dorfziitig November 2005

Frauenverein Winkel-Rüti-Seeb
Liebi Chinde,
im Summer wohn ich mit mim Schmutzli und em Eseli im tüüfe Tannewald.
I dere Zit tüend mir die verschiedenschte Sache für d'Chlausezit vorbereite.
So müend d'Seckli, won ich Öi verteile, gnäht werde. Au d'Äscht für d'Fitze tuen ich schniede.
Jedes Jahr überleg ich mir nöii Gschichtä, won ich Öi chan verzelle.
Jetzt wo d'Chläuseziit chunnt, ziehn ich mit mine Fründe, em Schmutzli und em Eseli, an
Waldrand i öises Hüüsli. Vo deet us bsueched mir Öi und de Heiwäg in Tannewald isch nüme
so wiit.
Ich würd mich fröie, wann nöd nur ich Öi, sondern au Ihr mich go bsueche chömed.
Am Samschtig, em 3. Dezember 2005, dörfed alli wo Luscht händ, zwüschet
14.00 und 16.30 go luege, wo das ich ässe und schlafe tuen.
Jetzt fröged Ihr Öi sicher, wo miis Hüüsli isch. Vom Dorfzentrum Breiti us chasch Du mit em
Büssli zu Öis fahre.
Wänn Du mit Diine Eltere zu mir laufe willsch, so seit mer Dir deete, wo s'Hüusli isch.
Ich fröie mich uf Diin Bsuech.
Bis bald, Öie Samichlaus
39