Planifikimi i Investimeve Kapitale - Emi-kosovo-rti.org

SHTOJCA 2: RREGULLORJA KOMUNALE
Republika e Kosovës
Komuna e ________________
Kuvendi komunal
Themelimi i politikave të programit për investime kapitale
Neni 1. Kjo rregullore vërteton politikat e implementimit të programit për përmirësime kapitale për
periudhën prej 2010 deri në 2012. Programi për përmirësime kapitale do të përfshijë buxhetin për
përmirësime kapitale për vitin 2010 si dhe listën e përmirësimeve të planifikuara për vitet 2011 dhe
2012. Programi për përmirësime kapitale do të përditësohet çdo vit dhe të gjitha përmirësimet
komunale kapitale do të ekzekutohen sipas këtij plani.
Neni 2. Përmirësimet kapitale konsiderohen investimet në:
• ndërtim të ri, zgjerim apo rindërtim të një infrastrukture komunale me vlerë mbi 5,000 Euro
• të gjitha investimet dhe investimet për mirëmbajtje me vlerë mbi 5,000 Euro
• Blerja e pajimeve për shfrytëzim nga publiku që kanë kohëzgjatje më të gjatë se 5 vite dhe me
vlerë mbi 25,000 Euro
Neni 3. Investimet kapital do të financohen nga:
• të hyrat vetanake komunale
• Grantet nga qeveria qendrore
• Grantet nga komuniteti ndërkombëtar
• Dhuratat nga individët apo organizatat
• Participim financiar nga individ apo vendbanimet e komunës
• Të hyrat nga shitja e pasurisë komunale
Neni 4. Komiteti i programit për përmirësime kapitale do të shqyrtojë kërkesat për projekte, do të
përcaktojë prioritetin e projekteve dhe do të japë rekomandime kryetarit të komunës për planin
dhe buxhetin.
Neni 5. Kur vendoset kostoja e përmirësimeve kapitale, aty duhet të përfshihen shpenzimet vjetore
të ardhshme që janë të nevojshme për mirëmbajtjen e asetit, siç është stafi shtesë dhe shpenzimet
për mirëmbajtje. Kostoja e projektit gjithashtu duhet të përfshijë koston e tokës, demolimit,
përgatitjes së punishtes, planin kryesor, planet e ndërtimit, etj. Të cilët duhet të identifikohen si nën
pjesë së shpenzimeve të projektit.
Neni 6. Projektet që shqyrtohen për përfshirje në buxhetin dhe programin për përmirësime kapitale
do të zgjidhen mbi bazë të kritereve që janë miratuar nga kuvendi komunal.
Neni 7. Programi për përmirësim kapital do të zhvillohet sipas kalendarit që është miratuar nga
kuvendi komunal. Kalendari për vitin 2010 përfshinë hapat në vijim:
Prill __: Kuvendi komunal miraton rregulloren e PIK
Korrik __: Komiteti i PIK harton draft PIK për vitin 2010-2012
Korrik __: Komiteti i PIK mbanë dëgjimin e parë publik
Gusht__: Ekzekutivi komunal paraqet PIK në kuvendin komunal
Shtator__: Komiteti për politikë dhe financa mbanë dëgjimin e dytë publik
Tetor__: Kuvendi komunal mban mbledhjen publike për buxhetin
40