You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
“…Estis koloraj makuloj* ĉie en la kamparo. Kelkaj tre grandaj kaj dekoj<br />
da aliaj pli malgrandaj. Ili estis nigraj, ruĝaj, bluaj, blankaj. Ĉiuj tre glimaj.<br />
Brilegaj. Neniam, en memoro de multaĝulo, ni vidis ion similan. Pli poste,<br />
ni lernos, ke la atomon ni vidis kaj ke ni estis bonŝancaj ĉar, normale, oni<br />
ne vidas ĝin.<br />
Ni vokis la milicon, sed ĝi venis nur frue posttagmeze. Bedaŭrinde, pluvis<br />
dum la plejparto de la mateno kaj, kiam ili alvenis, ĉiuj makuloj malaperis.<br />
La milicanoj elprenis mezurilon, kiun oni neniam vidis tie. Aĵo, kiu ne ĉesis<br />
sonori. Ili ĉiuj ŝajnis timigitaj kaj ili diris al ni, ke nepras tuj foriri, ke oni<br />
ne povas vivi ĉi-tie, ke oni neniam povos plu vivi ĉi-tie. Neniu kredis ilin,<br />
kaj ni ĉerestis. La morgaŭon, la militistoj revenis. Ili evakuis la loĝantaron.<br />
Ni demandis nin, kiun malamikon ili postĉasis!? Nenio ŝanĝiĝis ĉi-tie. Ĉio<br />
trankvilis. Estis ja metala gusto en la buŝo, la gorĝo iritita, la nazo seka, la<br />
okuloj plorantaj, la infanoj vomantaj… sed pri la alio, nenio ŝanĝiĝis. (…)<br />
Kaj kelke da tempo poste, ili komencis enterigi la vilaĝojn. Kaj eĉ la teron!<br />
Kiel vi povas konsideri ion ajn tian? Enterigi vilaĝojn!!! Enterigi la teron! (…)<br />
Al ili diris mi, ke mi restos en mia domo. Ili enterigu min kun ĝi, se ili volas<br />
sed mi ne foriros. Kaj ili lasis min tie.<br />
Mia domo ne estis tro tuŝita, ili diris. Estas danĝera ĉio ĉirkaŭ ĝi. Sed tamen<br />
mi ankoraŭ iras tien, la fungoj abundas kaj bongustegas. Mi longe atendis<br />
la revenon de la homoj. Mi pensis, ke neniu eliras por ĉiam kaj ke ili iam<br />
revenos. Sed neniu revenis.”<br />
“Mi nun scias, ke neniu revenos.”<br />
* La poluado pro radionukleidoj surgrunde dissemitaj, kromnomiĝas “leopardmakula<br />
poluado”. La malhelaj makuloj sur la felo de la leopardo estus la forte poluitaj areoj.<br />
La cetero estus normala.<br />
Alia bildo ilustranta la deponadon de tia poluado estas tritikokampo post forta ŝtormo.<br />
Laŭ tre hazarda maniero, ie tie, en areoj, la tritiko kuŝas en la kampo.