Create successful ePaper yourself
Turn your PDF publications into a flip-book with our unique Google optimized e-Paper software.
Urboreto<br />
La historia ĝardeno de Dolat Abad<br />
en Yazd, Irano, kun siaj fontanoj kaj<br />
ornamaj naĝejoj.<br />
Urboj kaj viva heredaĵo<br />
Ĉiun printempon, la urbo Recife, fororiente de Brazilo, surmetas siajn karnavalajn<br />
vestaĵojn. Estas tempo por muziko, dancado, optimismo kaj eŭforio. En la centro de la<br />
festado estas la Frevo. En ĉi tiu furioza karnavala dancmuziko, ni agnoskas la regulan<br />
kadencon de milita marŝa muziko, la markatajn taktojn de la brazila tango, la harmonajn<br />
ŝablonojn de la kariba kvadrilo, la viglan ritmon de polko kaj la plurritmojn de ĵazo -<br />
miksaĵo de muzikaj ĝenroj de diversaj originoj, sed ĉiuj tipe urbaj.<br />
Oni bezonas atletajn kapablojn por danci laŭ la sonoj de la Frevo! La Passo, la<br />
akompananta danco, havas pli ol cent strikte strukturitajn paŝojn - ĝiaj altaj saltoj kaj aliaj<br />
akrobataĵoj donas al ĝi aspekton de eksterordinara ĝojo kaj libereco.<br />
La Karnavalo daŭras nur semajnon, sed ĝia spirito restadas en la urbo dum la tuta jaro.<br />
La loĝantoj de Recife, tra ĉiuj sociaj klasoj kaj generacioj, kunvenas dum sia libera tempo<br />
por prepari la sekvan feston. Ĉiuj kontribuas per siaj kapabloj, talentoj kaj scioj. Novaj<br />
muzikaĵoj estas komponataj, novaj dancaj heroaĵoj estas inventataj, novaj kostumoj kaj<br />
alivestoj estas farataj - ĉiuj konkurencas en fantazio.<br />
Se la loĝantoj de Recife havas ion komunan, tio estas la Frevo - ĝi nutras ilian senton<br />
de aparteno al la sama kulturo, kaj fortigas komunumajn valorojn kaj socian koherecon.<br />
Ĝuste ĉi tiuj valoroj kondukis al la enskribo de la Frevo en la Liston de Nemovebla Kultura<br />
Heredaĵo de Unesko en 2012.<br />
Nemateria kultura heredaĵo estas ponto inter tradiciaj kaj nuntempaj kulturaj valoroj.<br />
Ĝi estas la viva esprimo de buŝaj tradicioj, metiaj kapabloj, artaj, sociaj aŭ ritaj kutimoj,<br />
scioj kaj scipovoj transdonitaj al ni de antaŭaj generacioj.<br />
En urbaj areoj, ĉi tiu viva heredaĵo estas krea forto, kiu ligas kaj fortigas komunumojn.<br />
Elangligis Andrej Peĉënkin (Ruslando)<br />
Longdaŭra teknik-scio<br />
] یّنقم] Ankaŭ la merkato de la mokannioj<br />
spertaj geo-hidrologoj, kiuj fosas la putojn<br />
kaj bontenas la kanatojn, evoluis. En la<br />
pasinteco, oni bezonis havi ampleksan<br />
gamon da kapabloj - trovi subteran akvon,<br />
decidi pri la plej bonaj lokoj por fosi la<br />
putojn, mastrumi la teknikojn de elfosado,<br />
purigi kaj ripari putojn kaj tunelojn, kaj<br />
havi la saĝon por administri la akvon -<br />
kiujn transdonis la patroj al la filoj.<br />
Por certigi ke la metio de la antaŭuloj<br />
prosperu, la Internacia Centro pri Kanatoj<br />
kaj Historia Hidraŭlika Strukturo [the<br />
International Centre on Qanats and<br />
Historic Hydraulic Structure] (ICQHS),<br />
kiu havan filian rilaton al Unesko, kaj la<br />
,[تفت] Fakultato de Kanato en la urbo Taft<br />
disponigas la klerigadon en la kampo.<br />
La Taft-kolegio, kiu estas lokita ĉirkaŭ<br />
dudek kilometrojn sude de Jazdo, ofertas<br />
dujaran lernadon ekde 2005. Studentojn<br />
trejnas pri teorio kaj praktiko tradiciaj<br />
majstroj, en la Jazda dezerto. La profesio<br />
ricevis ankaŭ aldonan rekonon, kaj nun<br />
majstro-mokannioj povas esti licencitaj<br />
de la Ministerio de Justeco por solvi kanatdisputojn.<br />
Kompreneble, akva administrado<br />
en lando kun multaj dezertaj regionoj<br />
kiel Irano estas ekstreme kompleksa.<br />
En la lastaj jardekoj estis ellaboritaj<br />
novaj teknologioj pri ekspluatado kaj<br />
interdividado de akvoresursoj por<br />
kontentigi la bezonojn de la kreskanta<br />
nombro de la loĝantaro kaj la ekonomiaj<br />
farendaĵoj. Ĉi tiu moderna infrastrukturo<br />
foje konkurencas kun tradiciaj sistemoj,<br />
kondukante al akvomanko en ekstremaj<br />
okazoj.<br />
Tamen, la kanatoj kaj la rezulta scipovo<br />
restas kiel apogilo de Jazda urboplanado<br />
kaj integra parto de ĝiaj estontaj projektoj.<br />
Jen kial institucia administrado kaj<br />
memprotektaj mekanismoj estis adoptitaj<br />
por kompletigi la kutiman sistemon.<br />
Tri registaraj agentejoj prizorgas kanatadministradon,<br />
dum ICQHS efektivigas<br />
esploradojn kaj kapabligajn aktivadojn.<br />
La kulturaj fonoj de la<br />
loĝantaro<br />
Jazdo estas vivanta pruvo, ke la<br />
nemateria kultura heredaĵo povas provizi<br />
aŭ inspiri geniajn solvojn, adaptitajn al<br />
lokaj kondiĉoj. Bazante siajn strategiojn<br />
sur lokaj praktikoj kaj pleje utiligante siajn<br />
kulturajn rimedojn, urboj plej probable<br />
mobilizas siajn loĝantojn por partopreni<br />
en propraj evoluigaj projektoj. Ĉi tio<br />
postulas, kompreneble, ke la valoro de la<br />
vivanta heredaĵo estu mezurata pere de<br />
taŭgaj protekto-procedoj kaj tra aktiva<br />
partopreno de la posedantoj de tiu<br />
tradicia scio.<br />
Urboj vibras kaj prosperas laŭ la ritmo<br />
de agadoj kaj interŝanĝoj de siaj loĝantoj.<br />
Ĉu ili jam de longa tempo loĝis tie aŭ ĉu<br />
ili ĵus alvenis, la loĝantoj kunportas siajn<br />
proprajn kulturajn fonojn. Iliaj scioj, kredoj,<br />
tradicioj, kutimoj kaj mondaj vidpunktoj<br />
formas iliajn identecojn kaj rilatojn kun la<br />
aliaj homoj - kaj sekve kun iliaj urboj.<br />
Vanessa Achilles (Francio),<br />
sendependa esploristo kaj verkisto.<br />
Elangligis Saed Abbasi (Irano)<br />
Unesko-Kuriero • aprilo-junio 2019 | 33