Portret Magazine No 3

Вие сте звучно име во македонското стопанство. Со
години работите на подобрување на квалификациските
способности на работната сила, со практично знаење и
организациски техники. Последниве години сте директор
на „Концепт“, тренинг-центарот за бизнис-едукација.
Кажете ни за што точно станува збор?
„Концепт“ е тренинг-центар за неформална едукација,
основан пред три години. Во негови рамки досега се
реализирани повеќе од триста обуки и семинари, курсеви
и проекти. Кога ние, тимот во „Концепт“, го развивавме
овој проект, главна цел ни беше да направиме место,
точка во градот и Македонија што ќе биде со богата
понуда за можности и алатки за работа за деловните
луѓе и професионалците од различни области од
работењето. Приказната ја раскажуваме секојдневно.
Имаме уште многу што да кажеме... Обуките се посетени
од различни хиерархиски структури во компаниите или
јавните претпријатија или другите институции. Од извршни
директори на големи компании, преку оперативни работници,
сметководители, па сè до архивари. Во моментот развиваме
повеќе програми за преквалификација и доквалификација
на возрасните, со што ќе им помогнеме на невработените
полесно да се вработат, од една страна, а од друга страна на
бизнисот ќе му помогнеме да најде соодветна квалификувана
работна сила.
Покрај вашата успешна бизнис-приказна, вие сте и
емотивно исполнета жена. Ваш брачен партнер е познатиот
продуцент, публицист и новинар Љупчо Зиков, со кого
сте во брак 20 години. Што ви е прва асоцијација кога ќе
помислите на оваа бројка?
Да, есенва ќе прославиме 20 години брак. Кога се навраќам,
сфаќам дека две децении заеднички живот поминаа многу
брзо. Години во кои отворивме и затворивме повеќе проекти.
Години исполнети со многу прекрасни моменти. Но, и
предизвици и исчекувања...
Кога мислам на проекти мислам на градење на домот,
основањето на „Капитал“, проширување на семејството,
„Концепт“, доедукација, патувања, социјална и општествена
интеграција...
Ленa, иако постојат повеќе причини поради што ја
заслужувате титулата „Wonder woman“, ние сакавме со нас
да ја споделите вашата прекрасна приказна за вербата,
упорноста и љубовта. Приказната за вашата упорност што
не врескала, туку сосема тивко шепотела, ќе се обидам утре
повторно, што завршува на најубав начин, со раѓањето на
вашата ќеркичка Јана. Што се роди во вас со раѓањето на
Јана?
Ми ги промени и денот и ноќта. Со раѓањето на Јана исчезна
целата неизвесност и целото исчекување. Јана ме исполни,
ме успокои, ми ги смени приоритетите, направи нови
баланси. Но, ми ослободи и нови визии. Некои скриени сили
и визии што тлееле длабоко во мене сега се ослободија...
Да се добие дете по долги години исчекување е вистински
благослов! Еден исклучителен момент во животот. Тешко со
зборови можам да ги опишам сите емоции, единствено знам
дека ме промени целосно.
Вашата повеќегодишна борба за потомство, како и на секоја
жена што поминува низ истото, покажува дека сте похрабра
отколку што сте верувале и посилна отколку што сте мислеле
дека сте. Можете ли да направите една хронологија на
патот што го поминавте?
Првите години од брак беа исполнети со многу нешта.
Едноставно, бевме исполнети со деловни планови,
31