Planifikimi i Investimeve Kapitale - Emi-kosovo-rti.org

� Përpilimi i kalendarit preliminar të PIK, duke përfshirë të gjithë hapat e
rëndësishëm brenda komunës. Komuna duhet të përpilojë kalendarin e PIK para se procesi
formal të fillojë. Shumë hapa ndërmerren para se nëpunësi i PIK të përpilojë listën e projekteve. PIK
duhet të koordinohet pasi që procesi i PIP të jetë shpallur nga MEF-i.
� Përpilimi i formularëve të ri, veçanërisht për qytetarët dhe anëtarët e kuvendit
komunal. Shqyrtoni formularët e vitit të kaluar dhe vendosni nëse formularët e ri duhet të
disenjohen për drejtoritë, qytetarët dhe anëtarët e kuvendit për t’ua lehtësuar punën atyre në
propozimin e projekteve apo pajimeve. Nëpunësi i PIK duhet të bashkëpunojë ngushtë me një a dy
drejtoritë kryesore në shqyrtimin dhe përpilimin e formularëve shtesë në mënyrë që ata të jenë të
mund të përdoren me sukses. Formularët e rinj për qytetarë dhe anëtarë të kuvendit mund të jenë
të thjeshtë por duhet të përmbajnë idetë kryesore të projektit. Shembuj të formularëve për kërkesa
të projekteve nga qytetarët gjenden në shtojcë. Shih seksionin 1.3 më lartë.
� Dhënia e udhëzimeve për plotësimin e formularëve. Nëpunësi i PIK duhet të ofrojë
trajnim për mënyrën e përgatitjes së formularëve dhe t’u ofrojë ndihmë të vazhdueshme teknike
drejtorive. Pilot testimi i formularëve dhe udhëzimeve do të ndihmojë në identifikimin dhe
korrigjimin e problemeve. Njëra nga vonesat më të mëdha rrjedhë nga formularët e pakompletuar.
Udhëzimet për qytetarë dhe anëtarë të kuvendit mund të përfshihen në këta formularë.
� Ndërmarrja e vlerësimeve kapitale. Drejtorët e drejtorive duhet të bëjnë vlerësimin e
nevojave për drejtoritë e tyre para se të fillojnë përpilimin e listës së projekteve të nevojshme.
Vlerësimi i nevojës është proces shumë i rëndësishëm për komunikimin e nevojave të komunitetit
para qytetarëve, udhëheqësve të zgjedhur dhe drejtorive tjera komunale. Vlerësimi i nevojës merr
kohë për t’u shkruar por koha para se të fillojë procesi i PIK është kohë shumë e përshtatshme për
këtë aktivitet. Vlerësimi i nevojës është gjithashtu shumë i vlefshëm për nëpunësin e PIK në mënyrë
që ai ta shfrytëzojë atë në përpilimin e projekteve finale për buxhet kapital. Shih seksionin 1.5 më
lartë.
� Përpilimi i kritereve për vlerësimin e projekteve. Nëpunësi i PIK duhet të shqyrtojë
procesin përmes të cilit projektet janë prioritizuar dhe zgjedhur në procesin e fundit buxhetor të
PIK. A ishte procesi i thjesht, qartësisht i definuar dhe i kuptuar nga akterët dhe qytetarët? Ai ka
përfshirë lista përfundimtare e projekteve, qëllimet e komunitetit dhe politikat kapitale? Nëpunësi i
PIK duhet të diskutojë këto çështje me anëtarët e komitetit të PIK për t’i bërë rekomandime
kryetarit të komunës. Ekziston kohë e mjaftueshme për të përpiluar dhe definuar kriteret e
selektimit të projekteve. Shih seksionin 1.6 më lartë.
� Përpilimi listës preliminare të projekteve. Zyra e PIK duhet të përpilojë një listë
preliminare të projekteve të mundshëm për procesin e PIK. Këtu mund të përfshihen projektet që
nuk janë financuar vitin paraprak, zotimet e bëra në dokumentet e miratuara së voni (planet urbane,
planet ekonomike zhvillimore), sugjerimet nga komuniteti ndërkombëtar dhe ministritë, etj.
� Përpilimi i planit të komunikimit të PIK. Në procesin modern të PIK, nevojat e
komunikimit janë të mëdha. Planifikimi për komunikim efikas më së miri bëhet përmes planit të
komunikimit i cili përpilohet nga nëpunësi i PIK dhe nëpunësi për komunikim para se procesi formal
të fillojë. Ky plan i komunikimit do të sigurojë komunikim efektiv me qytetarë, anëtarët e kuvendit
komunal, media, kryetarët e komunës dhe anëtarë të tjera të stafit komunal. Shih seksionin 1.7 më
lartë.
28