Create successful ePaper yourself
Turn your PDF publications into a flip-book with our unique Google optimized e-Paper software.
Foto: Alain-Gilles Bastide<br />
Kara Alain-Gilles,<br />
Por la homaro, Ĉernobilo estas vundo ne cikatriĝanta, eĉ post 20 jaroj.<br />
Kaj ne cikatriĝonta dum tre longa tempo. Estas konstanta rememorigo<br />
de l’ danĝero de l’ atomenergio kontraŭ ĉiuj vivantaĵoj sur la Tero. Kial<br />
Ĉernobilo estas danĝera por la homaro, eĉ hodiaŭ?<br />
Juri Bandaĵevski – 05/09/2005 – Minsk, Belorusujo<br />
Mi renkontiĝas kun Juri Bandaĵevski, ĉe li, en<br />
Minsk. Li ĵus eliris el la malliberejo kelkajn semajnojn<br />
antaŭe. Li vivas en hejmaresto.<br />
Juri B. estos la unua persono vidinta la foton “La<br />
atoma pupo”, kiun mi ĵus fotis kelkajn tagojn antaŭe<br />
en Pripjatj. Li estas kortuŝita. Ni kunbabilas pri ĉio<br />
kaj eble nenio, tiel la studentino akompananta min<br />
kiel tradukisto estas impresita.<br />
Mi fotas kelkajn portretojn de Juri B. Li montras<br />
al mi sian sekretan stokon de laboratoriaj musoj<br />
sur sia balkono, tre senpacienca rekomenci siajn<br />
esplorojn.<br />
Je mia foriro, mi diras, ke kompreneble mi tre ĝojus<br />
se li sendus al mi leteron, artikolon, kunlaboraĵon<br />
por mia projekto “Ĉernobilo Forever”.<br />
Mi ricevis ĝin tri semajnojn poste.<br />
Vidu: http://tchernobyl.verites.free.fr/<br />
Unue, pro la graveco de ĝia influo sur ĉiu vivantaĵo en la epicentro de<br />
la katastrofo. (…) 104 000 km² el la surfacareo de Belorusujo, Ukrainujo<br />
kaj Rusujo kun ekstreme danĝera denseco de radioaktiva poluo.<br />
Pli ol 3,8 milionoj da personoj loĝis en la indikitaj teritorioj je l’ momento<br />
de l’ akcidento. Grandega nombro da homoj, kiuj troviĝis malproksime<br />
de l’ eksplodloko de la reaktoro n-ro 4 de la nuklea centralo en 1986,<br />
viktimiĝis pro la terura influo de l’ atomenergio, kiu forŝteliĝis.<br />
Due, pro la negativa specifeco de l’ influo sur la organismo de l’ homoj.<br />
Granda nombro da radioaktivaj substancoj liberiĝis en la biosferon<br />
(…), kun malsamaj diseriĝaj daŭroj, de jodo mallonge vivdaŭra, kies<br />
duoniĝa tempo daŭras 8 tagojn, ĝis plutonio longviva, kies duoniĝa tempo<br />
daŭras 24 390 jarojn. Tamen, la radioaktiva elemento superreganta<br />
pro ĝia kvanto estas cezio-137, kies duonvivo daŭras 30 jarojn. Ĉiujĉi<br />
radioaktivaj elementoj, ne nur je la unuaj tagoj de la katastrofo, sed<br />
ankaŭ de 20 jaroj, eniras la homan korpon, ĉu rekte, ĉu per la radioaktiva<br />
radiado dum diseriĝo. Ili kompreneble efektas tre malutile sur la<br />
vivesencaj organoj.<br />
Dum la unuaj monatoj post la akcidento, estis submetitaj al la plej granda<br />
radiado la likvidintoj, ĉefe pro la ekstera radioaktiva radiado. Multe da<br />
ili grave malsaniĝis, kaj iuj, malmulttempe poste, mortis pro la radiadomalsaneca<br />
sindromo.
Change language