со<br />
стереотипи и предрасуди. Бизнисот се сметал до неодамна<br />
за „свет на мажите“, со чесни исклучоци за кои вака би рекла,<br />
ако можеле тогаш во тоа време како пионери да успеат, сега е<br />
многу, многу полесно. Патот до успехот е еднаков за сите, без<br />
разлика на полот и тој никогаш не е лесен и нема запирање<br />
мора да работи дури и неколкупати повеќе од мажот и да си<br />
ги докажува своите способности во бизнисот, без разлика<br />
дали нејзината работа е неколкупати подобро завршена и<br />
поуспешна од таа на мажот. Едноставно, мораш да бидеш<br />
визибилен. Но, сметам дека оваа ситуација што неправедно<br />
им е наметната на жените полека се искоренува. Сѐ повеќе<br />
се практикува половата рамноправност, а амбициозните,<br />
упорни и работливи жени го пронаоѓаат нивното место што<br />
им припаѓа во тој таканаречен „машки свет“. Лично, драго<br />
ми е што веќе табуата и предрасудите околу ова прашање<br />
почнуваат да се разбиваат, полека но сигурно и драго ми е<br />
што и јас, меѓу другите жени, во бизнисот придонесувам на<br />
некој начин за тоа.<br />
Како вие се снаоѓате исполнувајќи ги сите улоги на успешна<br />
професионална жена, како и посветена сопруга и мајка?<br />
Дали успевате сѐ да завршите во рамките на само овие 24<br />
часа на денот што ги имаме на располагање?<br />
Не успевам секогаш да завршам сѐ. Но, во вакви ситуации,<br />
важна е добрата организација и добро поставените<br />
приоритети. Како што веќе напомнав, добар баланс помеѓу<br />
приватниот и деловниот живот, во практиката значи дека<br />
би требало да работиме вредно, но да оставиме време и за<br />
семејството и за работите што нѐ прават среќни.<br />
Мислам дека жената го усоврши мултитаскингот. Јас сум<br />
сопруга и мајка на две прекрасни деца, 17-годишна ќерка<br />
и 14-годишен син, двајцата репрезентативци, исполнителни<br />
во своите обврски и мислам дека тоа е мојот најголем успех.<br />
Токму она што ме води кога сум тажна се лицата на Берна и<br />
Еди, кои веќе ја градат својата успешна приказна, а верувам<br />
дека има и моја „вина“ во тоа.<br />
додека не се постигне целта. Мене, пак, овие бариери не ме<br />
обесхрабруваат. Напротив, не го барам полесниот пат, туку<br />
секогаш се стремам да го најдам она позитивното и тоа ме<br />
води. Нашата компанија дискриминацијата ја трга настрана<br />
и нуди еднакви можности за сите амбициозни, посветени<br />
личности кои се ориентирани кон успехот.<br />
Сметате ли дека жената од почетокот е во подредена<br />
ситуација во бизнис-светот, имајќи го предвид породилното<br />
отсуство, посветеноста на мајчинството и другите обврски<br />
на една жена, мајка... Или, пак, нештата се поинакви?<br />
За жал, жената уште од почетокот е во подредена позиција<br />
во бизнис-светот. Доказ за тоа е и фактот што жената сѐ уште<br />
Неодамна медиумите ја проследија новогодишната акција<br />
на „Парк резиденс“, што имаше цел да им ги израдува децата<br />
со Даунов синдром... Минатото лето, пак, ја организиравте<br />
т.н. „Фабрика на знаење“, што беше настан од едукативнозабавен<br />
карактер. На чија иницијатива ги организирате<br />
ваквите случувања и настани?<br />
Идејата на сопствениците е секогаш да одиме со<br />
суптилен ненападен маркетинг и како компанија секогаш<br />
имаме интерес да поддржиме некој едукативен или,<br />
пак, општествено одговорен настан или активност.<br />
Во изминатиот период дадовме наша поддршка за<br />
спроведување на проектот „Фабрика на знаење“, преку кој се<br />
имплементираа теоретски стекнатите знаења на студентите<br />
и се промовираше потенцијалот пред идните работодавци.<br />
Завршетокот на проектот беше одбележан со свечена<br />
церемонија што се одржа во дворот на „Парк резиденс“.<br />
Другиот проект што го споменавте го спроведовме во пресрет<br />
на новогодишните и божиќните празници. Мотивирани од<br />
идејата дека секој човек треба да ја почувствува топлината<br />
и среќата на новогодишните празници, компанијата „Парк<br />
резиденс“ ги изненади дечињата од Здружението за лица<br />
со Даунов синдром – „Трисомија 21“. Со оваа активност<br />
нашата компанија целеше кон тоа да им овозможи различно<br />
искуство од вообичаените, заедничко дружење, што ќе<br />
остане засекогаш во сеќавањето на овие деца.<br />
Компанијата „Парк резиденс“ и во иднина ќе продолжи да<br />
биде одговорен партнер на заедницата и општеството во кое<br />
работи и дејствува, поддржувајќи проекти и спроведувајќи<br />
активности од ваков тип.
Мозаик<br />
APPS ПРЕДЛОЗИ<br />
Тестиравме 4 мобилни апликации и ви ги<br />
пренесуваме нашите искуства.<br />
ИСКУСТВА,<br />
НОВИТЕТИ,<br />
ИНСПИРАЦИЈА<br />
NIKE + TRAINING CLUB<br />
Доколку ви недостига мотивација<br />
за вежбање, оваа апликација<br />
ќе ви помогне во таа мисија. По<br />
најавувањето и внесувањето на<br />
неколку лични податоци, одбирате<br />
во која од четирите категории<br />
припаѓате: нови во вежбањето,<br />
малку залежани, редовни вежбачи<br />
и речиси професионалци. Воедно, избирате која е вашата<br />
цел од вежбањето: слабеење, тонирање, зајакнување<br />
или фокусирање на еден дел од телото. Добро е што<br />
има многу режими на вежбање, па затоа нема да ви<br />
биде здодевно. Тие се лесни за следење, имаат вграден<br />
тајмер, а единствениот недостаток е тоа што морате да<br />
го симнете тренингот за да го видите, а подоцна и да<br />
вежбате со помош на него. Достапна за iOS и Android.<br />
EVERNOTE<br />
Апликација што е одлична за<br />
фаќање белешки, зачувување<br />
документи, пребарување по нив.<br />
Создадена во чист, минималистички<br />
дизајн, дотолку чист што ваквата<br />
празнина на почеток може и да<br />
ве збуни, но со практика или со<br />
советите и триковите на блогот<br />
на Evernote лесно ќе се снајдете. Со оваа апликација<br />
ќе можете да ги зачувувате сите мисли, забелешки,<br />
документи, фотографии, а и да ги имате на сите уреди<br />
на кои имате интернет преку cloud платформата на<br />
апликацијата. Сите податоци од апликацијата можат да<br />
се споделуваат со соработници и колеги, што ја прави<br />
одлична алатка за организирање на обемот и обврските<br />
на работа. Достапна за iOS и Android.<br />
YUMMLY RECIPES<br />
& SHOPPING LIST<br />
Кога барате инспирација или идеја<br />
за вашиот следен оброк, побарајте<br />
ја на оваа апликација. Таа најпрвин<br />
ќе побара да се најавите, за подоцна<br />
да ја следи вашата активност. Кога<br />
веќе ќе се најавите, имате можност<br />
рецептите што ви се допаѓаат да<br />
ги зачувате стискајќи на опцијата<br />
„yum“. По пет вакви обележувања, апликацијата ви дава<br />
предлози за следни оброци врз база на вашите претходни<br />
фаворити. Секој рецепт, покрај листата на состојки<br />
што се потребни, нуди и нутритивни факти за секоја од<br />
нив. Можете да пребарувате по клучен збор, како и по<br />
категорија (на пример, вегетаријански, безглутенски,<br />
вегански рецепти, рецепти за алергични лица и сл.)<br />
Достапна за iOS и Android.<br />
CLUE<br />
Апликација што го следи вашиот<br />
месечен циклус без да биде толку<br />
очигледна за што станува збор,<br />
судејќи според името и изгледот.<br />
На почетокот внесувате неколку<br />
податоци од должината на циклусот<br />
до неговото времетраење, како и<br />
појавата на болки и преостанатите<br />
симптоми поврзани со ПМС. По внесувањето на<br />
последниот циклус, апликацијата ги пресметува наредните<br />
циклуси. Воедно, апликацијата овозможува дневно<br />
внесување на неколку параметри поврзани со нивото на<br />
енергија, сексуалната активност, квалитетот на сонот и<br />
слично. Исто така, Clue овозможува поставување аларми<br />
што ќе ве потсетуваат кога е вашиот нареден циклус или<br />
плодните денови. Достапна за iOS и Android.
Мозаик<br />
PEUGEOT 208<br />
ВАШИОТ ОМИЛЕН<br />
ГРАДСКИ ПРИДРУЖНИК<br />
Го тестиравме новиот Peugeot 208 за да се увериме зошто е најпопуларен и омилен автомобил на жените. Модерниот изглед,<br />
ефикасноста во перформансите, високото ниво на безбедност се само некои од карактеристиките што го даваат приматот<br />
токму на Peugeot 208.<br />
ОДЛИЧНО НИВО НА ОПРЕМЕНОСТ<br />
На секоја жена ѝ е важно автомобилот да биде опремен со сите<br />
значајни карактеристики. Тестираниот модел 1.2 Pure Tech е<br />
со Active ниво на опременост – специфична само за „Пежо“.<br />
Дополнет е со неколку елементи, карактеристични за Allure<br />
ниво на опременост, како алуминиумски наплатки, автоматски<br />
двозонски клима-уред, вај-фај функција Mirror Screen, Lime<br />
Yellow персонализација.<br />
Новата Ice Silver боја влегува во категорија на „текстурни<br />
бои“, а остава мат и сатенски ефект истовремено. Покрај Ice<br />
Silver, достапна е и Ice Grey боја – и двете се поиздржливи и<br />
поедноставни за одржување отколку класичните мат бои,<br />
ултра-отпорни се на микро-гребаници и можат да го издржат<br />
притисокот од честото миење.<br />
Сѐ на сѐ, новиот Peugeot 208 изгледа неодоливо, впечатливо,<br />
енергично и моќно.
Мозаик<br />
ПАКЕТИ НА ПЕРСОНАЛИЗАЦИЈА<br />
Можноста за персонализација овозможува задржување<br />
на личниот, стилски печат. Одберете еден од двата<br />
пакета: Menthol White пакет, што со своите бели елементи<br />
обезбедува динамичен и елегантен амбиент, или Lime Yellow<br />
пакет, што со своите колоритни елементи е особено забавен<br />
и модерен.<br />
Персонализацијата на ентериерот нуди модерен, подобрен<br />
стил, со посебно внимание посветено до последниот<br />
детаљ. Токму затоа новиот Peugeot 208 се истакнува во<br />
секој поглед со своите ексклузивни бои, персонализација,<br />
спортски изведби, нова технологија за уште поголем<br />
комфор, безбедност и нови економични мотори со високи<br />
перформанси.<br />
ВРВНО НИВО НА БЕЗБЕДНОСТ<br />
Една од водечките карактеристики, особено значајна за<br />
секоја жена и мајка, е високата безбедност во автомобилот.<br />
Новиот Peugeot 208 овозможува едноставно поставување на<br />
детското седиште преку интегрираниот Isofix систем – без<br />
комплицирани елементи, задржувајќи ја безбедноста на<br />
детето на прво место.<br />
Друга носечка карактеристика е Active City Brake – нова<br />
технологија што овозможува да се избегне несреќа или да<br />
се намали нејзината тежина ако не реагира возачот. Таа се<br />
вклучува во градски услови со брзина помала од 20 километри<br />
на час. Овој модел поседува 6 воздушни перничиња за<br />
безбедност, програм за електронска стабилност (ESP) како<br />
стандардна опрема, систем против пролизгување на тркалата<br />
(ASR), систем за динамичка контрола на стабилноста (DSC),<br />
помош при нагло сопирање (EBA), систем против блокирање<br />
на тркалата (ABS) како и систем за електронска дистрибуција<br />
на силата за сопирање (EBD).<br />
А, на EuroNCAP тестовите за безбедност, Peugeot 208 е<br />
одликуван со максимални 5 ѕвезди.<br />
КОМПАКТЕН И УЛТРА-ЕФИКАСЕН АВТОМОБИЛ<br />
Почнувајќи од женската чанта, на секоја жена ѝ е потребен<br />
простор плус што ќе одговори на сите нејзини потреби.<br />
Компактната големина на новиот Peugeot 208 – во должина<br />
помала од 4м – во комбинација со својот компактен<br />
управувач, го прави овој модел агилен и ултра-ефикасен<br />
во градски услови и создава забавно и возбудливо искуство<br />
при возењето. Воедно, поседува најдобар багажен простор<br />
во класата и изобилува со простори за оставање ситници во<br />
внатрешноста.<br />
Покрај лесното управување во град и на отворен пат, новиот<br />
Peugeot 208 е практичен и за секојдневно користење и<br />
едноставен за паркирање, благодарение на камерата за<br />
возење наназад, паркинг-сензорите (детекција на скриени<br />
предмети при возење наназад) и Park Assist (помош при<br />
паркирање наназад, со брзина под 8 км/ч.) Двете опции од<br />
опремата можат да се користат заедно.<br />
ВОЗБУДЛИВО, ИНСТИНКТИВНО ВОЗЕЊЕ<br />
Во внатрешноста на новиот Peugeot 208 сѐ е лесно достапно,<br />
а задавањето команди е многу едноставно благодарение на<br />
Peugeot I-Cocpit. Изобилува со висока технологија, стилски<br />
ентериер, каде што секој детаљ е внимателно осмислен,<br />
почнувајќи од местата за складирање предмети, изборот на<br />
материјали, сѐ до беспрекорното технолошко осветлување.<br />
Напредната user friendly технологија го прави автомобилот<br />
едноставен за користење, а екранот се поврзува со интернет<br />
и дава можност за пребарување.<br />
„МОТОР НА ГОДИНАТА“<br />
Производителот е посебно горд на признанието „Мотор на<br />
годината“, што беше врачено на 17. издание на International<br />
Engine of the Year Awards, а се однесуваше во категоријата<br />
волумен 1,0-1,4 на трицилиндричниот турбомотор<br />
PureTech. „Пежо“ има вложено многу за овие нови мотори<br />
да акцентираат и грижа за околината, респектирајќи го<br />
еколошкиот момент.<br />
ФИНАНСИСКА ЕКОНОМИЧНОСТ<br />
Имајќи го предвид ефикасното распределување на буџетот,<br />
возилото не треба да биде првата финансиска ставка во<br />
семејството. Цената на тестираниот модел соодветствува<br />
на нејзината вредност, квалитет и врвни перформанси:<br />
автомобилот Peugeot 208, 1.2 Pure Tech, Active (со<br />
дополнителни елементи) изнесува 13.280 евра.
Мозаик<br />
ПАТУВАМЕ СО<br />
ДРАГАН ТАПШАНОВ<br />
АВАНТУРИСТИЧКИ ВОДИЧ НИЗ НЕПАЛ ПРЕКУ<br />
ФОТОГРАФИИТЕ И ПАТУВАЧКИОТ БЛОГ НА<br />
ДРАГАН ТАПШАНОВ.<br />
Фотографија и текст*: Драган Тапшанов<br />
Непалските носачи и нивните помошници<br />
Во 2005 година, прогласени за најсилните луѓе во светот според National<br />
Geographic, непалските носачи сѐ уште се борат со препреките кои им<br />
ги поставуваат Хималаите. Со развивањето на планинскиот туризам во<br />
Непал и носачите добиваат мал дел од финансискиот колач - освен како<br />
доставувачи на роба за локалните села, сега се и неопходни членови на<br />
секоја експедиција.<br />
На фотографиите десно се носачи од регионот на Лангтанг, доставувачи<br />
на намирници, но и носачи кои се членови на кореанската екпедиција за<br />
освојување на врвот Церко Ри. Носачите на поголеми експедиции најчесто се<br />
помогнати и од магариња и коњи кои освен што служат за носење на товар,<br />
во снежни услови се користат и за пробивање и оформување на патеката.<br />
Патеката до Кјанџин Гомпа<br />
Снежна олуја, минусни температури, снег<br />
длабок еден метар, се само дел од предизвиците<br />
што требаше да ги совладам за да стигнам до<br />
последната база Кианџин Гумба, Лангтанг.<br />
Патеката е рај за документарните фотографи во<br />
зимскиот период поради номадите кои со своите<br />
коњи ги напуштаат огништата во селата што се<br />
наоѓаат над 3000 метри надморска височина и<br />
се спуштаат во непалските висорамнини каде<br />
го поминуваат остатокот од зимата. Освен<br />
номадите, додека ја искачував патеката до врвот<br />
Церко Ри бев придружуван од шерпаси кои<br />
беа на пат да го обезбедат преминот до врвот<br />
Јала, но среќата не беше на наша страна зошто<br />
регионот што го искачувавме беше зафатен од<br />
опасна снежна олуја и моравме неколку ноќи да<br />
поминеме во последното село-база и да чекаме<br />
стишување на бурата.<br />
*Текстот не е лекториран со цел да се задржи автентичноста
Малиот чувар на јаковите од Госајкунда<br />
На високите предели на Госајкунда, Хималаја во Непал,<br />
деца на возраст од 4 години, па нагоре се водичи и чувари<br />
на фамилијарните јакови. Поради изолираноста на<br />
нивните села тие не посетуваат школо и нивниот живот го<br />
поминуваат грижејќи се за фамилијата, нивите и стоката.<br />
Според бројот на јакови се мери богатството на една<br />
тибетанска фамилија, а цената на еден јак изнесува од<br />
400 до 600 долари.<br />
Децата кои може да се сретнат по пасиштата на Госаикунда<br />
и други предели од Хималаите се најчесто опремени со<br />
ножеви кукри што ги наследуваат од нивните родители<br />
кога ќе почнат со нивната работа со стоката. Јаковите од<br />
овие предели најчесто се напаѓани од јагуари во зимскиот<br />
период од годината.<br />
Трагедија е што овие дечиња немаат услови да посетуваат<br />
училиште и да се социјализираат со други деца поради<br />
изолираноста на нивните живеалишта. Наскоро Обединетите<br />
нации планираат да отворат училиште со интернат во<br />
Бесисахар каде дечињата од високите планински села ќе<br />
може да престојуваат колку што е потребно и да се здобијат со<br />
квалитетно образование.<br />
Ова девојче го фотографирав во селото Бамбу (над 2000 м.)<br />
додека ручав во „ресторанот“ на нејзините родители.<br />
Хималајски образи<br />
Според кожата на децата на Хималаите можете да видите колку<br />
е тежок животот над 2000 метри надморска височина. Јакото<br />
сонце, силниот ветар, сувиот студ се само дел од факторите што<br />
влијаат на нежната кожа на овие дечиња. Освен природните<br />
фактори, и работната обврска во нивите и фармите што<br />
започнува од најрана возраст, влијае на нивната кожа и здравје.
ФИЛМОВИ ВО<br />
ФЕВРУАРИ<br />
Во месецот посветен на „Оскарите“ (не пропуштајте ги<br />
на 28 месецов), ви предлагаме неколку нови филмови<br />
во различни жанрови. Драми, трилери, еден анимиран<br />
филм – во предлозите подолу ќе најдете по нешто за<br />
сечиј вкус!<br />
„SNOWTIME!“<br />
За да се занимаваат за време на зимскиот распуст,<br />
децата од малото село решаваат да организираат<br />
масовна тепачка со снежни топки. На чело на двете<br />
спротивставени страни се Лук и Софи. Софи и<br />
нејзините пријатели се трудат да ја зачуваат снежната<br />
тврдина од нападите на Лук и неговата банда.<br />
Договорот е – кој ќе ја окупира тврдината до крајот на<br />
распустот, победува.<br />
„4TH MAN OUT“<br />
Адам (Еван Тод) е просечен маж од средната работна класа во Америка.<br />
Работи како автомеханичар, а слободното време го поминува со неговите<br />
другари Крис (Паркер Јанг), Ник (Корд Оверстрит) и Орту (Џон Габрус) со кои<br />
прави сѐ – пијанење, играње игри, покер, запознавање девојки. Но, има нешто<br />
што пријателите не го знаат за Адам. Тој не е заинтересиран за жени. Кога ќе<br />
им каже на пријателите за неговата сексуална определба, тие му ветуваат дека<br />
ништо меѓу нив нема да се смени. Но, дали ќе биде навистина така?<br />
„REGRESSION“<br />
Дејството се случува во Минесота во 1990<br />
година. Детективот Брус Кенер (Итан Хок)<br />
го истражува случајот на младата Ангела<br />
(Ема Вотсон), која го обвинува татко ѝ<br />
Џон Греј (Давид Денцик) за злосторство<br />
што тој не се сеќава дека го сторил. Кога<br />
Џон сепак ја прифаќа вината, психологот<br />
кој треба да работи со него на враќање<br />
на сеќавањата, д-р Рејнс (Дејвид Тевлис),<br />
полека открива ужасна мистерија зад<br />
целата приказна.<br />
„TOUCHED WITH FIRE“<br />
Хемијата меѓу двајцата поети со<br />
биполарно нарушување Карла<br />
(Кети Холмс) и Марко (Лук Кирби) се<br />
разгорува уште кога ќе се запознаат<br />
во една медицинска установа.<br />
Нивната страст ги надминува<br />
границите на нормалноста, одејќи<br />
во чудесни височини во моментите<br />
кога се и обајцата екстатични, па сѐ<br />
до измачувачки длабочини кога се<br />
депримирани. И сѐ така додека не<br />
мора конечно да избираат помеѓу<br />
здравиот разум и љубовта.<br />
„REMEMBER“<br />
Двајцата преживеани од Аушвиц, Зев (Кристофер Пламер) и неговиот пријател<br />
Макс (Мартин Ландау) прават план во преостанатите денови од нивните животи да<br />
завршат една недовршена работа: да го пронајдат наци-командантот одговорен за<br />
убиството на нивните семејства за време на Втората светска војна. Макс е преслаб и<br />
изнемоштен, па така Зев, иако веќе соочувајќи се со Алцхајмерова болест, заминува<br />
на пат за пронаоѓање на поранешниот злосторник, не знаејќи дека ќе се соочи со<br />
шокантен заклучок.<br />
120
НОВИ МУЗИЧКИ<br />
ПРЕДЛОЗИ<br />
ПРЕСЛУШАЈТЕ ГИ НОВИТЕ АЛБУМИ НА ОМИЛЕНИТЕ<br />
АРТИСТИ.<br />
„MISCONDUCT“<br />
Кога младиот амбициозен адвокат Бен (Џош Думел) ќе<br />
преземе случај и ќе се најде во борба со корумпираниот<br />
директор на фармацевтска компанија Денинг (Ентони<br />
Хопкинс) и неговиот постар партнер Абрамс (Ал Пачино),<br />
набрзо ќе сфати дека и самиот се вплеткал во случај полн<br />
со уцени и поткупливост. Колку далеку се подготвени да<br />
одат двете страни за извојување лична победа?<br />
CULT<br />
„HIDDEN CITY “<br />
На петти ноември 2015-<br />
та беше објавено дека<br />
новиот албум на „Калт“,<br />
„Hidden City“ ќе излезе<br />
на петти февруари 2016<br />
година. Тој е последен<br />
дел од трилогијата што<br />
почна со „Born into This“,<br />
а воедно е и петти пат<br />
откако Боб Рок продуцира<br />
албум на „Калт“. Најавата за албумот е дека ќе има многу „тежок<br />
гитарски ритам“.<br />
ALL I NEED<br />
„FOXES“<br />
Вториот албум на<br />
британската пејачка<br />
и текстописец Луиза<br />
Роуз Ален, или подобро<br />
кажано Фоксис, е многу<br />
поемотивен од нејзиното<br />
првенче. Песните се<br />
повокални и поисполнети<br />
со звуци на пијано и<br />
гудачки инструменти, а<br />
инспирацијата Фоксис ја пронашла во нејзините врски. Самата<br />
вели дека искреноста во вториот албум по малку и ја заплашува.<br />
WILD NOTHING<br />
„ LIFE OF PAUSE“<br />
Текстописецот и автор<br />
Џек Тејтум, подобро<br />
познат по неговото<br />
сценско име Вајлд Натинг,<br />
на 19-ти овој месец ќе<br />
го промовира својот нов<br />
албум. Самиот за него<br />
вели дека очајнички се<br />
труди да биде поразличен<br />
од другите негови албуми,<br />
сакајќи да не припаѓа на ниту еден правец или стил. За да го<br />
постигне тоа, се труди одново и постојано да се пронаоѓа себеси.<br />
121
Мозаик<br />
РАСПОЛОЖЕНИ<br />
ЗА ДОБРА КНИГА<br />
ДВА КРИМИНАЛИСТИЧКИ РОМАНА, ЕДЕН ЉУБОВЕН И ЕДНА КЛАСИКА –<br />
ВО ФЕВРУАРИ ВИ ПРЕДЛАГАМЕ РАЗЛИЧНИ ЧЕТИВА ШТО ГАРАНТИРАНО<br />
ЌЕ ВЕ ЗАИНТРИГИРААТ. КОЈ Е ВАШИОТ ФАВОРИТ?<br />
„ПРВА ЉУБОВ“ ЏЕЈМС ПАТЕРСОН И ЕМИЛИ РЕЈМОНД [ТРИ]<br />
Акси Мур е „добра девојка“: вредно учи, ги избегнува непријатните<br />
ситуации и никому не кажува дека сака да избега од целиот свој живот.<br />
Единствениот кому може да се довери е нејзиниот најдобар пријател<br />
Робинсон – во кого случајно е и лудо вљубена. Кога неочекувано ќе<br />
го покани заедно да патуваат низ земјата, Акси првпат во животот ги<br />
прекршува правилата. Но, откако двајцата тинејџери почнуваат да бегаат<br />
од полицијата, безгрижната авантура набрзо излегува од контрола... А кога<br />
Робинсон ненадејно колабира, Акси се соочува со вистината дека тоа може<br />
да биде неговото последно патување во животот.<br />
„МРАЧНИ ТАЈНИ“ МИКЕЛ ХЈОРТ И ХАНС РОЗЕ [МАТИЦА]<br />
Времето за најдобриот меѓу најдобрите дојде... телефонскиот повик,<br />
навидувам вообичаен, беше само почеток. Една вознемирена мајка<br />
пријави дека нејзиниот шеснаесетгодишен син Рогер Ериксон не се<br />
вратил дома, а полицијата во Вестерос не стори нешто во првите денови,<br />
верувајќи дека момчето тргнало во потрага по забава во главниот град.<br />
И веруваа во тоа сѐ до мигот кога неговото осакатено тело исплива<br />
во блиското мочуриште во Листашар. Во неговите гради недостигаше<br />
срцето. Ритуално убиство ли е ова? Тоа беше мигот кога требаше да се<br />
повика најдобриот – Себастијан Бергман, полициски и криминалистички<br />
профајлер, специјалист за сериски убијци.<br />
„ВПЕЧАТОЦИ И ПЕЈЗАЖИ“ ФЕДЕРИКО ГАРСИЈА ЛОРКА [ЃУРЃА]<br />
Вистински книжевни медалјони, извонредно музикални, натопени со боите<br />
и со звуците на Шпанија – Гренада, Севилја, Авила, Албаисин... Токму затоа<br />
можат да се доживеат дури и како мали патописи. Тие изобилуваат со<br />
описи на многу кастилијански крчми, манастири, градини, улици, празници,<br />
ситуации... Во нив трепери летната жештина, дувка пролетното ветре, а<br />
„...зимските денови се претвораат во полиња од соништата...“<br />
„ИСПОВЕДТА НА ЛУСИО“ МАРИО ДЕ СА-КАРНЕИРО [БЕГЕМОТ]<br />
„Исповедта на Лусио“ е едно од најважните дела на Марио де Са-Карнеиро,<br />
бидејќи ги обработува неговите три главни животни опсесии: самоубиството,<br />
перверзната љубов и ненормалниот развој што кулминира со лудило.<br />
Приказната се развива меѓу Рикардо, Лусио и Марта, што е страсниот јазол<br />
меѓу нив двајца. Во форма на криминалистички роман, дејството почнува<br />
со исповедта на Лусио за смртта на својот пријател Рикардо и минува десет<br />
години во затвор.<br />
Напишана со колоритен и раскошен стил, „Исповедта на Лусио“ е приказна<br />
за љубовта, прељубата, боемството, уметничката треска...<br />
122<br />
Не запирајте со читањето тука: испратете ни е-пошта со вашите<br />
податоци на contact@portretmag.com и освојте една од книгите погоре.
Портрет поддржува македонска поезија<br />
***<br />
Вложив многу во мојата нерамнотежа.<br />
(Прашајте ги келнерките.)<br />
Одев несигурно и се нишав лево-десно<br />
како што син ми сега се напрега да прооди<br />
стабилно и цврсто, без ничија помош.<br />
Не брзај, сине.<br />
Ниедна вртоглавица не е бесплатна<br />
освен оваа.<br />
Ќе те чекам на центарот на игралиштето<br />
кога тоа ќе престане да биде центар на твојот свет.<br />
Сонцето на залез како дупната топка ќе нè спречи<br />
да се надмудруваме со дриблинзи.<br />
Патиките врзани меѓу себе<br />
закачени на електричните кабли<br />
што ги осветлуваат приказните за добра ноќ<br />
се вага што покажува совршена рамнотежа.<br />
Боси сме и фатени под рака.<br />
Ми раскажуваш за пијанството.<br />
Ти раскажувам за проодувањето.<br />
Од далеку, не се познава кој кого придржува.<br />
Автор: Иван Шопов<br />
123
Мозаик<br />
ЖИВОТНИ ЛЕКЦИИ СО<br />
ВАСКО ЕФТОВ<br />
НИЗ ГОДИНИТЕ<br />
НАУЧИВ…<br />
„Во центар“ ме направи... премногу во центарот за мој вкус.<br />
По илјадници интервјуа и стотици емисии сè уште да<br />
наоѓам инспирација во... стравот дека не сум ја направил<br />
најдобрата емисија.<br />
Да се релаксирам со... што би рекол Дино Мерлин –<br />
најдобро е кога имаш некој со кој можеш да молчиш.<br />
Новинарска кариера најтешко се гради... ако<br />
новинарството го сфатиш како професија.<br />
Мораш да се однесуваш како со љубовница<br />
– да има страст, разочарување, еуфорија,<br />
да бидеш анализиран, сакан и мразен, но<br />
секогаш да имаш искра во погледот со која<br />
ќе ја врзеш публиката пред малите екрани.<br />
За гледана емисија треба многу повеќе од... треба сѐ. Но,<br />
најважно е во ниту еден момент публиката да не сфати<br />
дека не си господар на целата ситуација.<br />
Ексклузивен гостин, звучно име, значи/не значи секогаш<br />
добра емисија... И најдобрите ќебапчиња се јадат во оние<br />
биртии, каде што келнерите не можат да стигнат да ги<br />
сменат извалканите чаршафи.<br />
За да зачуваш независност на македонската политичка<br />
сцена потребно е... да ти се плашат политичарите. Да ги<br />
гледаш цело време директно во очи и во ниту една секунда<br />
да не го спушташ погледот пред нив.<br />
Во 2015 година најинтересен соговорник ми беше... не го<br />
снимив. Ми беше срам да направам интервју сам со себе.<br />
Ги користам социјалните мрежи за... да бидам носталгичен<br />
по она време кога денот го почнувавме со кафе и мирисот<br />
на тазе купените дневни весници.<br />
Најголема предрасуда за мене е... Предрасудите мораат да<br />
останат предрасуди, бидејќи ако ги нема нив, тогаш се губи<br />
привлечноста да се биде популарна личност.<br />
Мојот омилен историски лик ме научи... дека балансот ја<br />
овозможува долговечноста во кариерата.<br />
По емисија за која на почетокот знам дека ќе биде<br />
антологиска, најтешко ми е... да ја снимам следната<br />
емисија.<br />
Кога соговорник ми напушти интервју, тоа го доживеав...<br />
како нешто гладијаторско во оваа новинарска професија.<br />
Тоа е мешавина на жал дека тоа ти се случило и чувство<br />
на една исконска супериорност да не ви биде земен<br />
просторот.<br />
Престанав да се нервирам за... Не престанав да се<br />
нервирам. Само се обидувам нервирањето да го претворам<br />
во креативност, а не во деструкција.<br />
Од мојот најголем страв научив... дека само будалите не<br />
се плашат. Храбри се оние што ги прават работите од кои<br />
се плашат.<br />
Кога ќе ти забранат емисија многу е важно да... се<br />
навикнеш на тишината и на молкот на мобилниот телефон.<br />
Тогаш сфаќате дека во новинарството е многу поважно да<br />
ви се плашат отколку да ве сакаат.<br />
Ме инспирираат луѓе што... свесно ги провоцираат<br />
предрасудите во општеството.<br />
Сакам да читам за... историски личности.<br />
Од просечен новинар до новинарски бренд има... разлика<br />
од една секунда. Во таа секунда ќе го поставите или нема<br />
да го поставите вистинското прашање.<br />
За да ја зачуваш приватноста во мала земја како нашата<br />
најважно е... да уживаш во индивидуалноста. Тоа е како да<br />
јаваш тигар, не знаеш каде ќе те однесе, а се плашиш да<br />
се симнеш, да не бидеш изеден од него. Мораш да научиш<br />
како да живеете заедно.
Колумна<br />
POST HOLIDAY BLUES<br />
Jа почнав годината со пат до Истанбул<br />
со автомобил, осми месец трудна, со две деца<br />
што наизменично се тепаа, јадеа како термити, плачеа,<br />
па повраќаа... Нова година ко секоја друга, ништо посебно, со најблиските<br />
во домашна атмосфера. Од нигде никаде почнаа да ми доаѓаат безброј спомени<br />
од моите најбезгрижни години, кога бев млада и убава... и слободна. Ќе ме потсетеше<br />
ретро песна, парфем. Ќе се сетев на многуте безделнички, скитнички денови, кога единствено<br />
замарање ни беше од кој кафич* каде да се оди. Ред спомени, ред реалност… Будење по сто пати<br />
секоја ноќ, мамо дај млеко, WC од труднички причини, WC за да го усовршиме животот без пелени,<br />
заспивање по 15 минути од почетокот на кој било филм. Не знам што повеќе ме фрустрираше, дали тоа што<br />
кога сум ги имала сите услови да уживам сама во себе, во патувања, да спијам... многу да спијам, да гледам цели<br />
сезони серии, сум плачела по кретени, или што сега кога ги имам исполнето емотивно најприфатливите клише<br />
норми, сопруг, скоро три деца, сакам да сум безделник со средношколски манири. Се чудев зошто годината ми<br />
почна вака безвезе, сѐ им препишував на трудничките хормони. Ми текна и на глупоштините што ги читав на времето<br />
во Cosmopolitan, па си поставив дијагноза дека имам пост-празнична депресија. Она кога после лудите новогодишни<br />
журки, не можеш да се вратиш во реалноста. Јас Нова година ја пречекав во XL тренерка и горна пижама. Дефинитивно<br />
моево не беше post holiday blues.<br />
Кулминираше пред некој ден. На работа последна недела пред затварање на бројов, дома моиве двајца невозможни.<br />
Се тепаа, скубеа, вриштеа за секоја играчка, ми го скршија телефонот, ја ишкртаа дневната кречена пред месец дена.<br />
Бев скоро пред расплачување... И тогаш ја згазнав најмалата и најостра Lego коцка... На босо... Мислам дека женска<br />
ламја, онаква со замок, со оган, со костури по ходниците, најдобро би ме опишала како изгледав во тој момент.<br />
Толку многу им викав што сами отидоа да си легнат. И после плачев филмски, кратко ама со липање, како да<br />
одеше во позадина All by my self од Celine Dion, толку филмски плачев. Кога ми помина (негде за три и пол<br />
минути) одма ми беше значително полесно. Го немаше глупавото чувство што ме мачеше 10 дена. Отидов<br />
да ги видам децата. По сите борби, спиеја заедно, гушнати. Ми оставиле и писмо: We hate LEGO toys<br />
and we love you mamma.<br />
Се смеев ко зелена. Сфатив што ми беше. Ми беше живот. Таквите безвезни недели,<br />
месеци, ко моите претходни нѐ спремаат за секундите ко овие со писмото од<br />
моите деца.<br />
Само еден месец помина од годинава а јас веќе доживеав<br />
просветление. Ова е моја година, до крајот на<br />
годината ќе станам духовен гуру. :)<br />
Ружица Антиќ<br />
*Текстот не е лекториран со цел да се задржи автентичноста<br />
125
Изборот е слобода<br />
ТЕЛЕСНОТО ЗБОРУВА<br />
ЗА СЛОБОДАТА<br />
БИЛЈАНА ТАНУРОВСКА-ЌУЛАВКОВСКИ, КУЛТУРЕН РАБОТНИК<br />
Пишува: Ана Јовковска<br />
ЛЕАВРОВСКОТО СРЦЕ ШТО ГО ОТСЛИКА КАУРИЗМАКИ ГО<br />
ВИДОВ И КАЈ ОВИЕ ЛУЃЕ ВО ЈУЖНА ФРАНЦИЈА<br />
Откога летоска ги запознав другарите од Ле Авр на другарка ми Беатрис на нејзината<br />
роденденска забава, повторно ми стана актуелен „Ле Авр“ на Аки Кауризмаки.<br />
Филмот, освен што го отсликува во стриповска естетика тој темен, индустриски град,<br />
зборува и за љубовта, човекољубието и солидарноста. Тоа големото леавровско<br />
срце што го отслика Кауризмаки го видов и кај овие луѓе. Некоја коинциденција,<br />
синхроницитет се случи. Големи срца кај Кауризмаки на платно и исто така кај Беа на<br />
забава во јужна Франција. Знам дека моево гледање може да звучи чудно, ама морам<br />
да си дозволам да си ја развивам асоцијативната мисла, за да не се претворам во<br />
некој хард диск, каде што само ќе се полнат информации без приказна.<br />
ТАТКО МИ БИЛ ВО ЊУЈОРК КОГА СУМ СЕ РОДИЛА, А БЕРЛИН<br />
СТАНА „МОЈОТ“ ГРАД<br />
Градот за кој имав најобоени асоцијации беше Њујорк. Тој секогаш беше во<br />
приказните од моето детство, затоа што татко ми бил таму кога сум се родила. Кога<br />
првпат отидов таму, го обоив со тие бои од детството и знаев дека ќе се среќаваме<br />
повеќепати. И така би, секогаш има некоја работа што ми овозможува да одам<br />
пак таму. Другиот град каде што долго сакав да одам е Берлин, и ете, се случи и<br />
тоа. Берлин стана градот каде што би сакала сè повеќе да се враќам, градот на<br />
мојата сегашност. Првиот пат кога слетував не можев да им се изначудам на бројот<br />
на дрвјата што ги гледав. Да се разбереме, не дека сум напатена што во моето<br />
најдраго Скопје секој ден по едно дрво се сече, туку затоа што на афективно ниво<br />
е неизбежно да реагираш со восхит. Берлин е градот обоен во зелено, градот на<br />
современата уметност, другар на сите возрасти, раси, ентитети, градот на минатото<br />
и сегашноста. Кога одам во Берлин најмногу сум во Вединг, дел на Берлин каде што<br />
живеат емигранти и каде што се изградија Уферстудиос, 14-тина студија за современ<br />
танц и перформанс. Таму се чувствувам како да сум на свое, таму среќавам убави<br />
луѓе, гледам претстави, слушам предавања, останувам долго во ноќите да разговарам.<br />
КУЈНАТА НА МАЈКА МИ Е НЕПОВТОРЛИВА. ЉУБОВТА БЕШЕ<br />
НЕЈЗИНИОТ ЗАЧИН<br />
Сакам разна храна, сакам македонска, јапонска, арапска, таи кујна и во секоја кујна<br />
што сум имала можност да ја пробам наоѓам нешто што ми се допаѓа. Арно ама,<br />
кујната на мајка ми е неповторлива. За жал, мајка ми не е тука веќе, до мене, за да<br />
ми направи кога и да посакам една касато торта, супа или неповторливи тортелини<br />
или... Покрај таа храна, мајка ми Вера ја произведуваше и онаа „безрезервната“ –<br />
што за мене имаше најхранлива вредност оти ја знаеше дозата на нежност, острина,<br />
критика, поддршка, дозата кога да каже, праша, слуша и сè убаво зачинуваше со<br />
љубов. Јас се мачам рецептот на мајка ми да го откријам за да знам да „готвам“ така<br />
добро и за ќерка ми. А што се однесува до другите рецепти, за колачи, пити и други<br />
работи, тие ни ги пренесе, арно ама јас ништо од готвењето, но брат ми така добро ги<br />
усоврши што некогаш кога јадам го чувствувам мирисот на мајка ми.
„КИНО КУЛТУРА“ Е СПОМЕНИК НА КУЛТУРАТА НА<br />
СЕЌАВАЊА<br />
„Кино Култура“ е она за кое долго сонувам. Многу ќе речат дека тоа е „луда“ идеја,<br />
бидејќи во овие времиња е неодржлива, нејсе, ќе учиме како можеме да го развиеме<br />
овој модел за простор што нема да ни служи само нам туку и на пошироката<br />
заедница. Тој простор е сон за отвореноста, за уметноста и за можноста да се<br />
твори. „Кино Култура“ не е само објект, тој е скулптура извајана со содржините<br />
низ минатото, со животните приказни на луѓето кои доаѓале, минувале, работеле и<br />
живееле таму. Тој објект е споменик на културата на сеќавањата, што за жал кај нас<br />
сè повеќе се бришат доколку за доминантната политичка приказна се неприфатливи.<br />
Се шегувам понекогаш со Слободан Унковски и Ацо Поповски дека можеме да<br />
напишеме водич за барање простор, што ќе ги содржи сите наши анегдоти во таа<br />
долгогодишна авантура. Знаете, не треба многу за остварување на соништата,<br />
само треба да се препознаат, затоа што само тогаш се претвораат во реалност што<br />
преобликува. Во ова лудо време, за жал, многу добри соништа останаа неостварени,<br />
а оние лудите станаа реалност.<br />
ТЕЛЕСНОТО ЗБОРУВА ЗА СЛОБОДАТА<br />
Како селекторка на претстави сум имала можност да видам многу и онаа што ќе ја<br />
издвојам е на еден прекрасен млад кореограф, изведувач и истражувач, Фабијан<br />
Барба, кој доаѓа од Еквадор, а претставата е реконструкција на делата на Мери<br />
Вигман. Ова негово дело го гледав по третпат. Еднаш го гледав во Виена, па во<br />
Истанбул, па сега пред еден месец во Љубљана. Го издвојувам затоа што е една<br />
од оние претстави што се развиваат со секоја изведба, што се надживуваат и<br />
себеси. Мери Вигман, заедно со Рудолф фон Лабан и Исидора Данкан, е една<br />
од основоположниците на модерниот танц во Европа. Таа работи во дваесеттите<br />
и триесеттите години на минатиот век, обидувајќи да ги пробие конвенциите на<br />
класичниот балет преку промислување на нови техники и јазик на движење. Ова дело<br />
на некој начин е и посвета на модерниот, експресионистичкиот танц, разработена низ<br />
истражување на движењето, телесното и когнитивното, на историското прегледано<br />
низ личното читање на едно време – невреме. Телесното зборува за слободата, но и за<br />
ропството во сопственото себезамајување за вистината во времето на нацизмот.<br />
КНИГА ЗА КОСМОПОЛИТИЗАМ, АНТИФАШИЗАМ, ОТПОР, СОЛИДАРНОСТ, ЗАЕДНИЦА<br />
Мојата добра другарка, Драгана Алфиревиќ, Србинка која живее и работи во Словенија, еден ден ми се јави и ми рече дека<br />
има една книга што ќе треба да ја прочитам „Јуропа – Југословенско наследство и политики на иднина во постјугословенските<br />
општества“ од Тања Петровиќ. Ништо не ми значеше авторката, арно ама ја послушав и кога бев во Белград уредно си ја<br />
купив, затоа што Драгана ми рече дека книгата ќе ми разјасни некои недоумици и ќе одговори на нашите прашања околу<br />
постјугословенската негативна аура создадена од поствоените и неонационалистичките политики на овие простори. Оваа книга<br />
зборува за културните и идентитетските политики, за вредностите како антифашизам, космополитизам, отпор, солидарност,<br />
заедница, самоорганизација, што се интегративен елемент на тоа општество, а сепак тоа минато често само се сведува на<br />
историски факт или се брише. Да, оваа книга ми потврди дека треба и понатаму тврдоглаво да ја продолжиме работата што сме ја<br />
почнале.<br />
127
INSTAGRAM<br />
ИНСПИРАЦИЈА<br />
РЕЧИСИ НЕВОЗМОЖНО Е ДА ИМАТЕ ДОМАШЕН МИЛЕНИК, А<br />
ИСТИОТ ДА НЕ ГО ФОТОГРАФИРАТЕ И ПОСТИРАТЕ НА ИНСТАГРАМ.<br />
ЗАСПАН ВО НАЈЛУДА ПОЗА, НА ПРВИОТ СНЕГ, ПРИ ПРОШЕТКА...<br />
ПОГЛЕДНЕТЕ КАКО НЕКОИ ОД МАКЕДОНСКИТЕ ИНСТАГРАМЏИИ ГИ<br />
ФОТОГРАФИРААТ СВОИТЕ МИЛЕНИЧИЊА И КАКО ГИ НАМАМУВААТ ДА<br />
ЗАСТАНАТ ПРЕД КАМЕРА.<br />
@SoleMilo<br />
Соња Милошевска<br />
На фотката е: На аватар<br />
фотката е Лиса Мило,<br />
јапонска акита, а на другата<br />
Пино Мило, јоркширски<br />
териер.<br />
Опишете ги со неколку<br />
зборови: Лиса е весело,<br />
игриво и мило животно, голем<br />
и лојален чувар пред сѐ. Пино<br />
е малечок, итар, хиперактивен<br />
и секогаш гладен.<br />
За да извлечам добра фотка од нив: Лиса успевам да ја<br />
изманеврирам за фотографирање или со гушкање или<br />
со грицки. Пино пак е расположен за фотографирање<br />
во секое време. (се смее)<br />
@_emabo<br />
Ема Николовска<br />
На фотката е: Без име, но<br />
кога ќе направи беља го<br />
викаме Мици (машко е). Го<br />
чувам веќе 9 години и тој ни<br />
е омиленото створче дома.<br />
Опишете го со неколку<br />
зборови: Најголемиот<br />
мрзливец и најголемиот<br />
крадец на храна.<br />
За да извлечам добра<br />
фотка од него: Тежок е на<br />
фотографирање и тоа е страшна борба. Како што може<br />
да се забележи, мирен е само кога спие или доколку<br />
некој мавта со храна. (се смее)<br />
@v.stoimirov<br />
Виктор Стоимиров<br />
На фотката се: Холмс,<br />
боксер, и Нела, мопс.<br />
Опишете ги со неколку<br />
зборови: Холмс едвај чека да<br />
излезе надвор и да игра, а<br />
Нела е посмирена. Во глава ѝ<br />
се вртат само храна, чешкање<br />
и спиење.<br />
Сакаат да се фотографираат:<br />
Не можат да седат долго<br />
време на едно исто место<br />
кога сме надвор.<br />
За да извлечам добра фотка од нив: Најчесто им<br />
давам наредба да седнат, а зад мене стои девојка ми<br />
за да им привлече внимание.<br />
@t.karic<br />
Тамара Кариќ<br />
На фотката е: Лекси,<br />
мешанче, 1,5 година.<br />
Опишете го миленикот<br />
со неколку зборови:<br />
Најоткачениот пријател<br />
што некогаш сум го имала,<br />
со најмногу потенцијал<br />
за љубов и позитивна<br />
хиперенергија.<br />
Сака да се фотографира:<br />
Кога е во состојба за<br />
галење или кога знае дека ќе добие награда. На тој<br />
начин се добива и добра фотка од неа.<br />
@velinovav<br />
Ведрана Велинова<br />
На фотката е: Џо, англиски<br />
булдог.<br />
Опишете го со неколку<br />
зборови: Премногу<br />
приврзан за секој член<br />
@doctorzee981<br />
од семејството, гооолем<br />
спанко, поголемиот дел од<br />
денот го поминува в кревет.<br />
Многу е мирен, ретко лае,<br />
често ’рчи.<br />
Сака да се фотографира:<br />
Во една положба може да<br />
седи со часови, па не ми претставува проблем да го<br />
фотографирам.<br />
За да извлечам добра фотка од него: Најчесто кога<br />
сакам да го смирам, му вклучувам греалка, пред неа<br />
е целосно хипнотизиран.<br />
@erikapesik<br />
Ерика Пешиќ<br />
На фотката е: Мајло, бигл.<br />
Опишете го со неколку<br />
зборови: Претерано<br />
хиперактивно, паметно<br />
животинче, пријателски<br />
настроено кон секого и<br />
секогаш расположено за<br />
игра.<br />
Сака да се фотографира:<br />
Обожава да позира кога е<br />
дома, а надвор буквално не<br />
ме перципира. (се смее)<br />
За да извлечам добра фотка од него: Искрено,<br />
немам потреба да го смирувам, обично е<br />
расположен, но во ретки случаи најчесто го<br />
залажувам со некој бисквит или името на неговата<br />
пријателка Леа (се смее).<br />
128<br />
Доколку Instagram е една од вашите омилени апликации, пратете ни ваши фотографии на contact@portretmag.com или<br />
користете го хаштагот #portretmagazin за обележување на вашите фотографии.
„И ОТКАКО ЌЕ СИ<br />
ЗАМИНАМ СИГУРНО<br />
ЌЕ СЕ ВРАЌАМ ВО<br />
СКОПЈЕ“<br />
Passport control<br />
Колку навистина ви недостига родната земја<br />
сфаќате тогаш кога сте далеку од неа. А сте<br />
помислиле ли како ја доживуваат Македонија<br />
оние што во неа поминуваат неколку месеци<br />
или години? Уживајте во престојот!<br />
Пишува: Тања Тодоровска<br />
Каква е приказната зад вашето доаѓање во Македонија?<br />
До 2013 година играв во РК Копер, а кога во клубот се<br />
појавија проблеми и финансиски ситуацијата не беше толку<br />
добра, требаше да променам средина. Тогаш како можност<br />
се појави „Вардар“, кој почна амбициозно да прави екипа<br />
со одлични услови. На крајот сѐ испадна и подобро отколку<br />
што мислев и самиот.<br />
Дали тука ги имате сите услови за напредок во вашата<br />
кариера?<br />
Дури и повеќе од тоа. Ова е клуб што навистина има сѐ што<br />
еден играч би посакал. Имаме своја сала, односно две,<br />
лекарска служба, базени, спа-центар, одлични навивачи,<br />
супер атмосфера на натпреварите... Лично, сметам дека сега<br />
на секој играч му е чест да дојде да игра во Вардар.<br />
Дали градот ви нуди богата понуда по завршувањето на<br />
професионалните активности?<br />
Колку и да е напорно со сите натпревари и тренинзи, сепак<br />
имаме и слободно време. Градот е супер, голем е, има сѐ<br />
што е потребно, климата е супер, топло е, има многу сонце.<br />
Освен Скопје, сум бил во Охрид, на Маврово, на ловење<br />
риби, бидејќи сакам рибарење и на други места каде што ме<br />
воделе пријателите од Македонија. Има многу можности за<br />
користење на слободното време, не само во Скопје туку и во<br />
цела Македонија.<br />
Дали некој дел од градот ве потсетува на вашиот роден<br />
град?<br />
Не можам да кажам дека Скопје ме потсетува на Љубљана.<br />
Тука е поразличен животот, многу е поопуштено, има многу<br />
ресторани, многу кафеани, каде што луѓето се дружат<br />
повеќе отколку во Словенија. Кај нас, освен во петок и во<br />
сабота, по полноќ сѐ е затворено. Во Скопје поразличен<br />
е начинот на живот, сѐ е малку полежерно, поопуштено и<br />
луѓето се многу љубезни. Имам само добри искуства и многу<br />
пријатели и тоа не само друштвото што игра со мене туку и<br />
луѓе надвор од ракометните кругови. Така што, и откако ќе<br />
си заминам, сигурно ќе се враќам во Скопје за да ги видам.<br />
Ќе ми останат многу спомени.<br />
Како се справувате со надминувањето на јазичната<br />
бариера? Дали учите македонски јазик?<br />
Па, не учам, но разбирам сѐ, дури би можел и да го зборувам,<br />
Име и презиме: Матјаж Брумен<br />
Професија: Ракометар во РК Вардар<br />
Матична земја: Словенија, Љубљана<br />
Во Македонија од 2013 година<br />
но малку се срамам, така што подобро е да зборувам српски<br />
или хрватски. На почетокот, кога дојдов, не разбирав баш сѐ,<br />
ама по еден месец и тоа се промени.<br />
Што би промениле во Скопје за да ви биде престојот тука<br />
уште попријатен?<br />
Недисциплината што се однесува на автомобилите. Луѓето<br />
возат лудо, не се почитува паркирањето и тоа ми пречи.<br />
Градот е супер, но нема многу зелени површини, има сѐ<br />
повеќе згради, воздухот е нечист и во тој однос, според<br />
мене, би требало малку повеќе да се внимава, да се направи<br />
нешто повеќе во таа насока.<br />
Кое ви е омилено, традиционално јадење? И дали постои<br />
нешто што никогаш не би пробале повторно?<br />
Па, искрено, досега не се случило нешто да не биде добро. Сѐ<br />
е многу вкусно, а особено ние играчите треба да внимаваме.<br />
Понекогаш поради тоа се појавуваат и некои мали проблеми<br />
со килажата, но со тренинг тоа се поправа.
STREET & STYLE<br />
РАЗЛИЧНИТЕ МОДЕЛИ НА ЗИМСКИ OUTWEAR ИМ ДАДОА СТИЛСКИ ПЕЧАТ НА<br />
МОДЕРНИТЕ МОМЦИ И ДЕВОЈКИ НИЗ ГРАДОТ.<br />
Фотографија: Жарко Чулиќ<br />
Тијана Каевска Стела Поповска Маја Кикириткова<br />
Марија Амски<br />
Јасна Чилиманова<br />
Драги Павлевски<br />
130
131
132<br />
НОВО!