Schlesischer Gottesfreund - Herzlich Willkommen!
Schlesischer Gottesfreund - Herzlich Willkommen!
Schlesischer Gottesfreund - Herzlich Willkommen!
Erfolgreiche ePaper selbst erstellen
Machen Sie aus Ihren PDF Publikationen ein blätterbares Flipbook mit unserer einzigartigen Google optimierten e-Paper Software.
Grusses Schlachtfest woar gewast.<br />
Endlich is der Obend do, olle Kotza wur a groo<br />
und der Kolle kruch eis Nast.<br />
Vullgesackt sei Baeuchla waor, denn a hatte gutt gestuppt<br />
Wellfleisch, Wellwurscht, Plimpelwurscht,<br />
viel getrunka und gesuppt.<br />
Wies halt ies ei sichta Taga, obends leit em olls eim Maaga.<br />
Kolles Maaga dar woar vul und dem Kolle woar ne wuhl.<br />
De Nacht woar schworz wie Pech und Room,<br />
a Kaeuzla uffm Dache rief und wie der Kolle endlich schlief,<br />
do hot ar goar nen biesa Troom:<br />
Ging der Wind eim Ufariehre, kloopt woas on de Stubatiere?<br />
Koama lauter - ees, zwee, drei - lauter fette Schweinla rei,<br />
's woar a ganzes Uufgebote, hoatte lange Masser miete,<br />
lauter Schweinla, lauter fette, koama uff zwee Benn geloofa,<br />
koama olle bis oans Bette, wu dar Kolle und toat schloofa.<br />
Zeigta blanke Masserklinga, finga olle on zu singa:<br />
Kolle, Kolle, Kolle, Kolle, Kolle jitzt werscht du geschlacht'<br />
und aus dir werd Wurscht gemacht.<br />
Jitzt fing doas erschte on zu sprecha:<br />
Nuck, nuck, mer warn a bale stecha.<br />
Und wie doas erschte und hoatta geredt,<br />
do meente doas zweete, ar is hibsch fett,<br />
do daecht icht wull, is waer doas beste,<br />
mer machta Wurscht und zwoar gepresste.<br />
Do sproach doas dritte: sis gutt, surgt ok ver Blutt, surgt ok Ver<br />
Blutt.<br />
Doas erschte sproach: Woas mach denn aber<br />
mit dann Nierlan und mit der Laber?<br />
Do sproch doas zweete: Doas macht keene Miehe,<br />
doas kimmt olles ei de Briehe.<br />
Dann sproch das dritte: Macht kee Gelaerme, macht kee<br />
Gelaerme,<br />
surgt ok ver Daerme, surgt ok ver Daerme.<br />
Do finga se olle zu grunze oan, Faerme werd a wull salber hoan.<br />
Do sproch doas erschte: mer wern ins setza,<br />
Masser wetza, Masser wetza.<br />
Und wie se und hoatta de Masser geschliffa,<br />
do meent doas zweete: Jetzt zugegriffa,<br />
hier hilft erscht kee Aber und kee Wenn, mer nahma a baale bei<br />
a Benn,<br />
ees nimmt a beim linka, ees nimmt a beim rechta,<br />
wir beede haln a, ihr beede stecht a.<br />
Do wurd dam Kolle Angst und bange,<br />
a loag und woand sich wie ne Schlange.<br />
Ar griff noch dar Lompe, a griff nochm Tochte, a flug ausm<br />
Pochte.<br />
Und wie a nabern Bette loag, so wurd a munter und derschroack.<br />
Nee, ducht a, nee, kunnts taelscher sein,<br />
ma kun e jitzt schun Blutwurscht sein.<br />
A griff oan de Uhrn, a griff oan de Beene. -<br />
Nee, Gott sei Dank, ar woar noch keene.