Planifikimi i Investimeve Kapitale - Emi-kosovo-rti.org

1.6.1.2 Përjashtimi i projekteve tjera. Në komunat me numë të madh të projekteve, përcaktimi
i prioriteteve mund të thjeshtëzohet me përjashtimin e projekteve të caktuara nga procesi të cilët nuk
duhet të përfshihen për arsye të caktuara. Ekziston një numër projektesh që duhet përjashtohen
menjëherë, si:
• Projekte të cilët zbusin emergjencën (këto duhet të ndërmerren jashtë procesit të PIK)
• Projektet e vogla apo margjinale (të cilët nuk i përmbushin minimum të kostos)
• Projektet nën procedurë gjyqësore (projektet të cilat do të vonohen për shkak të vonesave
gjyqësore)
• Projektet e konceptuar në mënyrë jo përkatëse që kërkojnë analiza të mëtejme
• Projektet e shtrenjta kur ekzistojnë vetëm fonde të kufizuara në dispozicion
Në seksionin 2.2 më poshtë (faqe 34), ky doracak rekomandon që nëpunësi i PIK të jetë përgjegjës për
pasqyrim të plotë të të gjitha projekteve për të eliminuar punët jo të nevojshme për komitetin e PIK.
1.6.2 Grupimi i projekteve sipas kategorive bazike funksionale. Pjesa më e madhe e
projekteve dorëzohet nga drejtoritë komunale. Me grupimin e projekteve në kategori funksionale, bëhet
largimi i projekteve nga konteksti i drejtorisë dhe lehtësohet krahasimi i projekteve me njëri tjetrin.
Grupimi i projekteve në këtë mënyrë gjithashtu lehtëson punën e zyrtarëve komunal për t’ua shpjeguar
projektet qytetarëve. Shumë komuna përdorin këtë qasje dhe krijojnë listën e tyre të kategorive, si:
• Rrugët, rrugicat dhe urat
• Mjetet për mbeturinat e ngurta
• Parqet dhe rekreacioni
• Furnizimi me ujë
• Shërbimet shëndetësore
• Objektet shkollore
• Kanalizimet për ujërat e zeza,
ujërat atmosferik dhe
drenazhimet
• Objektet e sigurisë publike
• Ndërtesat publike
• Planet rregulluese urbane
• Zhvillimi ekonomik
• Pajimet kompjuterike
• Pajimet e tjera
• Të ndryshme
1.6.2.1 Radhitja e thjeshtë e prioriteteve. Mënyrë më e thjeshtë për t’i prioritizuar projektet
kërkon që secila drejtori t’i vendosë projektet në radhitjen prioritare para se ato t’ia dorëzojë nëpunësit
të PIK. Për shembull, nëse drejtoria e urbanizmit ka gjithsej 11 projekte për shtrimin e rrugëve, ata
thjesht mund t’i radhisim ato sipas prioritetit prej 1- 11 nën kategorinë “Rrugët, Rrugicat dhe Urat”. Kjo
i jep mundësi nëpunësit të PIK që t’i listojë projektet sipas kategorive dhe gjithashtu sipas prioritetit të
drejtorisë, por gjithashtu mundësinë që t’i grupojë projektet me prioritet më të lartë në një vend. Ky
është një proces i thjeshtë të cilin madje edhe komunat më të vogla mund ta përdorin.
1.6.2.2 Prioritet sipas kategorive të nevojave elementare. Një teknikë tjetër e thjeshtë, por më
kuptimplote është që drejtoritë së pari t’i identifikojnë projektet sipas kategorive funksionale dhe
shfrytëzuese, sipas seksionit 1.6.3 më lartë, dhe pastaj të identifikojnë rëndësinë e projekteve sipas
kritereve të përcaktuar paraprakisht. Ky grupim i jep mundësi nëpunësit të PIK që të krijoje një listë të
përgjithshme të projekteve sipas kategorive dhe niveleve të ndryshme të prioritetit. Është me rëndësi që
të kihet parasysh se duhet pasur korrespondencë ndërmjet projekteve me prioritet të lartë dhe
vlerësimeve të drejtorive, të bëra në seksionin 1.5 më lartë. Çdo drejtori mund t’i grupojë projektet e
tyre në listën vijuese të projekteve prioritare:
18