2 - мгимо

zilipunguzwa. Lakini wagonjwa walizidi sana kwenda hospitali kupata
matibabu. Ingawa hivyo yalikuwapo mafanikio mema fulani. Kazi
iliyokuwa ya maana sana ilikuwa ni kutiliwa mkazo kwa ubora wa
chakula kizuri kwa mwili na magonjwa yanayotokana na kutokula
chakula cha kutosha na cha kufaa.
Baada ya vita, Idara ya Utibabu ilifanya maendeleo mazuri ingawa
mambo mengine mabaya, kwa mfano kuwa na hospitali mbali
kwa Wazungu, yalikuwa bado yapo. Kazi za dawa hazikutosheleza
mahitaji ya watu kwa vile ambavyo watu wengi walikwenda hospitali
kutibiwa na kuacha miti shamba. Fedha iliyoongezwa haikutosha kununua
vifaa vya hospitali na pia haikutosha kupanua shule za kufundishia
waganga. Licha ya fedha, hawakuwapo (3) watu wa kutosha
wenye elimu iliyotakiwa ili wachukue mafunzo mbali mbali ya uganga.
Kazi za utibabu hazikuweza kuendelea pasipo Waafrika wenyewe kupewa
ujuzi na madaraka katika kila daraja la wauguzi. Manesi na
madaktari Waafrika wengi walitakiwa.
Katika mwaka 1951 halmashauri ya mafunzo ya waganga ilianzishwa.
Mafunzo ya miaka mitatu ya wasaidizi wa madaktari yaliendelea
Dar es Salaam wakiwa wanachukuliwa wanafunzi waliohitimu
darasa la kumi (4). Mafunzo ya miaka miwili kwa wasaidizi wa madaktari
katika hospitali za shamba, yaliendelea Mwanza. Kwa shule ya
Mwanza walichukuliwa wanafunzi waliohitimu darasa la nane.
Lakini kwa upande wa kuzuia magonjwa maendeleo hayakuwa
makubwa. Mahitaji ya kuwapo (3) kwa vituo vya kutolea dawa na
kuzuia magonjwa katika sehemu za shamba na pia kwa ajili ya kutolea
elimu ya mambo ya usafi na afya nzuri yalikuwa makubwa sana. Vituo
hivyo vingalikuwa vinatoa dawa (5) na kuwa na vyumba vidogo vya
kulaza wagonjwa, vyumba vya kuzalishia na sehemu za kuangalia afya
ya watoto wachanga, na pia vyumba vya kutolea mafunzo ya elimu ya
usafi na afya. Ilitazamiwa kuwa hatimaye vituo hivyo vingelikuwa
badala ya hospitali ndogo.
Katika mwaka 1960 hospitali kubwa ilifunguliwa mjini Dar es
Salaam, yaani hospitali iitwayo Muhimbili sasa. Palikuwa pia na hospitali
arobaini na nane nyingine za serikali, hospitali kwa matibabu
maalumu sita na hospitali ndogo ishirini.
204