Editorial

Neet Plattdüütsch-Büro
De Vereen “De Plattdüütschen” un de
Landschopsverband Staad hebbt in
Ahlerst (Ahlerstedt, Kreis Staad) en
Plattdüütsch-Büro inricht. Fief Stunnen
in de Wääk ward Isa Steffens dor arbeiden.
Ehr is dat wichtig, Kontakt to
Scholen un Kinnergorns zu knütten.
Isa Steffens is Mudder vun twee Kinner
un gifft al as pädagogische Mitarbeidersch
plattdüütschen Ünnerricht
in de Grundschool vun Ahlerst und
in‘t Gymnasium Hassfild (Harsefeld).
Stader Tageblatt / hjm
Hunnert Texten
De Linguisten Jürgen Meier un Dieter
Möhn hebbt en Book mit hunnert nedderdüütsche
Texten vun’t 9. bet ton 17.
Johrhunnert rutgäven. De Texten
wiest, wodennig de Minschen in’n
Middelöller läven un dinken dään. To
de inkelten Strämels ward düt un dat
verklort, man översett sünd se nich.
De Läser mutt sik also sülven dörbieten.
Dat Book heet “Spuren der Vergangenheit
für die Gegenwart”, is bi
Schuster in Leer rutkamen, hett 412
Sieden un köst 24,90 Euro (ISBN: 978-
3-7963-0380-7. INS / hjm
Freesch as egen Schoolfack
Kiel hett bestimmt, dat Freesch in
Nordfreesland un up Helgoland en
egen Schoolfack wään schall. Nu is dat
keen “Nischenfack” mehr, sünnern is
ton fasten Deel vun’n Spraakünnerricht
worrn. Ok in de heuger Klassen
kann blangen anner Frömdspraken
ok Freesch wählt warrn.
Sylter Rundschau / hjm
Rundschau
Platt-Forum Nordfreesland
Caroline Schwarz, in Sleswig-Holsteen
tostännig för Minnerheiten, un
dat Plattdüütsch-Forum in Nordfreesland
dreupen sik in’n August in’t Andersen-Huus
in Risum-Lindholm. De
Verene doot en ganzen Barg för Plattdüütsch,
man dat ward vun de Politik
to wenig stütt, meen de Spräker vun’t
Forum Hans Otto Meier. Jüst so as in’n
Freesch-Ünnerricht mutt Plattdüütsch
en egen Schoolfack warrn. Caroline
Schwarz sä, in de Hauptsaak mööt de
Familien sik afsorgen, dat de Kinner
mehr Platt snackt. Klor, dat köst de
Staatskass je ok nix.
Sylter Rundschau / hjm
Neje Plattdüütsch-Stiften
De Kreissporkass Horborg-Buxtuu
(Neddersassen) hett 5000 Euro in en
neje “Plattdüütsch-Stiften Neddersassen”
rinbottert. Vörsitter is Hans-Peter
Fitschen, de freuher maal Baas vun
de Sporkass weer. “Wi wüllt, dat Plattdüütsch
as Pieler vun uns norddüütsche
Identität erholen blifft”, verklor
he. Mit dat Geld schüllt in de
Hauptsaak junge Lü stütt warrn, un en
grötter Bedrag schall in’t Wiederbillen
vun Schoolmeisters strullen.
Harburger Anzeigen u.N. / hjm
Lange Vertellen
Al lang gifft dat vun’n Sleswig-Holsteenschen
Heimaatbund (SHHB) en
Warkstä för Lü, de Vermaak hebbt,
plattdüütsch to schrieven. De Projekten,
wo ok Schrievers mitmaken
künnt, sünd up dree Johr anleggt. Bit
nu wörrn jümmer kotte Vertellen euvt.
Man in’t tokamen Projekt geiht dat um
wat länger Geschichten, lütte Ro-
Quickborn408-1.Korr. 75
22.12.2008, 11:35 Uhr
75