You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
© Tomas / Cartoon Movement<br />
La Statuo de Libereco, donaco de la<br />
franca al la usona popolo, por memorfesti<br />
la centjariĝon de la Sendependeca Deklaro<br />
de 1776, ankoraŭ ploras kun silentaj lipoj:<br />
“Donu al mi viajn lacajn, viajn malriĉajn,<br />
viajn suferantajn amasojn, kiuj sopiras<br />
libere spiri …” Tiel Usono malfermis siajn<br />
brakojn al ondoj de malriĉaj enmigrintoj.<br />
Kompreneble, la granda plimulto estis<br />
malriĉaj blankuloj. Multaj kontraŭis la<br />
italojn kaj la irlandanojn, ĉar ili estis<br />
rufharaj katolikoj. Sed ĉiuokaze ili estis<br />
konsiderataj pli bonaj ol nigruloj. Nigruloj<br />
ne povis enmigri el Afriko, ne nur ĉar ili<br />
estis multe pli malproksimaj ol eŭropanoj,<br />
sed ankaŭ ĉar ili estis multe pli malriĉaj, kaj<br />
apenaŭ ekzistis vojaĝebloj por transporti<br />
ilin al Novjorko. La ĉinoj havis pli da ŝancoj<br />
atingi la okcidentan marbordon, kaj eble<br />
pro tio oni aprobis leĝon en 1882, kiu<br />
malpermesis al ili enmigri nur pro la fakto<br />
esti ĉinoj.<br />
Mi komprenas, ke ĉi tio estis subtila<br />
kaj potenca maniero transformi demografiojn,<br />
alivorte formi la politikan, socian<br />
kaj rasan strukturon de Usono. La aktuala<br />
nervozeco pri ŝanĝo de tiu strukturo<br />
estas nenio alia ol la daŭrigo de tiu sama<br />
malnova logiko. Se tio ne estus fakto, kial<br />
povus esti erare aparteni al malplimulta<br />
grupo aŭ diferenci de aliaj?<br />
Oni ne bezonas esti<br />
rasisto ...<br />
Evidente, se vi estas bona persono kaj vi<br />
favoras la endon konvene observi leĝojn,<br />
tio ne faras vin rasisto. Oni ne bezonas<br />
esti rasisma, kiam la leĝo kaj la kulturo<br />
jam estas tiaj. En Usono neniu protestas<br />
kontraŭ kanadaj aŭ eŭropaj enmigrantoj.<br />
La samo estas vera en Eŭropo kaj eĉ en<br />
la Suda Konuso de Sud-Ameriko [la plej<br />
suda regiono de Latin-Ameriko, loĝata<br />
plejparte de praidoj de eŭropanoj].<br />
Ĉesigu la rasismon<br />
de itala karikaturisto Tomas.<br />
Sed ĉiuj maltrankviliĝas pri nigruloj kaj<br />
miksrasaj personoj de la sudo. Ĉar ili ne<br />
estas blankaj kaj “bonaj”, sed malriĉaj<br />
kaj “malbonaj”. Nuntempe preskaŭ<br />
duonmiliono da eŭropaj enmigrintoj vivas<br />
kontraŭleĝe en Usono. Neniu parolas pri<br />
ili, same kiel neniu parolas pri unu miliono<br />
da usonaj civitanoj vivantaj en Meksiko,<br />
multaj kontraŭleĝe.<br />
Ne akceptante komunismon kiel<br />
senkulpigon (neniu el tiuj kronike<br />
malsukcesantaj ŝtatoj, de kie migrantoj<br />
alvenas, estas komunismaj), ni rigardu<br />
denove la rasajn kaj kulturajn klarigojn<br />
kutimajn por la jarcento antaŭ la Malvarma<br />
Milito. Ĉiu malhelhaŭta laboristo estis<br />
rigardata kiel krimulo, ne kiel oportuno<br />
por reciproka evoluo. La enmigradaj leĝoj<br />
mem plenas je paniko nur je la ekvido de<br />
malriĉaj laboristoj.<br />
Estas vere, ke oni ne bezonas esti<br />
rasisto por subteni leĝojn kaj pli sekurajn<br />
landlimojn. Oni ankaŭ ne bezonas<br />
esti rasisma por disvastigi kaj subteni<br />
malnovan rasisman kaj klas-bazitan<br />
paradigmon, dum ni plenigas nian buŝon<br />
per sensencaĵoj pri kompato kaj la batalo<br />
por libereco kaj homa digno.<br />
Oni ne bezonas<br />
esti rasisma<br />
por disvastigi<br />
kaj subteni<br />
malnovan<br />
rasisman kaj<br />
klas-bazitan<br />
paradigmon,<br />
dum ni plenigas<br />
nian buŝon per<br />
sensencaĵoj pri<br />
kompato kaj<br />
la batalo por<br />
libereco kaj<br />
homa digno<br />
Profesoro pri Latin-Amerika Literaturo<br />
kaj Internaciaj Studoj en la Universitato<br />
Jacksonville en Florido, Usono, Jorge<br />
Majfud estas fama urugvaj-usona verk<br />
isto, kiu regule kontribuas al la internacia<br />
amaskomunikilaro. Li estas la<br />
aŭtoro de multaj romanoj inkluzive<br />
de La Reĝino de Ameriko [The Queen<br />
of America], Krizo kaj Tekilo [Crisis and<br />
Tequila], kaj libroj de eseoj kiel Teorio de<br />
Semantikaj Kampoj [A Theory of Semantic<br />
Fields].<br />
Elangligis Ursula Grattapaglia (Brazilo)<br />
Unesko-Kuriero • aprilo-junio 2019 | 47
Change language