Portret Magazine No 3

Семеен Портрет
На крајот на минатата година одржавте успешни концерти.
Девет години сте дел од ТВ-програмите, имате статистика
за почит, а Петко веќе е култен лик. Како децата реагираат
на него? Кој сѐ учествува во креирањето на ликот на Петко?
Во текот на декември, „5+ Бенд“ одржа 21 концерт.
Неверојатниот успех на првото големо шоу од ваков
вид го посетија повеќе од 12.000 деца и родители. На
концертите беа изведени најголемите хитови од двете
сезони, проследени со драмско дејство, како и директна
интеракција со децата. Навистина беше прекрасно чувството
да се гледаат децата како со целосно внимание и огромна
радост ги гледаа во живо своите омилени ликови. Тие се,
едноставно, најискрената публика.
Статистиката на гледаност е навистина огромна, особено
на „Јутјуб“, каде што прегледите достигнуваат до неколку
милиони.
Покрај Петко, мораме да признаеме дека и другите ликови
се омилени меѓу децата, особено ликот на Комшо и Цветко.
Сите ликови се внимателно градени, со одредени позитивни
и негативни карактерни особини, за децата да научат, но и
сами да разграничат што е добро, а што не. А ликот на Петко
претставува еден позитивен, весел, па дури и наивен лик, кој
многупати греши, но тука е неговата другарка Лина, за да го
научи на добри работи.
Прличев вели: „Голема вода сама си прави корито“.
Продуценти од Словенија на некој од фестивалите ја гледале
„5+ Фамилија“ и се заинтересираа за ова што го работиме.
И така Петко стана Словенец и зборува словенечки.
Продукцијата на серијата се одвива во Македонија, актерите
доаѓаат од Словенија и епизодите ќе се емитуваат на
словенечка национална телевизија.
"Карактеристично за децата, без разлика на возраста, е
желбата да се забавуваат, да мечтаат и да се во акција.
Со новата сезона „5+ Фамилија“ сакавме да ги следиме
детските интереси и потреби и да им понудиме забава што
воедно ќе ги научи нешто ново, ќе им отвори некое прашање
за размислување и ќе им постави проблем што е реален за
нивната возраст, со цел да ги поставиме во улога на активни
граѓани кои ќе бараат решенија за нивните проблеми.
Во однос на идентификација со ликовите, не е толку важно
дали ќе се идентификуваат или не, туку она што е важно е
да се претстават различни аспекти на гледање на работите.
Тие да се почитуваат, како и можноста децата сами да си
проценат начин на решавање на секојдневните предизвици."
Во текот на епизодите се изведуваат преработки на стари
македонски антологиски песни. Зашто е важно децата во
најрана возраст да се запознаат со вистинските музички
вредности и со нашето богато музичко наследство?
Добра програма за деца значи во исто време да биде забавна,
едукативна, интересна и за возрасни и да има добра музика.
Половина од музиката од серијата се нови оригинални песни
снимени за потребите на серијата „5+ Фамилија“, а другите
се проверена музичка лектира за која мислевме дека децата
треба да ја „прочитаат“.
Од неодамна Петко се емитува во Словенија. „5+ Фамилија“
е единствената македонска емисија што доби прва
медиумска франшиза во земја на ЕУ. Што значи тоа? Дали
ќе биде адаптирана? Дали е откупен ликот на Петко или
готови епизоди што би ги синхронизирале?
Што е пораката што Петко низ годиниве ја испраќа на
децата?
Петко и неговите пријатели преку своите случувања
постојано пренесуваат пораки за добро однесување,
пораки што ги поттикнуваат децата да размислуваат сами
за своите постапки, да бидат свесни за своите права, за
своите одговорности.
Преку содржините, на децата сакаме да им ја пренесеме
важноста за соживотот, почитувањето на различностите,
да ги инспирираме да си ја развиваат сопствената
фантазија и да ги насочуваме да си ги препознаваат
талентите. Она што е најважно, индиректно се обраќаме и
на родителите и многу често потенцираме дека е значајно
тие, заедно со своите деца, да гледаат „5+ Фамилија“. Tака
многу повеќе ќе успеат да ја пренесат точната порака и
цел на своите деца.
95