Planifikimi i Investimeve Kapitale - Emi-kosovo-rti.org

duhet të jetë i gjatë, por ai duhet të adresojë nevojat më kryesore dhe prioritetet e komunitetit për atë
vit. Përmbledhja duhet gjithashtu të diskutojë ndikimet për mos adresimin e këtyre problemeve
kryesore.
Për shembull, nëse një drejtori e shërbimeve publike dorëzon kërkesë për asfaltimin e rrugëve të
caktuara në komunë, drejtori i drejtorisë duhet të japë arsyetim pse rrugët duhet të asfaltohen.
Megjithatë, drejtori i drejtorisë duhet të përgatisë një diskutim përmbledhës për gjendjen e rrugëve në
komunë dhe probleme me mirëmbajtjen e tyre. Ai duhet të identifikojë ku janë problemet kryesore në
komunë. Drejtori i Planifikimit Hapësinor duhet të ofrojë një përmbledhje të statusit të planeve
hapësinore në komunë dhe arsyen pse disa plane rregulluese urbane duhet të hartohen para të tjerëve.
Vlerësimet mund të plotësohen nga anketimet e qytetarëve dhe përmbledhjet për gjendjen ekzistuese
mund të gjenden në planet komunale, planet për zhvillim ekonomik, etj.
1.6 Përpilimi i kritereve për prioritizimin e projekteve
Çdo vit, ekzistojnë më shumë projekte se sa duhet të realizohen dhe për të cilat ekzistojnë fonde. Madje
edhe profesionisti më me përvojë i PIK ka vështirësi në vendosjen e rëndësisë komparative në listën e
projekteve të përmirësimit kapital. Kjo, veçanërisht është e vërtetë kur vendoset se cili projekt është
më i mirë për komunitetin dhe jo vetëm për vetveten. Kur bëhet krahasimi ndërmjet dy projekteve të
ngjashëm, siç janë projekti për shtrimin e dy rrugëve, krahasimi është relativisht i lehtë. Duke i krahasuar
faktorët siç janë numri i automjeteve që qarkullon në një rrugë brenda një dite, gjatësia e rrugës ose sa
aksidente trafiku mund të eliminohen, është më lehtë të zgjidhet investimi më efikas. Por, bërja e këtij
krahasimi është shumë më i vështirë kur bëhet krahasimi ndërmjet dy projekteve jo të ngjashëm.
Keni parasysh krahasimin e rëndësisë relative të katër projekteve në vijim:
• Zëvendësimi i një shkolle fillore të vjetër me një të re dhe moderne. Shkolla ka 2000 nxënës në
vit.
• Shtrimi i një rruge kryesore prej 10 km që ka pasur shumë aksidente trafiku. 20,000 automjete
qarkullojnë në atë rrugë
• Blerja e tri kamionëve zjarrfikëse për një komunë e cila këto pajime i ka të vjetruara.
• Hartimi i planit të ri rregullues për një pjesë urbane të komunës e cila po përjeton një presion të
madh zhvillimi.
Nëse i pyetni përfituesit e këtyre projekteve për rëndësinë e tyre, siç janë:
- prindërit të cilët kanë fëmijë në shkollë,
- pronarët e bizneseve të cilët janë të vendosur në atë rrugë që duhet të riparohet
- pronarët e shtëpive shtëpitë e të cilëve janë djegur dhe të cilëve ndoshta dikush i ka vdekur
vitin e kaluar nga zjarri për shkak të pajimeve zjarrfikëse joefikase,
- drejtorin e drejtorisë së planifikimit hapësinor / urbanizmit,
Do të shihni qëndrime krejtësisht të ndryshme të rëndësisë komperative të këtyre projekteve. Komunat
duhet t’i tejkalojnë mendimet personale në zgjedhjen e këtyre projekteve dhe duhet të përdorin një
sistem objektiv të menaxhimit, i cili ju ndihmon në vlerësimin dhe prioritizimin e projekteve. Ky sistem
jo vetëm që i ndihmon nëpunësit të PIK dhe drejtorëve të drejtorive me bërjen e rekomandimeve
mbrojtëse, por ai gjithashtu u jep besim qytetarëve se komuna po përkujdeset në procesin e zgjedhjes së
projekteve dhe investimeve kapitale. Përfundimisht kuvendi komunal duhet të jetë i bindur se PIK të cilin
e miratojnë bazohet nën nevoja të njëmendta të komunitetit nga i cili përfiton i tërë komunitetit.
16