Portret Magazine No 3

Мозаик
РАСПОЛОЖЕНИ
ЗА ДОБРА КНИГА
ДВА КРИМИНАЛИСТИЧКИ РОМАНА, ЕДЕН ЉУБОВЕН И ЕДНА КЛАСИКА –
ВО ФЕВРУАРИ ВИ ПРЕДЛАГАМЕ РАЗЛИЧНИ ЧЕТИВА ШТО ГАРАНТИРАНО
ЌЕ ВЕ ЗАИНТРИГИРААТ. КОЈ Е ВАШИОТ ФАВОРИТ?
„ПРВА ЉУБОВ“ ЏЕЈМС ПАТЕРСОН И ЕМИЛИ РЕЈМОНД [ТРИ]
Акси Мур е „добра девојка“: вредно учи, ги избегнува непријатните
ситуации и никому не кажува дека сака да избега од целиот свој живот.
Единствениот кому може да се довери е нејзиниот најдобар пријател
Робинсон – во кого случајно е и лудо вљубена. Кога неочекувано ќе
го покани заедно да патуваат низ земјата, Акси првпат во животот ги
прекршува правилата. Но, откако двајцата тинејџери почнуваат да бегаат
од полицијата, безгрижната авантура набрзо излегува од контрола... А кога
Робинсон ненадејно колабира, Акси се соочува со вистината дека тоа може
да биде неговото последно патување во животот.
„МРАЧНИ ТАЈНИ“ МИКЕЛ ХЈОРТ И ХАНС РОЗЕ [МАТИЦА]
Времето за најдобриот меѓу најдобрите дојде... телефонскиот повик,
навидувам вообичаен, беше само почеток. Една вознемирена мајка
пријави дека нејзиниот шеснаесетгодишен син Рогер Ериксон не се
вратил дома, а полицијата во Вестерос не стори нешто во првите денови,
верувајќи дека момчето тргнало во потрага по забава во главниот град.
И веруваа во тоа сѐ до мигот кога неговото осакатено тело исплива
во блиското мочуриште во Листашар. Во неговите гради недостигаше
срцето. Ритуално убиство ли е ова? Тоа беше мигот кога требаше да се
повика најдобриот – Себастијан Бергман, полициски и криминалистички
профајлер, специјалист за сериски убијци.
„ВПЕЧАТОЦИ И ПЕЈЗАЖИ“ ФЕДЕРИКО ГАРСИЈА ЛОРКА [ЃУРЃА]
Вистински книжевни медалјони, извонредно музикални, натопени со боите
и со звуците на Шпанија – Гренада, Севилја, Авила, Албаисин... Токму затоа
можат да се доживеат дури и како мали патописи. Тие изобилуваат со
описи на многу кастилијански крчми, манастири, градини, улици, празници,
ситуации... Во нив трепери летната жештина, дувка пролетното ветре, а
„...зимските денови се претвораат во полиња од соништата...“
„ИСПОВЕДТА НА ЛУСИО“ МАРИО ДЕ СА-КАРНЕИРО [БЕГЕМОТ]
„Исповедта на Лусио“ е едно од најважните дела на Марио де Са-Карнеиро,
бидејќи ги обработува неговите три главни животни опсесии: самоубиството,
перверзната љубов и ненормалниот развој што кулминира со лудило.
Приказната се развива меѓу Рикардо, Лусио и Марта, што е страсниот јазол
меѓу нив двајца. Во форма на криминалистички роман, дејството почнува
со исповедта на Лусио за смртта на својот пријател Рикардо и минува десет
години во затвор.
Напишана со колоритен и раскошен стил, „Исповедта на Лусио“ е приказна
за љубовта, прељубата, боемството, уметничката треска...
122
Не запирајте со читањето тука: испратете ни е-пошта со вашите
податоци на contact@portretmag.com и освојте една од книгите погоре.