2 - мгимо

Wakazi wengi zaidi wa Mwanza ni Wasukuma, ingawa bado
kuna mchanganyiko mkubwa wa makabila mkoani humo, mathalani,
Wajita, Wakerewe, Wasumbwa na mengineyo.
ТЕКСТ №3
MJI WA ARUSHA
Mji wa Arusha umekuwa na maendeleo ya kusisimua katika
muda wa miaka michache iliyopita. Mji huu unazidi kuwa maarufu,
siyo katika Tanzania tu, bali katika Afrika ya Mashariki na Afrika
kwa jumla.
Kwa wanasiasa jina la Arusha lawakumbusha mahali
ilipotangazwa siasa ya Ujamaa na Kujitegemea ambayo siasa hiyo
ilikubaliwa na kupitishwa katika kikao cha Mkutano wa TANU
uliofanyika mwaka 1967. Katika Azimio la kuitangaza siasa hiyo
Watanzania wameamua kukomesha kila aina ya unyonyaji, ukabaila
na ubepari, na kusisitiza usawa wa binadamu. Azimio hilo limepewa
jina la Azimio la Arusha.
Licha ya Azimio hilo, mji huu ni maarufu kwa mambo
mengine ya kihistoria pia. Hapa ndipo palikuwa na makao makuu ya
Jumuiya ya nchi za Afrika ya Mashariki ambayo iliundwa zamani
kwa kuyashughulikia mambo mengi ya uchumi katika nchi za Tanzania,
Kenya na Uganda.
Kwa siku hizi katika mji wa Arusha unaweza kuona watalii
wengi mbalimbali wanaokwenda au kurudi kutoka kwenye mbuga
za wanyama huko Serengeti, Ngorongoro na Ziwa Manyara. Arusha
ndio mji mkubwa katika sehemu ya mbuga za wanyama za
kaskazini. Watu wengi huweza kupata mahitaji yao hapa mjini.
Kuna mahoteli makubwa na ya kisasa. Hoteli hizi pamoja na
mashirika ya utalii yaliyomo mjini (1) hushughulika kuwapa watalii
habari za mbuga zetu za wanyama. Mipango mingi ya kutalii katika
mbuga hizi za wanyama hufanyika hapa mjini Arusha. Utaweza
kuona magari mengi ya kutalii yakichukua wageni hawa.
Watalii wanaokuja nchini kwetu hununua vitu vingi kutoka
madukani, hivyo huongeza biashara ya taifa. Pia watalii hulipa
ushuru wa kuingia katika mbuga hizi za wanyama pamoja na ku-
25