Portret Magazine No 3

Готвиме со фичо
Рецепт и текст*: Филип Поповски
Фотографија: Жарко Чулиќ
ВИСТИНСКО ИТАЛИЈАНСКО РИЖОТО
Оригиналното италијанско рижото има потекло од северна Италија. Во старт да се разбереме,
рижото се прави само од еден тип на ориз, тоа е „Карнароли“ оризот, a во ред e и кога се прави
од „Арборио“ оризот, меѓутоа не е тоа, тоа. Арборио е ориз со покрупно зрно од Карнароли и во
Италија најчесто се користи како прилог на риба и останати полесни јадења.
Важен момент во оригиналното италијанско рижото е да не го преварите! За еден италијански
шеф е недозволиво да превари рижото, правилната структура се нарекува „al dente“ – тоа значи
крцкав ориз. И на тој начин се задржуваат сите хранливи материи во оризот.
Креацијата на рижотото ви ја оставам вам, јас ќе ви откријам само една опција, само една патека
до превкусно, оригинално италијанско рижото.
Одиме!
За две до три порции доволни се 250г. Карнароли ориз. За почеток ќе исецкате една главица
кромид со средна големина и 3 чешниња лук. Ситно ќе исецкате ¼ од страк праз и 1/3 од чили
пиперче. (Правилна порција/доза на рижото е од 80г. до 100г.)
Во загреана тава (на средна температура) ставате околу 20г. квалитетен путер и една лажица
маслиново масло. Ги ставате зеленчуците да се пропржат. Кромидот е показател за перфектно
издинстан зеленчук. Штом ќе добие стаклест изглед тоа значи дека е време за следен чекор.
Го додавате оризот и го пропржувате околу 5 минути. Прва течност која треба да ја впие оризот
е околу 60мл. бело пенливо вино (Просеко). Мешате за да го впие вкусот и да испари алкохолот.
Во посебен сад спремате коцка бујон – една коцка за говедски бујон го растворате во 600мл.
топла вода (оваа количина ја додавате на три пати).
Третина од количината ја додавате во тавата и мешате додека не почне да се спојува.
Вистинското рижото мора да биде кремаво, но со структура, значи да не испадне како сутлијаш,
меѓутоа да биде кремаво (ал денте)!
Потоа додавате 20г. путер и мешате за оризот да ја впие маснотијата и вкусот на путерот (со
додавањето на путер, лесно ќе ја постигнете кремавата структура).
Мешате околу 5 минути и потоа додавате уште третина од бујонот. Пред да прејдете на третиот
чекор додавате сол и бибер, а може да додадете и малку шафран.
За шафранот велат дека е злато меѓу зачините. Тој е најскапиот зачин на светот! Се дозира во
делови од грам.
Доколку имате вистински шафран додавате околу 0,03г.
Потоа ја додавате и последната третина од бујонот, мешате околу 7 минути. Откако оризот ќе ја
впие 70% од течноста, додавате 50г. ситно сецкана димена сланина (можете и пршут). Сланината
или пршутот ќе му го даде на рижотото оној димен, дрвенаст вкус…
Мешате и како финале додавате две полни раце млад спанаќ. Мешате додека не добиете
вистинска кремава структура.
Сервирате по желба!
Следете го овој рецепт и никогаш нема да згрешите, ако имате дополнителни прашања пишете
ми на мојата страна на Фејсбук и ќе ви одговорам на секое ваше прашање… до следниот број!
СОВЕТ: Доколку имате пармезан го додавате пред да го додадете спанаќот. Пармезанот е
перфектен додаток на секое рижото!
102
*Текстот не е лекториран со цел да се задржи автентичноста