Editorial

Rezensionen
japaansche Künstlers verhannelt. As
em de Snackeree to langtöögsch
wörr, sä he vergrellt: “Nu klei mi mol
fix an’n Mors!” De Japaners harrn
antert: “Un du mi ok’n poor Mol!” Se
weern al faken up Beseuk in Hamborg
un harrn woll plattdüütsche
Snäck upsnappt.
Politisch weern de Wolfs, schoonst se
de proletarischen Habenleuwen Tetje
un Fietje spälen dään, konservativ
bet düütsch-natjonaal. De wilhelmiensche
Tied harr jüm den Stempel
updrückt. Guderian meent, dat weer
typisch för assimileerte Juden, sik
meist düütscher to gäven as de
Düütschen sülven. Sünnerlich Ludwig
Wolf weer to allereerst Hamborger.
Dat he ok jöödsch weer, leet he nich
na buten. Woans dat deep in em binnen
utsehg, wäät wi natürlich nich. In’t
Book is en Gedicht vun Ludwig Wolf
afdruckt, wat he noch in’n Krieg na
de Gomorrha-Angrääp up Hamborg
schräven hett. De Allieerten neum he
“Feinde” un “böse Feinde” – un dat,
wo he al wüsst harr, dat de Nazis en
Deel vun sien Familie in de Lagers
bröcht harrn.
Wi finnt in’t Book all de Titel vun
jümehr Leder, de Plätz, wo de Wolfs
up de Bühn stünnen, de Grammofonschieven,
de dat vun jüm geev. Ehr
Tourneen güngen ok över de düütsche
Grenz, na Bergen, Kristiania (nu
Oslo), Stavanger, Stockholm, Basel,
Amsterdam un Budapest. Dat allergröttste
weer woll de Revue “Rund
um die Alster” vun 1911, de 365maal
upfeuhrt wörr. Vun dor an wörr Hamborg,
wat Revuen un Operetten angeiht,
in een Rehg mit Berlin, London
un Paris neumt.
44
Na de Nazitied weern de Wolfs meist
vergäten. Twors is Ludwig Wolf noch
af un an upträden, man de Tied vör
1933 leet sik nich wedder trüggdreihen.
De leste Deel vun Guderian sien
Book maakt uns künnig, woans de
Wolfs in de jüngste Tied wedder ut
de Düüsternis trocken worrn sünd.
Dat geev en Utstellung in’t Hamborger
Raadhuus. Donat Wolf, Söhn vun
Leopold Wolf, lääv in de USA. Den
sien Söhn Frank un Enkel Dan Wolf
weern na Hamborg kamen, meuken
en Stadtrundgang mit un beläven den
Film “The Return of the Tüdelband”
vun Jens Huckeriede. Gediegen is,
dat väle Kinner, Enkel un Urenkel
von’t Wolf-Trio Künstlers worrn sünd.
Ok Dan Wolf, Urenkel vun Leopold
Wolf un Hiphop-Rapper ut San Francisco,
steiht in düsse Traditjoon. Guderian
gifft Upsätz ut de Presse över
der Wolf-Breuder wedder, ok ut uns
“Quickborn”, as wi up Plattdüütsch
den Huckeriede-Film vörstellen
dään. Klor, dor freit wi uns to un sünd
ok dankbor för.
De spannen Fraag is: Hebbt all de
Hamborgers, de so gräsig de Wolfs
anhimmeln dään, ok wüsst, dat de
Künstlers Juden weern? Hebbt de
Wolfs ehr Jöödsch-wään heel un deel
verstäken, oder sünd se ok maal as
Juden upträden? In’t Book finn ik dor
keen Antword to, un dat is woll ok
swor ruttokriegen. Een vun de Upsätz
in’t Book smitt de Wolfs vör, dat se ok
antisemitische Couplets bröcht
harrn, üm sik vun ehr egen Wötteln
aftosetten. Dat is bannig starken Tobak,
un in düssen Fall weer dat good
wään, wenn Guderian en poor vun
düsse Couplets afdruckt harr, dat sik
Quickborn408-1.Korr. 44
22.12.2008, 11:35 Uhr